အနမ်းတစ်ပွင့်ကနေ စတင်ခဲ့တဲ့ ထူးဆန်းတဲ့ ရင်ခုန်သံ (၂၀၂၅)

IMDB - 6.6/10
Genre - Romance, Drama

ဆေးရုံမှာ ရေရှည်ကုသမှု ခံယူနေရတဲ့ ဆာနာ ဟာ နေ့စဉ်ဖြတ်သန်းနေရတဲ့ ဆေးရုံအပြင်အဆင်တွေနဲ့ တစ်ကိုယ်တည်းဖြစ်နေတဲ့ ခံစားချက်တွေကြောင့် စိတ်ဓာတ်ကျနေသူပါ။ တစ်နေ့မှာတော့ ဆေးရုံက အအေးအရောင်းစက်ရှေ့မှာ ထူးဆန်းတဲ့ အငွေ့အသက်တွေရှိတဲ့ မိန်းကလေး အယနဲ နဲ့ မထင်မှတ်ဘဲ ဆုံတွေ့ခဲ့ပါတယ်။ သူတို့နှစ်ယောက်ဟာ ဆေးရုံမှာ တဖြည်းဖြည်းရင်းနှီးလာကြပြီးတော့ အယနဲ ဟာ ဆာနာ ကို မမျှော်လင့်ထားတဲ့အချိန်မှာ အနမ်းတစ်ပွင့်ပေးလိုက်တဲ့အခါ။ ဆာနာ ရဲ့ ငြိမ်သက်နေတဲ့ ကမ္ဘာလေးဟာ ရုတ်တရက် လှုပ်ခတ်သွားခဲ့ပါတယ်။ အယနဲ ရဲ့စိတ်ကို ဆာနာ လက်ခံပေးမလားဆိုတာ ရင်ခုန်စိတ်လှုပ်ရှားစွာနဲ့ပဲ ဆက်လက်ကြည့်ရှုပေးကြပါဦးနော်။

t.me/cartoonbynikko/3444

ဒို့နှစ်ယောက်ရဲ့အိမ်လေး (၂၀၂၅)

IMDB - 6/10
Genre - Horror

ငယ်စဉ်ကတည်းက အိမ်ငှားဘဝနဲ့ ကြုံတွေ့လာရတဲ့ ဝင်း ဆိုတဲ့ အရောင်းဝန်ထမ်းလေးဟာ ကိုယ်ပိုင်အိမ်လေးတစ်လုံး ပိုင်ဆိုင်ချင်တဲ့ အိပ်မက်ရှိပြီး ဈေးသက်သာတဲ့ လုံးချင်းအိမ်တစ်လုံးကို ရရှိလာတာက သူ့အတွက် မဟာအခွင့်အရေးလို ဖြစ်လာပါတယ်။ ဒါပေမဲ့ အဲဒီအိမ်ဟာ သူတို့မိသားစုအတွက် မထင်မှတ်ထားတဲ့ ကံဆိုးမှုတွေကို ယူဆောင်လာခဲ့ပြီး ဝင်း နဲ့ သူ့ဇနီးကြားမှာ သဘာဝလွန်ဖြစ်ရပ်တွေ ဆက်တိုက် ဖြစ်ပေါ်လာပါတယ်။ ထို့အပြင် အိမ်ဘေးကနေ ကြောက်မက်ဖွယ်ရာ လျှို့ဝှက်ချက်တွေ၊ ပရလောကဆိုင်ရာ အနှောင့်အယှက်တွေကို တဖြည်းဖြည်း သိရှိလာရတဲ့အခါ ဇာတ်လမ်းဟာ ပိုပြီး ရင်ခုန်စရာကောင်းလာပါတယ်။ Jump scare တွေနဲ့သာမက intense thriller အငွေ့အသက်တွေပါ အပြည့်အဝ ခံစားရနိုင်တဲ့ ဒီကားလေးဟာ အသည်းငယ်သူတွေ တစ်ယောက်တည်းမကြည့်သင့်တဲ့ သရဲကားကောင်းတစ်ကားဖြစ်ပါတယ်။

t.me/cartoonbynikko/3446

ပင်ပေါင်ကစားသမား (၂၀၀၈)

IMDB - 6/10
Genre - Sport, Drama

အာရှ-အမေရိကန် မိသားစုဘဝကို နောက်ခံထားပြီး လူငယ်တစ်ယောက်ရဲ့ အိပ်မက်တွေနဲ့ မိသားစုတာဝန်ကြားက ရယ်မောစရာအခြေအနေတွေကို ပေါ့ပေါ့ပါးပါး တင်ဆက်ထားတဲ့ ဟာသဇာတ်ကားတစ်ကားဖြစ်ပါတယ်။ ဇာတ်လမ်းကတော့ rapper တစ်ယောက်လို နေထိုင်ပြီး ကိုယ့်ကိုယ်ကိုယ် ဘတ်စကက်ဘောအကျော်အမော်တစ်ယောက်ဖြစ်မယ်လို့ ယုံကြည်နေတဲ့ "ခရစ်စတိုဖာဝမ် အကြောင်းကို ပြောပြထားတာပါ။ လက်တွေ့ဘဝမှာတော့ သူဟာ အလုပ်အကိုင်မယ်မယ်ရရမရှိဘဲ အိမ်မှာပဲနေပြီး သူ့အမေရဲ့ ပင်ပေါင်သင်တန်းကျောင်းမှာ ကူညီလုပ်ကိုင်နေသူတစ်ယောက်ပါ။ တစ်နေ့မှာ သူ့ရဲ့ ပင်ပေါင်ချန်ပီယံ အကိုနဲ့ မိခင်တို့ မတော်တဆ ဒဏ်ရာရသွားတဲ့အခါ မိသားစုရဲ့ ဂုဏ်သိက္ခာနဲ့ သင်တန်းကျောင်းကို ကယ်တင်ဖို့အတွက် C-Dub တစ်ယောက် သူအမြဲလျှော့မကြည့်ခဲ့တဲ့ ပင်ပေါင်ပြိုင်ပွဲကို ဝင်ပြိုင်ဖို့ ဖြစ်လာပါတယ်။ ဘတ်စကက်ဘောစတိုင်တွေကို ပင်ပေါင်မှာ ပေါင်းစပ်အသုံးချပြီး ကစားနိုင်မလား၊ မိသားစုရဲ့ မျှော်လင့်ချက်တွေကို ပြည့်မီအောင် လုပ်နိုင်မလားဆိုတာကို ရယ်စရာကောင်းကောင်းနဲ့ ကြည့်ရှုရမယ့် ဇာတ်ကားကောင်းလေးဖြစ်ပါတယ်။

t.me/cartoonbynikko/3463

အဖော်မွန် (၂၀၂၄)

IMDb - 6.5/10
Genre - Drama, Comedy

စာရေးဆရာမ အိုင်းရစ် ဆာ မိတ်ဆွေဖြစ်သူဆုံးပါးသွားတာကြောင့် အဲဒီမိတ်ဆွေရဲ့ဆန္ဒအရ အပိုလို ဆိုတဲ့ အသက်ကြီးနေပြီဖြစ်တဲ့ Great Dane ခွေးကြီးကို သူ့တိုက်ခန်းလေးထဲမှာ မွေးရဖို့ဖြစ်လာတဲ့အခါ အိုင်းရစ် တစ်ယောက် အခက်အခဲတွေအများကြီးနဲ့ ရင်ဆိုင်ခဲ့ရပါတယ်။ ကိုယ်တိုင်က မိတ်ဆွေကိုဆုံးရှုံးရလို့ ပူဆွေးသောကရောက်နေတဲ့တိုင်အောင် အပိုလို ရဲ့ ပူဆွေးသောကက ပိုကြီးနေတဲ့အတွက် အပိုလို ကို ကယ်ဆယ်ရေးဂေဟာတွေကို မပို့တော့ဘဲ အိုင်းရစ် ဟာ အသက်ကြီးနေပြီဖြစ်တဲ့ အပိုလို ရဲ့ နောက်ဆုံးအချိန်တွေကို အဖော်ပြုပေးဖို့ဆုံးဖြတ်ခဲ့ပါတယ်။ နှစ်ကြိမ်တိုင်တိုင် စွန့်ပစ်ခံခဲ့ရတာကြောင့် အမြဲတမ်းဝမ်းနည်းနေပုံပေါက်တဲ့ အပိုလို ဆိုတဲ့ ခွေးကြီးရဲ့ သရုပ်ဆောင်မှုတွေနဲ့အတူ စာရေးဆရာမပီပီ ပူဆွေးသောကနဲ့ပတ်သက်လို့ အိုင်းရစ် ရဲ့ ပြောင်မြောက်တဲ့ခံစားချက်တွေကလည်း ရုပ်ရုပ်ခံစားမှုကို ပိုပြီး အသက်ဝင်စေတာ မြင်တွေ့ရမှာဖြစ်ပါတယ်။

t.me/hanamoviesforyou/3171

ထူးဆန်းသောကောင်မလေး (၂၀၁၅)

IMDb - 6.7/10
Genre - Romance, Drama

ကျွန်တော့်နာမည်က တကာရှီ၊ အထက်တန်း တတိယနှစ်ကျောင်းသား၊ သူငယ်ချင်း ၃ ယောက်နဲ့အေးဆေးပဲနေတယ်။ တစ်ရက်ကျ ညခွေသွားဝယ်တုန်း ကောင်မလေးတစ်ယောက်ကိုဝင်တိုက်မိတယ်။ သူ့ပုံစံကထူးဆန်းတယ်၊ စကားလည်းပြန်မပြောဘူး။ အဲဒါနဲ့ နောက်ရက် ကျောင်းမှာတွေ့တယ်၊ လိုက်တောင်းပန်တယ်။ အဲဒါကိုသူက အူကြောင်ကြောင်နဲ့ ကျွန်တော့်ကို သူခေါ်ချင်ရာခေါ်သွားတယ်။ နာမည်မေးတယ် မေးလို့လည်းမရဘူး။ အတန်းကတော့ D ခန်းကတဲ့၊ ကျွန်တော့် ဘော်ဒါတွေအများကြီးရှိတဲ့အတန်းကပဲ၊ တစ်ခါမှလည်းမမြင်ဖူးဘူး။ နောက်ရက်လည်း ကျွန်တော့်ရှေ့ သူပေါ်ချင်သလိုပေါ်လာတယ်၊ လျှောက်သွားတယ်၊ စကားတွေပြောတယ်၊ နာမည်မေးတယ် မရသေးဘူး၊ ဖုန်းမေးတယ်၊ အီးမေးလ်မေးတယ်၊ ဘာမှမရှိ၊ မကိုင်ဘူးတဲ့။ တစ်ရက် D ခန်းက ဘော်ဒါတွေနဲ့ မုန့်စုစားတုန်း သူရုတ်တရက်ရောက်လာတယ်။ ဒါနဲ့ မိတ်ဆက်ပေးတော့ ကျ D ခန်းချင်းတူတူသူကို ဘယ်သူမှမသိကြဘူး၊ အခန်းမှာ မရှိပါဘူးတဲ့။ ဒီမှာသူရုတ်တရက် ပြေးထွက်သွားတော့ နောက်ကလိုက်မေးမိတယ်။ အဲဒီမှာ မယုံနိုင်စရာ သူပြန်ပြောလိုက်တာကတော့။

t.me/hanamoviesforyou/3173

ရင်ခုန်သံအနီးဆုံး (၂၀၂၄)

IMDb - 7.3/10
Genre - Romance, Drama

ဂျပန်နိုင်ငံ ကာရတ်ဆုမြို့ကို အခြေခံရိုက်ကူးတင်ဆက်ပြထားတဲ့ ဖိလစ်ပိုင်ဇာတ်ကားကောင်းလေးကို တင်ဆက်ပေးလိုက်ရပါတယ်။ ဝူဒီ ဆိုတဲ့ လူငယ်လေးက ကမ္ဘာပတ်ပြီး ခရီးတွေ ထွက်နေခဲ့တာ ၇ နှစ်ကြာပြီးတဲ့နောက် ဂျပန်နိုင်ငံ ကာရတ်ဆုမြို့ကို ရောက်ရှိလို့လာခဲ့ပါတယ်။ အဲဒီမြို့မှာမှ လင်းလင်း ဆိုတဲ့ ပြည်ကြီးငါးရောင်းတဲ့ ကောင်မလေးနဲ့ တွေ့ဆုံခဲ့ရပါတယ်။ လင်းလင်း နဲ့အတူ မောင်နှစ်ယောက်ဖြစ်တဲ့ ဘွတ်ဘွတ် နဲ့ တန်တန် ဟာလည်း လင်းလင်း နဲ့အတူ ပြည်ကြီးငါးရောင်းရင်း လုပ်ကိုင်စားသောက်နေကြပါတယ်။ လင်းလင်း တို့ ၃ ယောက်ရော ဝူဒီ ရောက ဖိလစ်ပိုင်လူမျိုးတွေ ဖြစ်ကြတော့ သူများနိုင်ငံမှာ ကိုယ့်နိုင်ငံလူမျိုးအချင်းချင်းတွေ့ကြရတဲ့အတွက် ပိုပြီးရိုင်းပင်းကူညီပေးကြတာပေါ့။ လင်းလင်း ဆိုတဲ့ ကောင်မလေးမှာ ထူးခြားတဲ့ စွမ်းရည်တစ်ခုရှိနေပါတယ်။ အဲဒါကတော့ သူဟာ လူတစ်ယောက်ကို ထိလိုက်တာနဲ့ အဲဒီလူက ကိုယ့်အတွက် လူကောင်းလား လူဆိုးလား ဆိုတာကို သိရှိနိုင်တဲ့ စွမ်းအင်ပဲဖြစ်ပါတယ်။ သို့ပေမဲ့ ဝူဒီ ကို ထိကြည့်တဲ့အခါမှာတော့ ကောင်းတာလည်း မဟုတ် ဆိုးတာလည်း မဟုတ်ဘဲ အလယ်အလတ်မှာရှိနေတာကို သိလိုက်ရတဲ့အခါမှာတော့ ဒီအခြေအနေကို မကြုံတွေ့ဖူးတဲ့ လင်းလင်း တစ်ယောက် ဝူဒီ ကို စိတ်ဝင်စားမိသွားပါတော့တယ်။ ဒီလိုနဲ့ လင်းလင်း တစ်ယောက် ဝူဒီ ကို ကာရတ်ဆုမြို့ပတ်လည် လိုက်ပြပေးရင်းနဲ့ သူတို့နှစ်ယောက် ဘာတွေဘယ်လိုဆက်ဖြစ်မလဲဆိုတာကို ကြည့်ရှုရမဲ့ ဇာတ်ကားကောင်းလေးဖြစ်ပါတယ်။

t.me/hanamoviesforyou/3175

ထာဝရ ကိုယ့်မိန်းကလေး (၂၀၁၈)

IMDb - 6.6/10
Genre - Romance

ကန်းထရီးအဆိုတော်တစ်ယောက်ဖြစ်တဲ့ လီယမ် ဟာ အောင်မြင်မှုနောက်ကိုလိုက်ရင်း ချစ်သူကောင်မလေးကို လက်တွဲဖြုတ်ခဲ့ပါတယ်။ နောင်ရှစ်နှစ်အကြာမှာ မွေးရပ်မြေက သူငယ်ချင်းဟောင်းတစ်ယောက်ရဲ့ အသုဘကိုလာရင်းနဲ့ သူတို့အချင်းချင်းတွေ့ဆုံဖို့ ဖြစ်လာပါတော့တယ်။ အောင်မြင်မှုနောက်ကိုလိုက်ရင်းနဲ့ ချစ်ရသောချစ်သူကို ပစ်ထားခဲ့ရပေမယ့် လီယမ် မှာ သူ့ချစ်သူကောင်မလေးရဲ့ နောက်ဆုံးပို့ထားတဲ့ Voice Message လေးရှိတဲ့ ဖုန်းအစုတ်လေးကိုပဲ ရှစ်နှစ်ကြာကြာ ပေတေကိုင်ရင်း မနက်နိုးတိုင်း အိပ်ခါနီးတိုင်း နေ့တိုင်းကို အဲဒီ Message လေးနားထောင်ပြီး သူ့ရဲ့နေ့ရက်တိုင်းလိုလိုကို ဖြတ်သန်းခဲ့တာပါ။ ဒီလိုမျိုးချစ်သူကို ချစ်တတ်တဲ့စိတ်ကတော့ တကယ်ကိုလေးစားစရာပါပဲ။ တကယ်တော့ အချစ်ဆိုတာ အနားမှာရှိနေပြီး ဂရုစိုက်နေမှ အချစ်လို့မခေါ်ပါဘူး။ အချစ်ဆိုတာ သူ့အနားမှာရှိသည်ဖြစ်စေ မရှိသည်ဖြစ်စေ သူနဲ့ပတ်သတ်သမျှအရာတွေအကုန်လုံးကို တန်ဖိုးထားတတ်တဲ့ စိတ်လေးတစ်ခုပါ။ ဒီကားလေးဟာ အေးစက်တဲ့ကားလေးတစ်ကားလို့ထင်ရပေမယ့် ဒီခေတ်အသုံးအနှုံးနဲ့ ပြောရမယ်ဆိုရင် တကယ်ကို ရိုတဲ့ကားလေးတစ်ကားပါ။

t.me/hanamoviesforyou/3177

တရားရုံးအတွင်းမှ ဉာဏ်စမ်းပြိုင်ပွဲ (၂၀၀၇)

IMDb - 7.1/10
Genre - Thriller, Crime

ထက်မြက်ထူးချွန်လွန်းတဲ့ လူတစ်ယောက်ဟာ ရာဇဝတ်သားဖြစ်သွားခဲ့ရင် ဘယ်လောက်အန္တရာယ်များသွားနိုင်မလဲ။ လေယာဉ်ကုမ္ပဏီတစ်ခုပိုင်ဆိုင်ထားတဲ့ တက်ဒ် ခရောဖော့ ဆိုတဲ့ လူကြီးမှာ မိန်းမငယ်ငယ်ချောချောလေးတစ်ယောက်ရှိတယ်။ သူ့မိန်းမဟာ စုံထောက်တစ်ယောက်နဲ့ ဖောက်ပြန်နေတာကိုလည်း သူသိတယ်။ ဒီလိုနဲ့ တစ်ညမှာတော့ သူ့မိန်းမကို သေနတ်နဲ့ပစ်သတ်လိုက်တယ်။ ဒါပေမဲ့ ပေါ်တင်ပဲ “ငါ့မိန်းမကို ငါပစ်သတ်လိုက်ပြီ သက်သေပြနိုင်ရင် ပြကြ” တဲ့။ တစ်ဖက်မှာလည်း ငယ်ငယ်ရွယ်ရွယ်နဲ့ နာမည်ကြီးရှေ့နေအဖွဲ့ဆီ ရောက်နေတဲ့ ဝီလီယမ် ဆိုတဲ့ ရှေ့နေတစ်ယောက်ရှိတယ်။ ဒီရှေ့နေလေးကပဲ ဉာဏ်ကြီးရှင် ရာဇဝတ်သားကြီးနဲ့ တရားခွင်မှာ သွားရင်ဆိုင်မိတဲ့အခါမှာတော့။

t.me/cartoonbynikko/720

အုံဖွ ပြန်ချစ်စေ (၂၀၂၁)

IMDb - 6.6/10
Genre - Action, Comedy, Drama

ထိုင်း–ဂျပန် ကပြားတစ်ဦးဖြစ်တဲ့ လျို က ပျောက်ဆုံးနေတဲ့ မိခင်ဖြစ်သူကို ရှာဖွေဖို့ အယုဒ္ဓယကို ရောက်လာခဲ့တယ်။ တစ်ပြိုင်တည်းမှာပဲ လျို က အော်ဆွယ့် ဆိုတဲ့ မိန်းမပျိုလေးကို ချစ်မိသွားခဲ့တယ်။ ဒါပေမဲ့ ချစ်ရတဲ့ အော်ဆွယ့် က ဖော့ခွမ် အဓမ္မသိမ်းပိုက်ဖို့ ဝယ်ယူထားတဲ့ သူဖြစ်နေပြီး ဖော့ခွမ် က ရာထူးကြီးရှိနေရုံသာမက မှော်ပညာပါ တက်နေခဲ့တယ်။ လျို က မှော်ပညာကို အနည်းငယ်သင်ယူထားပြီး အော်ဆွယ့် ကို အစေခံအဖြစ်က လွတ်မြောက်စေဖို့ အဖွဲ့ဖွဲ့ကာ ကြိုးပမ်းခဲ့ပေမဲ့ ဖော့ခွမ် ရဲ့ မှော်ပညာက အားသာနေခဲ့တယ်။ လျို အနေနဲ့ ထပ်ကြိုးစားပြီး ချစ်ရတဲ့ မိန်းကလေး အော်ဆွယ့် ကို ဖော့ခွမ် လက်က ကယ်တင်နိုင်မလား။ ရှာဖွေချင်နေတဲ့ မိခင်ဖြစ်သူကိုရော တွေ့သွားမလား။

t.me/hanamovie20/4404