التّفرّدُ مريحٌ جدًا، حتّى وإن جعلك منبوذًا.

"في اللحظة الأخيرة من حياتك؛ سيدرك العالم أنّهم جرحوك و أنّك شخص جيد.. لكّنك غادرت."

" قرارُكَ كان خاطئاً حينَ اندفعتَ بكاملِ عفويتك، كان عليك وضعُ مسافةً آمنة تحميك".

‏"يحتاج المرء احيانًا أن يبوح بتعبه، دون أن يتلقى ردًا أو مواساة".

11:11

وعدته ما اكون مُهتم بتفاصيله بطريقة مُبالغ فيها، مشان ما أسبّب لحالي الأذى واخسره، بس أنا ما قدرت اتعامل معه وكأنّه شخص عادي، ما قدرت اتمالك نفسي من التدقيق فيه بكُلّ مرّة بشوفه

بيوم شفته بالغت شوي، اتطلّع فيه بشكل غريب، اقرّب منه وارجع ابعد، امسك إيده وارجع افلتها، كُنت كُلّ شوي اسأله ( كيفك! إنت بخير؟ ) وهو يصفن ويخاف منّي، وكان يجاوبني وهو بيرجف ( طول ما إنتِ معي أنا بخير).

أنا كُنت عارف إنّه رح يقلق مِن تصرفُاتي معه ما في منطق بحكي إنّه ( اسأله عن يومه كيف كان، ووين كان وهو مِن بداية اليوم لنهايته معي ).

خسرته، وقبل ما تنتهي المُكالمة الأخيرة بيني وبينه حكالي ( إنتِ مش سيئة، إنتِ بتخوّفي ).

ومن لمّا انتهت المُكالمة، وأنا بدوّر على الجُزء المُخيف بشخصيتي، ضيّعت وقت طويل وأنا بلوم بحالي على خسارته، وقت طويل وأنا بحاول اكتشف وين وشو السبّب ليشوفني بخوّف، بالنّهاية، اكتشفت إنّي ما بخوِّف، بس هو يلي ما تعوّد ينحب، وعرفت إنّه بس حكالي أنا بخير وإنتِ معي، كان يرجف لأنّه خايف علي منه، مش خايف على حاله مني.

*لا تعطي حجم لأشخاص ما عندهم حجم، اعطي كُلّ حدّ على هواه، اوعك تخسر شخصك مشان تكسب حدا❤️.

ما بحب كلمة "إنت مكبّر الموضوع" طالما إنك مش حاط حالك مكاني، ومش حاس بالشعور يلّي بحسّ فيه، الأفضل تظل ساكت مشان أنا مش ناقصك والله❤️.

في يوم من الايام راح ترجع، مش لأنك مشتاق ولا الحب رجعك، بس لأنو ما في شخص قدر يعوض محلي، وقدر يمحي كل ذنوبك وسلبياتك وفرجاك قديش العظمة مغطية ملامحك، راح تشوف كثير غيري وتحاول تعيش معهم التفاصيل إلي كانت بينا بس راح تنصدم بعدم العطاء من الطرف القدامك، وتتذكر بالوقت هداك ردي بمسج طويل مع وردة على باب بيتك وبالمقابل الشخص إلي تركتني عشانه رد عليك بكلمتين بس لحتى يحسسك انو محترم وقتك مش مشاعرك..

لقد كان لنا شرف المحاولة ومثلما يخلع جندي درعه ليحصي هزائمه ،خلعنا قلوبنا !ولم يهزمنا بعد ذلك احد.🖤

مشاعري دايمًا هي الفاصِل بيني وبين أي شخص بعرفه، لو في إنسان كُنت بحبّه ومتعلّق فيه، وفجأه حسيتُه بستغْل حسُن شعوري تجاهُه، ببعد بدون أدنى تفكير، إذا في حدَا بكرهو وصار يعاملني بطريقه لطيفة واكتشفَت إنه ما بيستاهل كْرهي، بقرُب منه وبتعمق فيه أكثر.

أنا شَخص بقدّس مشاعرُه وبِعرف منيح متى يعطيها ومتى يسلبِها، عشان هيك قبِل ما تتلاعَب بعواطَفي، بتلاقَيها فجأة طردتَك من جوّاي.🖤

تكمن المشكلة بأنه احنا عارفين بل متيقنين أنه ما في شي بالدنيا بناخده كامل، وأنه دائمًا حتى بأسعد أحداث حياتنا بنكون خايفين وحاطين إيدنا ع قلبنا، بنفكر إنه بعد كل هالسعادة المفرطة وين وجه الإبتلاء؟
طيب متى رح نكتشف النّقص؟

بشكل أو بآخر بنخاف نكون بقمة سعادتنا، وصرنا نحس إنه السعادة فخ، والطمأنينة فخ، والأيام الساكنة الهادية أكبر فخ .
يمكن ما ببالغ لما أقول إنه صرنا بشر متطمنين بقلقنا، وخوفنا، وأرقنا .

عالأقل بنكون متطمنين إنه ما في أصعب من هيك، ومتطمنين إنه بعد الحزن فرحة .
القلق الحقيقي هو إنه بعد الفرحة احنا قاعدين منتظرين الحزن لنستقبله على الفراش الأحمدي .

أنا أخاف على حريتي أكثر من رغبتي بتأمين عواطفي، أفضّل أن أكون بائسًا وحرًا على أن أكون سعيدًا في قفص.

" ... ولكن لا يجوز أن تضغطوا على الإنسان بهذا القدر لأنه معتاد 🖤 "

" كيف تصف اللون الأحمر لشخص كفيف !! ❤️ "

As someone said " Red feels like the heat in your face when someone you love compliments you" ❤

مش صعب علي أبدًا إني اتجاوَز الأشخاص مهما كان تأثيرهم بحياتي قوي، عارف منيح إنه كُلنا بنتبدل والانسان يلي معك اليوم بكرَة الزّمن بيخلّي ضدك، لكن مشكلتي الوحيدة دايما بالأحداث، بالأماكن وباللحظات!

ما بعرِف امحي أو انسى ذكرى زرعتها فيّه، سواء كانت كويسة أو سيئة، الإشي الوحيد يلي حيبقى موجود منّك جواي هو موقِف، فحاول تترك بقلبي أثر طيّب لحتى يضل بينا خط رجعه.

لإنك لو عاملتني سنين بطريقة حلوة وبالنّهاية أذيتني، مش حتلاقي شي بالدّنيا يشفعلَك عندي.🖤

في النّهاية أنا بقدَر أكسِر وأجرح واحسسّك إني أسوء حد قابلته بحياتَك، الاهمال والتّرك عندي اسهل بكثير من إني اقدرك واعطيك أهمية، اسلوبي بارِد ومعاملتي قاسية، لدرجة حتخليك تستناني سنين حتّى ابعتلك وأنا أساسًا ما بتذّكر إنك موجود.

رغم كل هاد أنا أكثر إنسان بقدّس العلاقة، دايما متمسّك لآخر رمق، ممكن أسافر بلاد وأعمل المستحيلات واخسر أغلى ما عندي حتّى أضل كسبانك، لكن صدقني باللحظة يلي بحس فيها بالخدَاع من ناحيتَك، راح أخلّي كلشي وصفته عني بأول الموضوع، أهون بكثير من الفعل.

لو شلتك من استثناءاتي، حتتمنّى لو ترجع غريب، فخلّيك غريب لو ناوي تخدع.🖤

‏"أنت تُفضل تصديق الآخرين على تصديق خيالك الشخصي، وهذا ليس جيدًا بصورة كلية. لو كنت مكانك لأوليتُ اهتمامًا أكبر لخيالي. هو هبة ربانية، ربما لنتمكن عبره من تشييد العالم أو الارتباط بالآخرين أو لكي لا تصبح حياتنا تعيسة، أو ربما أيضًا ليساعدنا على اكتشاف الحقيقية". | فيديريكو جانمير

أنا بحكي ماشي مشان ما تصير مشكلة ، وبتصير مشكلة لأني حكيت ماشي!