افرَزن ريحِتك من يا درُب مرّيت
اليجي مشتاگ يثگل والهَوى يدِفعة
اختصر كُلشي واطول مِن اريد انسَاك
واحس كُل صبح بارِد وجهكّ يتبعَة

وشيصيرنَ بَعد ؟
خله الـ يَصير يصير
خَل كلشي الـَلية وينَگلب ضدي
خَلي سنيني تغرگ
خله عمُري يفيض
خَله گبال عينيِ ويَنهدم سَدي
خايف صَح چنت !
بس چنت أخاف عليكَ !
والمنَ بعَدكَ انتَ ، وخايف شَعندي

أنه ناحِل و أنه ذَابِل
وأنه ضِيم أسود مِثل لون المِكَاحل .

عذرك ما يفيد ولا يصير ضماد
بعد ما تعبت كلبي عليمن راد؟
كتلك غير جفك ماتكود الايد
بس انتَ بغيابي تعودت تنگاد
والله تندمت كد ما اسامح بيك
كل مره اني اسامح ولغلط ينعاد .

حبنَي؟
مو بس بالسوالف
السوالف ماتهمني
المواقف الي تحدد
وانت بيهن فشلتني .

وينَك
وين الكَاك
دليـني
أجـيلك اسرَع مِن
الشَوف
أوصلَك كبَل
عيَني .

اخذني بكلشي مابيعَك
أخذني مِن التَعب يمَك
اموت بسَد اصابيعَك
اخذني وياك مِن عندي
اخذني لأيّ حلم ارتاح
مو شرط بحلم وَردي .

اشيلَك مِن خيالي
بطيفي اشوفَك جاي
انهي وياك شوگي
سوالفَك تبدي
اقرَّر نبتعد ترّجع ترد وَياي
معيشني بقلق
چنَك مرض مُعدي .

افرَزن ريحِتك من يا درُب مرّيت
اليجي مشتاگ يثگل والهَوى يدِفعة
اختصر كُلشي واطول مِن اريد انسَاك
واحس كُل صبح بارِد وجهكّ يتبعَة