❗️У раёне Калодзішчаў уначы адбыўся выбух. Яго чулі нават на поўначы Менску

Першым пра здарэнне ўжо праз паўгадзіны напісаў тэлеграм-канал «Посмотри, брехня?».

Сёння раніцай факт інцыдэнту пацвердзіў @motolkohelp: штосьці выбухнула ў Калодзішчах (меркавана, у раёне чыгуначных шляхоў) каля 23:20 па беларускім часе. Гук было чуваць нават у менскіх раёнах Уручча ды Зялёны Луг (яны месцяцца за 8 км ад меркаванага месца выбуху). Жыхары Ваеннага гарадку ва Ўруччы паведамілі журналістам @zerkalo_io, што ад выбуховай хвалі затрэсліся вокны і ложак.

Цяпер у Ваенным гарадку Уручча следчыя апытваюць мясцовых жыхароў. Сілавікі кажуць людзям, што «на станцыі Азярышча быў тэракт, падарвалі чыгунку».

📷 Фота ілюстрацыйнае

🔴Дэбаты «Алімпійскія гульні ў Парыжы ў цені вайны ў Еўропе»

Дыскутаваць будуць знаныя спартоўцы, журналісты і актывісты. Далучайцеся да гарачага эфіру👇

youtube.com/watch?v=VrthrvcACzE

📉Падзенне да псіхалагічнай адзнакі: цяпер 1€ = Br 3,5

Замежная валюта ў Беларусі чацвёрты дзень запар ставіць гістарычныя рэкорды. У Расеі сітуацыя тая ж.

Ці варта ўжо бегчы ў абменнік або лепей пачакаць? Спыталі эканаміста, што адбываецца і куды ўсё ляціць:

✅ Праз VPN ❎ Без VPN

☝️На станцыі Азярышча ў выніку начнога выбуху пашкоджаны ўчастак чыгуначнага палатна і стрэлачнага пераводу

Пра гэта піша «Супольнасць чыгуначнікаў Беларусі».

На згаданай станцыі часта выконваюць пагрузачна-разгрузачныя аперацыі з вайсковай тэхнікай. У ваколіцах дыслакуюцца 120-я і 127-я брыгады сувязі, а яшчэ 56-ты полк сувязі.

📍Акрамя таго, ад станцыі Азярышча ў кірунку Воршы знаходзіцца станцыя Калодзішчы, звязаная асобнымі чыгуначнымі шляхамі са станцыяй Шабаны. Гэта стварае маршрут аб'езду Менску падчас руху з Воршы ў бок Берасця (альбо ў зваротным кірунку). Такі маршрут выкарыстоўваўся (і магчыма працягвае выкарыстоўвацца) расейскімі вайскоўцамі для перакідвання сваёй тэхнікі і боепрыпасаў у напрамку Баранавічаў ды Лунінца.

Усе падрабязнасці па выбуху чытайце тут:

✅ Праз VPN ❎ Без VPN

☢️ На БелАЭС узяліся рамантаваць першы энергаблок

Пра гэта паведамілі ў Міністэрстве энергетыкі, дадаўшы, што падобныя рамонты планава праводзяць на атамных станцыях штогод.

Вось што будуць рабіць у часе рамонту:

😡Дапамога Украіне можа прыпыніцца?

ЗША пакуль не могуць ухваліць фінансавання для Украіны, у Славаччыне выйграла прарасейская партыя, а NATO увогуле кажа пра нястачу боепрыпасаў. Што могуць азначаць гэтыя трывожныя сігналы?


✅ Праз VPN ❎ Без VPN

🙄 У Горадні выкінулі кавуны ў кантэйнер для будаўнічага смецця. Гэта пабачылі людзі і палезлі іх даставаць

Аўтар відэа, знятага ў гарадзенскім раёне Фолюш, зазначыў, што ў нейкі момант ледзь не дайшло да бойкі за дармовыя кавуны са сметніцы. «Выглядала гэта не вельмі прыгожа», – падсумоўвае сведка сітуацыі. Праўда, на відэа канфлікт не патрапіў.

➖Кавуны былі выкінутыя двума мужчынамі, якія пад'ехалі на мікрааўтобусе. Магчыма, такім чынам яны пазбаўляліся ад нераспраданага ці бракаванага тавару. Аднак кантэйнер, куды яны выгрузілі ягады, не прызначаны для такога тыпу смецця. Выкідваць у яго прадукты харчавання не варта, бо яны пачнуць там гніць і распаўсюджваць непрыемны пах, а кантэйнер з будаўнічым смеццем вывозіцца камунальнікамі не вельмі часта.

Лукашэнка заявіў, што Зяленскі правільна робіць, просячы Захад дапамагчы

Аб гэтым самаабвешчаны нечакана сказаў падчас працоўнага візіту ў Берасце. Аднак далей працягнуў пуцінскі наратыў пра ЗША і выкарыстанне Украіны як ахвяры. Расею і яе агрэсію ён у сваім маналогу не закрануў.

🤡 А яшчэ пасля гэтага змадэляваў дыялог, дзе ён нібыта Зяленскі і пытае Захад пра дапамогу.

📍«Чалавека года Браслаўшчыны» адпраўлялі на «суткі» за «экстрэмісцкую» падпіску

Праваабаронцы з @vitebsk_info заўважылі імя Міхаіла Кумпіня ў раскладзе паседжанняў суда Браслаўскага раёну на 7 верасня.

Міхаіл – кіраўнік аддзялення № 2 сельскагаспадарчага прадпрыемства «Маяк Браслаўскі». Летась ён нават атрымаў званне «Чалавек года» ў сваім раёне.

Былыя заслугі не збераглі Міхаіла ад таго, каб патрапіць за краты на 7 сутак праз тое, што ў сацсетцы «Аднакласнікі» ён быў падпісаны на суполку выдання «Зеркало» (яна, як і іншыя сацсеткі згаданага СМІ, прызнаная «экстрэмісцкай»). Акрамя таго, у Кумпіня сканфіскавалі мабільны тэлефон як «сродак здзяйснення злачынства».

Вырак агучваў суддзя Аляксандр Вязіцкі.

☝️Палітвязня Рыгора Кастусёва выпусцілі са штрафнога ізалятару. З-за моцнага варыкозу ў яго вельмі баляць ногі

Пра гэта паведаміў зяць Кастусёва Зміцер Антончык у каментары для @radiosvaboda. Кастусёў правёў у ШІЗА 10 сутак. Пасля выхаду адтуль яму дазволілі патэлефанаваць сваякам.

«Расказаў, што цяпер вельмі баляць ногі. Ногі ацякаюць, бо ў яго моцны варыкоз. Ва ўмовах ШІЗА з варыкозам вельмі цяжка. Ноччу даводзіцца ляжаць на голых дошках, а ўдзень нармальна немагчыма нават пасядзець», – расказаў Зміцер Антончык.

У жніўні хворы на анкалогію Рыгор Кастусёў прайшоў чарговае медычнае абследаванне. Пра вынікі яму дагэтуль нічога не паведамілі.

📺Асноўныя навіны за 5 хвілінаў:

🔹Прадстаўніцтва дэмакратычнае Беларусі сёлета адкрыецца ў Празе.

🔹У Калодзішчах ноччу чулі гукі выбуху.

🔹Забітае дзіцё. Дзясяткі людзей пацярпелі – расейцы ноччу атакавалі Харкаў.

🔹52 забітыя. Трагічныя вынікі ўчорашняй атакі расейцаў па вёсцы Гроза.

🔹Мясны гігант для дома-інтэрнату. Магілёўскі мясакамбінат прыгатуе рэкордную катлету.
https://youtu.be/f0uTgJJGYKM

«Любое некантраляванае праяўленне яднання людзей – небяспека для дыктатуры»

😔Улады збіраюцца ліквідаваць арганізацыю «Дзеці Чарнобылю», якая дапамагае дзеткам, што пацярпелі ад ядравай катастрофы 1986 года. У рамах праграмы іх вазілі на аздараўленне ў Еўропу.

Чаму ініцыятыва так не падабаецца рэжыму, глядзіце ў нашым відэа.

Новыя падрабязнасці наконт выбуху

Аляксандр Азараў распавёў «Белсату» пра тое, як рэагуюць сілавікі на здарэнне ў Калодзішчах.

«Расея – гэта камень на шыі беларусаў, які цягне іх уніз»

Так у сваёй большасці ўспрымаюць беларусаў палякі. Праз вайну і саўдзел у ёй рэжыму Лукашэнкі ўвага да нашай краіны моцна ўпала, а прыязнымі нас цяпер лічуць толькі 34 % палякаў. І гэта нягледзячы на сотні тысяч уцекачоў, якія актыўна выступаюць супраць вайны.

Ці зможам мы аднойчы абмежавацца ад такога ўспрымання і які ў нас ёсць выбар – спыталі аўтара справаздачы «Беларуская эміграцыя ў Польшчы:

✅ Праз VPN ❎ Без VPN

Гэта ён засудзіў Эдуарда Бабарыку і Рыгора Кастусёва

Суддзя Уладзімір Арэшка таксама вынес прысуды адвакату Юрасю Зянковічу і палітолагу Аляксандру Фядуце. Агулам Арэшка вынес прысудаў па палітычных справах ажно на 73 гады.

📍Працягваем распавядаць пра суддзяў, якія кідаюць за краты нявінных беларусаў у рамах нашага праекту «Памятайма!»