❓Ці ўратуе МВФ Лукашэнку?

🔻Белсат Zoom – гэта праграма пра самыя актуальныя падзеі.

Сёння ў праграме👇

▫️Кіраўнік офісу Святланы Ціханоўскай Валерый Кавалеўскі пра $ 1 млрд для Лукашэнкі ад МВФ
▫️Эканаміст Яраслаў Раманчук пра поспехі луканомікі
▫️Актор Павел Харланчук і лідар Петли престрастия Ілля Чарапко пра эвалюцыю беларускай культуры
▫️Былы дэпутат Сяргей Навумчык пра Жнівеньскі путч
▪️Год таму памёр Генадзь Шутаў
▫️Ліст ад Дарʼі Чульцовай

https://youtu.be/xmCvkjZ1SWU

🤍❤️🤍Вельмі файны ролік зрабілі жыхары Койданава — Дзяржынска пра год пратэстаў і барацьбу за свабоду у розных фарматах 👆

Дзякуем за адвагу і салідарнасць!

Крыніца: @koidanava

💥#main Галоўнае за 19 жніўня:

🔹 На волю выйшлі супрацоўнікі «Прэс-клубу», якія сядзелі за кратамі са снежня 2020 года. Яны былі памілаваныя

🔹 Гарадзенскаму блогеру Вадзіму Ермашуку прысудзілі 25 содняў арышту. А ў ягонай сястры адбыўся ператрус

🔹 Жанчыне з Менску далі 2 гады «хатняй хіміі» за эмодзі 👎 на «Аднакласніках» пад пастом пра міліцыянта

🔹 Павел Вінаградаў не выйшаў на волю пасля 45 содняў арышту

🔹 Польшча накіравала ахоўваць мяжу з Беларуссю амаль тысячу вайскоўцаў

«Дзякую вам усім за падтрымку, што не забываеце пра нас! Гэта вельмі важна. Вы малайцы, вы неймаверныя!»

Яўгена Бароўскага асудзілі на 4 гады пазбаўлення волі за тое, што паспрабаваў абараніць мужчыну ад затрымання

Яго абвінавацілі ў «актыўным удзеле ў групавых дзеяннях, што груба парушаюць грамадскі парадак» і «гвалце ў дачыненні супрацоўнікаў МУС»

Дашліце ліст палітвязню: ПК № 15, Слаўгарадская шаша, д. 183, 213105, п/а Вейна, г. Магілёў.
Падтрымайце палітвязня: https://btvsat.eu/prisoners/yaugen-barouski/

Баевікі «Талібана» забілі сваяка журналіста Deutsche Welle

Кіраўніцтва выдання паведамляе, што баевікі забілі аднаго і цяжка паранілі другога сваяка журналіста DW. Па іхным дадзеным, «Талібан» шукаў журналіста, які цяпер знаходзіцца ў Нямеччыне.

DW разам з іншымі нямецкімі СМІ ў адкрытым лісце заклікала ўрад ФРГ падрыхтаваць экстранную візавую праграму для мясцовых журналістаў , якія працавалі ў Афганістане для нямецкіх выданняў, а таксама чальцоў іх сем'яў.

Крыніца: DW

☀️Добрай раніцы, сябры!

Не забудзьцеся на парасон – сёння ў Менску чакаюцца навальніцы. А ўдзень тэмпература падымецца да +27 °С.

Зычым прыемнага і спакойнага дня 😉

👆Першы віцэ-прэм’ер Мікалай Снапкоў на гэтым тыдні заявіў, што Беларусь і Расея практычна цалкам узгаднілі пакет інтэграцыйных дакументаў

Мы нагадваем, якія дакументы ўжо 2,5 года рыхтуюцца падпісаць Менск і Масква, вакол чаго вядуцца спрэчкі і калі ў перамовах можа быць пастаўленая кропка.

https://btvsat.eu/news/19-08-2021-shto-tsyaper-z-darozhnymi-mapami-tlumachym-na-yakoj-stadyi-znahodzyatstsa-integratsyjnyya-peramovy/

🔹Навіны «Белсату» таксама чытайце ў прыкладанні BelsatNews на Android і IOS.
🔹Эфір, праграмы, фільмы можна глядзець праз прыкладанне BelsatSmart Android i IOS
☝️Заблакаваць прыкладанні немагчыма!

👆Затрыманая 64-гадовая актывістка з Берасцейшчыны Алена Гнаўк

Аб гэтым нам паведаміў сын Алены Пятроўны. Па яго словах, раней маці выклікалі ў Пружанскі РАУС, а гэтым разам у Берасце ў Ленінскі РАУС, адкуль жанчына ўжо не выйшла.

Нагадаем, што Гнаўк асуджаная на 2 гады хатняй хіміі. Вядома, што на Алену Пятроўну заведзена яшчэ адна крымінальная справа, нібыта за абразу прэзідэнта, так сілавікі ацанілі выступ Гнаўк у судзе.

Гнаўк паспела пазваніць сваёй дачце і паведаміць, што яе вязуць у суд за распаўсюд эсктрэміскага матэрыялу.

Крыніца: @belsat

❤️✌️✊«Партызаны» не дрэмлюць, нават на пенсіі

Вялікі ланцуг за сцягамі ўздоўж трасы.

Крыніца: @babuskyguliaut

За фотаздымак з арнаментам рэдактара сайта «Виртуальный Брест» пакаралі за «распаўсюд экстрэмісцкага матэрыялу».

Падставай для судовага працэсу над Андрэям Кухарчыкам стала публікацыя пра гісторыю затрымання жыхара Баранавічаў Уладзіміра Гундара. У якасці ілюстрацыі да тэксту на сайце змясцілі фотаздымак Гундара ў вопратцы з элементамі арнаменту.

Супрацоўнікі ГУБАЗіКа палічылі, што арнамент утрымлівае свастыку.

Суд пакараў рэдактара штрафам 290 рублёў (10 базавых велічынь) і пастанавіў канфіскаваць у яго камп’ютарнае абсталяванне, на якім ён «здзейсніў правапарушэнне».

Крыніца: baj.by

🔴 Затрыманая 64-гадовая актывістка Алена Гнаўк

Яна звярнулася да нас некалькі тыдняў назад. За гэты час на яе завялі крымінальную справу за нібыта «абразу прэзідэнта». Але неабыякавыя беларусы не пакінулі жанчыну ў бядзе.

Гісторыю спадарыні Алены мы распавядалі ў праекце «Беларус беларусу» 👇

https://www.youtube.com/watch?v=7w73QBupYcc

Даша Чульцова за кратамі малюе для сваёй мамы і плакаты ў калоніі.

Малюнак і вытрымку з ліста апублікавала ў сваім Фэйсбуку Наталля Церабіленка, мама Дашы:

«Вельмі радая, што ты прыйшла ў сябе. Як не дзіўна, але я таксама😊. Эмацыйна вельмі добра, і фізічна. Не хварэю, ямо, бачыш – нават малюю. І малюю не таму, што мне кепска, а проста таму, што мне хочацца. Яшчэ буду з дзяўчынкай маляваць плакат для мясцовай...для нечага ў калоніі. Баўлюся як магу. Люблю цябе вельмі моцна❤️. Не сумуйце, я хутка вярнуся».

Крыніца: Наталья Теребиленко / facebook

⚪️🔴⚪️ Гэтаму чалавеку мы павінны быць удзячныя за імкненне захаваць нашую гісторыю. Менавіта ён пачаў збіраць скарбы для першага беларускага музею ў Вільні, але зусім крыху не дажыў да адкрыцця.

Сёння 102 гады з дня смерці Івана Луцкевіча, палітычнага і грамадскага дзеяча, публіцыста, краязнаўца, археолага.

Ён быў ініцыятарам абвяшчэння незалежнасці БНР і аўтарам трэцяй устаўной граматы.

МУС Літвы распавялі Ціханоўскай, колькі беларусаў вымушана з'ехалі ў Літву за год:

▫️ Выдадзена каля 20 000 нацыянальных літоўскіх віз,

▫️ 834 беларуса атрымалі спецыяльны дазвол ад міністра ўехаць у Літву,

▫️ 206 беларусаў зрабілі запыт на прадстаўленне прытулку.

Больш пра сустрэчу Святланы Ціханоўскай і міністарку ўнутраных спраў Літвы, Агнэ Білотайтэ чытайце тут

❌Барысаўскі псіханеўралагічны дом-інтэрнат для састарэлых і інвалідаў у вёсцы Тарасікі могуць закрыць

Пастаяльцаў хочуць перавесці ў іншыя ўстановы. У паведамленні не тлумачыцца, з якой прычыны хочуць закрыць інтэрнат у Тарасіках, але працаўнікі інтэрнату просяць пра дапамогу:

«Не праходзьце міма! Дапамажыце нам быць пачутымі…».

https://belsat.eu/news/20-08-2021-barysauski-psihaneuralagichny-dom-internat-u-tarasik-znahodzitstsa-pad-pagrozaj-zakrytstsya/

🔹Навіны «Белсату» таксама чытайце ў прыкладанні BelsatNews на Android і IOS.
🔹Эфір, праграмы, фільмы можна глядзець праз прыкладанне BelsatSmart Android i IOS
☝️Заблакаваць прыкладанні немагчыма!

❗️Алену Гнаўк адпусцілі

Пра гэта яна напісала ў сваім Facebook.

Нагадаем, што Гнаўк асуджаная на 2 гады «хатняй хіміі». Вядома, што на Алену Пятроўну заведзена яшчэ адна крымінальная справа, нібыта за абразу прэзідэнта, так сілавікі ацанілі выступ Гнаўк у судзе.

Крыніца: facebook