💬СТРЫМ у гэтую пятніцу ў 20:00

Заўтра мы правядзем стрым прысвечаны палітычным крокам палка Каліноўскага!
Гасцямі стрыма плануюцца быць намеснік камандзіра палка Вадзім Кабанчук "Ігар" і дэпутат Вярхоўнай Рады ад кіруючай партыі «Слуга народа» Багдан Яроменка.
Мадэратарам стрыму будзе Крысціна Чабор.

Задавайце ў каментарах пытанні якія Вас цікавяць па дадзенай тэме.

🗺У Кіеве з'явілася вуліца Кастуся Каліноўскага!

Раней вуліца называлася Астраханскай, але было прынятае рашэнне перайменаваць яе ў гонар кіраўніка паўстання 1863-64 г. супраць Расейскай імперыі.
Мэр сталіцы Украіны Віталь Клічко зазначыў, што новыя назвы вуліц выбіраюць самі жыхары гораду.
Мы ўдзячны ўкраінцам за тое, што ўшанавалі памяць героя Беларусі, у гонар якога і названы наш полк!
Мы кожны дзень працуем над тым, каб хутчэй прыйшоў час, калі і ў самой Беларусі нарэшце будуць шанаваць сапраўдных герояў і кожны будзе ведаць сапраўдную гісторыю краіны, не перапісаную "саветамі"!

Жыве Беларусь і Слава Украіне!
✊ 🇺🇦

▶️Адбыўся СТРЫМ прысвечаны палітычным крокам палка Каліноўскага!

Гасцямі стрыма сталі намеснік камандзіра палка Вадзім Кабанчук «Ігар» і дэпутат Вярхоўнай Рады ад кіруючай партыі «Слуга народа» Богдан Яроменка.
Мадэратарам стрыму будзе Крысціна Чабор.

Прагучалі шматлікія Вашы пытанні, адказы на якія можна пачуць у запісе стрыма.

Распаўсюджвайце спасылкі на стрым у сваіх сацыяльных сетках – гэта дапаможа большай колькасці людзей убачыць і зразумець ідэі палка Каліноўскага!

💫Праца аэравыведкі Палка Каліноўскага

Нашы ваяры з БПЛА цесна супрацоўнічаюць з 44 ОАБр ЗСУ. Праводзяць аэравыведку, перадаюць выяўленыя цэлі для агнявога паражэння і дапамагаюць карэктаваць артылерыю.
Паглядзіце як мы разам робім супольную справу, якая вельмі моцна прымушае нервавацца рускіх акупантаў.
Акупанты нервуюцца моцна – але не доўга! ☠️

Жыве Беларусь і Слава Украіне!

Полк імя Кастуся Каліноўскага выказвае вялікую падзяку актывістам грамадзянскай кампаніі „Еўрапейская Беларусь”, якiя пражываюць у краiнах Бенiлюксу.
Сябры з „Еўрапейскай Беларусі” перадалі байцам палка наступную экіпіроўку:

-прыборы начнога бачання (10 штук)
-дроны Аўтэл (10 штук)
-для дронаў: дадатковыя батарэі (20 штук), камплекты лопасцяў (30 штук),
зарадкі (10 штук)
-цеплавізары (15 штук)
-бронiкамізэлькі (50 штук)
-шлемы з каверам (115 штук)
-шлемы без кавера (125 штук)
-чахлы на шлем (110 штук)
-падсумкi AP4 (300 штук)
-карабiны будаўнiчыя (600 штук)
-мяхi для пяска (1000 штук)
-кабуры (30 штук)
-торбы (30 штук)
-металашукальнiкi: вялiкiя (20 штук),
маленькiя (20 штук)
-вiдэакамеры (10 штук)
-мультытулы (300 штук)

Разам пераможам! ✊

🧍‍♂"Праклятая рэчка"

Калі доўга знаходзішся на пазіцыях, звычайныя бытавыя рэчы становяцца з шэрагу фантастыкі: выспацца, паесці гарачую ежу, схадзіць у душ.
На другі тыдзень сядзення ў акопах мы з Брэстам сталі падобныя да шахцёраў, якія літаральна зараз выйшлі з пад зямлі. Дачакацца ратацыі ў такім выглядзе проста ўжо было немагчыма. Знайшлі па карце рэчку. Яна была недалёка ад нашых пазіцыяў. Вырашылі пайсці выкупацца.
Толькі мы выйшлі са сваіх пазіцый – пачаўся абстрэл. Вырашылі пацерпім.
На наступны дзень, жаданне змыць з сябе ўвесь бруд і пыл узяло верх. Высунуліся да рэчкі зноў.
Падыходзячы да самай рэчкі і ўжо прадчуваючы, як у яе акунемся, мы заўважылі два сілуэты якія ідуць паралельна з намі. Мы адразу нават не падумалі, што гэта не нашыя. Вось так сярод белага дня разгульваць вакол нашых пазіцый могуць толькі ідыёты. Але як мы ведаем оркі розумам не адрозніваюцца.
Заўважыўшы нас, яны адразу ж упалі на зямлю.
Брэст аддаў загад: «Ідзем браць!». Перадалі інфармацыю сумежнікам і пайшлі. Раптам адзін падняў галаву і спытаў: «Вы хто?». Брэст крыкнуў: «Слава Украіне!». У наш бок адкрылі агонь.
На іх абрынуўся шквальны агонь у адказ. Шанцаў выжыць у іх не было.
Калі чэргі заціхлі мы пачулі: «Здаюся!».
У выніку адзін сустрэўся з Кабзонам, другому мы аказалі дапамогу, наклалі на раненні свае! турнікеты, здалі сумежнікам.
Такога рэзкага пераабування я ў сваім жыцці яшчэ не бачыў. Мы тут жа пачулі што рускае войска лайно, як і ўсё камандаванне. Мы то з гэтым і так згодны, але злавала, што выкупацца так і не атрымалася.
Трэці дзень нашых спроб выкупацца сарвала варожая артылерыя.
Але ваяры Палка Каліноўскага хлопцы мэтанакіраваныя!
На чацвёрты дзень мы цвёрда вырашылі дайсці на гэтую праклятую рэчку. Дайшлі.
Рэчка была забалочаная. Выкупацца ў ёй азначала стаць бруднымі яшчэ больш…
Навошта я гэта? У мірны час шануйце простыя бытавыя радасці.

#дзённік_каліноўца

💫 "Мы робім неба мірным"

Героем нашай відэа размовы стаў добраахвотнік Палка Каліноўскага з пазыўным “Лахвіч”.

➖“Як беларуса, мяне ўспрынялі ва Украіне вельмі цёпла”
➖“Мост зроблены на “Азоў-сталь”
➖“Я тут, я раблю тое, што магу рабіць, не шкадуючы свайго жыцця”
➖"У Беларусі я працаваў экскурсаводам для дзетак"

Паглядзець поўную гісторыю нашага добраахвотніка можна на канале Палка Каліноўскага на ютубе.

#размова