​​Риддерде 35 үй өртенді

Шығыс Қазақстан облысындағы Риддерде 35 үй мен 9 шаруашылық құрылысы өртенді.

Төтенше жағдайға байланысты көмекке мұқтаж жандар үшін жедел желі нөмірі іске қосылды. Көмекке мұқтаж адамдар 8(7232) 55-38-19 нөміріне қоңырау шала алады.

Жедел желі нөмірі бойынша психологтар жұмыс істейді. ШҚО бойынша ТЖД Дағдарыс орталығында жедел штаб құрылды. Жану алаңы - 310 га. Өртті сөндіру үшін күш пен құрал жеткілікті. Оқиға орнына қосымша 3 автоцистерна мен 15 құтқарушы барады. Қажет болған жағдайда көмекке көмекші техника жұмылдырылады.

@bilesinbe

​​Шымкентте басына кастрөл киіліп, шешілмей қойған 1,5 жасар бала құтқарылды

Бүлдіршін жарақат алмаған, бірақ басын ұстатпай жылай береді. Құтқарушылар келген кезде балақай жылағаннан шаршап, ұйықтап кетіпті.

Құтқарушылар өсімдік майын жағып, ақырын қимылмен 15 минуттың ішінде бүлдіршіннің басынан кастрөлді шешіп алды. Операция сәтті аяқталды, қыз бала зардап шеккен жоқ.

@bilesinbe

🇮🇳Үндістандағы Ганг өзенінен отыз мәйіт табылды

Үндістанның Буксар қаласындағы Ганг өзенінен COVID-19-дан қайтыс болған адамдардың кем дегенде отыз мәйіті табылды.

Жергілікті халық жағалауда орналасқан ауыл тұрғындары кремация мен жерлеу рәсімінің қымбат болуына байланысты қайтыс болған адамдардың денелерін өзенге амалсыздан лақтырады деп санайды.

Елде вирус жұқтырғандар саны 22,2 миллионнан асты

🇷🇺Қазан қаласындағы мектепте атыс болып, 11 адам қаза тапты

Қайтыс болғандардың басым бөлігі - сегізінші сынып оқушылары

Сейсенбі, 11 мамырда Қазан қаласындағы № 175 мектепте атыс басталды. Қару ұстаған екі адам мектепке кіріп, оқ жаудырды. Атыс шығарған жасөспірімнің бірі терезеден секіріп кетті, деп жазады ТАСС.

Басылымның мәліметінше, оқ автоматты қарудан атылғанын, шабуылдаушы негізгі кіреберіс арқылы мектепке кірген. Одан кейін оқ атқан.

🇨🇳Қытайда халық саны 1,41 млрд адамнан асты

Құрлықтық Қытайда халық саны 1,41178 млрд адамға жетіп, 2020 жылы көбеюін жалғастырды.

Қала тұрғындарының үлесі 901,99 млн адамға жетіп, ел тұрғындарының жалпы санының 63,89 пайызын құрады.

Елде 60 жас және одан асқандар үлесі 18,7 пайызды құрады, бұл 2010 жылы өткен халық санағындағы көрсеткіштен 5.44 пайыз жоғары. Ер адамдардың әйелдерге арақатынасы 105,07:100 құраған.

@bilesinbe

Қазақстанда 1,7 млн-нан астам адамға коронавирус вакцинасы егілді

12 мамырдағы мәлімет бойынша Қазақстанда 1 727 011 адам коронавирус вакцинасының бірінші компонентін салдырды. Екінші компонентті салдырғандар саны – 670 593.

@bilesinbe

​​​​АҚШ Конгресінің мұрағатынан Turkestan әні табылды

«Turkestan» музыкалық туындысы.
Сөзі - Бобби Джонс (Bobby Jones), музыкасы - Джек Стерн (Jack Stern), Орындайтын - «American Quartet» тобы.
⠀
Аталған әннің пластинкасы АҚШ Конгресс кітапханасының архивінен табылды. Бұған Түркістандағы «Farab» кітапханасының ғылыми-зерттеу еңбегінің нәтижесінде қол жетті.

Түрлі мұрағаттық деректер бойынша, пластинка 1906 жылы немесе 1919 жылы жазылған болуы мүмкін. Бұл ән 1919 жылы Бродвей хиті болған.

@bilesinbe

Мамырда үсік жүреді

"Қазгидромет" синоптиктері 13-15 мамырда Қазақстанда ауа райы қандай болатынын айтты. Осы кезеңде бірнеше облыста аяз күтіледі.

13 мамырда Қазақстанның басым бөлігінде жаңбыр жауады. Шығыс Қазақстан облысында нөсерлі жаңбыр болады.

14 мамырдан бастап Шығыс Қазақстан, Алматы, Жамбыл облыстарын қоспағанда, бүкіл елде жауын-шашынсыз ауа райы күтіледі. Аталған өңірлерде жаңбыр жауады.

15 мамырда Солтүстік Қазақстан, Ақмола, Павлодар, Қарағанды және Шығыс Қазақстан облыстарында түнгі уақытта 1 градусқа дейін үсік жүреді. Республика бойынша кей жерлерде жел екпіні күшейіп, найзағай ойнап, бұршақ жаууы мүмкін.

@bilesinbe

Bek Air ұшағы апатына кінәлілер сотталды

Талғар аудандық сотында риэлтор мен жергілікті экс-шенеуніктерге үкім шығарылды, олар Алматы әуежайының жанындағы жер учаскелерін заңсыз сатқаны үшін айыпталды.

Олардың құқық бұзушылықтары салдарынан 2019 жылы Bek Air ұшағы апатқа ұшырап, 12 адам қаза тапқан болатын.

Талғар аудандық жер қатынастары бөлімінің бұрынғы басшысы Рустам Тұрысбеков қауіпсіздігі барынша төмен мекемеде төрт жылға бас бостандығынан айырылды және оған жеті жылға мемлекеттік қызметте жұмыс істеуге тыйым салынды;

Талғар аудандық жер қатынастары бөлімінің тағы бір бұрынғы басшысы Қайрат Алтынбекұлы қауіпсіздігі барынша төмен мекемеде үш жыл бас бостандығынан айырылып, мемлекеттік қызметте жұмыс істеуге алты жылға тыйым салынды;

Талғар ауданы "жер кадастры ғылыми-өндірістік орталығы" бөлімшесінің бұрынғы басшысы Жарас Мәшімбаев үш жылға бас бостандығынан айырылды;

Талғар ауданы "жер кадастры ғылыми-өндірістік орталығы" бөлімі басшысының бұрынғы міндетін атқарушы Медеу Қалыбеков үш жылға бас бостандығынан айырылды;

Талғар ауданы "жер кадастры ғылыми-өндірістік орталығы" бөлімшесінің жерге орналастыру секторының бұрынғы басшысы Берік Абдуллаев үш жылға бас бостандығынан айырылды;

риэлтор Нұрайым Алданыш орта қауіпсіздік мекемесінде екі жыл алты айға бас бостандығынан айырылды.

@bilesinbe

​​DigitADAL: партия цифрлық жаңа 6 өнімді таныстырды


ADAL партиясы цифрлық өнімдер экожүйесін дамытудағы жұмысын жалғастырып, қазақстандықтарды өз түйткілді мәселелерін шешуде белсенді болуға шақырады.

Партия жаңа 6 цифрлық өнімді таныстырды:

Adal Azamat – «Халық үніне құлақ асатын мемлекет» тұжырымдамасын іске асыруға арналған мобильді қосымша, оның көмегімен елдімекендегі түйткілді мәселе жайында онлайн-режимде егжей-тегжейлі баяндап, сол мәселелер мен оларды шешу бойынша ұсыныстарға дауыс беруге болады.

Adal Qamqor – үй жанындағы дүкендерден күнделікті азық-түлік жиынтықтарымен қамтамасыз ету арқылы көпбалалы және тұрмысы төмен отбасыларға қолдау көрсету жобасы.

Adal Sauat – инфлюенсерлер арқылы халықтың сауаттылығын арттыруға бағытталған білім беру жобасы.

Adal Market – партияның фирмалық дүкенін дамыту, көпшілік арасында «ADAL» брендін кең тарату.

Adal Info – «ADAL» партиясының ақпараттық порталы.

Adal Live – күрделі түйткілдер жайында қарапайым тілмен. YouTubе канал және әлеуметтік желілерде ақпараттық-танымдық бағдарламалардың шығарылымы.

Осылайша, цифрлық форматта проблемалар пулын жинап, талдауға, ең бастысы, халықтың өмір сүру сапасын едәуір арттыру үшін мәселелерге уақтылы әрекет етуге мүмкіндік жасалады.

@bilesinbe

Таразда кафе алдында тұрғынды пышақтап кеткен ер адам ұсталды

23 жастағы тұрғын Тараз қаласының кафелерінің бірінің жанынан өтіп бара жатып, сол кафеден шығып бара жатқан ер азаматқа, бұзақылық ниетпен тиісіп, жанжал шығарған. Күдікті ер адамның жүрегіне пышақ салып, оқиға орнынан қашып кеткен. Ер адам ұсталды. Күдікті өзінің кінәсін толық мойындады.

Ертең, 5 қаңтарда Мемлекет басшысы Қасым-Жомарт Тоқаев Үкімет мүшелерінің, Президент Әкімшілігі қызметкерлерінің және басқа да жауапты органдар өкілдерінің қатысумен еліміздегі әлеуметтік-экономикалық жағдайға қатысты кеңес өткізеді.

Үкіметтік комиссия Ақтау қаласындағы Ынтымақ алаңына жиналған белсенділермен кездесті

Кездесуде Ақтау қаласының бастамашыл тобымен келіссөздер барысында қабылданған шешімдер жарияланды. Атап айтқанда, "ҚазМұнайГаз"ҰК АҚ әлеуметтік жауапкершілігі аясында Маңғыстау облысында сұйытылған газ құнын төмендету және литріне 50 теңге бағасын белгілеу туралы айтылды.

Сондай-ақ, алаңда болған адамдарды жауапкершілікке тартпау туралы кепілдік берілді.

Сондай-ақ, тараптар туындаған барлық мәселелерді сындарлы диалог аясында және қолданыстағы заңнама шеңберінде шешуге келісті.

Таможенный Союз, ЕАЭС, одағынан шығу!

- ең басты талаптардың бірі болуы тиіс!
Қазақ Республикасы 2014ж, ТС- ЕАЭС-ке кіргелі бері экономикалық тоқырауға ұшырады.
Бұл одақтың қазақтарға тиімсіз екенін, тек ресейдің, империялық мүддесі үшін құрылғаны талай рет айтылған.
Экономикалық экспанция салдарынан, қарапайым қара халық қиналуда. Жаңаөзендегі халықтың көтерілуі сол ЕАЭС-тың, кезең-кезеңмен енгізіліп жатқан одақтық шарттарының зардабы.
Әлеуметтік-саяси толқулар, көтерілістер, бұл тек бір ғана Жаңаөзенде ғана емес, басқа қалаларда болатын жағдай.

Ардақты ағайын!
Жырақта іссапарда жүріп, елдегі болып жатқан жағдайды естіп, көңілім алаңдаулы. Туған жерім, елім мен үшін әрқашан қымбат - халқыммен біргемін. Бәріміз үшін ең бастысы - халықтың бірлігі, амандығы, елдің әр азаматының әлеуметтік жағдайының дұрыстығы. Наразылығын білдіруге келген үлкен де кіші де отбасының қамы үшін жүр. Бүгінде күнкөріс күн сайын қымбаттап, халыққа оңайға соғып жатқан жоқ.ХАЛЫҚ ШАРШАДЫСол себепті, тұрмыс-тіршілік деңгейін көтеру мақсатында жүйелі әрі нақты шаралар қолданылуы керек. Тек бір мәселе, жыртығымызды жамаймыз деп жүріп, бірлігімізге нұқсан келтіріп алмайық, ағайын!
"Жігіттің жақсысы - дұрыс сөзге тоқтай білген, басқаны сөзіне тоқтата білген" -
биліктегі құзырлы азаматтар тез арада оңтайлы шешім қабылдап, қордаланған мәселелерді шешсін. Барынша сабырмен, жағдайға байыппен қарап, өзара ортақ шешім қабылдауға ұмтылайық! Билік тарапынан халыққа күш көрсетілмей, халық тарапынан ақылға жеңдіріп, әр қадамды, ертеңгі күнімізді ойлап бір мәмілеге келуге жазғайАман бол,елім

Білесіз бе, Касым-Жомарт Тоқаевтың Мәскеуге сапары қарсаңында қала қазақ түстеріне «киініп» шықты 🇰🇿🇷🇺
Ленин даңғылы бойында – «Октябрьская» метро станциясына дейін – Қазақстан мен Ресейдің туларын қатар іліп қойды. Бұл жай ғана безендіру емес, бұл — серіктестік пен өзара құрметтің белгісі.
Ал ең әсерлі сәт — Останкино мұнарасы! Мәскеудің басты символдарының бірі Тоқаев сапары кезінде ерекше жарықтандырылып, мерекелік көңіл-күй сыйлады.
Бұл тек протокол емес, үлкен саясаттың нәзік ым-ишарасы: Қазақстанды құрметтейді, күтеді және тең серік ретінде көреді.