Сочга масҳ тортаётганда фарқ очиш керакми?

Савол: Ассалому алайкум ва раҳматуллоҳи ва барокатуҳ. Одинахон опа, намоз ўқишдан олдин таҳорат пайтида сочга масҳ тортаётганда фарқ очиш керак, деб эшитдим. Очиқ бўлмаса ҳам, намоз ўқиса бўладими?

Жавоб:
Ва алайкум ассалом. Таҳорат қилганда масҳнинг масҳ бўлиши учун сочда фарқ очиш шарт қилинмаган. Сочда фарқ очилмагани намозни бузади, ҳам дейилмаган. Валлоҳу аълам.

Одинахон Муҳаммад Содиқ.
«Билимсизликнинг шифоси – савол» китоби, 1-жуз.

#Савол_жавоб
Савол бериш учун: savollar.muslimaat.uz

t.me/bintusodiq

Ёмон хабарларни эмас, яхшиликларни тарқатайлик

Ҳақиқатни айтганда, бугунги кунда яхши ҳодисалар кўп бўляпти. Аммо одамлар уларни кўришмаяпти, кўришса ҳам, эътиборга олишмаяпти, уларни одамларга етказишмаяпти. Кўпроқ шумхабарларга, салбий воқеа-ҳодисаларга эътибор беришяпти, хунук ҳолатларни келтириб чиқаришга уринишяпти, уларни имкон қадар кўпроқ одамларга етказишяпти. Бу ниҳоятда афсусланарли, ачинарли ҳолдир.

«Гўзал ўрнак» китобидан

@BintuSodiq

Зарар бериш ҳам, фойда бериш ҳам Аллоҳдан

Савол: Ёшим 25 да. Кўпчиликни унчалик ёқтирмайман. Ойижоним «Атрофингдаги одамларнинг оғирлигини, юкини тортиб оласан», дейдилар. Ўзимга дам солиб юраман. Шунда ҳам жиянимни ўйнатсам, инжиқ бўлиб қолади. Нима қилишим керак? Динда бу борада нима дейилган? Фолбинларга бормайман, ишонмайман. Сеҳр, зиён бор нарса. Маслаҳат беринг.

Жавоб:
Ва алайкум ассалом. Кўпчиликни ёқтирмаслик тўғри иш эмас. Зарар бериш ҳам, фойда бериш ҳам Аллоҳдан. Эрталаб, кечқурун ўқиб юриладиган зикр-дуоларни ўқиб юринг, айтганингиздек, ўзингизга дам солинг, Қуръон тиловатини кўпроқ эшитинг. Валлоҳу аълам.

Одинахон Муҳаммад Содиқ.
«Билимсизликнинг шифоси – савол» китоби, 1-жуз.

#Савол_жавоб
Савол бериш учун: savollar.muslimaat.uz

t.me/bintusodiq

​📲Muslimaat.uz иловаси

Ушбу дастур сизни фазилатли Шайх Муҳаммад Содиқ Муҳаммад Юсуф ҳазратлари асос солган ва у зотнинг аржумандлари – қизлари Одинахон Муҳаммад Содиқ раҳбарлик қилаётган muslimaat.uz сайтига оид маълумотлар оламига олиб киради.

Дастурдан азиз муслима опа-сингилларимиз учун кундалик ҳаётда керак бўлиб турадиган намоз ва рўза тақвими, қибла йўналиши, muslimaat.uz саҳифаси, савол-жавоблар бўлими, медиа бўлими, тасвир, "Омина" журналининг қирқдан зиёд электрон вариантлари каби бир қанча фойдали онлайн хизматлар ўрин олган. Шунингдек, дастур ёрдамида muslimaat.uz сайтидан олинган энг сўнгги маълумот ва янгиликлардан хабардор бўлиб туришингиз имкониятига эга бўласиз.

Дастур орқали сиз savollar.muslimaat.uz саҳифасидаги савол-жавобларни ҳам кузатиб боришингиз ва ушбу илова оркали ўзингизни қизиқтирган саволларингизни йўллашингиз ҳам мумкин.

muslimaat.uz дастури Шайх Муҳаммад Содиқ Муҳаммад Юсуф ҳазратларининг улкан илмий меросини ўрганиш ва ўргатишда сизга энг яқин ёрдамчи бўлади, деб умид қиламиз.

muslimaat.uz иловаси доимий тарзда сиз азизларнинг таклифларингизни инобатга олган ҳолда янгилаб борилади.

🔗Юклаб олиш учун ⤵️

@MuslimaatUz
@BintuSodiq

Қуёш чарақлаб турган бир вақтнинг ўзида сел ёғдириб, ҳавони чангу ғубордан поклаб қўйган Аллоҳ нақадар буюк, нақадар қодир Зот!

Расулуллоҳ соллаллоҳу алайҳи васаллам тавсия этган,  ёмғир ёғаётганда ўқиладиган дуони қилишни унутманг:

               اللَّهُمَّ صَيِّباً نَافِعاً

   "Аллоҳумма соййибан наафиъан.

Маъноси: "Парвардигоро, фойдали (хайрли) ёмғир қил"

Расулуллоҳ соллаллоҳу алайҳи васаллам: «...ёмғир пайтидаги дуо рад қилинмайди», дедилар.

Видеолавҳа ва матн муаллифи: Барно Саидраҳмон

@BintuSodiq

Ҳажнинг фарзлари 3 та бўлиб, улар:

1. Эҳром
2. Арофатда туриш
3. Тавофи ифоза

@BintuSodiq

Эридан яшириб йиққан пуллардан қурбонлик қилиш

Ассалому алайкум! Хўжайинимдан яшириб йиққан пулим бор, чунки уларнинг қўлларида пул турмайди. Оз-оздан йиғиб, закот бериш даражасига етдим. Закот ҳам бердим. Бошқалардан қарз оладилар. Қарз олмасликлари учун «Гапдаги «чёрный касса»нинг пули» деб, ўзларига бердим. Закот берган киши қурбонлик ҳам қилишини эшитгандим. Бунинг учун нима қилишим керак?

Жавоб:
Ва алайкум ассалом.
Бисмиллаҳир роҳманир роҳийм. Аввало йиғилган ўша пуллар кимники эканлигини аниқлаш керак. Агар пуллар турмуш ўртоғингизники бўлса, закотни у киши чиқаради. Пулни сизга деб берган бўлса ва сиз уни йиққан бўлсангиз, унда пуллар сизники бўлади ва закотини ўзингиз чиқарасиз. Қурбонликка келсак, бунда ҳам шу гап. Агар пуллар сизники бўлса-ю, ўша кунларда нисобга етган бўлса, қурбонлик қиласиз. Сизники эмас, турмуш ўртоғингизники бўлса ва ўша кунларда нисобга етган бўлса, у киши қурбонлик қилади. Бўлмаса, йўқ.
Валлоҳу аълам.

Одинахон Муҳаммад Содиқ

#Савол_жавоб
Савол бериш учун: savollar.muslimaat.uz

@BintuSodiq