အနာဂတ်ရဲ့ နှလုံးသား (၂၀၂၆)

“နည်းပညာက လူကို ကယ်တင်နိုင်သလို… ငရဲတံခါးကိုလည်း ဖွင့်ပေးနိုင်တယ်”

ကဲ၊ တရုတ် Sci-Fi Monster ကားကြမ်းကြမ်းတွေ ကြိုက်တဲ့ ဘော်ဒါတို့အတွက် ယိုးကုထွက် ဇာတ်ကားသစ်လေးနဲ့ မိတ်ဆက်ပေးပါရစေ။ အနာဂတ်ကာလမှာ အရာရာကို ထိန်းချုပ်နေတဲ့ ချောင်းရှင်းအေအိုင် စနစ်ကြီး အမှားယွင်းဖြစ်ပြီး ထိန်းချုပ်မှု ကင်းမဲ့သွားတဲ့အခါမှာတော့ အိပ်မက်ဆိုးကြီး စတင်ပါတော့တယ်။ တကယ်တော့ ဒီချောင်းရှင်းအေအိုင်နဲ့ သဘာဝဂေဟစနစ်ပုံစံ ပြန်တည်ဆောက်ထားတဲ့ ဇီဝပန်းခြံမှာ အသုံးချဖို့ ရည်ရွယ်ထားပေမဲ့ ဒီအေအိုင်မှာ တည်ဆောက်သူတွေပဲ သိတဲ့ bug တစ်ခုရှိနေတာကိုတော့ ဘယ်သူမှ မသိပါဘူး။ ဒါကို မသိတဲ့ မသမာသူတစ်စုက ဒီအေအိုင်ကို ခိုးယူဖို့ ကြိုးစားရင်း စနစ်ထဲကို ဗိုင်းရပ်စ် ထည့်လိုက်ချိန်မှာတော့ AI ရဲ့ အမှားကြောင့် ရှေးဟောင်းခေတ်က သတ္တဝါကြီးတွေဖြစ်တဲ့ ဒိုင်နိုဆော စက်ရုပ်တွေကို အသက်ပြန်သွင်းလိုက်မိရာကနေ မြို့ပြကြီးတစ်ခုလုံးကို ဖျက်ဆီးပြီး လူသားတွေကို ရက်ရက်စက်စက် သတ်ဖြတ်ကြပါတော့တယ်။ ဒီလို သံမဏိစက်ရုပ် သတ္တဝါကြီးတွေ သောင်းကျန်းနေတဲ့ကြားမှာ ဇာတ်လိုက်တွေ တစ်စုတစ်ဝေးတည်း အသက်လုပြေးကြရတဲ့အခါ သူတို့တွေ ဒီအန္တရာယ်တွေကြားထဲကနေ ဘယ်လို လွတ်မြောက်အောင် ရုန်းကန်ကြမလဲ

t.me/hanamoviesforyou/2832

၅၁ (၂၀၂၅)

IMDB - 5.8/10
Genre - Sci-fi, Thriller

ပြင်သစ် သိပ္ပံစိတ်ကူးယဉ် သည်းထိတ်ရင်ဖို ရုပ်ရှင်ကားဖြစ်ပြီး အနာဂတ်ကမ္ဘာရဲ့ AI နည်းပညာနဲ့ လူမှုရေး ခွဲခြားမှုတွေအကြောင်းကို တင်ဆက်ထားတာပါ။ အနာဂတ်မြို့ပြရဲ့ မှောင်မှိုင်းတဲ့ အငွေ့အသက်တွေနဲ့ ရိုက်ကူးထားတာဖြစ်လို့ ရုပ်ထွက် ပိုင်းက တကယ့်ကို ရှယ်ကြီးပါ။ လက်ရှိခေတ်စားနေတဲ့ AI နည်းပညာအပေါ် လူသားတွေရဲ့ မှီခိုမှုနဲ့ အဲဒီနည်းပညာက လူသားတွေကို ပြန်လည်ထိန်းချုပ်လာရင် ဘာဖြစ်မလဲဆိုတာကို မေးခွန်းထုတ်ထားပါတယ်။ ၂၀၄၅ ခုနှစ် အနာဂတ် ပဲရစ်မြို့တော်ကြီးဟာ လူမှုအတန်းအစားအလိုက် ဇုန် (၃) ခု ခွဲခြားခံထားရပါတယ်။ တစ်မြို့လုံးကို အယ်လ်မာ လို့ခေါ်တဲ့ အဆင့်မြင့် AI စနစ်ကြီးက စောင့်ကြည့်ထိန်းချုပ်ထားပြီး ရဲတပ်ဖွဲ့ရဲ့ လုပ်ငန်းစဉ်တွေကိုလည်း ဒီ AI ကပဲ ဦးဆောင်နေတာပါ။ တစ်နေ့မှာတော့ ဒီ AI စနစ်ကြီးကို တီထွင်ခဲ့တဲ့ သိပ္ပံပညာရှင်ကြီး အသတ်ခံလိုက်ရပါတယ်။ ဒီအမှုကို စုံစမ်းဖို့အတွက် ဇုန် (၂) က အထက်တန်းလွှာ ရဲအရာရှိမလေး ဆလီယာ နဲ့ ဇုန် (၃) က ဆင်းရဲသားရပ်ကွက်မှာ နေထိုင်တဲ့ ဝါရင့်ရဲအရာရှိ ဇမ် တို့ ပူးပေါင်းလိုက်ရပါတယ်။ သူတို့နှစ်ဦး အမှုကို ဖော်ထုတ်ရင်းနဲ့ အယ်လ်မာ AI စနစ်ရဲ့ နောက်ကွယ်က ကြောက်မက်ဖွယ်ကောင်းတဲ့ လျှို့ဝှက်ချက်တွေ၊ အဂတိလိုက်စားမှုတွေနဲ့ သူတို့ကို အုပ်ချုပ်နေတဲ့ အာဏာပိုင်တွေရဲ့ အမှောင်ဘက်ခြမ်းတွေကို ရှာဖွေတွေ့ရှိသွားတဲ့အခါမှာတော့ ဘာတွေဆက်ဖြစ်လာမလဲဆိုတာ စိတ်ဝင်စားစရာ ကြည့်ရမှာပါ။

t.me/hanamoviesforyou/2834

မှေးမှိန် အရိပ် (၂၀၂၂)

IMDB - 6.1/10
Genre - Crime

ဒီတခါတော့ စိတ်ဝင်စားဖို့ကောင်းတဲ့ လျှို့ဝှက်မှုခင်းဇာတ်လမ်းလေး တင်ဆက်ပေးလိုက်ပါတယ်။ ၁၉၉၀ ကျော်ခေတ်ကို အခြေခံပြီး ရိုက်ကူးထားတာဖြစ်ပါတယ်။ ဟွိုင်ချွမ်ဆိုတဲ့ နယ်လေးရဲ့ ကျူတောထဲမှာ လူသတ်မှုတစ်ခု ဖြစ်ပွားခဲ့တယ်။ ကောက်ချက်ဆွဲပုံတူ ပန်းချီဆရာဖြစ်တဲ့ Zhang Xin က တာဝန်အရ မျက်မြင်သက်သေပြောတဲ့အတိုင်း ပြစ်မှုကျူးလွန်ကြောင်း သံသယရှိသူပုံကို ဆွဲရတဲ့အခါ မထင်မှတ်ပဲ သေဆုံးသွားတာ ၁၀ နှစ်ကြာပြီဖြစ်တဲ့ မိန်းကလေးတစ်ယောက်ရဲ့ ပုံကို ဆွဲမိရက်သား ဖြစ်သွားခဲ့တယ်။ အဲဒီမိန်းကလေးဟာ နယ်အကဖွဲ့ရဲ့ ဘဲလေးအကသမားတစ်ယောက်ပဲ။ အားလုံးက Zhang Xin က မှားပြီး ပုံဖော်တယ်လို့ ယူဆနေတဲ့အချိန်မှာ အမှုဟာ ၈၀ ခုနှစ်တုန်းက အမှုတွေနဲ့ ဆက်စပ်နေခဲ့တယ်။ Zhang Xin ဟာ သူမှန်ကြောင်းပြဖို့အတွက် လိုက်စုံစမ်းရင်း တဖြည်းဖြည်းနဲ့ ဝေဝါးနေတဲ့ အမှုတွေကြားထဲ ရောက်သွားခဲ့ရာ တရားခံဟာ ဘယ်သူဖြစ်မလဲ၊ မျက်မြင်သက်သေ အဖိုးအို မြင်လိုက်တဲ့သူကရော ဘယ်သူဖြစ်မလဲဆိုတာကိုတော့ အဆုံးထိ ကြည့်လိုက်ပါနော်။

t.me/hanamoviesforyou/2836

အကြောင်းပြချက်မဲ့ (၂၀၁၂)

IMDB - 6.6/10
Genre - Romance, Drama

အချစ်မှာ “ဘာလို့လဲ” ဆိုတာ မရှိဘူးတဲ့။ တစ်ဦးက ဂုဏ်သိက္ခာ၊ တစ်ဦးက ချစ်မေတ္တာ၊ တစ်ဦးက ရမ္မက်ဆိုတဲ့ ကွဲပြားတဲ့ ကိုယ်စီ အလေးထားမှုတွေနဲ့ လူသုံးယောက်ရဲ့ အရှုပ်တော်ပုံလို့ပဲ တင်စားလိုက်ပါရစေ။ အထူးသဖြင့် အန်နာ ကရီနီနာ ဆိုတဲ့ သားတစ်ယောက်မိခင် အိမ်ထောင်ရှင် အမျိုးသမီးတစ်ယောက်ရဲ့ ရင်နင့်ဖွယ် ဇာတ်လမ်းလေးတစ်ပုဒ်ပေါ့။ အဖြစ်အပျက်တွေ အားလုံးရဲ့ မြစ်ဖျားခံရာကတော့ အစ်ကိုဖြစ်သူရဲ့ အိမ်ထောင်ရေး အခြေအနေ အဆင်မပြေမှုကို ဖြောင်းဖျဖို့ သွားခဲ့ရာ မော်စကိုမြို့လေးပါပဲ။ ဗရွန်စကီ ဆိုတဲ့ ချောမောခန့်ညားတဲ့ အသက်ငယ်ငယ် မြို့စားတစ်ယောက်နဲ့ သူ ဆုံဆည်းခဲ့ပုံကလည်း ရထားပေါ်မှာ အမှုမဲ့အမှတ်မဲ့ပါပဲ။ သို့ပေမဲ့ အမှတ်တမဲ့ကနေ အမှတ်တရတွေ ဖြစ်ခဲ့ကြပြီး မပြတ်နိုင်တဲ့ သံယောဇဉ်တွေကြောင့် ရပ်တန့်ဖို့ ကြိုးစားချိန်မှာတော့ အရမ်း နောက်ကျသွားခဲ့ပြီ။ ပြင်ဆင်ဖို့ နောက်ကျခဲ့ခြင်းကြောင့် ရေပြင်လို တည်ငြိမ်အေးချမ်းနေတဲ့ အိမ်ထောင်တစ်ခုဟာ ဘောင်ဘင်ရိုက်ခတ်ခဲ့ရပါပြီ။ ဒါ့အပြင် မိန်းမတွေအတွက် ဆုံးဖြတ်ပိုင်ခွင့်နည်းပြီး နေတတ်ထိုင်တတ်မှ လူရာဝင်တဲ့ ခေတ်ကာလတစ်ခုမှာ ဆန္ဒကို ဦးစားပေးတတ်တဲ့ အမျိုးသမီးတစ်ယောက်ရဲ့ ဘဝကို ကွင်းကွင်းကွက်ကွက် စိတ်ဝင်စားဖွယ် တင်ဆက်ထားတာကို တွေ့မြင်ရမှာဖြစ်ပါတယ်။

t.me/cartoonbynikko/3217

အစပြုခြင်း (၂၀၂၅)

IMDB - 6.9/10
Genre - Family, Drama

အိမ်ထောင်ရေးပြဿနာတွေကို ကောင်းကောင်းပုံဖော်ထားပြီး မိသားစုကြားက ချစ်ခြင်း၊ မုန်းခြင်း၊ တာဝန်သိခြင်းနဲ့ နာကျင်ခြင်းတွေကို အဓိက ရိုက်ပြထားတဲ့ Family Drama ကားကောင်းလေးတစ်ကားပါ။ ဇာတ်လမ်းကတော့ အိမ်ထောင်သက်တမ်း ကြာမြင့်ခဲ့ပြီး အခုအခါမှာ လမ်းခွဲပြတ်စဲဖို့ ဆုံးဖြတ်ထားကြတဲ့ သောမတ်စ် နဲ့ အန်းနီ တို့ ဇနီးမောင်နှံအကြောင်းပါ။ သူတို့နှစ်ယောက်ဟာ လမ်းခွဲဖို့ ပြင်ဆင်နေကြပေမဲ့ ဒီအကြောင်းကို သူတို့ရဲ့ ကလေးတွေကိုတော့ မဖွင့်ပြောရသေးပါဘူး။ သောမတ်စ် က သူ့ရဲ့ ရည်းစားအသစ်နဲ့အတူ နေထိုင်ဖို့ ပြောင်းရွှေ့ဖို့ ပြင်ဆင်နေတဲ့ အချိန်မှာပဲ မထင်မှတ်ဘဲ အန်းနီ တစ်ယောက် လေဖြတ်ခြင်း ဝေဒနာကို ခံစားလိုက်ရပါတယ်။ ဒီအခြေအနေကြောင့် သောမတ်စ် ဟာ သူမကို ပစ်မထားနိုင်ဘဲ အတူတူ ဆက်နေဖို့ ဖြစ်လာပါတော့တယ်။ လမ်းခွဲချင်နေတဲ့ စိတ်နဲ့ တစ်ဖက်မှာလည်း ကျန်းမာရေး မကောင်းတဲ့ ဇနီးသည်ကို ပြုစုစောင့်ရှောက်ရမယ့် တာဝန်ကြားမှာ သူတို့ရဲ့ ဘဝအရှိတရားသစ်ကို ဘယ်လို ရင်ဆိုင်ကျော်ဖြတ်မလဲဆိုတာကို ရင်နင့်စရာ မြင်တွေ့ရမယ့် Nordic Drama ကားကောင်းတစ်ကားဖြစ်ပါတယ်။

t.me/cartoonbynikko/3219

စကားလက် (၂၀၂၅)

IMDB - 6.3/10
Genre - Animation

၁၆ ရာစုနှောင်းပိုင်း ဒိန်းမတ်နိုင်ငံမှာ အများပြည်သူက ချစ်ခင်လေးစားကြည်ညိုပြီး စစ်မက်ဖြစ်ပွားတာကို မလိုလားတဲ့ ဘုရင်တစ်ပါး အုပ်ချုပ်နေပါတယ်။ ဒါပေမဲ့ သူနဲ့ အယူဝါဒချင်း မတူညီ၊ စိတ်သဘောထားချင်း မတူညီတဲ့ ညီတော်ဖြစ်သူက မနာလိုဝန်တိုပြီး တိုင်းပြည်ရော မိဖုရားကိုပါ သိမ်းပိုက်ပြီး အစ်ကိုတော်ကို ကွပ်မျက်လိုက်ပါတယ်။ ဖခင်ဖြစ်သူ အသတ်ခံရတာကို မြင်လိုက်ရတဲ့ စကားလက် တစ်ယောက် သူ့ဦးရီးတော်ကို လက်စားချေဖို့ ဘဝတလျှောက်လုံး ဓားပညာတွေ ခိုးသင်ပြီး အသက်အရွယ်ရလာချိန် လက်စားချေတဲ့အခါမှာတော့ ထင်သလို ဖြစ်မလာဘဲ သူပဲ သေဆုံးသွားခဲ့ရပါတယ်။ ဒါပေမဲ့ ပြန်နိုးထလာတဲ့အခါမှာတော့ စကားလက် တစ်ယောက် သေခြင်းနဲ့ ရှင်ခြင်း အတူတူ ဖြစ်တည်နေတဲ့ ထူးဆန်းတဲ့ ဘုံကမ္ဘာတစ်ခုကို ရောက်နေပါတော့တယ်။ ဒီနေရာမှာပဲ ၂၁ ရာစု ဂျပန်ပြည်က ဆေးအကူဝန်ထမ်း ကောင်လေး ဟီဂျီရီ နဲ့ တွေ့ဆုံပြီး တစ်ဖက်က အာဃာတတွေနဲ့ ပူလောင်နေတဲ့ စကားလက် နဲ့ ဆန့်ကျင်ဖက်ဖြစ်သူ ဟီဂျီရီ တို့ ဒီကမ္ဘာကြီးထဲမှာ ဘယ်လိုတွေ စွန့်စားပြီး ဘာတွေ ကြုံဆုံကြမလဲဆိုတာကို စိတ်ဝင်စားဖွယ် ကြည့်ရှုရမယ့်အပြင် စကားလက် တစ်ယောက် အောင်မြင်စွာ လက်စားချေနိုင်မလား၊ ဟီဂျီရီ နဲ့ရော ဘာဇာတ်လမ်းတွေ ဖြစ်ပေါ်လာမလဲ၊ ဒီကမ္ဘာထဲကနေ ပြန်လည် လွတ်မြောက်နိုင်ပါ့မလားဆိုတာကတော့။

t.me/cartoonbynikko/3221

နုပျိုခြင်း ရေတံခွန် (၂၀၁၇)

IMDb - 6.2/10
Genre - Sci-fi

ဇာတ်ကားစစချင်းမှာပဲ ပရော်ဖက်ဆာ ဟော်ပါ ဆိုသူက ပျောက်ဆုံးနေတဲ့ဟစ်ပီမျိုးနွယ်စုတွေကိုလိုက်ရှာဖို့ လှိုဏ်ဂူတစ်ခုထဲကိုဝင်ဖို့အကြောင်းဖန်လာပါတယ်။ထိုဟစ်ပီလူမျိုးများက နုပျိုခြင်းရေတံခွန်ကိုလိုက်ရှာရင်း‌ပျောက်ဆုံးသွားကြတာပါ။ ပရော်ဖက်ဆာ ဟော်ပါ ကပြန်မရောက်လာတဲ့အခါမှာ သူ့ရဲ့ကျောင်းသားတွေဖြစ်တဲ့ တေလာ နဲ့ ဂျက်ကီ ကပရော်ဖက်ဆာ ဟော်ပါ နောက်ကိုလိုက်ဖို့ပြင်ကြပါတယ်။ သူတို့နဲ့အတူ ကယ်ရာ ၊ ဗီးစ် နဲ့ ဖာဘီ တို့သုံးယောက်ကိုလည်းခေါ်သွားပါတယ်။ ပရော်ဖက်ဆာ ဂော ပါဝင်သွားတဲ့ လှိုဏ်ဂူကိုရောက်တဲ့အခါမှာ ဖာဘီ ကိုအပြင်မှာစောင့်ခိုင်းခဲ့ရင်း သူတို့လေးယောက်လည်းလှိုဏ်ဂူထဲကိုလိုက်ဝင်သွားပါတယ်။ လှိုဏ်ဂူက အောက်ခြေကိုကြိုးနဲ့ဆင်းရပါတယ်။ လှိုဏ်ဂူထဲမှာအော်ဟစ်သံလိုမျိုးကြားလို့ ပြန်တက်ဖို့လုပ်တဲ့အခါမှာ ကြိုးတွေအကုန်လုံးကပြတ်ကျကုန်ကျပါတယ်။ အဲဒါကိုသူတို့က အပေါ်မှာကျန်နေခဲ့တဲ့ ဖာဘီသူတို့ကိုစနောက်တယ်ထင်ပြီး ပါလာခဲ့တဲ့ရေဒီယိုနဲ့ ဖာဘီ ကိုဆက်သွယ်ဖို့ကြိုးစားတဲ့အခါမှာ ဖာဘီရဲ့အသံမဟုတ်ပဲ အခြားလူတစ်ယောက်ရဲ့ အသံနဲ့ "ကယ်ပါ" ဆိုပြီးပေါ်ထွက်လာပါတော့တယ်။ ဘာဖြစ်လို့ကြိုးတွေကပြတ်သွားရတာလဲ၊ ဖာဘီ ကရောဘယ်ရောက်သွားလဲ

t.me/cartoonbynikko/3233

သူရဲကောင်းနှင့် တနေ့တာ (၂၀၁၀)

IMDB - 6.3/10
Genre - Action, Comedy

တွမ်ခရုစ် နဲ့ ကမ်မရွန် တို့ပါဝင်ထားတဲ့ဇာတ်ကားလေးပါ။ နှစ်ယောက်လုံးက ဝါရင့်တွေပီပီ ဇာတ်ကားတစ်လျှောက်လုံး ကြည့်ရှုသူအပေါင်းကို စိတ်ပါဝင်စားအောင် ဆွဲခေါ်သွားနိုင်ပါတယ်။ ပေါ့ပေါ့ပါးပါး ဟာသဆန်ဆန် Action ကားကိုကြည့်မယ်ဆိုရင် အလိုက်ဖက်ဆုံးဇာတ်ကားပါ

t.me/cartoonbynikko/3235

ရတနာ (၂၀၂၁)

IMDb- 6.4/10
Genre - Action, Thriller

စပိန်နိုင်ငံမှာ နစ်မြှုပ်နေတဲ့ ရတနာကို ရှာဖွေမှုအတွက် လှည့်ကွက်ပေါင်းစုံနဲ့ ရိုက်ကူးထားတဲ့ အက်ရှင်စွန့်စားခန်းကားတစ်ခုဖြစ်ပါတယ်။ မာဂရက် က ရှေးဟောင်းပစ္စည်းတွေကို ရှာဖွေတဲ့ သုတေသီတစ်ယောက်ဖြစ်ပြီး, သူ့မှာ ဂျိမ်းစ်, လော်ရိန်း, စီမွန်, ကလော့စ် ဆိုတဲ့ လုပ်ဖော်ကိုင်ဖက်လေးယောက်ရှိတယ်။ သူတို့အဖွဲ့က ဆယ်ယူရေးအလုပ်ကို လုပ်ဆောင်နေကြသူများ ဖြစ်ကြပြီး, ထက်မြက်တဲ့ အင်ဂျင်နီယာကောလိပ်ကျောင်းသား တွမ် ဟာ အဖေလုပ်စေချင်တဲ့ အလုပ်ကို လက်မခံခင်မှာပဲ သူတို့အဖွဲ့ရဲ့ ကမ်းလှမ်းချက်ကို လက်ခံလိုက်တယ်။ တွမ် သူတို့အဖွဲ့ထဲကို ဝင်လိုက်တာက ဘဏ်ရဲ့ မီးခံသေတ္တာ နည်းစနစ်ကို စိတ်ဝင်စားနေလို့ပဲ ဖြစ်ပါတယ်။ ကလော့စ် ကတော့ ကွန်ပျူတာဟက်ကာဖြစ်ပြီး, လော်ရိန်း က ခိုးယူမှုပညာမှာ ကျွမ်းကျင်သူတစ်ဦးဖြစ်သည်။ စီမွန် ကတော့ လိုအပ်တဲ့ပစ္စည်းတွေကို စုဆောင်းပေးရတာဖြစ်တယ်။ တစ်နေ့မှာ သူတို့ စပိန်ဘဏ်ထဲကို ဝင်ပြီး အချက်အလက်တွေ စုဆောင်းကြတယ်။ အဲ့လိုနဲ့ သူတို့ ရှေးဟောင်းရတနာကို ရယူဖို့ ဘယ်လိုမျိုး စွန့်စားလိုက်ရမလဲ? ဘဏ်ရဲ့ လုံခြုံရေးစနစ်တွေ, မီးခံသေတ္တာ ဖောက်တဲ့နည်းစနစ်တွေကို ဒီကားထဲမှာ တွေ့မြင်ခံစားရမယ်။

t.me/cartoonbynikko/3237

ညီအစ်ကို ၃ ယောက် (၂၀၀၇)

IMDB - 7.2/10
Genre - Comedy, Adventure

ဇာတ်လမ်းက ဖခင်ဖြစ်သူ ဆုံးပါးသွားပြီး တစ်နှစ်အကြာမှာ ညီအစ်ကို သုံးယောက်ဖြစ်တဲ့ ဖရန့်စစ်၊ ပီတာ နဲ့ ဂျက်ခ် တို့ အိန္ဒိယမှာ ပြန်ဆုံကြရာက စတာပါ။ သူတို့ဟာ ရထားကြီးကို စီးပြီး အိန္ဒိယတစ်ခွင် ခရီးလှည့်ရင်း သူတို့ကြားက ပြတ်တောက်နေတဲ့ သံယောဇဉ်တွေကို ပြန်ဆက်ဖို့ ကြိုးစားကြတာပေါ့။ ဒါပေမဲ့ ပြဿနာက သူတို့ သုံးယောက်စလုံးမှာ ကိုယ်စီ အရှုပ်အထွေးတွေ ရှိနေကြတာပါ။

t.me/cartoonbynikko/3240