♥ኢትዬጲያዊነት እና ድንግል ማርያም♥

ኢትዩጵያውያን ለእመቤታችን ለቅድስት ድንግል ማርያም ካለን ፍቅር የተነሳ በኑሯችን በብሒሉቻችን ሁሉ የእርሷን ስም ሳናነሳ አናልፍም፡፡ለዚህም ማስረጃ የሆነን ዘንድ ጥቂቱን እንመልከት

♥♥♥ማርያም ማርያም♥♥♥

ይህን ቃል ገና ከእናታችን ማህጸን ብቅ ስንል ሰመተነዋል ከጨለማ ወደ ብርሐን ስንወጣ መጀመርያ የሰማነው ስም ማርያም ማርያም የሚለውን ስም ነው፡፡ለዚህም እኩ ነው በጉዟችን በኑሯችን ሁሉ ስምሽ ስንቄ ነው ምንላት፡

❀❀❀❀❀
♥♥ማርያም በሽልም ታወጣሽ♥♥

በሀገራችን አንዲት ሴት ስትወልድ ወዳጁቿ እንኳን ማርያም ማረችሽ ብለው ወደቤቱ ይዘልቃሉ ሲወጡ ደግሞ ማርያም በሽልም ታውጣሽ ብለው የደከመ ሰውነቷ ብርታት እንዲሆናት በስሟ ይደግፏታል፡፡በአጠቃላይ ለእናትየዋና ለልጇ ማርያም የሚለው ስም ደስታቸው ነው ለዚህም ነው እናትየውም መልሳ በማርያም ስ ም የመጡትን ማርያም ታኑርልኝ ብላ ከልብ የመነጨ ምስጋናዋን ምታቀርበው፡፡

❀❀❀❀❀❀
♥♥♥ማርያም እያጫወተቸው♥♥♥

አንድ ጨቅላ ብቻውን በደስታ ሲቡርቅ ሲጫወት የተመለከቱት አዋቂዋች ማርያም እያጫወተችው ነው በማለት በሙሉ እምነት ይናገራሉ፡፡መታደል ነው በቀልን የማይዙ ህጻናትን አመቤታችን እንደመጠብቃቸው ይህ ትልቅ ምስክር ነው፡፡

❀❀❀❀❀❀
♥♥♥የማርያም ጣት♥♥♥

ከአምስቱ ጣቶቻችን መካከል አነስ ያለችው የማርያም ጣት ትባላለች በልጅነት እርስ በእርስ ከተጣላን የማርያም ጣታችንን አውጥተን እርቅ እንፈጽማለን በሌላ ቋንቋ መታረቂያችን ናት አዋቂዎች ሆነን ደግሞ በደል ሰርተን ኃጢአት ተገኝቶብን ከሆን ከልጇ ከወዳጇ በምልጃው ታስታርቀናለች፡፡

❀❀❀❀❀❀
♥♥♥የማርያም መንገድ♥♥♥

ብዙዋቻችን በእምነት በብሔር ሳንከፋፈል ከተጫወትናቸው ጨዋታዎች መካከል አነዱ አባሮሽ ነው በዚህ ጨዋታ ከውሀላ ከውሀላ እየተከተለ የሚያሯርጠንን ልጅ ዕረፍት እንዲሰጠን አንዲት ቃል ብቻ መናገር በቂያችን ነው የማርያም መንገድ ስንል መንገዱን ወለል አድርጉ እረፍት ይሰጠናል ለምን የተባለ እንደሆነ የእረፍት መገኛ የሆነችውን የእመቤታችን ስም በመጠራቱ ነው፡፡እናማ ማረፈያችን ሰላማችን እሷ ናት እንላለን፡፡

❀❀❀❀❀❀
♥♥♥ማርያም ሳመችኝ/ህ/♥♥♥
በሰውነታችን ላይ አነስተኛ የሆነች ጥቁር ነጥብ የወጣብን እንደሆነ ማርያም ሳመችኝ ማርያም ሳመችህ እንባላለን ይህ እኛ ኢትዮጲያውያን ለእመቤታችን ያለን ፍቅር ምን ያህል እንደሆን አሷም በእናትነቷ እንደማትለየን ያሳየናል፡፡

❀❀❀❀❀❀
♥♥♥የማርያም መቀነት ♥♥♥
በሰማይ ላይ የኖኅ ቃልኪዳን ቀስተ ደመና ሲወጣ ሰፈሩን በሙሉ የማርያም መቀነት ወጣች እያልን በደስታ ለነዋሪው እናውጃለን
የመዳናችን መሰረት የሆነች እመቤታችን ቅድስት ድንግል ማርያም ለእኛ ቃል ኪዳን ሆና ተሰጥታናለች በተሰጣትም ቃል ኪዳን ድህነትን እንደምናገኝ የሳየናል፡�

http://t.me/ortodoxtewahedo