На рэлакацыю супрацоўнікаў з Беларусі і Расеі EPAM выдаткаваў больш за 33 млн долараў

Яшчэ 11,6 млн сышло на дапамогу супрацоўнікам з Украіны.

Такія дадзеныя ўтрымліваюцца ў справаздачы EPAM за другі квартал 2022 года.

У красавіку EPAM сышоў з расейскага рынку праз вайну ва Украіне. У Беларусі кампанія афіцыйна застаецца, але работнікаў больш не наймаюць, а агульная колькасць скарачэнняў у Беларусі і ва Украіне складае каля 6 тыс рабочых.

Зараз EPAM застаецца ў больш чым 50 краінах, а агульны штат кампаніі – 61,3 тыс чалавек.

🔹Кіраўнік Мікалаеўскай абладміністрацыі Віталій Кім паведаміў пра ахвяры і параненых у выніку абстрэлу горада

Абстрэл адбыўся ўдзень. Паводле звестак Кіма, 10 чалавек параненыя, ёсць і загінулыя (дакладную лічбу ён не напісаў).

Крыніца: @mykolaivskaODA

🔹«Спасибо, вам. Я никогда больше не была так счастлива, как рядом с вами. Плечом к плечу. И я плачу. До конца жизни не забуду. Мой народ, с 16 августа, я так безумно вас люблю. Пушкинская».

🔹«Спасибо. Невероятно трогательный фильм. Смотреть невозможно, эти раны еще свежи».

🔹«Складана было глядзець з-за болю ў сэрцы. Але ж гэта было неабходна, каб у чарговы раз выплакаць гэты боль, які назапасіўся за гэтыя 2 гады. Дзякуй вялікі!»

Такія каментары пад фільмам "Галасы" на ют'юбе.

Адзначылі фільм і на ботаферме ябацяк, вось, што ім пішуць нашыя гледачы: "Боты, дзякуй за комменты. Вы продвигаете видео в тренды. Не забывайте, чтобы алгоритмы ют двигали видео в рекомендации, комментарий должен содержать минимум семь слов".

Калі вы яшчэ не пабачылі фільм - варта яго паглядзець. Ён пра наш шлях ад жыцця ва ўнутранай эміграцыі, праз вір адраджэння нацыі і спробы адбіць сваю свабоду, па сённяшнюю цёмную ноч, якая злу як яснае сонейка. Але ноч мае адметнасць - яна сканчаецца.

Трымаемся, памятаем, глядзім добрае! Фільм "Галасы" на ют'юб БЕЛСАТ DOC

🔻Спявачку Мэрыем Герасіменку сапраўды затрымалі. Але прапагандысты кажуць, што не за песню

Праўладныя ТГ-каналы сцвярджаюць, што частку прыбыткаў ад сваёй творчай дзейнасці яна накіроўвала на патрэбы ўкраінскай арміі і данаціла на набыццё «Байрактару».

Таксама прапагандысты напісалі, што дзяўчына «даўно была на кантролі» сілавікоў.

Крыніца: @viasna96

«Карта беларуса»? Прыбалтам і палякам з беларускімі каранямі хочуць спрасціць атрыманне віду на жыхарства

Як паведамляе МУС (якому мы ўсе верым), пасля ўвядзення бязвізу з Літвой, Латвіяй і Польшчай у Беларусь прыехалі 164 тыс. чалавек і «адначасова ўзрасла колькасць зваротаў у раённыя АУС па пытаннях пастаяннага пражывання ў Беларусі».

Часцей за ўсё такія запыты прыходзяць ад замежнікаў з беларускімі каранямі, якія раней ці мелі наша грамадзянства, ці маюць падставы для яго атрымання. Па беларускім законе ў такіх асобаў ужо ёсць магчымасць атрымаць дазвол для пастаяннага пражывання ў нашай краіне.

Але МУС хоча ўсё спрасціць і скараціць тэрмін працэдуры да аднаго месяца.

🙄 «Гэта створыць больш спрыяльныя ўмовы для ўезду, доўгатэрміновага знаходжання і інтэграцыі грамадзян гэтых краін у нашай рэспубліцы».

🇮🇱 Армія абароны Ізраілю (ЦАХАЛ) абвесціла пра пачатак контртэрарыстычнай аперацыі ў сектары Газа

Былі нанесеныя ракетныя ўдары па жылым квартале, дзе жыў адзін з камандзіраў арганізацыі «Ісламскі джыхад». Ён загінуў (паводле некаторых звестак, ракета прыляцела акурат у ягоную кватэру).

Прадстаўнікі «Ісламскага джыхаду» паабяцалі біць у адказ па цэнтры Тэль-Авіва.

Крыніца: Reuters

Ці ўбачым мы чэргі на атрыманне беларускага віду на жыхарства?

Пачытайце меркаванне журналіста польскай газеты «Rzeczpospolita» пра тое, ці будуць палякі, літоўцы, латышы ды эстонцы карыстацца магчымасцю спрошчанага атрымання беларускага ВНЖ.

Падкажам адказ цытатай:
«Лукашэнка не мае сваёй уласнай ідэалогіі і адзінае, што можа прапанаваць, – рабства».

✅Чытаць ПА СПАСЫЛЦЫ

«Народ открыл счет». За такі каментар жыхара Чэрыкава пасадзілі на 3,5 года

Іван Янчанка абвінавачаны ў тым, што пакінуў гэты «жудасны» (❗️на думку суддзі Аляксея Хлышчанкова ) каментар у верасні 2021 года ў «ВКонтакте» пад паведамленнем пра перастрэлку, у якой загінулі айцішнік Андрэй Зельцэр і КДБ-шнік Федасюк, які ўварваўся ў дом Зельцара.

Паведамленне, што напісаў Іван Янчанка, на думку абвінавачвання, 🤯 «распальвала агрэсіўнасць інтэрнэт-карыстальнікаў, гераізавала дзеянні тэрарыста, які забіў супрацоўніка КДБ. Акрамя таго, яно змяшчала ўхваленне і прапаганду ўзброенага супраціву прадстаўнікам улады і праваахоўнікам Беларусі, распальванне нянавісці, сацыяльнай варожасці».

⁉️Як вы думаеце, ці добра ва ўніверсітэтах вучыліся суддзі, якія сёння выносяць гэтыя прысуды?

Крыніца: @viasna96

Цяпер кантраляваць, у гонар каго называюць беларускія бібліятэкі, будзе само Міністэрства культуры💪🏼

Раней мясцовыя ўлады маглі самі вырашаць гэта пытанне на абласным і нават раённым узроўні.

Верагодна, такое рашэнне было прынятае пасля сітуацыі з Астравецкай раённай бібліятэкай, якую спачатку хацелі назваць у гонар Адама Мальдзіса, потым перадумалі, потым зноў захацелі. І – дзіва – зноў перадумалі🤷🏼‍♂️.

Але больш такога не паўтарыцца, цяпер усе рашэнні будуць выключна абаснаванымі.
Дзякуючы Міністэрству культуры.

Крыніца: Reform

«Я добра паінфармаваны, што журналістка Ірына Слаўнікава застаецца ў турме ў Беларусі. Мы салідарныя з ёй і заклікаем вызваліць яе неадкладна!»

🇺🇸 ЗША патрабуюць неадкладнага вызвалення журналісткі TVP Ірыны Слаўнікавай, асуджанай у Беларусі на 5 гадоў зняволення. Пра гэта ў інтэрв’ю «Белсату» паведаміў амбасадар ЗША ў Польшчы Марк Бжэзіньскі.

А поўную версію размовы з амерыканскім амбасадарам у Польшчы мы апублікуем 9 жніўня, у другую гадавіну выбараў 2020 году.

🔷 «Чырвоны Крыж і ААН ніяк не могуць умяшацца і на нешта паўплываць. У той час як людзей проста спальваюць і катуюць»

◼️ У цэнтры Кіева сваякі абаронцаў «Азоўсталі» зладзілі акцыю пратэсту. Нагодаю стала трагедыя, якая адбылася ў калоніі ў Аленаўцы на Данеччыне. Падчас яе загінулі больш за 50 украінскіх ваеннапалонных.

Мы пабывалі на акцыі і паразмаўлялі з роднымі палонных украінскіх вайскоўцаў. Паслухайце, што яны нам распавялі!⤴️

🔴 СТРЫМ! Навіны 5 жніўня. 163 дзень расейскага ўварвання ва Украіну.

24 лютага 2022 года Расея пачала поўнамаштабную вайну з Украінай. Каманда «Белсату» працягвае сачыць за апошнімі навінамі.

Таксама абмяркуем:

🔷Ці пагражае банкруцтва беларускім прадпрыемствам?

🔷Злучаныя Штаты Амерыкі патрабуюць неадкладнага вызвалення журналісткі польскага дзяржаўнага тэлебачання Ірыны Слаўнікавай.

🔷Літоўскія памежнікі звярнуліся па дапамогу да паліцыі і арміі з-за абвастрэння сітуацыі на мяжы з Беларуссю.

🔷Затрымалі і будуць судзіць за песні гурту «Океан Эльзи» на вулічным канцэрце спявачку Мерыем Герасіменка.

https://youtu.be/8P7NLkWnJ-s