❗️Самалёты іспанскай авіякампаніі Iberia таксама будуць пазбягаць паветранай прасторы Беларусі

Крыніца: @rian_ru

☝️ Расейская генпракуратура заяўляе, што гатовая абараняць затрыманую на лайнеры Ryanair дзяўчыну Рамана Пратасевіча Сафію Сапегу, калі будуць парушацца ейныя правы.

Крыніца: @rian_ru

Сёння ў судзе Глыбоцкага раёну адбыўся суд над журналістам Змітром Лупачам

Суддзя Андрэй Тарасевіч цягам 14 хвілін разгледзеў справу, у якой журналіста абвінавачвалі ў выстаўленні на YouTube сюжэту пра «адукаванасць» беларускай міліцыі. Лупач атрымаў штраф 30 базавых (870 рублёў).

Таксама сёння а 14:30 Змітра Лупача будуць судзіць і ў судзе Браслаўскага раёну. Гэтым разам за размяшчэнне на YouTube сюжэту пра псіхіятрычную больніцу ў Слабодцы.

Крыніца: @belsat

☝️Амбасада Беларусі ва Украіне назвала пастанову ўкраінскага боку спыніць авіязлучэнне з Беларуссю «абсурднай» і заявіла, што пацярпяць праз гэта ў першую чаргу ўкраінцы

Крыніца: @tass_agency

❗️Маці Рамана Пратасевіча пасля прагляду відэа сказала, што ейнага сына збівалі:

«Рома вельмі моцна збіты. Я выдатна ведаю свайго сына. У яго паламаны нос. Я не хірург, але мы моцна прыбліжалі відэа, перагародка ссунутая, відаць чарнату на ёй. Таксама выбітыя зубы, калі прыглядзецца. Вывернуты клык, скрыўлены, а за ім дзірка. Сінякі замазаныя грымам. Твар перакошаны, шчака апала».

Таксама, яна ўпэўненая, што з яго выбіваюць прызнанні.

Падрабязней тут: https://3beltv.eu/news/25-05-2021-matsi-ramana-pratasevicha-vyglyadae-shto-yamu-palamali-nos-i-vybili-zuby/

Ала Касабуцкая сталася першаю беларускаю жанчынаю, якая скарыла найвышэйшую гару Зямлі – Эвэрэст!

Гэта адбылося 23 траўня. На здымку відаць, што ў Алы з сабою наш нацыянальны сцяг ⚪️🔴⚪️

Крыніца: Facebook

Зянон Пазняк: «Амерыка ўцерлася. Утрэцца і Еўропа»

Лідар беларускай апазіцыі 90-х гадоў у сваім допісе прыгадаў выпадак са збіццём над Беларуссю амерыканскага паветранага шара. Ён не верыць у рашучыя дзеянні Еўропы і мяркуе, што «толькі беларусы могуць расквітацца з бандытам»

Крыніца: Facebook

❓Ці маглі б паступіць інакш пілоты «Ryanair» з Раманам Пратасевічам на борце, пачуўшы патрабаванне развярнуцца?

Паслухайце каментар пілота «Аэрафлоту» пра экстраную пасадку самалёта ў менскім аэрапорце:https://www.youtube.com/watch?v=3PRzvV9HwF8

☝️Прадстаўнікі Міжнароднай арганізацыі грамадзянскай авіяцыі, Міжнароднай асацыяцыі паветранага транспарту, авіяцыйныя ўлады ЕЗ і ЗША запрошаныя ў Беларусь для вывучэння сітуацыі з лайнерам Ryanair

Крыніца: @tass_agency

❗️Цела памерлага за кратамі палітвязня Вітольда Ашурка аддалі сваякам

Пра смерць Вітольда Ашурка стала вядома яшчэ ў пятніцу, але цела аддалі толькі днём у аўторак. Сяброўка сям’і Вольга Быкоўская расказала «Белсату», што ў Вітольда «забінтаваная галава ад макаўкі да носа, відаць толькі рот».

Сваякі пастанавілі не рабіць дадатковых экспертызаў, бо не давяраюць магчымым вынікам і не хочуць зацягваць пахаванне.

Пахаванне плануюць зладзіць заўтра, 26 траўня, у Бярозаўцы. Развітанне адбудзецца ў Доме быту (вул. Навагрудская, 8) з 9-й да 13-й гадзіны, а 14:00 пачнецца імша ў касцёле Спаслання Святога духа.

Крыніца: @belsat

Вось так выглядае маршрут грузавога самалёту авіякампаніі ULS, які ляціць з Кіева да Вільні

Лайнер ювелірна абыйшоў Беларусь па самых ейных межах у раёнах Берасця і Горадні.

Крыніца: Flightradar

❗️Удакладненне: імша адбудзецца не ў касцёле Маці Божай Міласэрнасці, а ў касцёле Спаслання Святога духа.

Выбачаемся за недакладную інфармацыю

Крыніца: @belsat

❗️Валянціна Кучарэнку – мужа сястры нашай вядоўцы Арыны Маліноўскай – працягваюць трымаць у закладніках лукашэнкаўскія ўлады

Мы публікуем запіс размовы, якая адбылася сёння паміж Валянцінам ды Арынаю. З яе вынікае, што Валянціна не хочуць адпускаць, пакуль Арына не з'явіцца ў Беларусі

Крыніца: @belsat

🇫🇷Прэзідэнт Францыі Эмануэль Макрон выступае за тое, каб запрасіць беларускіх апазіцыйных палітыкаў на саміт G7 у Вялікабрытанію. Ён адбудзецца ў чэрвені

Крыніца: AFP (Twitter)

❗️Журналісту Алесю Сілічу, затрыманаму 21 траўня, прысудзілі 10 содняў арышту

Крыніца: @belsat

❗️Дэпартамент авіяцыі апублікаваў расшыфроўку перамоваў пілота Ryanair з дыспетчарам менскага аэрапорту:

Дыспетчар: RYR 1TZ, да вашага ведама, у нас ёсць інфармацыя ад спецслужбаў, што ў вас на борце бомба, якую могуць прывесці ў дзеянне над Вільняй.
<…>
Пілот: Вас зразумеў.
Дыспетчар: З мэтаў бяспекі мы рэкамендуем вам прызямліцца ў UMMS [Нацыянальны аэрапорт Менск у тэрміналогіі ICAO].
Пілот: Добра... гэта... зразумела... дайце нам новы курс, калі ласка.
Пілот: Паведамленне аб бомбе... Само паведамленне адкуль прыйшло? Адкуль у вас інфармацыя пра гэта?
Дыспетчар: Служба бяспекі аэрапорту паведаміла, што атрымала электронны ліст.
Пілот: Вас зразумеў. Служба бяспекі аэрапорту Вільні ці з Грэцыі?
Дыспетчар: Гэты ліст быў накіраваны ў некалькі аэрапортаў.
Пілот: Вас зразумеў.
<…>
Пілот: Зноў жа, гэтая рэкамендацыя аб перанакіраванні ў Менск адкуль узялася? Ад каго яна прыйшла? Ад кампаніі? Яна зыходзіла ад кіраўніцтва аэрапорту вылету або аэрапорту прыбыцця?
Дыспетчар: Гэта нашыя рэкамендацыі.
<…>
Дыспетчар: Паведаміце аб пасажырах на борце і аб наяўнасці небяспечных грузаў на борце.
Пілот: Небяспечных грузаў няма. <…> На борце 133 чалавекі.

Крыніца: caa.gov.by

❗️Журналіст TUT.by Дзяніс Буркоўскі, рэдактары аддзелу SMM Аля Буркоўская і Максім Пушкін не выходзяць на сувязь больш як дзве з паловаю гадзіны

Каля дому Буркоўскіх быў заўважаны характэрны бус.

Крыніца: @tutby_official

Берасцейцу Аляксандру Краўчуку сёння прысудзілі два месяцы арышту

Мужчыну вінавацілі ў тым, што ён разбіў міліцэйскі аўтамабіль і душыў міліцыянта.

Краўчука судзілі паводле артыкулу «хуліганства». Бок абвінавачання патрабаваў у якасці пакарання тры месяцы арышту, але суддзя Святаслаў Каліна даў на месяц меней.

Крыніца: @belsat