📑 📑 📑
ပြည်ပသို့ ပေးစာ

သို့/
ချစ်ခင်ရသော ပြည်ပရောက် မိဘပြည်သူများ။

ဒီဇင်ဘာလအတွင်း ကြေငြာချက်ထုတ်ထားတဲ့ နိုင်ငံတကာရှိ စစ်ကောင်စီရဲ့ အာဏာရှင် သံရုံးများမှ မြန်မာနိုင်ငံသားများရဲ့ လစာဝင်ငွေအပေါ် ဝင်ငွေခွန် ကောက်ခံမည့် ကြေငြာချက်များကို နည်းအမျိုးမျိုးဖြင့် အပြင်းအထန် ကန့်ကွက်ကြောင်း ထုတ်ဖေါ်ပြသကြရန်နှင့် အကြမ်းဖက် စစ်အုပ်စုထံ သွေးစွန်းငွေ၊ သွေးစွန်းခွန်များ ဖြတ်တောက်ရာမှာ ပူးပေါင်းပါဝင်ပေးကြဖို့ ပြည်ပရောက် မြန်မာနိုင်ငံသားများထံ ပြည်တွင်းမှ ပြည်သူများက ချစ်ခင်ရင်းနှီးစွာဖြင့် စာရေးသား တောင်းဆိုလိုက်ပါတယ်။

စစ်ရာဇဝတ်ကောင် မင်းအောင်လှိုင်ရဲ့ စစ်အာဏာသိမ်းမှု ကြိုးစားနေခြင်း နောက်ကွယ်မှာ မြန်မာနိုင်ငံဟာ ဆိုးရွားစွာ မှောင်မိုက် ပျက်စီးလာခြင်းနှင့်အတူ လူငယ်တွေရဲ့ အနာဂတ်၊ အိမ်မက်များစွာဟာ ပျောက်ဆုံးလာခြင်းကြောင့် လမ်းသစ်ဖောက်ရန် အိမ်ကို စွန့်ခွာပြီး စွန့်စားနေကြရသော မိဘ ပြည်သူများ၊ လူငယ်များ တစ်နေ့ထက် တစ်နေ့ များပြားလာသည်ကို အားလုံးသိရှိပြီး ဖြစ်ပါတယ်။

လက်ရှိအချိန်တွင် နိုင်ငံတကာသို့ ရောက်ရှိနေသော မြန်မာနိုင်ငံသား လူဦးရေသည်လည်း ယခင်ကထက် စစ်အာဏာသိမ်းရန်ကြိးစားပြီး နောက်ပိုင်းတွင် အလုပ်၊ ကျောင်း နှင့် နိုင်ငံရေးခိုလှုံမှုများကြောင့် တိုးသည်ထက်တိုး များပြားလာလျက်ရှိပါတယ်။

မိမိတို့ရောက်ရှိနေတဲ့ နိုင်ငံတစ်နိုင်ငံနှင့် တစ်နိုင်ငံ စည်းမျဉ်း၊ စည်ကမ်းများ၊ လုပ်ကိုင်ပုံများ မတူညီခြင်း၊ အကြောင်းအမျိုးမျိုးကြောင့် ယခုလက်ရှိ နေထိုင်နေတဲ့ နိုင်ငံရဲ့ တရားမဝင် အာဏာလု စစ်သံရုံးထံ ပတ်စပိုစ့် (Passport) သက်တမ်းတိုးရန် သွေးစွန်းခွန်များ ဆောင်မှသာလျှင် ထိုနိုင်ငံများတွင် ဆက်လက် နေထိုင်ခွင့် (သို့) အမိမြန်မာနိုင်ငံကို ပြန်လာခွင့် (ဗီဇာသက်တမ်း) ရရှိကြရမည့် အကျပ်အတည်းကိုလည်း သိရှိပြီးဖြစ်ပါတယ်။

သို့ပေမယ့် ပတ်စပိုစ့်သက်တမ်း ကုန်ဆုံးနေသော်လည်း ဗီဇာ (Visa) သက်တမ်း ထုတ်ပေး၊ တိုးပေးသော နိုင်ငံများတွင် ရောက်ရှိနေကြသော မြန်မာနိုင်ငံသားများအနေဖြင့် ကလေးငယ်များနှင့် ပြည်သူများကို နေ့စဉ် သတ်ဖြတ်နေတဲ့ အကြမ်းဖက် စစ်အုပ်စု ထံ ပြည်သူလူထုရဲ့ အသက်သွေးများဖြင့် သွေးစွန်းခွန်များ မစီးဆင်းစေရေး နှင့် ဖြတ်တောက်စေရေးအတွက် အတူတူ တိုက်ပွဲဝင် ပါဝင်စေလိုပါတယ်။

ပြည်ပရောက် မြန်မာများအနေဖြင့် မိမိတို့ရဲ့ ဥာဏ်အားသင့်သလို မျက်စိဖွင့်၊ နားစွင့်ပြီး အမြန်ဆုံး သွေးစွန်းခွန်များ ဖြတ်တောက်မှ နွေဦး တော်လှန်ရေး အမြန်ဆုံး အပြီးသတ်နိုင်မှာ ဖြစ်ပြီး အမိမြန်မာပြည်မှာ အောင်တံခွန်စိုက် အတူတကွ ပြန်လည်ဆုံစည်းကြရမှာ ဖြစ်ပါတယ်။

ထို့အတွက်ကြောင့် တစ်နိုင်ငံချင်းအလိုက် သွေးစွန်းငွေများ၊ သွေးစွန်းခွန်များ မစီးဆင်းနိုင်သည့် နည်းလမ်းများကိုလည်း ဆက်တိုက် ဖော်ပြပေးသွားမှာဖြစ်ပြီး မိမိတို့ ပါဝင်နိုင်မည့် နည်းလမ်းပေါင်းစုံ၊ ဘက်ပေါင်းစုံမှ အလျင်းသင့်သလို ပါဝင်ပေးကြဖို့ ပြည်တွင်းရှိ အာဏာရှင် တော်လှန်ရေးအင်အားစုများနှင့် ပြည်သူများမှ ပြည်ပရောက် မြန်မာနိုင်ငံသားများထံ လေးစားစွာ အထူးမေတ္တာရပ်ခံ တိုက်တွန်း တောင်းဆိုအပ်ပါတယ်။

ပြည်တွင်းမှ အာဏာရှင် တော်လှန်ရေး အင်အားစုများနှင့် ပြည်သူများ

‘’ သွေးစွန်းခွန်တွေ ဖြတ်တောက်ဖို့
တို့တွေအားလုံး ပူးပေါင်းစို့ ‘’

#သွေးစွန်းခွန်တွေဖြတ်တောက်ပစ်
#StopPayingTaxtoJunta
#StopBloodTaxation
#BESYA

"၂၇၆၃နှစ်မြောက် ကရင်အမျိုးသားနှစ်သစ်ကူးနေ့ အထိမ်းအမှတ် သဝဏ်လွှာ"

အကလ (ဗဟို) ၊ ရုံးဌာန၊ ရန်ကုန်မြို့
၁၃၈၅ခုနှစ်၊ ပြာသိုလဆန်း ၁ရက်
(၂၀၂၄ခုနှစ်၊ ဇန်နဝါရီလ ၁၁ရက်)

#BESYA #ကရင်အမျိုးသားနှစ်သစ်ကူးနေ့ #သဝဏ်လွှာ

ပြည်သူ့နွေဦးတော်လှန်ရေးကြီး (၃) နှစ်ပြည့် လူထုတိုက်ပွဲခေါ်သံ

▬▬▬▬▬▬▬▬▬▬▬▬▬▬▬▬▬▬▬▬

ပြည်သူ့နွေဦးတော်လှန်ရေးကြီးသည် မကြာမီမှာ (၃) နှစ် ပြည့်ချေတော့မည်။

အခုနှစ် (၂၀၂၄ ခုနှစ်) ကတော့ ကျွန်ုပ်တို့ ပြည်သူလူထုတရပ်လုံးအနေနဲ့ တော်လှန်တိုက််ပွဲမှာ “တက်စုံဖွင့် ရွက်ကုန်လွှင့်” ရမယ့် နှစ်ပဲ။ လူမျိုးပေါင်းစုံ၊ ဒေသပေါင်းစုံ ပြည်တွင်းပြည်ပ ပြည်သူအားလုံး “အဆုံးသတ်တိုက်ပွဲ” ကို နွှဲဆင်ရမယ့်ကာလပဲလို့ အပြည့်အဝ ခံယူထားကြပါတယ်။

ဒီတော်လှန်ရေးက “ပြည်သူ့တော်လှန်ရေး” ပါ။ ကျွန်ုပ်တို့ ပြည်သူတွေအနေနဲ့ တော်လှန်ရေးကို “ထောက်ခံပါတယ်” ဆိုတာထက် ပိုတဲ့ “လက်တွေ့ပူးပေါင်းပါဝင်မှု” များနဲ့ သက်သေပြရမယ့်အချိန်ပါ။

စစ်ရေးအရှိန်၊ လက်နက်ကိုင်တိုက်ပွဲ (Armed Resistance) ကတော့ အားလုံးသိကြတဲ့အတိုင်း တလှိုင်းပြီး တလှိုင်းဆိုသလို မြှင့်သထက် မြင့်၊ တက်သထက် တက်လာဖို့ပါပဲ။ ဒီအချိန်မှာ ကျွန်ုပ်တို့အနေနဲ့လည်း ပြည်သူအားလုံး ပါဝင်နိုင်တဲ့ အာဏာရှင်စနစ် တိုက်ဖျက်ရေး လူထုတိုက်ပွဲ၊ လူထုလှုပ်ရှားမှု တော်လှန်လူထုလှိုင်းတွေကို အရှိန်တိုးမြှင့် ဖော်ဆောင်ကြဖို့ မဖြစ်မနေ လိုအပ်ပါမယ်။ ဒီပြည်သူ့တော်လှန်ရေးကြီးမှာ လူထုတိုက်ပွဲ၊ လူထုလှုပ်ရှားမှု (Civil Resistance) သည် အဓိကတိုက်ပွဲမဏ္ဍိုင်ကြီးတရပ်အဖြစ် ရှိနေတာကို ပြည်သူများ သဘောပေါက်၊ နားလည်ထားကြပြီးလည်း ဖြစ်ပါတယ်။ လက်နက်ကိုင်တိုက်ပွဲနဲ့ လူထုတိုက်ပွဲ (၂) ရပ်ကို မဟာဗျူဟာမြောက် ဟန်ချက်ညီညီ ပေါင်းစပ်ဆင်နွှဲကြတဲ့ (Total Resistance) အားဖြင့်ပဲ တော်လှန်ရေးရဲ့ အဆုံးသတ်တိုက်ပွဲကို ဖော်ဆောင်နိုင်မှာလည်း ဖြစ်ပါတယ်။

ဒါ့ကြောင့်၊ အခု တော်လှန်ရေးကြီး (၃) နှစ်ပြည့်တဲ့ (၂၀၂၄) ခု၊ ဖေဖော်ဝါရီလ (၁) ရက်နေ့ မှာ လှည်းနေ လှေအောင်း မြင်းဇောင်းမကျန် ပြည်သူတရပ်လုံး ပါဝင်ဆင်နွှဲနိုင်ကြတဲ့ အောက်ပါလူထုတိုက်ပွဲလှုပ်ရှားမှုများကို ဖော်ဆောင်ကြပါမယ်ခင်ဗျား။

❐ အပြင်မထွက်၊ အသံတိတ်သပိတ် (Silent Strike)

(ဖေဖော်ဝါရီ ၁ ရက်နေ့၊ မနက် ၁၀ နာရီ မှ ညနေ ၄ နာရီအတွင်း)

Silent Strike (အပြင်မထွက်၊ အသံတိတ်သပိတ်) ဟေ့ဆိုရင် ပြည်သူအားလုံး ရင်းနှီးကျွမ်းဝင်ကြပြီးသားပါပဲ။ နေရာဒေသမရွေး လူထုအားလုံး ပါဝင်နိုင်တဲ့ တိုက်ပွဲနည်းနာကြီးဖြစ်သလို စစ်အာဏာရူးတွေ ဒူးတုန်အောင်ကြောက်တဲ့ သပိတ်ကြီးပါ။ မြန်မာလူထုရဲ့ တော်လှန်စိတ်၊ ဇွဲသတ္တိနဲ့ စုစည်းညီညွတ်မှုကို တကမ္ဘာလုံးက အသိအမှတ်ပြု၊ အံ့ဩကြရတဲ့ တိုက်ပွဲနည်းနာကြီးလည်း ဖြစ်ပါတယ်။ ဒီနည်းနာက အသံတိတ်ပေမယ့် အလံလိပ်တာ လုံးဝ မဟုတ်ပါဘူး။ ငါတို့ မြို့၊ ငါတို့ ဒေသ ငါတို့ ပိုင်တယ်။ ငါတို့ ငြိမ်ချင် ငြိမ်မယ်၊ ငါတို့ လှုပ်ချင် လှုပ်မယ်ဆိုတာ ပြည်သူ့သတင်းစကားပဲ။ စစ်အာဏာရူးတွေ ငါတို့ကို “လုံးဝ အုပ်ချုပ်ခွင့်မရစေရ” ဆိုတာ ကျွန်ုပ်တို့လူထုကြီးရဲ့ ကြွေးကြော်သံ။

ဒီ Silent Strike ရဲ့ ဆိုလိုရင်းက အဲ့ဒီရက်၊ အဲ့ဒီအချိန်တွင်း လမ်းမတွေမှာ၊ အများပြည်သူဆိုင်ရာ နေရာတွေမှာ တိတ်ဆိတ် ခြောက်ကပ်နေဖို့ပဲ။ ပြည်သူတွေက အပြင်ကို မထွက်ကြဖို့ပဲ။ ကိုယ့်အိမ်၊ ကိုယ်ဈေးဆိုင်၊ ကိုယ့်ရုံး၊ ကိုယ့်အမိုးအကာအောက်မှာပဲ နေကြဖို့ပါပဲ။ Silent Strike ကို ပညာသားပါပါနဲ့ ဖော်ဆောင် ဆင်နွှဲကြမယ်နော်။

❐ အဖြူရောင် လှုပ်ရှားမှု (White Campaign)

မြန်မာနိုင်ငံမှာ စစ်အာဏာရှင်ဆန့်ကျင်ရေး အဖြူရောင်လှုပ်ရှားမှုကို (၂၀၀၇) ရွှေဝါရောင််တော်လှန်ရေးမတိုင်ခင် ကာလများကတည်းက ဖော်ဆောင်ခဲ့ကြဖူးပါတယ်။ လူထုနဲ့ မစိမ်းလှပါဘူး။ အက်ျီအဖြူ၊ ဖဲကြိုးအဖြူ၊ လက်ပတ်အဖြူအစရှိတဲ့ အဖြူရောင် အဝတ်အစား၊ အသုံးအဆောင်တွေကို ပြည်သူအားလုံးက အဆင်ပြေသလို ဝတ်ဆင်ကြတဲ့ လှုပ်ရှားမှုပါ။

အခု ပြည်တွင်းပြည်ပ လူထုတရပ်လုံး ပူးပေါင်းဖော်ဆောင်ကြမယ့် အဖြူရောင်လှုပ်ရှားမှုကနေ အဓိက ရည်ရွယ်တောင်းဆိုချက် (၃) ခု ရှိပါတယ်-

(၁) အာဏာသိမ်းစစ်အုပ်စုကို လေယာဉ်လောင်စာဆီ ရောင်းချ၊ သယ်ယူပေးနေကြတဲ့ နိုင်ငံတွေ၊ အဖွဲ့အစည်းတွေအနေနဲ့ အမြန်ဆုံး ရပ်တန်းက ရပ်ကြဖို့၊

(၂) အာဏာသိမ်းစစ်အုပ်စုက နိုင်ငံတကာရောက် မြန်မာနိုင်ငံသားတွေကို အတင်းအဓမ္မ ကောက်ခံနေတဲ့ “သွေးစွန်းအခွန်အခ” တွေ လုံးဝ မပေးဆောင်ကြဖို့၊

(၃) အာဏာသိမ်းစစ်အုပ်စုရဲ့ အစတေးခံ၊ ထိုးကျွေးခံ ဘဝ ရောက်နေပြီဖြစ်တဲ့ မြေပြင်တပ်မှူးတပ်သားများအနေနဲ့ အမြန်ဆုံး ပြည်သူ့ရင်ခွင် ခိုလှုံကြဖို့၊ အလင်းဝင်ကြဖို့၊ “အလံဖြူ” ထောင်ကြဖို့။

White Campaign ကိုတော့ တော်လှန်ရေး (၃) နှစ်ပြည့် တရက်တည်းအတွက်သာမကဘဲ ရှေ့ဆက်လည်း အပတ်စဉ် တနလ်ာနေ့တိုင်း ဖော်ဆောင်သွားကြဖို့ပါ။ အထူးသဖြင့် နိုင်ငံတကာရောက် ရဲဘော်တွေနဲ့ တော်လှန်ရေးအင်အားစုတွေကလည်း White Campaign ကို ပြည်ပမှာ အစွမ်းကုန် ဆင်နွှဲကြဖို့ အားခဲပြင်ဆင်နေကြပါတယ်။ ပြည်တွင်းပြည်ပ ဟန်ချက်ညီ ပူးပေါင်းဆောင်ရွက်ကြဖို့ပါပဲ။

ကျွန်ုပ်တို့ ပြည်သူတရပ်လုံး မျှော်ရည်တဲ့ အဆုံးသတ်အောင်ပွဲဆီကို လူထုတော်လှန်လှိုင်းလုံးကြီးတွေနဲ့အတူ “တက်စုံဖွင့် ရွက်ကုန်လွှင့်” ချီတက်ကြပါစို့။

#အဆုံးသတ်အောင်ပွဲဆီ_လူထုလှိုင်းတွေနဲ့တက်စုံဖွင့်ရွက်ကုန်လွှင့်ချီ #SpringRevolution_3rdAnniversary #SilentStrike #WhiteCampaign #BESYA

ရန်ကုန်မြို့တွင် "အာဏာရှင်အလိုကျ ကြိုးဆွဲရာကမင်းတို့ဘဝ" ဟူသောစာသားဖြင့် သရုပ်ပြသပိတ်လှုပ်ရှားမှုပြုလုပ်

၂၀၂၄ခုနှစ်၊ ဇန်နဝါရီလ (၂၈)ရက်၊ အကလ(မြေပြင်)

ရန်ကုန်တွင် "အာဏာရှင်အလိုကျ ကြိုးဆွဲရာက မင်းတို့ဘဝ" ဟူသောစာသားပါ ဘန်နာအား ဖြန့်ခင်းလျက် သရုပ်ပြသပိတ်လှုပ်ရှားမှုပြုလုပ်ခဲ့သည်။

ယင်းသရုပ်ပြ၊ သပိတ်လှုပ်ရှားမှုတွင် လူထုကြား၌ ဘီလူးခေါင်းဆောင်းထားသော သွေးစွန်းနေသည့်ဝတ်စုံဝတ်ထားသည့် Non-CDM ကျောင်းဆရာမှ ဆုတံဆိပ်ကိုင်ထားသော Non-CDM ကျောင်းသားအား ရုပ်သေးရုပ်ကဲ့သို့ ကြိုးများဖြင့် ထိန်းချုပ်နေသကဲ့သို့ ပုံရိပ်ဖြင့် ကြွေးကြော်သံအော်ပြီး သရုပ်ပြလှုပ်ရှားခဲ့ကြခြင်းဖြစ်သည်။ ယင်းလှုပ်ရှားမှုသည် အာဏာရှင်လက်အောက်မှ ထိန်းချုပ်ခံနေသည့် အဖြစ်ကို စစ်ကောင်စီဘက်တော်သားများနှင့် Non-CDM ကျောင်းသားများအား ကျွန်အဖြစ်မှ ရုန်းထွက်ကြရန်ဆိုလိုပြီး ရက်စက်သောအာဏာရှင်၏ သရုပ်မှန်ကိုဖော်ပြထားခြင်းဖြစ်သည်။

ယင်းလှုပ်ရှားမှုကို အခြေခံပညာကျောင်းသားလူငယ်များအစည်းအရုံး (အကလ-မြေပြင်)မှ ဦးဆောင်ထားပြီး ရေဘဝဲ (ပြည်သူ့အကျိုးပြုလူငယ်အဖွဲ့အစည်း)၊ Owl Community တို့၏ ညီညွတ်သောမဟာမိတ်လှုပ်ရှားမှုဖြင့် ပြုလုပ်ခဲ့ကြပြီး Youth Scout for Democracy မှ ကင်းထောက်ပံ့ပို့ပေးခဲ့ခြင်းဖြစ်သည်။

ထိုသပိတ်လှုပ်ရှားမှုပြုလုပ်ရာတွင် အကြမ်းဖက်စစ်တပ်၏ အရပ်သားဟန်‌ဆောင်ထားသော စစ်ကျွန်များမှ လိုက်လံဖမ်းဆီးခြင်းရှိပြီး မြေပြင်သပိတ်ရဲဘော်များအနေဖြင့် ဘေးကင်းလွတ်မြောက်ခဲ့ပါသည်။

#အာဏာရှင်အလိုကျ_ကြိုးဆွဲရာက_မင်းတို့ဘဝ #BESYA #အခြေခံပညာကျောင်းသားလူငယ်များအစည်းအရုံး #အကလ_မြေပြင် #OCTOPUS #ရေဘဝဲ #OwlCommunity

အခြေခံပညာကျောင်းသားလူငယ်များအစည်းအရုံး (အကလ - ဗဟို) နှင့် အမျိုးသားညီညွတ်ရေးအစိုးရ ပညာရေး၀န်ကြီးဌာန နှင့် ပူးပေါင်းပြုလုပ်သော Civics Education အတန်းအား လျှောက်ထားရန် registration form -
https://surveyheart.com/form/65aa6f41952a15150468b08a


*confidential အတန်းဖြစ်ပါသဖြင့် အပြင်ကို မဖြန့်မိရန်။
မေးမြန်းလိုသောအ‌ကြောင်းအရာများရှိပါက telegram contact @moekaung_besya , @edensellel တို့အား မေးမြန်းနိုင်ပါသည်။

"Owl Community ဖွဲ့စည်းတည်ထောင်ခြင်း (၂)နှစ်ပြည့် အထိမ်းအမှတ် သဝဏ်လွှာ"

အကလ (ဗဟို) ၊ ရုံးဌာန၊ ရန်ကုန်မြို့
သဝဏ်လွှာအမှတ် - ၀၂/သဝဏ်လွှာ-အကလ/၂၀၂၄
၁၃၈၅ခုနှစ်၊ ပြာသိုလပြည့်ကျော် ၅ရက်
(၂၀၂၄ခုနှစ်၊ ဇန်နဝါရီလ ၃၀ရက်)

#OwlCommunity #၂နှစ်ပြည့် #သဝဏ်လွှာ #BESYA

"မီးဒုတ်စာစဥ် အတွဲ-၂ ၊ အမှတ်စဥ်-၁၇ ထွက်ပြီ။"
____

"အခြေခံပညာကျောင်းသားလူငယ်များအစည်းအရုံး(အကလ-ဗဟို)မှထုတ်ဝေသည်။"

မီးဒုတ်စာစဥ် အတွဲ (၂) ၊ အမှတ်စဥ် (၁၇) မှာတော့ -

မီးဒုတ်စာစဉ် ဝိုင်းတော်သားများမှ ပြည်သူလူထုအားတိုက်တွန်းချက်

ရဲဘော်တို့ တိုက်ပွဲကိုသာ အောင်မြင်အောင် တိုက်ကြပါ
_ခွန်သု၀ဏ္ဏ

ကျွန်တော်လိုချင်သည့် နိုင်ငံ
_ခွန်ဇော်

အိမ်
_ဇေယျာနိုင်

ပြန်မလာသူ့တေး
_ရည်ရွယ်

အညာကတိ
_ပဲခူးကဝေ ( Phys )

အမေ့အိမ်အို ပြက္ခဒိန်ထဲက ပြဿဒါးကောင်
_ကိန်း ( ခရမ်း )

အစရှိတဲ့ ကဗျာကောင်းများ၊ ဆောင်းပါးကောင်းများ၊ သတင်းတိုများကို စုံစုံလင်လင် ဖတ်ရှုရမှာဖြစ်ပါတယ်။

Ebook link - https://drive.google.com/file/d/1nh-dU94oM7ATha66lTA4rWh-VMz1B4Y-/view?usp=sharing

#မီးဒုတ်စာစဥ်
#အတွဲ၂အမှတ်စဥ်၁၇ #စစ်အာဏာသိမ်း၃နှစ်ပြည့်အထူးထုတ်

https://www.facebook.com/100082951436247/posts/pfbid09Njjpr1m2vg3NjZpg6wGJkd1g53Tdj5igSbxwrv1wFf2ozapnAyhVSKTRmzXa2w5l/

(English Version Below)

အကလ (ဗဟို) ၊ ရုံးဌာန၊ ရန်ကုန်မြို့
၁၃၈၅ခုနှစ်၊ ပြာသိုလပြည့်ကျော် ၇ရက်
(၂၀၂၄ခုနှစ်၊ ဖေ‌ဖော်ဝါရီလ ၁ရက်)

သို့ - ဗမာပြည်သူလူထုကြီးခင်ဗျာ ....
၂၀၂၄ခုနှစ် ဖေဖော်ဝါရီလ ၁ရက်နေ့သည် အကြမ်းဖက်စစ်အာဏာရှင်တစု၏ မတရားလုယူအာဏာသိမ်းခြင်း သုံးနှစ်တင်းတင်းပြည့်မြောက်သည့်နေ့ပင်ဖြစ်ပါသည်။ အာဏာသိမ်း သုံးနှစ်အတွင်းတွင် လူသားခြင်းစာနာထောက်ထားမှုကိုဆန့်ကျင်သော ပြစ်မှုများ ( လက်နက်မဲ့ပြည်သူများအားသတ်ဖြတ်ခြင်း ၊ အပြစ်မဲ့ကလေးငယ်များအား နှိပ်စက်သတ်ဖြတ်ခြင်း ၊ လက်နက်မဲ့သပိတ်များအား လူမဆန်စွာဖြိုခွင်းခြင်း ) အစရှိသည့် လုပ်ရပ်များလုပ်ခဲ့သည်ကို မျက်ဝါးထင်ထင်မြင်တွေ့ခဲ့ကြရပြီဖြစ်ပါသည်။ ထိုကဲ့သို့ ပြစ်မှုများကိုကျူးလွန်ထားသည့် အကြမ်းဖက်စစ်ကောင်စီကို မိမိတို့ မြန်မာပြည်သူလူထု သည်လုံး၀လက်သင့်ခံမည်မဟုတ်သလို အမြစ်ပြတ်သည်အထိ ချေမှုန်းပစ်ကြရမည်ဖြစ်ပေသည်။
နွေဦးတော်လှန်ရေးကြီးသည်လည်း စစ်ကောင်စီပြုတ်ကျရေးတင်မကပဲ မိမိတို့မြန်မာပြည်၌ အရိုးစွဲအမြစ်တွယ်နေသည့် မကောင်းသောစနစ်၊ဝါဒအယူ များအားလုံး ဖြုတ်ချစေရန်နှင့် မြန်မာ့နိုင်ငံရေး၀န်းကျင် တခုလုံးအား အပြုသဘောဆောင်သည့်အရွေ့များဖြင့် ပြုပြင်ပြောင်းလဲနိုင်ရမည်ဖြစ်ပါသည်။ ပြည်ထောင်စုစံတန်ဖိုးများနှင့် ကိုက်ညီ၍ လူသားအချင်းချင်းကူညီဖေးမသော ဖက်ဒရယ်ဒီမိုကရေစီပြည်ထောင်စုကြီးမှာ မိမိတို့၏ လက်တစ်ကမ်းတွင်ရှိနေသည်သာဖြစ်သည်။ တော်လှန်ရေးကြီးပြီးရန်မှာ မကြာတော့သည်မှန်သော်လည်း ပြည်သူလူထုတရပ်လုံး ဝိုင်း၀န်းပါ၀င်ရုန်းကြရန်မှာလည်းအထူးလိုအပ်ပေသည်။ တော်လှန်ရေး‌သုံးနှစ်ပြည့်အထိ မရပ်မနားတော်လှန်ခဲ့ကြသော ကျောင်းသားလူငယ်ပြည်သူလူထုတရပ်လုံးအားလည်း ယနေ့ ထုတ်ပြန်ချက်မှသည် ဂုဏ်ယူအလေးပြုအပ်ပါသည်။ ဖက်ဒရယ်ဒီမိုကရေစီပြည်ထောင်စု၏ ရောင်နီမှာ သာတော့မည်ဖြစ်ပေသည်။

"ဖက်ဒရယ်ဒီမိုကရေစီပြည်ထောင်စုပန်းတိုင်ဆီ လူထုအားဖြင့် လျှောက်လှမ်းကြ"

ဗဟိုအလုပ်အမှုဆောင်အဖွဲ့
အခြေခံပညာကျောင်းသားလူငယ်များအစည်းအရုံး (အကလ-ဗဟို)

___

BESYA (Central) , Office, Yangon
February 1, 2024

"To all Burmese citizens,
February 1, 2024 will be marked as the third anniversary of the unjust coup d'état by a group of terrorist military dictators. Over the past three years, we have witnessed crimes against humanity, including the killing of unarmed people, the torture and killing of innocent children, and the inhumane suppression of unarmed strikes.We , the citizens of Burma will not accept the terrorist military council, responsible for such crimes and must continue to reject it until it is eradicated.
The Spring Revolution is not only about overthrowing the military council but also about dismantling all unacceptable systems and ideas rooted in Myanmar, reforming the entire political environment with positive changes. A federal democratic union, consistent with the values of federal democracy and mutual support, is within our grasp. While it's true that the revolution will soon come to an end, it remains important for the entire Burma to unite in this last battle.
Through this statement, I would like to salute all the students and young people who have tirelessly fought until the third anniversary of the revolution.

" The rise of the federal democratic union is soon be seen. "

Central Executive Committee
Basic Education Students & Youths Association (BESYA-Central)

#BESYA

မင်္ဂလာပါ မီးဒုတ်စာစဉ်ရဲ့ စာဖတ်သူများခင်ဗျာ.....

မီးဒုတ်စာစဉ်ဟာ အခြေခံပညာကျောင်းသားလူငယ်များအစည်းအရုံး (အကလ-ဗဟို) မှ လစဉ်ထုတ်ဝေလျက်ရှိသော လူထုတော်လှန်ရေးစာစဉ်တစ်ခုပဲဖြစ်ပါတယ် ။

မီးဒုတ်စာစဉ်ရဲ့ ရည်ရွယ်ချက်တွေကတော့ -
◽ကလောင့်အားမာန်နဲ့ ပြည်သူ့လူထုကို တော်လှန်ရေးခွန်အားပေးရန်
◽ကလောင်သစ်များမွေးထုတ်ပေးရန်
◽စာပေလက်နက်ဖြင့် ရွပ်ရွပ်ချွံချွံတိုက်ပွဲဝင်ကြရန် ပဲဖြစ်ပါတယ် ။

ထို့ကြောင့် လစဉ်ထုတ်ဝေသော မီးဒုတ်စာစဉ်ရဲ့ ကဏ္ဍတွေမှာ ပါ၀င်နိုင်ရန် စာမူများ လာရောက်ပေးပို့နိုင်ကြောင်း အသိပေးအကြောင်းကြားအပ်လိုက်ရပါတယ်။ လာရောက်ပေးပို့နိုင်သော စာမူအမျိုးအစားများကတော့ နွေဦးတော်လှန်ရေးနှင့်ဆိုင်သော၊ တော်လှန်စိတ်သွေးစိတ်မာန်တက်‌ကြွစေသော၊ နိုင်ငံရေးသုံးသပ်ချက်စာပေ ဆောင်းပါးများ၊ စာစီစာကုံးများ၊ သရော်စာများ၊ ကဗျာများ၊ ဝတ္ထုတိုများ ကို မီးဒုတ်စာစဉ်သို့ ၁၀.၂.၂၀၂၄ ရက်နေ့ထက် နောက်မကျပဲ ပေးပို့နိုင်မည် ဖြစ်ပါတယ်။

ပေးပို့လာသော စာမူများကို သေချာစွာစီစစ် ရွေးချယ်ပြီး မီးဒုတ်စာစဉ်ထုတ်‌ဝေခြင်း (၂)နှစ်ပြည့်နေ့ ဖြစ်သည့် ၂၀၂၄ခုနှစ် ဖေဖော်ဝါရီလ (၁၂)ရက်နေ့တွင် ထုတ်ဝေမည့် မီးဒုတ်စာစဉ် အတွဲ-၃ ၊ အမှတ်စဉ်-၁ တွင် ဖော်ပြပေးသွားမည်ဖြစ်ပါကြောင်း အသိပေးအပ်ပါသည်။

စာမူများကို ပေးပို့လိုပါက မီးဒုတ်စာစဉ်၏ အီးမေးလ်လိပ်စာဖြစ်သည့် meedoke.besya@gmail.com သို့ ဆက်သွယ်ပေးပို့၍သော်လည်းကောင်း၊ မီးဒုတ်စာစဉ်၏ FB page messengerဖြစ်သည့် m.me/MeedokeJournal.BESYA သို့ ဆက်သွယ်ပေးပို့၍သော်လည်းကောင်း ‌စာမူများကို ပေးပို့နိုင်ပါသည်။

" ကလောင့်အားဖြင့် သွေးသစ်တည် တော်လှန်ရေးကြီး အောင်ရမည် "

#မီးဒုတ်စာစဉ်
#အခြေခံပညာကျောင်းသားလူငယ်များအစည်းအရုံး

https://m.facebook.com/story.php?story_fbid=pfbid09LSsQ116aDyKPwzgYNqqLvToh6kxsn1591JC2vqx5m1JdbxNvJNtWntwhy7nMYx1l&id=100082951436247&mibextid=Nif5oz

မိဘပြည်သူတို့ခင်ဗျား...

ရန်သူ စစ်ကောင်စီဘက်မှ ထုတ်ပြန်ခြိမ်း‌ခြောက်ကာ အတည်ပြုလိုက်သော စစ်မှုမထမ်းမနေရဥပဒေကိုအထူးကြောက်စရာမလိုပါပဲ လုပ်သင့်လုပ်ထိုက်တာကိုပဲ အဆုံးထိလုပ်ကြရမှာဖြစ်ပါတယ်။

" ပြည်သူ့တော်လှန်ရေးတပ်များမှ သင့်ကိုအလိုရှိနေပါသည် "

လက်နက်စွဲကိုင်တော်လှန်ရေးမှတပါး ရွေးရန်လမ်း ထပ်မရှိတော့သဖြင့် ပြည်သူ့တော်လှန်ရေးတပ်များကို ၀င်နိုင်သူများအား ၀င်ရောက်နိုင်ကြပါရန် တိုက်တွန်းအပ်ပါတယ်။ မ၀င်‌ရောက်နိုင်ပါကလည်း 'များများလှူ' ကူကာရုန်း ပေးကြရန် လိုအပ်ပါတယ်။ တစ်ဖက်ဖက်အား အတည်တကျ ရွေးချယ်ဖို့လိုအပ်နေပါပြီ။ လာမည့်ဘေးအား ပြေးတွေ့သင့်ပါပြီ။

Recruitment ခေါ်နေသော တပ်များ👇🏻

မန္တလေး people defense force
https://www.facebook.com/share/p/kMpCH37n7YazZ92o/?mibextid=2JQ9oc

Burma People's Liberation Army https://www.facebook.com/share/p/mUeJoD9tBcesm1Ev/?mibextid=2JQ9oc

ကရင်နီ defense force ( KNDF ) https://www.facebook.com/share/p/VcNRBgfKGH63t7qQ/?mibextid=2JQ9oc

People Independence Army
https://www.facebook.com/share/p/4gqQVLKgEzgUdcYb/?mibextid=2JQ9oc

ကျောင်းသားလက်ရုံးတပ်တော် SAF
https://www.facebook.com/share/p/V7kMZzmL6xLHaZzp/?mibextid=2JQ9oc

Galon Column ဂဠုန်စစ်ကြောင်း
https://www.facebook.com/share/p/K31Z75RuYu3FsJhV/?mibextid=2JQ9oc

Red wolves of Mogok
https://www.facebook.com/100079682119366/posts/378832211449513/?app=fbl

ရန်ကုန်တိုင်းစစ်ဌာန (ပြည်သူ့ကာကွယ်ရေး တပ်မတော်)
https://www.facebook.com/share/Vq4NSkh8iH8xWbLf/?mibextid=2JQ9oc

မုံရွာ ပြည်သူ့လုံခြုံရေးတပ်ဖွဲ့
https://www.facebook.com/share/p/nXUCwdydhP7d5m2U/?mibextid=2JQ9oc

လူထုတော်လှန်ရေးမဟာမိတ်အင်အားစု
(PRA-Magway)
https://www.facebook.com/100075665358623/posts/410611941470981/

ရှမ်းတောင် ၁၀၀၅ တပ်ရင်း
https://www.facebook.com/PDF1005?mibextid=2JQ9oc

ရှမ်းတောင် ၁၀၀၈ တပ်ရင်း
https://www.facebook.com/profile.php?id=100083288321728&mibextid=2JQ9oc

KNDF BO7
https://m.facebook.com/story.php?story_fbid=3620663934838257&id=100006840580143&mibextid=2JQ9oc

ရွှေဘိုခရိုင်တပ်ရင်း-၁၄ YeU PDF
https://www.facebook.com/mod.pdfbattalion14yeu?mibextid=2JQ9oc

မြိတ်ခရိုင်တပ်ရင်း(၂)
https://www.facebook.com/100094722176106/posts/243993032101434/?app=fbl

Cobra Column 2 Venom
https://m.facebook.com/story.php?story_fbid=352055581126026&id=100089647594834&mibextid=2JQ9oc

ကျားဖြူစစ်ကြောင်း Justice Soldier PDF
https://www.facebook.com/profile.php?id=61555310281701&mibextid=2JQ9oc

DOVE KK Medical Team
https://www.facebook.com/DoveKK.MedicalCrew?mibextid=2JQ9oc

MDF : Myanmar Defence Force (ရွှေဘိုခရိုင်တပ်ရင်း ၂၆)
https://www.facebook.com/profile.php?id=100081313510471&mibextid=2JQ9oc

MDF : Myanmar Defence Force (သာယာဝတီခရိုင် တပ်ရင်း (၃)၊ ပဲခူး)
https://www.facebook.com/mdfshwebo?mibextid=2JQ9oc

နွေဦးကျန်းမာဆေးရုံ (ကရင်နီဒေသ)
https://m.facebook.com/story.php?story_fbid=842419774357479&id=100057683910854&mibextid=I6gGtw

မိုးကုတ်ဗျူဟာ
https://www.facebook.com/share/p/TedGhxyhLns4NSof/?mibextid=2JQ9oc

မှတ်ချက် - အခြားသော တပ်သားသစ်ခေါ်ယူနေသည့် တော်လှန်ရေးတပ်ဖွဲ့များ ရှိပါကလည်း comment boxတွင် ဖြည့်စွက် အကြံပြုနိုင်ပါသည်။

#BESYA

Original post - https://www.facebook.com/share/p/kpfUTfsQHKWTnGaA/?mibextid=2JQ9oc