#پلخاشه

هنی گِ بوحِؤیراتت هتؤ دنگ
بَری بی گیان بی نزگم اِ دل سنگ

اە روژه گِ م لنگ بیم اَربنارت
میام ار آوِ دلیای بی وِیارت

زَوَرتنگ بیمە سرتَرم تیله بارم
م دالاویزِ وژ بیم اَر مزارم

نه لاوِن دی نرسی دسمؤ تالت
نگستت م بومە میمان مالت

هرای راسی وە گرچینت وە هر گام
هریت خوشە مکرد ار شانتە مولام

وە گرد چینت اە روژیجه مِنم مِرد
مِنم پاون بی اَر دَم تاقِ چن دؤرد

مهت ئو گوش دنگِ راز و گلی یت
نمشتفتت هنای دلگیرِ پی یت!

گرئ گاو هوشتره ماشتئ اِ حالم
مِیاتی لئوچە سر کوچیل مالم

م چو یوسف کَتویم ایِ چالِ زِنجت
نوویمه یارِ زُولیـخایِ رِنجت

نه گِ نازارِ مصر بیمن نه عزیز
نه نوسووارِ دل بیمن نه شؤدیز

نه نوبازارِ تو بیم نه زُولیخا
نه سُوروشم هتو لانە نه خودا

تُمرز گورم اَە چالی زِنجته بی
اێ پلخاشه هنه جا دِنجته بی

#سیف_چراغی_بیسا

#پلخاشه
هنی گ بو هویراتت هت ئو دنگ
بری بی روح بی نزگم ا دا سنگ

#سیف_چراغی
#بیسا