#Mahoratdarsi

2026-yil 15-aprel kuni Oliy ta’lim tizimi kadrlarini qayta tayyorlash va malakasini oshirish institutida O‘zbekiston fanlar akademiyasi akademigi, taniqli olim Ibraimov Xolboy Ibragimovich ishtirokida "Yangi O‘zbekiston yoshlarini tarbiyalashning innovatsion metodologiyasi" mavzusida mahorat darsi tashkil etildi. Unda institut xodimlari hamda tinglovchilar ishtirok etdilar.

Mahorat darsi davomida ijtimoiylashuv, rivojlanish, qadriyatlar va axloqiy tarbiya pedagogikasi kabi tushinchalarning mazmun-mohiyati akademik tomonidan keng yoritib berildi.

Shuningdek, uchrashuv yakunida ishtirokchilar o‘zlarini qiziqtirgan savollariga javoblar oldilar, fikr almashdilar hamda taqdimot yuzasidan mulohazalarini bildirdilar. Ushbu mahorat darsi o‘zining dolzarbligi, zamonaviy ta’lim tizimidagi ahamiyati bilan barcha uchun manfaatli va qiziqarli bo‘ldi.

Bizni ijtimoiy tarmoqlarda kuzating.
Telegram | Facebook | Instagram | Youtube

#Seminar

Joriy yilning 16-aprel sanasida Oliy ta’lim tizimi kadrlarini qayta tayyorlash va malakasini oshirish instituti "Ta'lim sifati menejmenti" yo'nalishi tinglovchilari uchun “Buyuk Britaniyada ta'lim: tizim dekonstruksiyasi” mavzusida seminar bo‘lib o‘tdi.

Mazkur seminar Oksford universiteti bitiruvchisi, Bielsko-Biała International Training Center (Polsha) yetakchi mutaxassisi T.Pak tomonidan olib borildi.
Seminar davomida

- Buyuk Britaniya ta’lim tizimining tarkibiy tuzilmasi hamda boshqaruv mexanizmlari;
- xalqaro tajribalarning amaliy ahamiyati

batafsil yoritib berildi.

Seminar mobaynida tinglovchilar o’zlarini qiziqtirgan savollarga batafsil ma’lumot oldilar.

Bizni ijtimoiy tarmoqlarda kuzating.
Telegram | Facebook | Instagram | Youtube

#Memorandum #Hamkorlik

V.G. Korolenko nomidagi Glazov davlat muhandislik-pedagogika universiteti bilan hamkorlik yo‘lga qo‘yildi

Joriy yilning 20-aprel sanasida V.G. Korolenko nomidagi Glazov davlat muhandislik-pedagogika universiteti (Rossiya) hamda Oliy ta’lim, fan va innovatsiyalar vazirligi huzuridagi Oliy taʼlim tizimi kadrlarini qayta tayyorlash va malakasini oshirish instituti o‘rtasida muhim ahamiyatga ega hamkorlik memorandumi imzolandi.

Mazkur memorandum doirasida:

- oliy ta’lim tizimi rahbar va pedagog kadrlar malakasini oshirish;
- ilg‘or metodika va zamonaviy ta’lim texnologiyalarini joriy etish;
- ilmiy-tadqiqot faoliyatini rivojlantirish;
- innovatsion loyihalarni qo‘llab-quvvatlash yo‘nalishlarida hamkorlik yo‘lga qo‘yiladi.

Ushbu hamkorlik ikki tomonlama tajriba almashish, ta’lim sifatini oshirish hamda xalqaro aloqalarni yanada mustahkamlashga xizmat qiladi.

Bizni ijtimoiy tarmoqlarda kuzating.
Telegram | Facebook | Instagram | Youtube

#Ko‘rgazma

Joriy yilning 21 aprel kuni «INNOPROM. Markaziy Osiyo»ko‘rgazmasi doirasida MDH mamlakatlari hududlari va yetakchi kompaniyalarining keng ishtirokida o‘tkazilayotgan «MDH innovatsion sanoat forumi»ga Oliy ta’lim tizimi kadrlarini qayta tayyorlash va malakasini oshirish instituti tinglovchilari tashrif buyurdilar.

Toshkent shahridagi Central Asian Expo Uzbekistan xalqaro ko‘rgazma markazi (CAEx)da bo‘lib o‘tayotgan mazkur nufuzli tadbir sanoat, innovatsiya va texnologiyalar sohasidagi ilg‘or tajribalar almashinuvi uchun muhim platforma bo‘lib xizmat qilmoqda.

Forum davomida tinglovchilar zamonaviy ishlab chiqarish texnologiyalari, raqamli transformatsiya, sanoatda innovatsion yechimlar hamda xalqaro hamkorlikni rivojlantirish yo‘nalishlari bilan yaqindan tanishdilar.

Bizni ijtimoiy tarmoqlarda kuzating.
Telegram | Facebook | Instagram | Youtube

#Seminar

Joriy yilning 22-aprel sanasida Oliy ta’lim tizimi kadrlarini qayta tayyorlash va malakasini oshirish instituti "Ta'lim sifati menejmenti" yo'nalishi tinglovchilari uchun “Ilmiy tadqiqot metodologiyasi va strategiyalari” mavzusida seminar bo‘lib o‘tdi.
Mazkur seminar Jamia Millia Islamia universiteti (Hindiston) o'qituvchisi Muhammad Musavvir tomonidan olib borildi.

Seminar davomida:

-ilmiy tadqiqotlarni rejalashtirish;
-zamonaviy metodologik yondashuvlar, tadqiqot strategiyalarini tanlash;
-ilmiy muammo qo‘yish, hamda sifat va miqdoriy tadqiqot metodlari

batafsil yoritib berildi.

Seminar mobaynida tinglovchilar o’zlarini qiziqtirgan savollarga batafsil ma’lumot oldilar.

Bizni ijtimoiy tarmoqlarda kuzating.
Telegram | Facebook | Instagram | Youtube