ရတနာ (၂၀၂၁)

IMDb- 6.4/10
Genre - Action, Thriller

စပိန်နိုင်ငံမှာ နစ်မြှုပ်နေတဲ့ ရတနာကို ရှာဖွေမှုအတွက် လှည့်ကွက်ပေါင်းစုံနဲ့ ရိုက်ကူးထားတဲ့ အက်ရှင်စွန့်စားခန်းကားတစ်ခုဖြစ်ပါတယ်။ မာဂရက် က ရှေးဟောင်းပစ္စည်းတွေကို ရှာဖွေတဲ့ သုတေသီတစ်ယောက်ဖြစ်ပြီး, သူ့မှာ ဂျိမ်းစ်, လော်ရိန်း, စီမွန်, ကလော့စ် ဆိုတဲ့ လုပ်ဖော်ကိုင်ဖက်လေးယောက်ရှိတယ်။ သူတို့အဖွဲ့က ဆယ်ယူရေးအလုပ်ကို လုပ်ဆောင်နေကြသူများ ဖြစ်ကြပြီး, ထက်မြက်တဲ့ အင်ဂျင်နီယာကောလိပ်ကျောင်းသား တွမ် ဟာ အဖေလုပ်စေချင်တဲ့ အလုပ်ကို လက်မခံခင်မှာပဲ သူတို့အဖွဲ့ရဲ့ ကမ်းလှမ်းချက်ကို လက်ခံလိုက်တယ်။ တွမ် သူတို့အဖွဲ့ထဲကို ဝင်လိုက်တာက ဘဏ်ရဲ့ မီးခံသေတ္တာ နည်းစနစ်ကို စိတ်ဝင်စားနေလို့ပဲ ဖြစ်ပါတယ်။ ကလော့စ် ကတော့ ကွန်ပျူတာဟက်ကာဖြစ်ပြီး, လော်ရိန်း က ခိုးယူမှုပညာမှာ ကျွမ်းကျင်သူတစ်ဦးဖြစ်သည်။ စီမွန် ကတော့ လိုအပ်တဲ့ပစ္စည်းတွေကို စုဆောင်းပေးရတာဖြစ်တယ်။ တစ်နေ့မှာ သူတို့ စပိန်ဘဏ်ထဲကို ဝင်ပြီး အချက်အလက်တွေ စုဆောင်းကြတယ်။ အဲ့လိုနဲ့ သူတို့ ရှေးဟောင်းရတနာကို ရယူဖို့ ဘယ်လိုမျိုး စွန့်စားလိုက်ရမလဲ? ဘဏ်ရဲ့ လုံခြုံရေးစနစ်တွေ, မီးခံသေတ္တာ ဖောက်တဲ့နည်းစနစ်တွေကို ဒီကားထဲမှာ တွေ့မြင်ခံစားရမယ်။

t.me/cartoonbynikko/3237

ညီအစ်ကို ၃ ယောက် (၂၀၀၇)

IMDB - 7.2/10
Genre - Comedy, Adventure

ဇာတ်လမ်းက ဖခင်ဖြစ်သူ ဆုံးပါးသွားပြီး တစ်နှစ်အကြာမှာ ညီအစ်ကို သုံးယောက်ဖြစ်တဲ့ ဖရန့်စစ်၊ ပီတာ နဲ့ ဂျက်ခ် တို့ အိန္ဒိယမှာ ပြန်ဆုံကြရာက စတာပါ။ သူတို့ဟာ ရထားကြီးကို စီးပြီး အိန္ဒိယတစ်ခွင် ခရီးလှည့်ရင်း သူတို့ကြားက ပြတ်တောက်နေတဲ့ သံယောဇဉ်တွေကို ပြန်ဆက်ဖို့ ကြိုးစားကြတာပေါ့။ ဒါပေမဲ့ ပြဿနာက သူတို့ သုံးယောက်စလုံးမှာ ကိုယ်စီ အရှုပ်အထွေးတွေ ရှိနေကြတာပါ။

t.me/cartoonbynikko/3240

တောင်းပန်ပါတယ် ငါနင့်ကိုချစ်တယ် (၂၀၁၃)

IMDb - 6.7/10
Genre - Romance, Drama

အသက်သုံးနှစ်အရွယ်မှာ ကနေဒီ လင်မယားရဲ့ ခေါ်ယူမွေးစားခံခဲ့ရတဲ့ ဝေါ်ကာ က လူလိမ္မာတစ်ယောက်မဟုတ်ခဲ့ဘူး။ လူဆိုးတို့ရဲ့ ထုံးစံအတိုင်း ဒီနေ့သေမလား၊ မနက်ဖြန်သေမလား၊ အခုသေမလားမသိရတဲ့ ဘဝမှာ ဝေါ်ကာ လည်း ရန်သူ့လက်ချက်နဲ့ ခေါင်းထဲကျည်ဆံဝင်ပြီး ခြောက်လအပြင်ပိုမခံတော့တဲ့ သေလူဖြစ်ခဲ့တယ်။ နိုင်ငံရပ်ခြားမှာ နေရတဲ့ သေခါနီးလူတစ်ယောက်ရဲ့ နောက်ဆုံးဆန္ဒက ဘာဖြစ်လိမ့်မလဲ။ ဝေါ်ကာ ရဲ့ မွေးရပ်မြေပြန်ရောက်ပြီး မရှည်ကြာလှတဲ့ ခြောက်လသက်တမ်းမှာ မှောင်မိုက်နေတဲ့ သူ့ဘဝထဲကို ဝင်ရောက်လာတဲ့ နေရောင်ခြည်လေး အန်ချိုင်၊ သုံးနှစ်အရွယ်တည်းက ကွဲသွားခဲ့တဲ့ သူ့ညီမလေး ဂျူအာ နဲ့ သူသိလိုက်ရတဲ့ သူ့မိသားစုအကြောင်းတွေက အမှန်တွေ ဟုတ်ရဲ့လား။

t.me/cartoonbynikko/3242

လူမိုက် (၂၀၂၀)

IMDb - 7/10
Genre - Action, Comedy

နံပါတ်၁ ဘတ်ဂီထယ် နပန်းသမား လက်ရွေးစင်ဟောင်း ချိန်းထိုးသမျှ ကျောင်းသားတိုင်းကို အရိုးကွဲအောင် ဆော်တဲ့သူ။ နံပါတ်၂ ဟော့ဒေါ့ ခွေးရူး လို့ သိထားကြတယ်။ ရန်ဖြစ်လို့ အရူးစိတ်ပေါက်လာရင် မဲမဲမြင်သမျှ မလွတ်တမ်း ထိုးတတ်လို့။ နံပါတ်၃ ဂွန်းချန်းရှစ် ကျောင်းမှာ အတော်ဆုံးလို့ သတ်မှတ်ထားတဲ့သူ၊ ရုပ်လေးချောပေမယ့် အတိုက်အခိုက်မှာ တော်တယ် နာမည်ကြီးနေတဲ့သူ။ အဲ့လို သုံးယောက်ရှိတယ်။ ဒါပေမယ့် အဲ့လက်ဝှေ့ကလပ်မှာ ရာဇဝင်ရှိတယ်။ ဒီသုံးယောက် မတိုင်ခင် အရမ်းကြမ်း အရမ်းဂေါ်တဲ့ ဘဲကြီးတစ်ယောက်ရှိခဲ့တယ်။ နာမည်က ကျားကြီး ခေါ် ဂျောင်းထယ်ဟို တဲ့။ သူမရှိတော့မှ ကျောင်းလက်ရွေးစင် အတော်ဆုံးတွေကို ရွေးဖို့ လက်ဝှေ့ကလပ်ဆိုတာ ဖြစ်လာခဲ့တာ။ သူက မတော်တဆမှုတစ်ခုကြောင့် ကျောင်းသားလူမိုက်လောက ခေတ္တခဏ ပျောက်ကွယ်သွားတယ်လို့ ကြားရတယ်။ ကျားကြီးက ကော ဘယ်ရောက်သွားပြီလဲ၊ ထိပ်တန်းသုံးယောက်ကို ကော ဂျီဟူတစ်ယောက် ဘယ်လို ရင်ဆိုင်မလဲ ဆိုတာကိုတော့။

t.me/cartoonbynikko/3244

ရန်သူနှင့် အိပ်စက်ခြင်း (၁၉၉၁)

IMDb - 6.3/10
Genre - Thriller, Crime

ဒီဇာတ်ကားကတော့ toxic relationship ကနေ သတ္တိရှိရှိ ရုန်းထွက်လာပြီး ဘဝအသစ်ကို စတင်ခဲ့တဲ့ အမျိုးသမီးအကြောင်းကို ရိုက်ကူးထားတဲ့ ဇာတ်ကားဖြစ်ပါတယ်။ ဇာတ်လမ်းအကျဉ်းအရ လော်ရာ ဟာ အပြင်ပန်းကြည့်ရင် ချမ်းသာကြွယ်ဝပြီး အရာရာ ပြီးပြည့်စုံတဲ့ ဘဝကို ပိုင်ဆိုင်ထားတယ်လို့ ထင်ရပေမဲ့ တကယ်နောက်ကွယ်မှာတော့ ထင်သလို ဟုတ်မနေခဲ့ပါဘူး။ သူမရဲ့ ခင်ပွန်းဖြစ်သူ မာတင် ဟာ စိတ်ဝေဒနာရှင်တစ်ယောက်လို ပြုမူတတ်ပြီး သူမအပေါ် အမြဲတမ်း နှိပ်စက်ညှဉ်းပန်းနေသူဖြစ်ပါတယ်။ ဒီလိုနဲ့ သူမရဲ့ ရက်စက်တဲ့ ခင်ပွန်းလက်ထဲကနေ လွတ်မြောက်ဖို့ နည်းအမျိုးမျိုး ကြံစည်ခဲ့ပါတော့တယ်။ သူမရဲ့ ကြံစည်မှုဟာ တစ်ညမှာတော့ အရာထင်ခဲ့ပြီး ထွက်ပြေးတိမ်းရှောင်လာနိုင်ခဲ့ပါတယ်။ ဒါပေမဲ့ နောက်ပိုင်းမှာ သူမရဲ့ အကြံအစည်တွေကို မာတင် တစ်ယောက် ရိပ်မိသွားတဲ့အခါမှာတော့ မာတင် တစ်ယောက် လော်ရာ ကို ရှာတွေ့နိုင်ပါ့မလား၊ လော်ရာ တစ်ယောက် သူမရဲ့ အတိတ်ဆိုးကနေ အပြီးတိုင် လွတ်မြောက်နိုင်ပါ့မလား၊ ရက်စက်လွန်းတဲ့ ခင်ပွန်းကို ဘယ်လို ပြန်လည်ရင်ဆိုင်မလဲ ဆိုတာကိုတော့ ရင်တထိတ်ထိတ်နဲ့ စောင့်ကြည့်လိုက်ရအောင်ပါ။

t.me/hanamoviesforyou/2899

အစစ်အမှန် နတ်မိမယ် (၂၀၂၅)

IMDb - 6.9/10
Genre - Comedy

“တောင်တစ်တောင်မှာ ကျားနှစ်ကောင် မအောင်းနိုင်သလို စင်မြင့်တစ်ခုတည်းမှာလည်း နတ်မိမယ်တွေ အပြိုင်ကြဲလို့ မရဘူး။ အသစ်ထွက်လာတဲ့ အူတက်အောင် ရယ်ရမယ့် Thai Comedy ကားကောင်းလေး ရောက်လာပါပြီဗျာ။ ဇာတ်လမ်းကတော့ ချစ်လှပါချည်ရဲ့ဆိုတဲ့ ရည်းစားဆီကနေ အလိမ်ခံလိုက်ရလို့ ဘဝအောက်ဆုံးထိုးကျသွားတဲ့ တစ်ချိန်က နာမည်ကြီး ဒီဗာအဆိုတော်ကြီး ပလိုင်ဖန် တစ်ယောက် ၇ နှစ်အကြာမှာ သူ့ရဲ့ “နတ်မိမယ်” နေရာကို ပြန်ယူဖို့ ကြိုးစားရာကနေ စထားပါတယ်။ ဒါပေမဲ့ သူ့ရဲ့ Comeback ပွဲမှာ ခေတ်သစ် Gen-Z အိုင်ဒေါတွေ၊ ပြိုင်ဘက်တွေနဲ့ စင်မြင့်တစ်ခုတည်း အတူတူလုရတဲ့အခါ မာနခဲမမတွေကြား ဘယ်လိုတွေ ဗရုတ်သုတ်ခ ငြင်းခုံပြီး ဘယ်သူက “အစစ်အမှန် နတ်မိမယ်” ဖြစ်သွားမလဲဆိုတာ ခွီရမှာပါ။

t.me/hanamoviesforyou/2901

ငယ်ချစ်ဦး (၂၀၁၀)

IMDB - 7.7/10
Genre - Comedy, Romance

ငယ်ဘဝ ငယ်ချစ်ဦးကို ပြန်လွမ်းဆွတ်တမ်းတပြီးအလွမ်းပြေစရာတစ်ခုခုဖန်တီးသွားလောက်မည့်ကားလေး။၂တန်းကလေးအရွယ် ဘရိုက်စ် ဆိုတဲ့ ကောင်လေးတို့မိသားစုက ဂျူလီ ဆိုတဲ့ကောင်မလေးရှိတဲ့ အိမ်နားကို ပြောင်းလာတယ်။ ကောင်မလေးကတော့ ပထမဆုံးတွေ့တွေ့ချင်း ကောင်လေးရဲ့ တောက်ပတဲ့မျက်လုံးတွေနဲ့ အကြည့်ချင်းဆုံမိပြီး သဘောကျသွားတယ်။ ဖြစ်ချင်တော့ ကောင်လေးက သူ့ကို တစ်စက်ကလေးမှ သဘောမကျ၊ စိတ်ပျက်စရာကောင်မလေး အမြင်ကပ်စရာလေးလို့ပဲ မြင်နေတယ်။ ဒီကားက ကောင်မလေးရဲ့ အမြင်ရယ် ကောင်လေးရဲ့ အမြင်ရယ်ကို အချိုးကျ ပြသသွားတယ်။ ဆယ်ကျော်သက်ရွယ် ကောင်လေးတစ်ယောက်နဲ့ ကောင်မလေးတစ်ယောက်ရဲ့ အချစ်နဲ့ ပတ်သက်ပြီး တွေ့ကြုံခံစားသိမြင်ပုံလေးတွေကို လှလှပပလေး ရိုက်ပြသထားပြီး တစ်ချို့သောသူတွေအတွက် ပျော်ရွှင်ဖွယ်ရာ စိတ်ကူးယဉ်ကမ္ဘာထဲကို ရောက်နေသလို ခံစားရနိုင်တယ်။ ဥပမာ ငယ်ငယ်က ချစ်ဖူးခဲ့တဲ့သူအတွက် ရည်စူးရေးစပ်ထားဖူးတဲ့ ကဗျာစာအုပ်အဟောင်းလေးတွေကိုတောင် ပြန်ဖတ်သွားတာမျိုးပေါ့။ ဆယ်ကျော်သက် လူငယ်တွေအတွက်တော့ ဆင်ခြင်စရာလေးတွေ၊ အတုယူစရာလေးတွေ ရသွားမှာပါ။

t.me/dramamv/3371

ဆိုးရွားတဲ့ တစ်နေ့တာ (၂၀၁၆)

IMDb - 6.4/10
Genre - Romance, Drama

ဒီဇာတ်လမ်းက နာမည်ကို ကြည့်ရင် မင်းသမီးကို ပွေရှုပ်တဲ့ ဇာတ်ကောင်လို့ ထင်ကောင်းထင်နိုင်ပေမဲ့တကယ်တော့ ယွန်ဟီး ဆိုတဲ့ ကောင်မလေးရဲ့ ဆိုးရွားတဲ့ တစ်နေ့တာကို ပုံဖော်ပြထားတဲ့ ဇာတ်လမ်းလေးပါ။ သရုပ်ဆောင်ဖြစ်ဖို့ လေ့ကျင့်နေတဲ့ ယွန်ဟီး တစ်ယောက် ချစ်သူကောင်လေးနဲ့ တွေ့ဖို့ သွားတဲ့လမ်းမှာ ယောက်ျားလေး နှစ်ယောက်နဲ့ ဆုံခဲ့ရပါတယ်။ တစ်ရက်တည်းမှာတင် ယောက်ျားလေး သုံးယောက်နဲ့ တွေ့ဆုံခဲ့ပြီး တစ်ယောက်ချင်းစီ အလိုက် သူ့ရဲ့ ပုံစံက ပြောင်းလဲနေခဲ့တာပါ။ နွေးထွေးပြီး နူးနူးညံ့ညံ့နေတတ်တဲ့ မိန်းကလေးလည်း ဖြစ်သွားတတ်သလို တည်ငြိမ်ရင့်ကျက်တဲ့ မိန်းကလေးအဖြစ်လည်း ပြောင်းလဲသွားတတ်တဲ့အပြင် ယောက်ျားဆန်ပြီး စိတ်မရှည်တတ်တဲ့ ပုံစံလည်း ရှိနေပါသေးတယ်။ ယွန်ဟီး ကြုံတွေ့ရသမျှကဟန်ဆောင်မျက်နှာဖုံးတွေနဲ့ သရုပ်ဆောင်နေခဲ့ရတဲ့ နေ့တစ်နေ့ပါပဲ။ အဲဒီထဲမှာမှသူတွေ့ခဲ့ရတဲ့ ဂျပန်စာရေးဆရာ ရိုဟေး ကလည်း ယွန်ဟီး နဲ့ မခြားမနားပါပဲ။ သူ့ရဲ့ တစ်နေ့တာကလည်း ပရမ်းပတာတွေနဲ့ ဆိုးရွားနေခဲ့တာပါ။ တစ်နေ့တာရဲ့အဆုံးသတ်မှာ မျိုးစုံကြုံတွေ့ခဲ့ရပြီးမှ သိလာရတဲ့ ရိုဟေး ရဲ့ စိတ်ကူးထဲက ဇာတ်သိမ်းက ဒီဇာတ်လမ်းရဲ့ အဆုံးသတ်ဆိုတာပါပဲ။ ဒီကားက ကြည့်နေရင်း ကိုယ်ပုံဖော်ချင်တဲ့ ဇာတ်သွားအတိုင်း တွေးကြည့်ရမဲ့ ကားဆိုတော့ ဘာမက်ဆေ့ချ်ကို ပေးချင်လဲဆိုတာ ကိုယ်တိုင်ပဲ ကြည့်ရှုခံစားရင်း အဖြေရှာကြည့်ဖို့ အကြံပြုပေးချင်ပါတယ်။

t.me/cartoonbynikko/1442

အချစ်ရဲ့ အဓိပ္ပာယ် (၂၀၂၄)

IMDb - 6/10
Genre - Comedy, Drama

လူအီ ဟာ ဆေးရုံမှာရေရှည်နေထိုင်နေရင်း တာဝန်ဝတ္တရားတွေ၊ စိတ်ဖိစီးမှုတွေက ကင်းလွတ်နေတဲ့ ဘဝကို အေးဆေးစွာ နှစ်ခြိုက်နေတဲ့သူပါ။ ဒီကာလရှည် ဆေးရုံနေထိုင်မှုဟာ သူ့အတွက် လွတ်လပ်မှုတစ်မျိုးဖြစ်ပြီး ဆေးရုံရဲ့ ပုံသေပုံစံဘဝကို သူလက်ခံထားတယ်။ ဒါပေမဲ့ တရက်မှာ စိတ်မထိန်းနိုင်တဲ့ လူနာအသစ်တစ်ဦး ရောက်ရှိလာတဲ့အခါ သူ့ရဲ့ အေးချမ်းတဲ့ဘဝဟာ ပြောင်းလဲသွားပါတယ်။ ဒီလူနာအသစ်ဟာဆေးရုံရဲ့ စည်းမျဉ်းတွေ၊ ဓလေ့တွေကို ဆန့်ကျင်တဲ့ ဒေါသအိုးတယောက်ဖြစ်နေသလို ဘဝကို အန္တရာယ်တွေနဲ့အတူ လွတ်လွတ်လပ်လပ်နေထိုင်လိုသူဖြစ်‌ေနတယ်။ ဒီနှစ်ယောက်ရဲ့ ဆန့်ကျင်ဘက်သဘောထားတွေဟာ သူတို့ကို ဘဝ၊သေဆုံးမှု၊ နဲ့ အချစ်ရဲ့ အဓိပ္ပာယ်ကို ပြန်လည်ဆန်းစစ်စေဖို့ ကံကြမ္မာက သူတို့နှစ်ယောက်ကို ထိပ်တိုက်တွေ့ပေးလိုက်တဲ့အခါမှာတော့။

t.me/cartoonbynikko/1440

သရဲယောက္ခမကြီး (၂၀၂၀)

IMDb - 7.3/10
Genre - Comedy, Horror

ကွတ်အီဂန်ဆိုတဲ့ အီဆန်ဒေသက အေးချမ်းသာယာပြီး ရှိတာလေးနဲ့ ရောင့်ရဲပျော်ပျော်နေတတ်တဲ့ လူမျိုးတွေရှိတဲ့ရွာတစ်ရွာပါ ။ အဲ့ဒီရွာက ရိုးသားကြိုးစားဖိုးသခွားလေး ဖွန် ဟာ တစ်ရွာတည်းသူလေး မမ် ကို ငယ်စဥ်ကတည်းက မေတ္တာသက်ဝင်ခဲ့ပြီး မမ် ဘက်ကလည်း ပြန်လည်မေတ္တာတုံ့ပြန်မယ့် အရိပ်အယောင်တွေရှိနေပေမယ့် မမ် ရဲ့ အဖေ ဂျွန်နီ ကတော့ "မင်းလိုဆင်းရဲသားငမွဲကောင်နဲ့ ငါ့သမီးနဲ့ တူသလား တန်သလား" ဆိုပြီး ဖွန် ကို ခါးခါးသီးသီးပါပဲ ။ ဒါနဲ့ ဖွန် တစ်ယောက် မမ် ကို တင်တောင်းမယ့် ရည်ရွယ်ချက်နဲ့ ဘန်ကောက်မြို့ကြီးကို တက်ပြီး အလုပ်လုပ်ပါတော့တယ်။ အချိန်တစ်ခုကြာလို့ ကွတ်အီဂန်ရွာလေးကို ပြန်ရောက်လာတဲ့အခါ ချစ်ရသူရဲ့ မင်္ဂလာပွဲနဲ့ တန်းတန်းမတ်မတ်ကြီး တိုးပါတော့တယ် ။ ဖွန် တစ်ယောက် မမ် ကို ပြန်ရနိုင်ပါ့မလား။ ယောက္ခမလောင်းကြီး ဂျွန်နီ ဘဝကူးပြီး သရဲဘဝရောက်သွားတဲ့အခါ ဖွန် ကို ဘယ်လိုခြောက်လှန့်မလဲ ။ ဖွန် ရယ် ချစ်သူ မမ် ရယ် သရဲယောက္ခမကြီး ရယ်နဲ့ ရွာသားတွေရဲ့ ဂယက်တစ်သိန်းကို ပေါ့ပေါ့ပါးပါး ကြည့်ရှုလိုက်ကြပါဦး

t.me/cartoonbynikko/3267

စက်ဘီးသူခိုးများ (၁၉၄၈)

IMDb - 8.3/10
Genre - Thriller, Drama

အခြေခံလူတန်းစားတွေရဲ့ ဘဝပုံစံကို သေချာရိုက်ပြထားတယ်။ အန်တိုနီယိုရစ်ချီ ဆိုတာ အခြေခံလူတန်းစားဘဝနဲ့ တစ်နေ့တစ်နေ့ ထမင်းတစ်နပ်စားရဖို့ ကိုယ့်မှာရှိတာတွေ တစ်စတစ်စပေါင်ပြီး ဘဝရပ်တည်နေရတဲ့ လူပါ။ အလုပ်မရှိ၊ အကိုင်မရှိနဲ့ ဒီလိုပဲ ဖြစ်နေတော့ မိန်းမကလည်း တဖြည်းဖြည်းမကြည်လာတော့ဘဲ သားဖြစ်သူ ဘရူနို ကပါ ငယ်ငယ်လေးနဲ့ အပြင်မှာ အလုပ်ထွက်လုပ်နေရတယ်။ ဒီလိုနဲ့ တစ်နေ့ကျတော့ အန်တိုနီယို တစ်ယောက် ပိုစတာလိုက်ကပ်တဲ့ အလုပ်ကို ရလိုက်ပါတယ်။ ဒီကြားထဲ အဲဒီအလုပ်ကို လုပ်မယ်ဆို စက်ဘီးရှိမှ ရမယ်ဆိုလို့ အပေါင်ထားထားတဲ့ စက်ဘီးလေးကို လင်မယားနှစ်‌ယောက် အိပ်ယာခင်းတွေ သွားပေါင်ပြီး ရွေးရပြန်တယ်။ မဟုတ်ရင် အလုပ်ကရှိပေမဲ့ လုပ်မရဖြစ်နေမှာလေ။ အစပိုင်း တစ်ရက်နှစ်ရက်မှာတော့ အလုပ်က အားလုံးအိုကေ၊ မှာစိုပြေပါပဲ။ ဒါပေမယ့် တစ်ရက်ကျ မြို့ထဲမှာ ပိုစတာကပ်နေရင်း သူ့စက်ဘီးစုတ်လေးကို စက်ဘီးသူခိုးက မသွားရော။ ဇာတ်လမ်းက ဒီမှာမှ စတာပါ။ အလုပ်ရှိပေမဲ့ အလုပ်လုပ်မရတဲ့ သားအဖနှစ်ယောက်ရဲ့ စက်ဘီးပျောက်ရှာပုံတော်အကြောင်းပေါ့။

t.me/cartoonbynikko/3269

ကရာတေး ကလေးငယ် (၁၉၈၄)

IMDb - 7.3/10
Genre - Family, Action

” တပည့်ဆိုးဆိုတာ မရှိဘူး၊ ဆရာဆိုးပဲ ရှိတယ်”

” တိုက်ခိုက်တာကိုဘာလို့လေ့ကျင့်ရတာလဲ၊ တိုက်ခိုက်ဖို့မလိုအောင်ပေါ့”

ဂျက်ကီချန်းရဲ့ ကရာတေးကလေး ကိုတော့ အားလုံးရင်းနှီးပြီးသားဖြစ်မှာပါ။ အဲဒီရုပ်ရှင်ရဲ့ မူရင်းဗားရှင်း ဂန္ဓဝင်ရုပ်ရှင်ကားကြီးကို ပြန်ခံစားနိုင်ဖို့ တင်ဆက်ပေးလိုက်ပါတယ်။ ဒီရုပ်ရှင်မှာ ကရာတေးဆရာကြီး မီယာဂီအဖြစ် သရုပ်ဆောင်ခဲ့တဲ့ မင်းသားကြီး ပတ်မော်ရီတ ဟာအကောင်းဆုံးဇာတ်ပို့ဆု အော်စကာဆန်ခါတင်ဝင်ခဲ့ပါတယ်။ ဒီရုပ်ရှင်ထဲမှာ တိုက်ခိုက်ခန်း တွေထက် မှတ်သားစရာ စကားတွေသင်ခန်းစာယူစရာ အကြောင်းအရာတွေက ပိုပြီး စိတ်ဝင်စားဖို့တောင်ကောင်းပါသေးတယ်။ Action,Drama,Family ရုပ်ရှင်တွေထဲမှာတော့ ကြည့်ကိုကြည့်သင့်တဲ့ ကားပါပဲ။

t.me/cartoonbynikko/3271