⚡️ Да маладафронтаўца Віталя Трыгубава сёння зранку прыходзілі следчыя па справе за 14 ліпеня (актывіста тады затрымалі і канфіскавалі ягоны мабільны). Віталя не было дома.

Хочуць «паразмаўляць» па арт. КК 339 ч.1 («хуліганства»).

Крыніца: @mf_mensk

🔥Калеснікава парвала пашпарт, каб яе не вывезлі з Беларусі – медыі

Сябра прэзідыума Каардынацыйнай рады Марыя Калеснікава не перасякла мяжу Украіны, бо пры спробе яе гвалтоўнага вывазу з тэрыторыі Беларусі яна парвала свой пашпарт.

«Пры спробе фактычнай дэпартацыі яна парвала пашпарт, і не магла быць прапушчана памежнікамі на тэрыторыю Украіны», – сказаў суразмоўца агенцтва «Інтерфакс-Україна».

Адвакат спрабуе патрапіць у кватэру рэдактара TUT.BY

Новая інфармацыя пра ператрус у доме рэдактаркі TUT.BY Галіны Уласік:

Да журналісткі пытанняў у сілавікоў няма. Справа датычыць толькі яе дачкі Валерыі, якая была затрыманая раніцай.

Сама Валерыя паспела паведаміць, што яна затрыманая па адміністрацыйным працэсе па арт. 23.34 КаАП (удзел у несанкцыянаванай акцыі) і па падазрэнні па крымінальнай справе аб удзеле ў масавых беспарадках.

Крыніца: @tutby_official

Святлана Ціханоўская мае зараз выступіць па відэасувязі перад камітэтам у палітычных справах і дэмакратыі Парламенцкай асамблеі Рады Еўропы (ПАРЕ).

Таксама ў дыскусіі, прысвечанай сітуацыі ў Беларусі пасля выбараў 9 жніўня, мае ўдзельнічаць дэпутат Палаты прадстаўнікоў Алег Гайдукевіч.

Крыніца: @radiosvaboda

Затрыманая сёння дачка журналісткі TUT.by Валерыя Уласік сама раней падтрымлівала затрыманых.

На фота яна каля Кастрычніцкага РУУС 5 верасня.

Фота: Ірына Арахоўская @belsat

Невядомыя ў цывільным выйшлі з дому журналісткі TUT.by Галіны Уласік. На пытанні журналістаў яны адказваць адмовіліся. Нагадаем, у журналісткі сёння раніцай прайшоў дома ператрус, а ейную дачку затрымалі.

Відэа: @belsat

⚡️Гарадзенскаму карыкатурысту і музыку Андрэю Янковічу, што выйшаў на мітынг 30 жніўня ў вобразе Лукашэнкі, далі яшчэ 10 содняў арышту за ўдзел у папярэднім мітынгу.

Хлопец ужо адбыў 7 содняў арышту. Раней была інфармацыя, што на яго заведзена крымінальная справа, аднак, сястра Андрэя кажа, што ўжо няма такой пагрозы.

Крыніца: @belsat

«Я не разумею, за якія дзеянні яе маглі забраць», – пракаментавала журналістка Галіна Уласік затрыманне сваёй дачкі і ператрус за нібыта яе ўдзел у «масавых беспарадках».

Яна звязвае затрыманне з тым, што дачка давала каментары пра сітуацыю ў Беларусі расейскім калегам.

У кватэры канфіскавалі некалькі тэлефонаў і ноўтбукаў, у тым ліку адзін, які быў у СК па «справе БелТА».

Крыніца: @belsat

⚡️У Бабруйску сёння зноў затрымалі Віталя Красніцкага, актывіста забастоўкі з «Белшыны». Прыйшлі па яго раніцай дамоў, чацвера ў цывільным, павезлі ў УУС. За што – невядома, распавёў ягоны брат. У нядзелю Віталя адпусцілі з ІЧУ пасля 7 содняў арышту па арт. 23.34 КаАП.

Крыніца: @belsat

Ціханоўская ў ПАРЕ: Лукашэнка ня мае законных падставаў заставацца прэзідэнтам Беларусі

Пра гэта Святлана Ціханоўская сказала 8 верасня, выступаючы ў Парламенцкай асамблеі Рады Еўропы.

Між тым дэпутат Андрэй Савіных сказаў, што пратэсты ў Беларусі каардынаваліся з-за мяжы, у тым ліку праз Тэлеграм-канал Nexta, які, дадаў ён, кіруецца польскай вайсковай выведкай.

Крыніца: @radiosvaboda

⚡️На кватэры ў Сафіі Садоўскай, старэйшай дачкі экаактывісткі Ірыны Сухій, ператрус.

Саму Сухій затрымалі 6 верасня.

Крыніца: @belsat

Памежны пераход «Аляксандраўка» славіцца сваімі прарывамі мяжы.

У 2017 годзе, падчас пратэстаў «недармаедаў», менавіта тут з украінскага боку нібыта прарываўся Jeep (на фота) са зброяй. Праўда, украінскія памежнікі тады заявілі, што ва Украіне ён не быў. Справу з Jeep улады забыліся праз некалькі месяцаў, калі пратэсты сціхлі, а распачатая адначасова справа «Белага легіёну» развалілася.

Зараз тут жа, паводле ДПК, машына прарывалася з сябрамі Каардынацыйнай рады ўжо ва ўкраінскі бок. Але ва Украіне кажуць, што іх вымусілі выехаць з Беларусі, а Марыя Калеснікава нават парвала пашпарт, каб застацца на Радзіме.

🇷🇺Крэмль чакае тлумачэнняў па сітуацыі з Калеснікавай

Прэс-сакратар прэзідэнта РФ Уладзіміра Пуціна Дзмітрый Пяскоў пракаментаваў затрыманне чальца беларускай Каардынацыйнай рады Марыі Калеснікавай.

«Вядома, выкраданне людзей – гэта тое, што ніякім чынам нельга ўхваліць. У гэтым выпадку, вядома, гэта трэба дыферэнцаваць ад затрымання людзей у строгай адпаведнасці з законам. Мы ў той жа час пакуль не валодаем дэталёвай інфармацыяй пра тое, што ж з ёй адбылося, бо паступае самая супярэчлівая інфармацыя. Спадзяемся, што сітуацыя будзе растлумачаная і мы пачуем нейкія тлумачэнні, тлумачэнні або заявы, якія ўнясуць яснасць у тое, што адбылося», – сказаў Пяскоў журналістам, адказваючы на пытанне, як у Крамлі ставяцца да таго, што «ў Беларусі, можна сказаць, выкрадаюцца людзі».

Крыніца: РИА Новости

Суседзі намалявалі «TUT❤️» пад вокнамі Галіны і Валерыі Уласік.

Фота: @belsat

Два месяцы ў менскай кавярні «Інклюзіўны барыста» будуць частаваць бясплатнай кавай тых, хто пацярпеў за час мірных пратэстаў.

Уладальнік кавярні Саша Аўдзевіч, адказваючы на пытанне, як наведніку даказаць, што ён пацярпеў за час пратэстаў, заявіў:

- Ніяк не трэба даказваць. Наагул любы чалавек можа прыйсці і піць колькі хоча кавы бясплатна. Проста таму што мы адчулі, што ў людзей стала менш грошай, а ў нас шмат рэшткаў кавы.

Крыніца: @tutby_official