❗️Літва зрабіла больш жорсткім парадак уезду і знаходжання ў краіне замежнікаў

Цяпер «пэўныя катэгорыі замежнікаў», якія звяртаюцца за візай, відам на жыхарства або карткай віду на жыхарства для члена сям'і грамадзяніна Еўрапейскага Звязу, мусяць прадставіць дадатковыя дакументы або інфармацыю.

Міністр унутраных спраў даручыла праверыць наяўнасць у Літве замежнікаў з Беларусі і Расеі, асабліва тых, хто мае падвойнае грамадзянства і хто прыбыў па схеме пераводу бізнесу.

«Узмацняючы жорсткасць прававога рэгулявання працэдур прадстаўлення статусаў іміграцыі і грамадзянства, мы павінны абараніць дзяржаву ад асобаў, якія могуць прадстаўляць пагрозу нацыянальнай бяспецы», – сказала міністр унутраных спраў Агне Білатайтэ.

Крыніца: Delfi

❄️ 237 чалавек за содні пацярпелі ад галалёдных і халадовых траўмаў, 23 – шпіталізаваныя

Астатнім аказаная амбулаторная дапамога.

Будзьце, калі ласка, асцярожныя! Апранайцеся па надвор'і і памятайце, што патэнцыйна траўманебяспечныя месцы ў перыяд галалёду гэта:

*️⃣прыступкі падʼездаў;
*️⃣прыступкі падземных пераходаў і метро;
*️⃣прыпынкі грамадскага транспарту;
*️⃣горкі, у тым ліку дзіцячыя.


Крыніца: Міністэрства аховы здароўя
Фота ілюстрацыйнае

❗️Беларуса, які ваяваў ва Украіне на баку Расеі ў складзе ПВК «Вагнера», «ліквідавалі»

Іншымі словамі, верагодна, пазасудова казнілі самі ж вагнэраўцы.

Такая практыка ўжываецца ў ПВК «Вагнера» за спробу дэзертырства, у адносінах да тых, хто хоча здацца ў палон украінцам, за ўжыванне наркотыкаў і алкаголю, за марадзёрства і сексуальныя кантакты.

Інфармацыю пра забітага беларуса распавяла нашым калегам з @belsatru кіраўніца фонду «Русь сидящая» Вольга Раманава.

«Палова выпадкаў, пра якія я ведаю, – гэта грамадзяне іншых дзяржаваў: Беларусі, Азербайджану, Узбекістана, Кіргізіі. І палова – людзі з расейскімі пашпартамі».

🩸Пазасудовыя пакаранні смерцю ў Расеі працягваюцца. Ёсць неправераная інфармацыя аб 40 забітых удзельнікамі групоўкі ПВК «Вагнера». Праўда, Вольга Раманава кажа, што даказаць гэтыя выпадкі немагчыма.

Больш падрабязную інфармацыю глядзіце ў відэа🤪.

Крыніца: @belsatru

💠 Асноўныя навіны дня за 5 хвілінаў (а прачытаеце ўвогуле за 23 секунды)

🔮 Затрымалі лідара прадпрымальнікаў Анатоля Шумчанку

🔮 Беларусь перадала Расеі 100 ракетаў С-300

🔮 СБУ прыйшла з ператрусам у Кіева-Пячэрскую лаўру

🔮 Чэмпіянат свету па футболе: вынікі і анонс сённяшніх матчаў

🔮 Сітуацыя ў Косаве зноў абвастраецца

🔮 Большасць ахвяраў землятрусу ў Інданезіі – дзеці.

https://youtu.be/ZAjcSvLXO-s

🏐 Навіны з Расеі, ад якіх вочы слупом

▫️Праваслаўныя актывісты папрасілі забараніць «Гары Потэра». Таму што «главные герои романов не люди, а чародеи» і таму што ў кнігах утрымліваюцца «абсолютно запрещенные для христиан Богом колдовство и волхование». Пра Бабу Ягу нічога не чуваць. Пакуль што

▫️ А ў Ханты-Мансійску маці загінулых на вайне салдат падораць кветкі

▫️ Жанчына збіла дачку ў калясцы за тое, што дзіця хацела глядзець мульцікі замест паходу ў царкву. Супраць жанчыны распачалі крымінальную справу

▫️ У Расеі завочна разглядаюць крымінальную справу аб «фейках аб расейскім войску» у дачыненні да кампазітара, які жыве ў ЗША

▫️ У Бранскай вобласці невядомыя спалілі валанцёрскі прытулак для жывёлін. Загінулі 66 катоў і два сабакі

▫️ Крэмль забараніў прапагандзе казаць пра расейцаў, якія з'ехалі.