ساعات قليلة ويبدأ عيد ميلادي

بإسمك اللهم أبدأ عامًا جديدًا من عمري، رضيتُ بما كتبت، ولك الحمد على ما أعطيت ومنعت، اللهم عامًا مليئًا برضاكِ وكرمك، عامًا بلا شقاء ولا حروب ودماء

اليوم عيد ميلادي
احكولي كل عام وانت بخير وبنردلكم ياها في الافراح
@benkamel_bot

رشاش الد.بابة اشتغل
شكله احتفال بعيد ميلادي

الله هو السَّند الوحيد الذي تستطيع اللجوء إليه في عز انكسارك، وكلما لجأتَ إليه، عُدتَّ أقوى
" أليسَ الله بكافٍ عبده "
بلى يارب تكفينا وتغنينا عمن سواك 💚

يا عمي مين عنده واسطة يخلصلنا موضوع الهدنة !!
كل وساطة العالم مش زابطة

أغيثونا أنقذونا تحمصناااااااااا

كان رسول الله صلى الله عليه وسلم، في وقت الشدة والبلاء، يقول: إنِّي عبد الله ولن يضيِّعني

الآن الآن
حزامات رعدية في سماء قطاع غزة
مش محرومين من اشي الحمدلله
حزامات نارية وحزامات رعدية

جولة جديدة من المفاوضات، وبنفس السيناريو، ونفس التصريحات، وبث الآمال

يا عمي ما تصرحوش، ما تعلنوش، ما تحطونا بالتفاصيل
احنا بدنا نسمع بس خبر واحد: الحر.ب وقفت

غير هيك احكوا تحت الطاولة، اعملوا اللي بدكم ياه، لكن أعطونا ما يسرنا قلوبنا لا ما يعلقها ويشربكها

يااارب هالمرة تزبط، ولا تضيع تعبنا ولا عشمنا

عارف لما تكون محبوس جوا علبة مسكرة عليك ومحدش قادر يفتحها، وموجود في العلبة خرق صغير بتتنفس منه، حتى النفس اللي بتاخده، بتاخده بالتنقيط، ومش عارف تطلع من هالعلبة لأكتر من سنة، وشايف حالك استويت واندبحت وبرضو محدش قادر يطلعك، وكل شوية بتشوف خيال حد بيقرب عليك، تفرح تفكره جاي يفتحلك، ويمشي من قدامك عادي ولا هو شايفك، وتخبط وتنازع وتحاول تقوله مشان الله أنا هنا وهو مش شايفك، ويروح وييجي غيره، وكل ما ييجي حد أنت تفرح تفكر ه جاي يحلك

احنا هيك في غز.ة لأكتر من سنة وتلات شهور، محبوسين مش قادرين ولا عارفين نعيش، بننادي العالم، وع الفاضي، ومع كل جولة مفاوضات بنفرح وبنكبر وبنزغرد بنفكر خلص هالمرة هاي القاضية ممكن، وهتخلص الحر.ب

فجأة بيخرب كل اشي، وبعد فترة جولة مفاوضات جديدة ونرجع نفرح ونفكرها قربت، ونلبس، وهكذا على مدار سنة وتلات شهور

بس يارب هالمرة تكون غير وتزبط عنجد

بقولك الصفقة جاهزة بس تنتظر توقيع نتن.ياهو، طيب ياعمي أعطوه قلم، أعطوه دستة أقلام، ابعتوله الورق على داره ديلفري، خلصونا من ام هالقصة، قبل ما يطلع بتصريح: رفضت الصفقة لعدم وجود قلم للتوقيع

ياااارب يااااااارب

قسما بالله الواحد على أعصااابه، ياااارب ما تكسر خاطرنا

مع اني أخدت قرار ما اصدق ولا اتفاعل ولا اخلي اي خبر عن المفاوضات يأثر فيا من كتر ما دبحونا أخبار عن المفاوضات وجولات ووفود رايحة ووفود جاية ولعبوا باعصابنا على مدار سنة كاملة، قلت خلص مش هصدق الا لما تخلص فعليا

بس ياخي الواحد مش قادر، ضخ الاخبار اللي بتحكي انها خلصت وتفاؤل الناس عنا في الشمال، واحتفالات أهل الجنوب، بتخلي الواحد غصب عنه يتأثر وأعصابه تتفاعل، يارب يا حبيبنا لا تخيبنا ولا تكسر خاطرنا

والله تعبنا، والله متأملين كتير برحمتك، والله اشتقنا يمر يوم بدون ما نسمع صوت قص.ف، بدون ما نخاف، بدون ما نكون مطفيين، بدون ما نحس حالنا لحالنا

حبيبنا أنت يا الله تكرمنا

خلص قربت تخلص ان شاء الله، لأنه اليوم راح وفد رفيع يناقش التطورات، وقبل كم يوم راح وفد عريض يناقش التطورات، ضايل بس وفد جسمه منيح يروح يناقش التطورات هاليومين، وهيك بنكون خلصنا كل الأحجام وما ضللكم حجة الله لا يعطيكم العافية

ولكووووو شكلهممم بدهم يعلنووووووو اليوووووم، شكلهااااا الليلة يا حبيبي الليلة، مشاااان الله يا وسطاء يلاااااا

امشي يا وقت امشي يا سااااعاااات
بدنا نخلص من هااااد كللله

للامانة الناس مكتئبة بدرجة كبيرة
بتمشي في الشوارع بتلاقي الناس زي المخدرين مش عارفين شو صار فيهم
الوضع مأساوي بشكل لا يوصف


هالمرة مش زي كل مرة، الحر.ب طفتنا انطفاء ربنا وحده اللي بيعلم فيه