အချစ်နွေရာသီ (၂၀၀၄)

IMDb - 6.7/10
Genre - Romance, Thriller

အဖေအမေ ဆုံးသွားပြီးနောက် အကိုနဲ့ မောင်နှမနှစ်ယောက်တည်း နေနေရတဲ့ မိုနာ ဆိုတဲ့ ကောင်မလေးနဲ့ နွေရာသီကျောင်းပိတ်ရက်၊ နယ်မြို့လေးကိုပြန်လာတဲ့ တမ်မ်ဆင် တို့ ကောင်မလေးနှစ်ဦးကြားက အချစ်ဇာတ်လမ်းလေးကို ကြည့်ရှုရမှာပဲဖြစ်ပါတယ်။ ဇာတ်ဆောင်တွေရဲ့ ကွဲပြားတဲ့စရိုက်နဲ့ မတူညီတဲ့ ဘဝဇာတ်ကြောင်းကြားမှာ အချစ်တစ်ခုဘယ်လိုပေါက်ဖွားလာမလဲဆိုတာကိုတော့ဆက်လက်ကြည့်ရှုလိုက်ကြပါဦး။

t.me/cartoonbynikko/2614

ရီဝေသောမျက်လုံးများ (၂၀၁၉)

IMDb - 6.9/10
Genre - Romance, Comedy

သံသရာကို ဘယ်လိုပဲ အမည်ပေးပေး၊ တကယ်တမ်း ဝေးကြရတဲ့အခါ တစ်ပတ်ပြန်လည်မလာမှာကို ကြောက်နေမိသူတစ်ယောက် ရှိနေကြောင်း သိစေချင်ရုံပါ။ နှလုံးသွင်းချင်း မတူညီလို့ လွဲခဲ့ရတဲ့ ဘဝတွေ၊ ကမ္ဘာကြီးပေါ်ကျတဲ့ မိုးစက်တွေထက် ပိုများတယ်ဆိုတာကလေး သိစေချင်ရုံပါ။ အဲဒီမီးဟာ လောင်ကျွမ်းစေသူကိုသာမက လောင်ကျွမ်းခံရသူကိုပါ မြှိုက်တယ်ဆိုတာကို သိစေချင်ရုံပါ။ ဟိုးတုန်းက ကလင်ကလင် မြည်တတ်တဲ့ ဘဲလ် ကလေးပါတဲ့ စက်ဘီးကလေးတစ်စီး ရှိခဲ့ဖူးပါတယ်။ ဒါပေမဲ့ အဲဒီစက်ဘီးကလေးရဲ့ ကယ်ရီယာခုံလေးအကြောင်းကို ပြောပြခဲ့ဖူးရင်လည်း မေ့သာပစ်လိုက်ပါ။ ချိန်းကြိုးကလေးတွေက နှစ်ဦးသား အတူ အဝေးကို မှ မသယ်ဆောင်နိုင်ခဲ့တာကိုပါ သိစေချင်ရုံပါ။


t.me/hanamovie20/8230

တနေ့နေ့တော့ ပင်လယ်ကြီးဆီရောက်မှာပါ (၂၀၂၂)

IMDb - 6.4/10
Genre - Drama

ဒီဇာတ်ကားက လွမ်းမောဖွယ်ဂျပန် Drama ဖြစ်ပြီး၊ မနကိုတနိ ဆိုတဲ့ အရမ်းအေးဆေးရှက်ရွံ့ပြီး လူတွေနဲ့သိပ်အဆက်အဆံလုပ်လေ့မရှိတဲ့ မိန်းကလေးတစ်ယောက်မှာ အရမ်းရင်းနှီးချစ်ခင်တဲ့သူငယ်ချင်း တစ်ယောက်သာရှိပါတယ်။ သူကတော့ တက္ကသိုလ်စတက်ကတည်းက ဆုမိရဲ လို့ခေါ်တဲ့ မိန်းကလေးသူငယ်ချင်းဖြစ်ပြီး၊ အချင်းချင်း တောင်ကြိတ်ပြီးအားကျရလောက်အောင်ချစ်စရာကောင်းသူပဲဖြစ်ပါတယ်၊ သို့သော် ဆုမိရဲ သေဆုံးသွားချိန်မှာ မနကိုတနိ ဟာ ဖြေမဆည်နိုင်အောင်ဖြစ်ခဲ့ပြီး အတိတ်တွေထဲမှာပိတ်မိနေခဲ့ပါတယ်။ လက်ရှိဘဝကို အဆင်ပြေအောင်ရှေ့ဆက်နေသော်လည်း အတိတ်ကသူငယ်ချင်းမိန်းကလေးရဲ့ ထူးခြားမှုတွေ၊ နှစ်ဦးကြား သံယောဇဉ်တွေ အတူပျော်ခဲ့ဖူးတဲ့အမှတ်တရနဲ့ ဖြစ်ရပ်တွေကို ပြန်သတိရရင်း လွမ်းဆွတ်ရတဲ့အဖြစ်တွေကို ရိုက်ကူးထင်ထောက်သွားထားတဲ့ ဇာတ်ကားလေးပဲဖြစ်ပါတယ်။

t.me/hanamovie20/8228

လမ်းလျှောက်ရင်း လမ်းပျောက်ခဲ့သူ (၂၀၂၅)

IMDb - 6.2/10
Genre - Action, Thriller

ဒီကားက လက်ဝှေ့ကားလားဆိုတော့ မဟုတ်ဘူး၊ ဇာတ်ကားမှာ ဇာတ်လမ်းရဲ့ အထာကို မှန်းမရဘဲ အယောင်ပြပြီး ကျွန်တော်တိုကို ပညာကောင်းကောင်းလေး ပြသနိုင်မဲ့ကားပါ၊ ရိုဇီဇကီ ဟာ လက်ဝှေ့သမားဟောင်း အနားယူသွားသူဖြစ်ပြီး အိမ်အကောင်းကြီးကနေ ဆင်းလာပြီး အစုတ်အပြတ်ရပ်ကွက်မှာနေ၊ အိမ်တောင် သေချာမပြင်ထားနိုင်တဲ့ နေရာမှာ တစ်ယောက်တည်းနေပါတယ်၊ အဲဒီချိန်မှာ သူ့ရဲ့ တစ်ချိန်ကပြိုင်ဘက် ဝါရှင်တန် ဆိုသူကတော့ တောက်တောက်ပြောင်ပြောင်နဲ့ ပေါ့၊ အစ်ကိုဖြစ်သူက ရိပ်သာမှာ သမီးကလည်း သူနဲ့မတည့်လိုသက်သက်နေပြီး အမြဲတမ်း သေနတ်ကို အိတ်ထဲထည့်ထားကာ ဝါရှင်တန် ကိုပဲ သတ်ရမလား၊ ကိုယ့်ကိုယ်ကိုယ်ပဲ သတ်သေရမလား ဆိုပြီး ရိုဇီဇကီ တစ်ယောက်မှာ တိုင်ပတ်နေပါတယ်၊ ဒီအချိန်မှာ သူ့သမီးက တစ်နေရာမှာ အလုပ်ထွက်လုပ်မှာမို့ မြေးကို ရိုဇီဇကီ နဲ့ လာထားသွားပြီး၊ မြေးရဲ့ လက်စကို သိသွားတဲ့ ရိုဇီဇကီ ဟာ သူ့မြေးကို လက်ဝှေ့လောကထဲ ဆွဲသွင်းပေးဖို့ အခွင့်အရေးရလာပါတယ်၊ ဇာတ်လမ်းက အများကြီးဆက်ပြောရင် သိကုန်မှာစိုး၊ ဒါပေမဲ့ ဒီကားထဲမှာ လမ်းပျောက်နေတဲ့ ရိုဇီဇကီ တစ်ယောက်ရဲ့ ဘဝအကြောင်း၊ သူ့စိတ်သဘောထား၊ သူ့လုပ်ရပ်တွေ၊ ဘာတွေကြောင့်လုပ်နေသလဲ ဆိုတာကို ရုပ်ရှင်ပြီးဆုံးချိန်ထိ တစ်စိမ့်စိမ့်တွေးရအောင် ပြသထားတဲ့ အနှစ်သာရရှိတဲ့ ဇာတ်ကားကောင်းဖြစ်ကြောင်း တိုက်တွန်းချင်ပါတယ်။

t.me/cartoonbynikko/2343

မိသားစုရဲ့ အဝေး (၂၀၁၆)

IMDB - 8/10
Genre - Adventure, Drama

မိသားစုနဲ့ ဝေးကွာနေရတဲ့အခါ လွမ်းစွတ်တမ်းတမိတာမျိုး ဒုက္ခတွေ ကြုံရတဲ့အခါ အိမ်လွမ်းမိတာမျိုးကို ကျွန်တော်တို့တွေ ကြုံဖူးကြမှာပါ။ ဘယ်လောက်ပင် သာယာတဲ့ အခြေအနေမျိုးမှာ ရှိနေပါစေ မိသားစုနဲ့ ဖြတ်သန်းခဲ့ရတဲ့ အချိန်တွေကိုပြန်တမ်းတမိကြမှာပါ။ Saroo ရဲ့ ရင်ထဲမှာရှိတဲ့ ခံစားချက်ကို ကျွန်တော် အလွယ်တကူဘဲ ကိုယ်ချင်း စာခံစားလို့ရခဲ့ပါတယ်။ ၂၅နှစ်လောက် ငါ့မိသားစု ငါ့ကို ပူဆွေးစွာလိုက်ရှာ နေခဲ့တဲ့ ခံစားချက်ကို ငါနားလည်တဲ့ ဆိုတဲ့ Saroo ရဲ့ စကားဟာ သူ့မိသားစု အပေါ်မှာထားရှိတဲ့ သံယောဇဉ်ပါ။ Saroo ရဲ့ သူ့အကိုပေါ်မှာ ထားတဲ့ သံယောဇဉ်ဟာ အကိုတစ်ယောက်ထက်ပိုတဲ့ ဖခင်တစ်ယောက်လို အားကိုးတဲ့ သံယောဇဉ်မျိုးဖြစ်ခဲ့မှာပါ။ တကယ်တော့ မိသားစု ရဲ့ မေတ္တာကသာ အနွေးထွေးဆုံးပါ

t.me/dramamv/4070

စပိုင်မလေး (၂၀၂၄)

သင်တန်းကျောင်းတစ်ခုက ကျောင်းသားတွေက ဝက်ဘ်ဆိုက်တစ်ခုထောင်ပြီး မိန်းကလေးပုံတွေကို အပျော်တင်ပြီးတော့ အလှဆုံးမိန်းကလေးကို အိန်ဂျယ်လို့ သတ်မှတ်ကြပါတယ်။ တစ်နေ့မှာတော့ သင်တန်းကျောင်းနားက ဘာဂါဆိုင်မှာ အသစ်ဝင်လာတဲ့ မိန်းကလေးတစ်ယောက်က အိန်ဂျယ်အသစ်အနေနဲ့ ရုတ်တရက် နာမည်ကြီးလာပါတယ်။ တကယ်တမ်း အဲဒီမိန်းကလေးက မြောက်ကိုရီးယားက ရောက်လာတဲ့ သူလျှိုဖြစ်နေတဲ့အခါမှာတော့။ သူလျှိုမိန်းကလေးက ဘာအကြောင်းနဲ့ တောင်ပိုင်းကို ရောက်လာရတာလဲ။ သင်တန်းကျောင်းက ကျောင်းသားဖြစ်တဲ့ ဂိုဘုံး နဲ့ ဘယ်လို ဇာတ်လမ်းလေးတွေ ဖြစ်သွားမလဲဆိုတာ ပေါ့ပေါ့ပါးပါးနဲ့ ကြည့်ရှုခံစားလိုက်ကြပါဦးနော်။

t.me/dramamv/4074

ထူးဆန်းသောလှိုဏ်ဂူ (၂၀၁၈)

နာမည်ကြီးရှေးဟောင်း သုတေသန ပညာရှင်တစ်ယောက် ပျောက်ဆုံးသွားတာကို ရှာဖွေမယ့် ကျောင်းသားတစ်သိုက်တို့ Texas ရှိ အရမ်းနက်တဲ့ ဂူထဲကို ဝင်ရောက်ဖို့ ဖြစ်လာသောအခါ ဒီဂူကြီးထဲမှာ အချိန်ရဲ့ ကုန်ဆုံးမှုက အပြင်နဲ့ မတူပဲ နှေးကွေးနေတဲ့အတွက် အချိန်ဖောက်ပြန်မှုတွေ ဘယ်လိုတွေ ဖြစ်လာမလဲ။ သမိုင်းနဲ့ အခြားအရာတွေကတော့ ဘယ်လိုတွေ ဖြစ်လာမလဲ စိတ်ဝင်စားဖွယ်ရာ ကြည့်ရမယ့် ဇာတ်ကားကောင်း ဖြစ်ပါတယ်။

t.me/cartoonbynikko/3171

ယောင်ဂျု (၂၀၁၈)

IMDb - 6.6/10
Genre - Drama

ကားတိုက်မှုကြောင့် မိဘတွေ ဆုံးပါးသွားပြီးတဲ့နောက် ယောင်ဂျု ဟာ ပညာရေးကို စွန့်လွှတ်လိုက်ရပြီး မောင်လေးဖြစ်သူ ယောင်အင် ကို ပြုစုစောင့်ရှောက်ရင်း ဘဝကို ခက်ခဲစွာ ရုန်းကန်နေရတဲ့ အသက် ၂၀ အရွယ် မိန်းကလေးတစ်ဦးပါ။ တစ်နေ့မှာ ယောင်ဂျု မှာ ပြဿနာတစ်ခု ဖြစ်ပွားခဲ့ပြီး အမှု ကျေအေးဖို့အတွက် ငွေအများအပြား လိုအပ်လာတဲ့အခါ ယောင်ဂျု အနေနဲ့ လမ်းပျောက်သွားခဲ့ရပါတယ်။ ငွေကြေး အခက်အခဲကြောင့် ယောင်ဂျု ဟာ မိဘတွေကို ကားနဲ့ တိုက်မိခဲ့တဲ့ တရားခံ ဇနီးမောင်နှံဆီကို ရည်ရွယ်ချက်ရှိရှိနဲ့ ချဉ်းကပ်ခဲ့ပါတယ်။ ဒါပေမဲ့ မထင်မှတ်ထားဘဲ ထို ဇနီးမောင်နှံဆီကနေ မေတ္တာနဲ့ ကြင်နာမှုကို ရရှိလာတဲ့အခါမှာတော့ သံယောဇဉ်နဲ့ နာကြည်းမှုကြားမှာ ဘယ်လိုတွေ ရှေ့ဆက်သွားမလဲဆိုတာ ။

t.me/msubmovie0/8558

လူထူးဆန်းလေး (၂၀၀၇)

IMDb - 7.3/10
Genre - Romance, Drama

တန်းတူ ကလေးတွေနဲ့ ယှဉ်ရင် ပုံမှန် ဉာဏ်ရည်မဟုတ်တဲ့ ၁၁ နှစ်အရွယ် ကျောင်းသားလေး ဟောဒုံဂူ ဟာ ကျောင်းမှာရှိတဲ့ ရေစင်ကနေ ရေကရားနဲ့ ရေသယ်ပြီး အခန်းဖော်တွေကို ရေငှဲ့ပေးရတဲ့ အလုပ်ကို စွဲလန်း သဘောကျနေတဲ့သူ ဖြစ်ပါတယ်။ ဒါပေမဲ့ ကျောင်းက စာသင်ခန်းတိုင်းမှာ ရေသန့်စက် တပ်လိုက်တဲ့အခါမှာတော့ သူ နှစ်သက်တဲ့ အလုပ်ကို မလုပ်ရတော့ဘဲ ဖြစ်သွားပါတော့တယ်။ ဒီလိုနဲ့ ကျောင်းရဲ့ ဘေ့စ်ဘောအသင်းမှာ အသစ်ဝင်တဲ့ လူသစ်က စီနီယာ ကစားသမားတွေအတွက် ရေငှဲ့ပေးရတယ်ဆိုတာကို သိလိုက်ရချိန်မှာ ဘေ့စ်ဘောအသင်းထဲ ဝင်လာခဲ့ပါတော့တယ်။ ဘေ့စ်ဘောအကြောင်း ဘာမှ မသိဘဲ ရေငှဲ့ပေးချင်တဲ့ စိတ်တစ်ခုတည်းနဲ့ ဘေ့စ်ဘော အသင်းအဖွဲ့ထဲ ဝင်လာတဲ့ ဟောဒုံဂူ တစ်ယောက် နည်းပြရဲ့ သင်ကြားပေးမှု၊ ဖခင်ရဲ့ ပံ့ပိုးအားပေးမှု၊ သူငယ်ချင်းဖြစ်သူရဲ့ သင်ကြားပြသပေးမှုတို့နဲ့ ဘေ့စ်ဘော ပြိုင်ပွဲမှာ ဝင်ပါ ဖြစ်ခဲ့ပုံကို ရယ်စရာလေးတွေ၊ အလွဲလေးတွေ ရောပြီး ကြည့်ရှုရမှာပဲ ဖြစ်ပါတယ်။ ဖခင်တစ်ဦးရဲ့ မေတ္တာ၊ သူငယ်ချင်း သံယောဇဉ်တွေကို အကောင်းဆုံး ပုံဖော်ထားတဲ့ ဇာတ်ကားကောင်းလေး ဖြစ်တာကြောင့် အားလုံးပဲ ခံစား ကြည့်ရှုကြပါဦးရှင်။

t.me/hanamoviesforyou/2670

လက်ထပ်ဝတ်စုံလေး (၂၀၁၀)

IMDB - 7.5/10
Genre - Drama

ဘဝမှာ ကိုယ်ချစ်ရဆုံးသူတစ်ယောက် ရှိကြမှာပါ။ ဒီဇာတ်လမ်းလေးထဲမှာတော့ တစ်ခုလပ် မိခင် ဂိုဝွန်း က မင်္ဂလာဝတ်စုံ ဒီဇိုင်နာတစ်ယောက်ဖြစ်ပြီး သူ့မှာ သွေးကင်ဆာ ရှိနေကြောင်း စစ်ဆေး တွေ့ရှိခဲ့ပါတယ်။ အဲဒီနောက်မှာ သူမရဲ့ သမီးလေး ဂျောင်ဆိုရာ ကို သူမ မပါဘဲ နေထိုင်တတ်ဖို့ ဆိုရာရဲ့ အကျင့်တွေကို ဘယ်လို ပြင်ဆင်ပေးခဲ့မလဲဆိုတာကို တွေ့ရမှာပါ။ သမီးလေးနဲ့ မခွဲခင်မှာ ဂိုဝွန်း က သမီးလေးအတွက် မင်္ဂလာဝတ်စုံ ဝတ်ဆင်ခြင်း အပါအဝင် တတ်နိုင်သမျှ အရာအားလုံးကို လုပ်ပေးချင်ခဲ့ပါတယ်။ သူမရဲ့ ရောဂါ ပိုဆိုးလာနဲ့အမျှ ဆိုရာ လည်း သူ့အမေ နေမကောင်း ဖြစ်နေတာကို သိသွားပြီး သူ့အမေရဲ့ ဆန္ဒတွေကို လျှို့ဝှက်ပြီး ဘယ်လို ဖြည့်ဆည်းပေးဖို့ ကြိုးစားမလဲ။ ချစ်ရတဲ့ သူ့အမေအတွက် သူ့အကျင့်တွေကို ပြင်ပြီး ဘယ်လိုတွေ ရှေ့ဆက်မလဲ၊ ကိုယ်ချစ်ရဆုံး အမေနဲ့ မခွဲရခင်မှာ ဆိုရာ လေးက ဘယ်လိုတွေ ဖြည့်ဆည်းပေးမလဲ ဆိုတာကိုတော့။

t.me/cartoonbynikko/3173

အချစ်တိုက်ပွဲ (၂၀၁၉)

IMDb - 6.2/10
Genre - Comedy

ထဲန် လုပ်တဲ့အလုပ်ကတော့ “နှစ်နှစ်အတွင်း မပြတ်ရင် အတိုးငွေ ရတယ်” ဆိုတဲ့ အာမခံအလုပ်ပဲ ဖြစ်ပါတယ်။ ဒီအာမခံက ချစ်သူစုံတွဲတွေကို မက်လုံးပေးပြီး နှစ်နှစ်သာ ကာလအတွင်းမှာ မပြတ်ခဲ့ရင် အတိုးရမယ်ဆိုတာပါပဲ။ အာမခံ စတင်လုပ်ပြီး ၃ လအကြာမှာတော့ အာမခံကုမ္ပဏီဘက်က အမြင်မတူတာကြောင့် သတ်မှတ်ထားတဲ့ အချိန်ကာလ တစ်နှစ်အတွင်း ထဲန် တွက်ချက်ထားသလို မဖြစ်ရင် ဒီအာမခံကို ဖျက်သိမ်းမယ်ဆိုပြီး ဖြစ်လာခဲ့ပါတယ်။ ဒါကြောင့်မို့ ထဲန် တစ်ယောက် ကိုယ့်အာမခံလေး အဖျက်သိမ်း မခံရအောင် အတွဲတွေ မပြတ်ပြတ်အောင် ကြံစည်ပါတော့တယ်။ အချစ်ကို ကိုးကွယ်နေတဲ့ ကျစ် တစ်ယောက်တော့ အတွဲရှာပေးတဲ့ ကုမ္ပဏီတစ်ခုမှာ အောင်သွယ်တော် လုပ်ခဲ့ပါတယ်။ ဒါပေမယ့် ထဲန် နဲ့ တွေ့အပြီးမှာပဲ ကျစ် တွဲပေးတဲ့ အတွဲမှာ ပြဿနာရှိခဲ့တာကြောင့် ကျစ် ဟာ ကုမ္ပဏီအထက် အမိန့်အရ ထဲန် ရဲ့ အာမခံကုမ္ပဏီဆီ ပြောင်းရွှေ့ခံရပါတော့တယ်။ ထဲန် နဲ့ ကျစ် နှစ်ယောက် အတွေးတွေ မတူညီတာကြောင့် နှစ်ဦးကြား လောင်းကြေးတစ်ခု ရှိလာပါတယ်။ သတ်မှတ်ထားတဲ့ တစ်နှစ်အတွင်း အာမခံ ဝယ်ထားတဲ့ အတွဲတွေထဲက ပြတ်ဆဲရာခိုင်နှုန်း ၅၀ ရှိရမယ် ဆိုတာပါပဲ။ ဆန့်ကျင်ဖက် နှစ်ဦးဖြစ်တဲ့ ထဲန် နဲ့ ကျစ် နှစ်ယောက်သား ဘယ်လို ဆက်ဖြစ်မလဲ၊ ထဲန် ကရော အချစ်ကို ပြန်ယုံကြည်နိုင်မလား၊ ကျစ် ရဲ့ လာဗင်ဒါ အချစ်ပန်းခင်းကြီးကရော ဆက်ပြီး သာယာနေဦးမလား။

t.me/cartoonbynikko/3175

(၁၈+) အချစ်မဲ့ အိမ်ထောင်ရေး (၂၀၁၆)

အချစ်မပါတဲ့ အိမ်ထောင်ရေးဟာ ဆားမပါတဲ့ ဟင်းလိုပါပဲ။ ဒီဇာတ်ကားမှာတော့ ဆိုနိုကို ဆိုတဲ့ အမျိုးသမီးတစ်ယောက်က မိဘတွေ စီစဉ်ထားတဲ့ အမျိုးသားတစ်ဦးကို လက်ထပ်ခဲ့ပါတယ်။ နှစ်အတော်ကြာ လက်ထပ်ပေါင်းသင်းခဲ့ပြီး သားလေးတစ်ယောက် မွေးခဲ့ပေမယ့် သူ့ယောကျ်ားကို လုံးဝ မချစ်ခဲ့တာကြောင့် အိမ်ထောင်ရေး သာယာမှု မရှိခဲ့ပါဘူး။ အမျိုးသားဖြစ်သူက ရာထူးတိုးပြီး တိုကျိုမြို့ကို ပြောင်းလာခဲ့ပါတယ်။ တိုကျိုမြို့ ရောက်တော့ ဆိုနိုကို ရဲ့ အမျိုးသားရဲ့ အရာရှိ အိုချီ နဲ့ တွေ့မှပဲ ချစ်မိသွားပါတော့တယ်။ နောက်ပိုင်း ဆိုနိုကို တို့ အိမ်ထောင်ရေးက အဆင်ပြေပါ့မလား။ အိုချီ နဲ့ ဆိုနိုကို တို့ ဘာဆက်ဖြစ်မလဲဆိုတာ ဆက်လက် စောင့်ကြည့်ပေးပါဦး။

t.me/cartoonbynikko/3177