ထူးဆန်းသောကောင်မလေး (၂၀၁၅)

IMDb - 6.7/10
Genre - Romance, Drama

ကျွန်တော့်နာမည်က တကာရှီ၊ အထက်တန်း တတိယနှစ်ကျောင်းသား၊ သူငယ်ချင်း ၃ ယောက်နဲ့အေးဆေးပဲနေတယ်။ တစ်ရက်ကျ ညခွေသွားဝယ်တုန်း ကောင်မလေးတစ်ယောက်ကိုဝင်တိုက်မိတယ်။ သူ့ပုံစံကထူးဆန်းတယ်၊ စကားလည်းပြန်မပြောဘူး။ အဲဒါနဲ့ နောက်ရက် ကျောင်းမှာတွေ့တယ်၊ လိုက်တောင်းပန်တယ်။ အဲဒါကိုသူက အူကြောင်ကြောင်နဲ့ ကျွန်တော့်ကို သူခေါ်ချင်ရာခေါ်သွားတယ်။ နာမည်မေးတယ် မေးလို့လည်းမရဘူး။ အတန်းကတော့ D ခန်းကတဲ့၊ ကျွန်တော့် ဘော်ဒါတွေအများကြီးရှိတဲ့အတန်းကပဲ၊ တစ်ခါမှလည်းမမြင်ဖူးဘူး။ နောက်ရက်လည်း ကျွန်တော့်ရှေ့ သူပေါ်ချင်သလိုပေါ်လာတယ်၊ လျှောက်သွားတယ်၊ စကားတွေပြောတယ်၊ နာမည်မေးတယ် မရသေးဘူး၊ ဖုန်းမေးတယ်၊ အီးမေးလ်မေးတယ်၊ ဘာမှမရှိ၊ မကိုင်ဘူးတဲ့။ တစ်ရက် D ခန်းက ဘော်ဒါတွေနဲ့ မုန့်စုစားတုန်း သူရုတ်တရက်ရောက်လာတယ်။ ဒါနဲ့ မိတ်ဆက်ပေးတော့ ကျ D ခန်းချင်းတူတူသူကို ဘယ်သူမှမသိကြဘူး၊ အခန်းမှာ မရှိပါဘူးတဲ့။ ဒီမှာသူရုတ်တရက် ပြေးထွက်သွားတော့ နောက်ကလိုက်မေးမိတယ်။ အဲဒီမှာ မယုံနိုင်စရာ သူပြန်ပြောလိုက်တာကတော့။

t.me/hanamoviesforyou/3173

ရင်ခုန်သံအနီးဆုံး (၂၀၂၄)

IMDb - 7.3/10
Genre - Romance, Drama

ဂျပန်နိုင်ငံ ကာရတ်ဆုမြို့ကို အခြေခံရိုက်ကူးတင်ဆက်ပြထားတဲ့ ဖိလစ်ပိုင်ဇာတ်ကားကောင်းလေးကို တင်ဆက်ပေးလိုက်ရပါတယ်။ ဝူဒီ ဆိုတဲ့ လူငယ်လေးက ကမ္ဘာပတ်ပြီး ခရီးတွေ ထွက်နေခဲ့တာ ၇ နှစ်ကြာပြီးတဲ့နောက် ဂျပန်နိုင်ငံ ကာရတ်ဆုမြို့ကို ရောက်ရှိလို့လာခဲ့ပါတယ်။ အဲဒီမြို့မှာမှ လင်းလင်း ဆိုတဲ့ ပြည်ကြီးငါးရောင်းတဲ့ ကောင်မလေးနဲ့ တွေ့ဆုံခဲ့ရပါတယ်။ လင်းလင်း နဲ့အတူ မောင်နှစ်ယောက်ဖြစ်တဲ့ ဘွတ်ဘွတ် နဲ့ တန်တန် ဟာလည်း လင်းလင်း နဲ့အတူ ပြည်ကြီးငါးရောင်းရင်း လုပ်ကိုင်စားသောက်နေကြပါတယ်။ လင်းလင်း တို့ ၃ ယောက်ရော ဝူဒီ ရောက ဖိလစ်ပိုင်လူမျိုးတွေ ဖြစ်ကြတော့ သူများနိုင်ငံမှာ ကိုယ့်နိုင်ငံလူမျိုးအချင်းချင်းတွေ့ကြရတဲ့အတွက် ပိုပြီးရိုင်းပင်းကူညီပေးကြတာပေါ့။ လင်းလင်း ဆိုတဲ့ ကောင်မလေးမှာ ထူးခြားတဲ့ စွမ်းရည်တစ်ခုရှိနေပါတယ်။ အဲဒါကတော့ သူဟာ လူတစ်ယောက်ကို ထိလိုက်တာနဲ့ အဲဒီလူက ကိုယ့်အတွက် လူကောင်းလား လူဆိုးလား ဆိုတာကို သိရှိနိုင်တဲ့ စွမ်းအင်ပဲဖြစ်ပါတယ်။ သို့ပေမဲ့ ဝူဒီ ကို ထိကြည့်တဲ့အခါမှာတော့ ကောင်းတာလည်း မဟုတ် ဆိုးတာလည်း မဟုတ်ဘဲ အလယ်အလတ်မှာရှိနေတာကို သိလိုက်ရတဲ့အခါမှာတော့ ဒီအခြေအနေကို မကြုံတွေ့ဖူးတဲ့ လင်းလင်း တစ်ယောက် ဝူဒီ ကို စိတ်ဝင်စားမိသွားပါတော့တယ်။ ဒီလိုနဲ့ လင်းလင်း တစ်ယောက် ဝူဒီ ကို ကာရတ်ဆုမြို့ပတ်လည် လိုက်ပြပေးရင်းနဲ့ သူတို့နှစ်ယောက် ဘာတွေဘယ်လိုဆက်ဖြစ်မလဲဆိုတာကို ကြည့်ရှုရမဲ့ ဇာတ်ကားကောင်းလေးဖြစ်ပါတယ်။

t.me/hanamoviesforyou/3175

ထာဝရ ကိုယ့်မိန်းကလေး (၂၀၁၈)

IMDb - 6.6/10
Genre - Romance

ကန်းထရီးအဆိုတော်တစ်ယောက်ဖြစ်တဲ့ လီယမ် ဟာ အောင်မြင်မှုနောက်ကိုလိုက်ရင်း ချစ်သူကောင်မလေးကို လက်တွဲဖြုတ်ခဲ့ပါတယ်။ နောင်ရှစ်နှစ်အကြာမှာ မွေးရပ်မြေက သူငယ်ချင်းဟောင်းတစ်ယောက်ရဲ့ အသုဘကိုလာရင်းနဲ့ သူတို့အချင်းချင်းတွေ့ဆုံဖို့ ဖြစ်လာပါတော့တယ်။ အောင်မြင်မှုနောက်ကိုလိုက်ရင်းနဲ့ ချစ်ရသောချစ်သူကို ပစ်ထားခဲ့ရပေမယ့် လီယမ် မှာ သူ့ချစ်သူကောင်မလေးရဲ့ နောက်ဆုံးပို့ထားတဲ့ Voice Message လေးရှိတဲ့ ဖုန်းအစုတ်လေးကိုပဲ ရှစ်နှစ်ကြာကြာ ပေတေကိုင်ရင်း မနက်နိုးတိုင်း အိပ်ခါနီးတိုင်း နေ့တိုင်းကို အဲဒီ Message လေးနားထောင်ပြီး သူ့ရဲ့နေ့ရက်တိုင်းလိုလိုကို ဖြတ်သန်းခဲ့တာပါ။ ဒီလိုမျိုးချစ်သူကို ချစ်တတ်တဲ့စိတ်ကတော့ တကယ်ကိုလေးစားစရာပါပဲ။ တကယ်တော့ အချစ်ဆိုတာ အနားမှာရှိနေပြီး ဂရုစိုက်နေမှ အချစ်လို့မခေါ်ပါဘူး။ အချစ်ဆိုတာ သူ့အနားမှာရှိသည်ဖြစ်စေ မရှိသည်ဖြစ်စေ သူနဲ့ပတ်သတ်သမျှအရာတွေအကုန်လုံးကို တန်ဖိုးထားတတ်တဲ့ စိတ်လေးတစ်ခုပါ။ ဒီကားလေးဟာ အေးစက်တဲ့ကားလေးတစ်ကားလို့ထင်ရပေမယ့် ဒီခေတ်အသုံးအနှုံးနဲ့ ပြောရမယ်ဆိုရင် တကယ်ကို ရိုတဲ့ကားလေးတစ်ကားပါ။

t.me/hanamoviesforyou/3177

တရားရုံးအတွင်းမှ ဉာဏ်စမ်းပြိုင်ပွဲ (၂၀၀၇)

IMDb - 7.1/10
Genre - Thriller, Crime

ထက်မြက်ထူးချွန်လွန်းတဲ့ လူတစ်ယောက်ဟာ ရာဇဝတ်သားဖြစ်သွားခဲ့ရင် ဘယ်လောက်အန္တရာယ်များသွားနိုင်မလဲ။ လေယာဉ်ကုမ္ပဏီတစ်ခုပိုင်ဆိုင်ထားတဲ့ တက်ဒ် ခရောဖော့ ဆိုတဲ့ လူကြီးမှာ မိန်းမငယ်ငယ်ချောချောလေးတစ်ယောက်ရှိတယ်။ သူ့မိန်းမဟာ စုံထောက်တစ်ယောက်နဲ့ ဖောက်ပြန်နေတာကိုလည်း သူသိတယ်။ ဒီလိုနဲ့ တစ်ညမှာတော့ သူ့မိန်းမကို သေနတ်နဲ့ပစ်သတ်လိုက်တယ်။ ဒါပေမဲ့ ပေါ်တင်ပဲ “ငါ့မိန်းမကို ငါပစ်သတ်လိုက်ပြီ သက်သေပြနိုင်ရင် ပြကြ” တဲ့။ တစ်ဖက်မှာလည်း ငယ်ငယ်ရွယ်ရွယ်နဲ့ နာမည်ကြီးရှေ့နေအဖွဲ့ဆီ ရောက်နေတဲ့ ဝီလီယမ် ဆိုတဲ့ ရှေ့နေတစ်ယောက်ရှိတယ်။ ဒီရှေ့နေလေးကပဲ ဉာဏ်ကြီးရှင် ရာဇဝတ်သားကြီးနဲ့ တရားခွင်မှာ သွားရင်ဆိုင်မိတဲ့အခါမှာတော့။

t.me/cartoonbynikko/720

အုံဖွ ပြန်ချစ်စေ (၂၀၂၁)

IMDb - 6.6/10
Genre - Action, Comedy, Drama

ထိုင်း–ဂျပန် ကပြားတစ်ဦးဖြစ်တဲ့ လျို က ပျောက်ဆုံးနေတဲ့ မိခင်ဖြစ်သူကို ရှာဖွေဖို့ အယုဒ္ဓယကို ရောက်လာခဲ့တယ်။ တစ်ပြိုင်တည်းမှာပဲ လျို က အော်ဆွယ့် ဆိုတဲ့ မိန်းမပျိုလေးကို ချစ်မိသွားခဲ့တယ်။ ဒါပေမဲ့ ချစ်ရတဲ့ အော်ဆွယ့် က ဖော့ခွမ် အဓမ္မသိမ်းပိုက်ဖို့ ဝယ်ယူထားတဲ့ သူဖြစ်နေပြီး ဖော့ခွမ် က ရာထူးကြီးရှိနေရုံသာမက မှော်ပညာပါ တက်နေခဲ့တယ်။ လျို က မှော်ပညာကို အနည်းငယ်သင်ယူထားပြီး အော်ဆွယ့် ကို အစေခံအဖြစ်က လွတ်မြောက်စေဖို့ အဖွဲ့ဖွဲ့ကာ ကြိုးပမ်းခဲ့ပေမဲ့ ဖော့ခွမ် ရဲ့ မှော်ပညာက အားသာနေခဲ့တယ်။ လျို အနေနဲ့ ထပ်ကြိုးစားပြီး ချစ်ရတဲ့ မိန်းကလေး အော်ဆွယ့် ကို ဖော့ခွမ် လက်က ကယ်တင်နိုင်မလား။ ရှာဖွေချင်နေတဲ့ မိခင်ဖြစ်သူကိုရော တွေ့သွားမလား။

t.me/hanamovie20/4404

[၁၈+] လူမိုက်နှလုံးသား (၂၀၀၁)

IMDb - 6.6/10
Genre - Romance, Drama

တစ်ခါတလေကျ ကျွန်တော် ကင်ကီဒွပ် ကားတွေ ကြည့်မိရင် ရံဖန်ရံခါဆိုသလိုတော့ ဒီဘဲက လိင်မှုကိုအသားပေးလွန်းတယ်ထင်မိပေမဲ့ ရံဖန်ရံခါဆိုသလိုပဲ ဒီဘဲ ဒီလိုပြတာကိုက လက်တွေ့ကျနေတယ်လို့ ထင်မိတယ်။ မကင်းနိုင်ကြဘူးကိုး။ ကင် ဟာ ဒီရုပ်ရှင်မှာလည်း လူ့အသိုင်းအဝိုင်းအပြင်ဘက်က ဇာတ်ကောင်တစ်ကောင်ကိုပဲ အဓိကထားပုံဖော်သွားခဲ့တယ်။ ဇာတ်လမ်းက ဆန်းတယ်ပြောရမလား၊ မဆန်းဘူးပြောရမလားပဲ။ ဖာခန်းစောင့်တဲ့ လူဆိုးတစ်ကောင်က မောလ်တစ်ခုရှေ့ ကောလိပ်ကျောင်းသူလေးကို အတင်းနမ်းပစ်တယ်။ ဒီတော့ ကောင်မလေးက ပါးရိုက်ပြီး သူ့မျက်နှာကို တံတွေးနဲ့ထွေးလိုက်တယ်။ ဒီတော့ ဟိုဘဲက မကျေမနပ်ဖြစ်ပြီး ကောင်မလေးကို ပခြုပ်သည်မဘဝရောက်အောင် လုပ်ချလိုက်တယ်။ ပြီးတော့ ပခြုပ်သည်မ ဖြစ်လာတဲ့ကောင်မလေးနဲ့ လူဆိုးကောင်ကြားက အမုန်းသီထားတဲ့ချစ်ခြင်းပါးပါးကို ပုံဖော်ရင်း ပခြုပ်သည်မတွေဘဝကို ပြတယ်။ နောက်အကန့်အသတ်နည်းနည်းလွန်တဲ့ ဇာတ်ဝင်ခန်းတစ်ချို့ပြတယ်။ အိပ်ခန်းတွေ မနည်းမနောနဲ့ သွေးထွက်သံယိုအခန်းတွေကို မနည်းမနော ပြသွားပေမဲ့ အချစ်လို့တောင် ပြောရခက်မယ့် အချစ်တစ်ခုကိုလည်း ခပ်ပါးပါး ပြသွားတယ်။ ကြည့်ဖူးသလောက် ကင်ကီဒွပ်ကားတွေလိုပဲ မပြောင်းလဲတဲ့အချက်ကတော့က ကင် သီကျူးတဲ့အချစ်ဟာ ထုံးစံအတိုင်း သန့်စင်တဲ့အချစ်ဟုတ်မနေခဲ့ဘူး။ လိင်စိတ်ကနေ ကူးလာတဲ့ အချစ်ကိုပဲ သီကျူးသွားတယ်။

t.me/dramamv/958

မအေတစ်ခု သမီးတစ်ခု (၂၀၂၅)

IMDB - 7.1/10
Genre - Drama

၁၉၄၈ ခုနှစ်၊ ဂျယ်ဂျူကျွန်းမှာ နှိမ်နင်းရေးတပ်ဖွဲ့ရဲ့ ရန်ကြောင့် အာဂျင်း က သမီးဖြစ်သူ ဟယ်စိမ်း နဲ့ လူချင်းကွဲကွာသွားခဲ့ရပါတယ်။ ရွာမှာ ကျန်ခဲ့တဲ့ သမီးလေးကို စိုးရိမ်ရင်းနဲ့ တောင်ပေါ်တက်လာတဲ့ အာဂျင်း တစ်ယောက် စစ်တပ်ကနေ တစ်ရွာလုံးကို မီးရှို့ဖျက်ဆီးလိုက်ပြီဆိုတဲ့ အကြောင်း ကြားသိလိုက်ရတဲ့အခါ သမီးလေးကို ရှာဖို့ တောင်အောက်ကို ပြန်ဆင်းလာပါတော့တယ်။ သမီးကို ကယ်တင်ဖို့ ငရဲတွင်းထဲ ပြန်ဆင်းလာတဲ့ အာဂျင်း နဲ့ အမေ့ကို ရှာဖို့ တောင်ပေါ်တက်လာတဲ့ သမီးလေး ဟယ်စိမ်း။ သူတို့သားအမိနှစ်ဦးရဲ့ ရှင်သန်ရေးတိုက်ပွဲက ဘယ်လိုဆက်ဖြစ်မှာလဲ၊ သမိုင်းရဲ့ နာကျင်ဖွယ် ဒဏ်ရာတွေကြားက ကြီးမားတဲ့ မိခင်မေတ္တာကို ပုံဖော်ရိုက်ကူးပြထားတာမို့လို့ လက်မလွတ်တမ်း ကြည့်ရှုသင့်တဲ့ ဇာတ်ကားကောင်းလေး ဖြစ်ပါတယ်။

t.me/cartoonbynikko/3505

လူသေ အုတ်ဂူတခုကို တူးဖော်ရင်း သွေးပျက်ဖွယ်ရာ အဖြစ်အပျက်တွေနဲ့ကြုံတွေ့ရမယ့် လူ ၄ ယောက်ရဲ့ ဇာတ်လမ်း (၂၀၂၄)

IMDb - 6.9/10
Genre - Horror, Mystery

လော့စ်အိန်ဂျယ်လိစ်မြို့က လူချမ်းသာမိသားစုတစ်စုဟာ သဘာဝလွန်ဖြစ်ရပ်တွေကြောင့် မွေးကင်းစရင်သွေးငယ်ကို ကာကွယ်ဖို့ အကြားအမြင်ဆရာနှစ်ယောက်ဖြစ်တဲ့ ဟွာရင်း နဲ့ ဘုန်ဂီ ကို ပင့်ဖိတ်လာကြပါတယ်။ ဟွာရင်း ကတော့ ဒီမိသားစုအပေါ်မှာ ဘိုးဘွားတွေရဲ့ ဝိညာဉ်အရိပ်မည်းကြီး ဖိစီးနေတယ်ဆိုတာကို ချက်ချင်းခံစားမိသွားခဲ့ပြီး ဒီအန္တရာယ်ကို ဖြေရှင်းဖို့ သူတို့ဘိုးဘွားတွေရဲ့ အုတ်ဂူကို ရှာဖွေတူးဖော်ရတော့မှာဖြစ်ပါတယ်။ အဲဒီအတွက် အောက်လမ်းဆရာ ဆုန်ဒုတ် နဲ့ သုဘရာဇာ ယောင်ဂျွန်း တို့ကိုပါ အကူအညီတောင်းခဲ့ကြပြီး ကိုရီးယားက ဝေးလံခေါင်သီတဲ့ ရွာလေးတစ်ရွာအနီးမှာ ရှာနေတဲ့ အုတ်ဂူကို တွေ့ရှိသွားကြပါတယ်။ ဒါပေမယ့် အုတ်ဂူကို တူးဖော်လိုက်တဲ့အချိန်ကစပြီး သွေးပျက်ထိတ်လန့်စရာ ဖြစ်ရပ်တွေ ဆက်တိုက်ဖြစ်ပေါ်လာကာ လူတိုင်းမထင်ထားတဲ့ လျှို့ဝှက်ချက်ကြီးတစ်ခုကို ရင်ဆိုင်ရပါတော့တယ်။

t.me/cartoonbynikko/3510

ဇွဲမလျော့ကြသူလေးများ (၂၀၀၄)

IMDb - 7.6/10
Genre - Comedy, Drama

ဒီတစ်ခါ တင်ဆက်ပေးချင်တဲ့ရုပ်ရှင်လေးကတော့ ၂ဝဝ၄ ခုနှစ်က ထွက်ရှိခဲ့တဲ့ ဂျပန်ကားလေးဖြစ်ပါတယ်။ စိတ်မရွှင်လန်း အားလျော့နေချိန်မှာ ဘဝအမောပြေပျောက်ပြီး စိတ်ခွန်အားရချင်သူများ လက်မလွတ်တမ်း ကြည့်ရှုသင့်တဲ့ ရုပ်ရှင်ကားအဖြစ် ဆုပေါင်းများစွာ ဆွတ်ခူးရရှိထားတဲ့ ဒီလူငယ်ဇာတ်ကားလေးကို ညွှန်းပေးချင်ပါတယ်။

တိုမိုကိုတို့ သူငယ်ချင်းတစ်စုဟာ ပူပြင်းလှတဲ့ ဂျပန်နွေရာသီမှာ အချိန်ပိုသင်တန်းတက်နေရလို့ ငြီးငွေ့နေကြတဲ့ ကျောင်းသူလေးတွေပါ။ တစ်နေ့မှာတော့ အားကစားပွဲအတွက် တီးမှုတ်ဖျော်ဖြေဖို့ ထွက်ခွာသွားတဲ့ တီးဝိုင်းအဖွဲ့ဆီ နေ့လယ်စာပို့ပေးဖို့ ဖြစ်လာခဲ့ပါတယ်။ သင်္ချာဆရာ အိုဇဝါ ရဲ့အတန်းချိန်ကို ရှောင်ချင်နေကြတဲ့ သူတို့ဟာ ရထားနဲ့ သွားပို့ခဲ့ကြပေမယ့် လမ်းမှာ နေ့လယ်စာဘူးကို ဖောက်စားကြည့်မိပြီး အိပ်ပျော်သွားတာကြောင့် ဆင်းရမယ့်ဘူတာကျော်သွားခဲ့ပါတယ်။ နေပူပူထဲ လမ်းလျှောက်ပြီး သွားပို့ခဲ့ရတဲ့အပြင် ကံဆိုးချင်တော့ နေ့လယ်စာစားမိတဲ့ ဂီတဆရာမနဲ့ ကျောင်းသားကျောင်းသူတွေ အစာအဆိပ်သင့်ပြီး ဆေးရုံရောက်ကုန်ကြပါတော့တယ်။ အဲဒီအချိန်မှာ တီးဝိုင်းက ထွက်ဖို့အမြဲကြိုးစားနေခဲ့တဲ့ တာခုအို ဟာ ကျောင်းဘေ့စ်ဘောပွဲအတွက် အရေးပေါ် တီးဝိုင်းအသစ်ဖွဲ့ဖို့ ကြိုးစားပါတော့တယ်။ ပန့်ခ်တီးဝိုင်းက ဘေ့စ်သမားနှစ်ယောက်နဲ့ ဆဲကီဂုချီ တို့ပဲ ရောက်လာခဲ့ကြပြီး နောက်ဆုံးမှာတော့ တိုမိုကိုတို့ မိန်းကလေးအုပ်စုကို အတင်းဆွဲခေါ်ကာ တီးဝိုင်းဖွဲ့ဖို့ ဖြစ်လာခဲ့ပါတယ်။ ဂီတအကြောင်း ဘာမှမသိ၊ ကိုယ်ပိုင်တူရိယာမရှိ၊ ပိုက်ဆံမရှိတဲ့ သူတို့တစ်စုဟာ “မိန်းမငယ်လေးများ တီးဝိုင်း” ဖြစ်လာဖို့ ဘယ်လိုရုန်းကန်ကြမလဲ၊ နာမည်ကျော် ဂျက် ဂီတကို စင်မြင့်ထက်မှာ အောင်မြင်စွာ ဖျော်ဖြေနိုင်ကြမလားဆိုတာကို ဟာသ၊ စိတ်အားတက်ကြွမှုတွေနဲ့အတူ ပျော်ပျော်ရွှင်ရွှင် ကြည့်ရှုခံစားရမယ့် ဇာတ်ကားကောင်းလေးပဲဖြစ်ပါတယ်။

t.me/hanamoviesforyou/3216