Штотыднёвы выпуск навін

• Звесткі з фронту.
• Сустрэчы прадстаўнікоў палка з дэпутатамі Вярхоўнай Рады Украіны і з прадстаўнікамі Літоўскага Сейма.
• Пераход каманды аэравыведкі з падраздзялення «Пагоня» у полк Каліноўскага.

Глядзець на YouTube

ДАЛУЧЫЦЦА ДА ПАЛКА:
@BelarusAndUkraineBot - чат-бот тэлеграм

Кантакты для СМІ і іншых асоб:
@PressBelWar - тэлеграм-канал

#прэс_реліз

🚤 «Рыбачым на акупанта»

Рыбалка на акупанта адрозніваецца ад звычайнай. Прыкормліваем пральнымі машынамі, электрачайнікамі – пажадана не працоўнымі. Акупант злятаецца зграямі на нябачаную здабычу, тут жа трапляючыся ў нашы «сеткі».
Насамрэч на відэа падрыхтоўка ваяроў палка Каліноўскага да новай баявой аперацыі.

Мы ўжо змагаемся з ворагам і на зямлі, і на вадзе і ў паветры!
Слава Украіне і Жыве Беларусь!

«Няма лепшага месца на зямлі, чым родны дом»
- Марк Тулій Цыцэрон

Нават паміж баямі нашы байцы сочаць за навінамі з дому, перапісваюцца з роднымі.
Кожны сумуе па роднай Беларусі.
Кожны рыхтуецца.
Кожны ведае, што вернецца!
🤍❤️🤍

🏴‍☠️ «Адзін мінамёт добра, а два яшчэ лепш!»

Ваяры Батальёна "Волат" Палка Каліноўскага «кашмараць» оркаў, і дапамагаюць расейскаму аўтапраму наладзіць пастаўкі «Лады» ва ўсе рэгіёны фашысцкай федэрацыі!

Слава Украіне і Жыве Беларусь!

«Мая куля»

Быў цяжкі бой пад Лісічанскам.
Пасля «кантакту» з ворагам сувязь са штабам была страчана, мы панеслі страты. Пачалі адыходзіць.
Я адпаўзаў да «зялёнкі» пад шквальным агнём варожага кулямёта: кулі ляцелі літаральна над галавой, я прама чуў іх непрыемны свіст. Поўз, уціскаючыся ў зямлю, практычна ўзараўшы дзёрн.

У нейкі момант я адчуў паленне ў назе. Патрапіў гад! Я адразу зразумеў, што мяне параніла. Дзіўна, але болі я не адчуў, мабыць адрэналін згуляў сваю ролю. У поўнай экіпіроўцы я прапоўз недзе 600 метраў. Ведаеце, 600 метраў ад дома да крамы – гэта блізка, 600 метраў прабегчы за ад'язджаючым аўтобусам – гэта лёгка, 600 метраў прайсці ад бара да бара – гэта нават весела. Але з раненнем і пад агнём – гэта жудасна доўгая дыстанцыя! Мне прыйшлося кінуць усю экіпіроўку і пакінуць толькі аўтамат, рацыю і тэлефон, інакш да кропкі эвакуацыі я проста не дацягнуў бы.

Раптам я пачуў, што нехта бяжыць па дарозе. Я вырашыў не рызыкаваць і не ўдакладняць свае гэта ці не. Прыкінуўся мёртвым. Выратавала.
Я ўстаў і з апошніх сіл пайшоў да месца эвакуацыі, якое знаходзілася за тры кіламетры. Адкуль я тады браў сілы, не ведаю да гэтага часу.

Перад самай кропкай эвакуацыі мяне сустрэлі ЗСУ. Тут жа завялі да медыка. Медык мяне агледзеў, разрэзаў шнуркі і зняў берцы. З аднаго адразу ж палілася кроў і выпала куля.

- Трымай! Твая куля!
Я сціснуў кулю ў руцэ і адключыўся.У выніку ў мяне пералом ступні. Хадзіць ужо магу. Хутка вярнуся ў строй.
Трэба вярнуць кулю оркам зваротна. Пажадана не адну.

#дзённік_каліноўца

«Ноч расстраляных паэтаў»

У ноч з 29 на 30 кастрычніка 1937 года ў засценках менскай унутранай турмы НКУС расстралялі больш за 100 прадстаўнікоў беларускай інтэлігенцыі: дзеячаў культуры і навукі, у тым ліку паэтаў. У гэтую ж ноч было спалена больш за 10 000 рукапісаў беларускіх пісьменнікаў. Чэкісты з жорсткасцю сціралі ўсё беларускае… У той год у Беларусі, уладамі СССР было забіта і рэпрэсавана больш за 100 000 чалавек!

Полк Каліноўскага памятае сваю гісторыю і шануе памяць усіх нявінна забітых і закатаваных.

Колькі б нас не знішчалі і не спрабавалі сцерці з зямлі – Беларусь жыла і жыць будзе!

Навіны Палка за тыдзень 🗓

▪️ Вуліца імя Кастуся Каліноўскага ў Кіеве
▪️ Падрабязнасці стрыму ад 28.10

Глядзець на YouTube

✊ДАЛУЧЫЦЦА ДА ПАЛКА:
@BelarusAndUkraineBot - чат-бот тэлеграм

Кантакты для СМІ і іншых асоб:
@PressBelWar - тэлеграм-канал


Валанцёры: 
@belbatv  
@Froki327


#прэс_реліз

🛏️ Спальня на вайне.

Калі ў нашых ваяроў атрымліваецца некалькі гадзін паспаць у спакоі і без абстрэлаў, то паддоны здаюцца дарагой італьянскай мэбляй, спальнік мяккай коўдрай, а карэмат пад галавой – набітай пёрамі падушкай.

Дзяды – памінальныя дні сваіх продкаў у беларусаў і ўкраінцаў.
Мы з павагай і смуткам успамінаем усіх загінуўшых і закатаваных.
Для Палка Каліноўскага самая вялікая ахвяра і боль – гэта нашыя загінуўшыя пабрацімы, беларускія ваяры, якія разам з намі змагаліся за волю і свабоду Украіны і Беларусі.
Мы памятаем Вас браты і працягвнем Ваш шлях да самой перамогі!

🎥 Відэа эвакуацыі параненага з поля бою!

На сумесным баявым выхадзе з пабрацімамі з Інтэрнацыянальнага легіёна ЗСУ нашы ваяры патрапілі пад мінамётны абстрэл.
Дзякуючы зладжаным дзеянням байцоў Палка Каліноўскага, удалося вынесці з «чырвонай зоны» параненага, аказаць яму першую неабходную дапамогу перад кропкай эвакуацыі. Як вынік - яшчэ адно выратаванае жыццё.
Менавіта для такіх выпадкаў і надаецца сур'ёзная ўвага медычнай падрыхтоўцы нашых байцоў.

#фронт