🦠 Прэс-сакратарка Міністэрства аховы здароўя РБ пяць разоў перахварэла на каронавірус

Пра гэта Юлія Ваніна напісала ў Facebook у каментары да допісу адной з журналістак. Тая зазначыла, што хварэла на «карону» тры разы. Прэс-сакратарка Мінздароўя адказала, што ў яе вірус дыягнаставалі ажно пяць разоў (і гэта пры тым, што Ваніна мела вакцынацыю).

Міністэрства аховы здароўя РБ не публікуе статыстыку захворванасці каронавірусам ужо каля чатырох месяцаў.

Заўважыла: @nashaniva

💁‍♀️ Відэавайна памежнікаў працягваецца: супрацоўнікі польскай памежнай службы паказалі, як іх беларускія калегі праводзяць з Беларусі ў Польшчу мігрантаў

Раней беларускія памежнікі выкладалі відэа, у якім абвінавачвалі палякаў у жорсткім абыходжанні з мігрантамі.

«Беларускія службы пастаянна прывозяць замежнікаў да мяжы з Польшчай. Дзякуючы веданню тэрыторыі беларускія салдаты хутка праводзяць замежнікаў да месцаў, дзе можна паспрабаваць перайсці мяжу» – адзначылі польскія памежнікі ў подпісе да відэа.

Што тут казаць – глядзіце самі.

Крыніца: Straż Graniczna

🔹Пераходны кабінет Беларусі прыняў Рэзалюцыю аб прызнанні Галадамору 1932-1933 гадоў генацыдам украінцаў

У тэксце Рэзалюцыі ўзгадваецца, што тыя падзеі прывялі да голаду і ў некаторых рэгіёнах Беларусі (асабліва пацярпелі асобныя раёны Гомельшчыны і Магілёўшчыны).

Таксама ў рэзалюцыі асуджаюцца злачынствы камуністычнай улады супраць нацыянальных рэспублік СССР у міжваенны перыяд.

Крыніца: @CabinetBelarus

🔻Памежны камітэт РБ расказаў пра чарговы труп мігранта, выяўлены на мяжы

Гэтым разам ведамства заявіла пра тое, што каля агароджы, якая раздзяляе Беларусь і Польшчу, 23 лістапада было знойдзена цела мужчыны афрыканскай знешнасці. Яго выявілі непадалёк ад брамкі для міграцыі жывёл.

Гэта ўжо пяты труп мігранта, знойдзены ў памежнай зоне з пачатку года.

Крыніца: Дзяржаўны памежны камітэт

🔻Урад РБ хоча падняць стаўкі консульскіх збораў за розныя паслугі для беларусаў, што жывуць за мяжою

Паводле @zerkalo_io, за разгляд заявы на выхад з грамадзянства РБ замежныя дыппрадстаўніцтвы ў будучыні плануюць браць ажно 400 еўра збору (цяпер гэтая сума складае 250 еўра).

За рэгістрацыю і разарванне шлюбу дыпламатычныя ведамствы РБ за мяжою цяпер бяруць па 50 еўра. Плануецца ж падняць збор за рэгістрацыю шлюбу да 100 еўра, а за разарванне − наогул да 200.

За рэгістрацыю змены імені і прозвішча хочуць драць 200 еўра, пры тым што цяпер бяруць 70.

За прастаўленне апастылю на дакументы ў замежных консульствах хочуць браць 50 еўра (цяпер − 35).

☝️Пакуль гэтыя змены яшчэ не прынятыя афіцыйна.

Крыніца: @zerkalo_io

🔻Былому гітарысту «Крамбамбулі» Уладзіславу Плюшчаву дадалі яшчэ адзін год калоніі да папярэдніх двух

Тры месяцы таму Плюшчава пакаралі двума гадамі зняволення, штрафам 6400 рублёў і канфіскацыяй аўтамабіля.

Гэтым разам суд Фрунзенскага раёна Менску ў асобе суддзі Андрэя Млечкі прызнаў Уладзіслава вінаватым яшчэ па трох артыкулах Крымінальнага кодэксу («абраза прадстаўніка ўлады», «паклёп» і «незаконныя дзеянні ў дачыненні да персанальных звестак»). Гэтая справа звязаная з рэпостамі і каментарамі, якія Плюшчаў пакідаў у Telegram. Сумарна музыка цяпер павінен адбыць тры гады ў зняволенні і выплаціць 300 базавых велічыняў штрафу.

Крыніца: @viasna96

ЗСУ звярнуліся да беларусаў і распавялі, што Расея можа рыхтаваць тэракт на Беларускай АЭС

«Не позволяйте втягивать вас в войну еще больше. Отслеживайте все подозрительные действия, появление незнакомых подозрительных людей, транспорта вблизи объектов критической инфрастуктуры. Сообщайте о таких фактах вашим правоохранительным органам, если не видите их реакции, информируйте мировую общественность!»

У звароце да беларусаў выкарыстоўваецца чырвона-зялёны сцяг і руская гаворка, а таксама ў беларусаў просяць патрабаваць ад кіраўніцтва краіны выконваць артыкул 18 Канстытуцыі РБ.

Вось ён:

«Рэспубліка Беларусь у сваёй знешняй палітыцы зыходзіць з прынцыпаў роўнасці дзяржаў, непрымянення сілы або пагрозы сілай, непарушнасці межаў, мірнага ўрэгулявання спрэчак, неўмяшання ва ўнутраныя справы і іншых агульнапрызнаных прынцыпаў і нормаў міжнароднага права».

«Руководству РФ плевать на жизни российских граждан, тем более на жизни белорусов и украинцев. их методы не новы: террор, запугивания, операции под чужим знаменем. Всё это используется с одной целью – любыми путями втянуть Беларусь в войну с Украиной. Кровью и ненавистью разделить наши народы. но нужна ли российская захватническая война самой Беларуси?», –гаворыцца ва ўкраінскім звароце.

Узгадваюць у звароце абстрэлы і наступ расейцаў з тэрыторыі Беларусі.

«Украина не считает вашу страну, тем более ваш народ врагом... Мы не планируем и не собираемся проводить никаких агрессивных действий на территории Беларуси. Это официальная позиция Украины».

Крыніца: ЗСУ

🔸Беларускай валанцёрцы з Бучы Карыне Пацёмкінай усё ж выдалі від на жыхарства ва Украіне

Раней у кастрычніку дзяўчына пісала, што ёй адмовіліся выдаваць ВНЖ. Да таго ўлетку Карыне ў пашпарт ставілі штамп пра прымусовы выезд з Украіны, аднак яна абскарджвала гэтае рашэнне і ў выніку змагла падацца на ВНЖ. З першай спробы ёй адмовілі, цяпер жа нарэшце выдалі дакумент.

Крыніца: Karyna Patsiomkina