🔴 СТРЫМ! 191 дзень расейскага ўварвання ва Украіну

Мы сочым за апошнімі навінамі ды абмяркуем сёння:

🔸 Вызваленне Дар'і Чульцовай.

🔸 За жнівень праваабаронцы налічылі прынамсі 162 адміністратыўныя справы за «распаўсюд экстрэмісцкіх матэрыялаў».

🔸 Беларускі музычны фестываль «Грай» у Варшаве.

🔸 Адкрыццё беларускай школы ў Варшаве.

https://www.youtube.com/watch?v=VlZcevHVtAA

«Я узкий» замест «Я русский»

За такую пародыю на коміка Аляксандра Гудкова просяць завесці крымінальную справу

Песню «Я рускі» спявае Shaman, Гудкоў трохі пераспяваў, але насамрэч не зразумела, што менавіта ў яго пародыі так усхвалявала «рускіх патрыётаў».

Старшыня генсавету Грамадзянскага камітэту Расеі Артур Шлыкаў напісаў афіцыйны запыт у Генпракуратуру і папрасіў распачаць у дачыненні да Гудкова крымінальную справу па артыкуле 282 КК РФ «Абуджэнне нянавісці альбо варожасці, а роўна прыніжэнне чалавечай годнасці»😐.

Пакаранне – штраф альбо пазбаўленне волі на тэрмін ад двух да пяці гадоў.

Шлыкаў убачыў у песні Гудкова «намер прыніжэння людзей, якія адносяць сябе да рускіх патрыётаў».

❓Паслухайце «Я узкий» і напішыце нам, ці песня прыніжае расейцаў?

https://youtu.be/b7a1YSSoVk0

Як працуе схема абыходу санкцый і ці новая яна?

Разабраліся са спецыялістам, які працуе ў лагістычнай галіне.

Чытайце ✅ ПА СПАСЫЛЦЫ.

❓А вы верыце ў эфектыўнасць санкцый?

🇱🇻У Латвіі пачалі збіраць подпісы за канфіскацыю маёмасці ў асуджаных за падтрымку вайны

Такая прапанова з'явілася на партале грамадскіх ініцыятыў manabalss.lv.

Аўтар Алег Задарэцкіс аргументуе ініцыятыву тым, што многія ўкраінцы губляюць сваю маёмасць падчас вайны, таму з тымі, хто падтрымлівае дзеянні Расеі, трэба паступіць такім жа чынам.

Аднак крымінальны кодэкс Латвіі не прадугледжвае канфіскацыю маёмасці ў якасці пакарання, таму прапануецца дапоўніць заканадаўства.

🤔 Як вы ставіцеся да падобных ініцыятываў?

Забіваў, рабаваў, быў галоўным у бандзе, загінуў на вайне – атрымаў ад Пуціна медаль «За адвагу»

Мы ўжо не раз распавядалі, што расейскіх зняволеных вярбуюць на вайну. Адзін з іх – Іван Непаратаў 1988 года нараджэння – там і загінуў.

Непаратаў быў верхаводам банды падмаскоўных рабаўнікоў. Яго і членаў яго групоўкі прызналі вінаватымі ў 🤯 пяці забойствах, трох разбойных нападах, махлярстве, незаконным захоўванні зброі і іншых злачынствах.

Непаратаў атрымаў самы вялікі тэрмін з усіх – 25 гадоў.

А ў 2022 годзе паехаў ваяваць ва Украіну. Там загінуў ад стрэла ў галаву.

Пасмяротна ўзнагароджаны медалём з подпісам Пуціна і медалём і ордэнамі «За кроў і адвагу» з боку кіраўніцтва так званага «ЛДНР».

Крыніца: The Insider

Сям'я ўкраінскага вайскоўца выратавала кантужанага сабаку

Ад траўмы сабака тузаўся і цяжка дыхаў. Вайсковец забраў жывёліну сабе, сабаку назвалі Патрон.

Яго жонка падзялілася відэа, якое паказвае, што могуць рабіць любоў ды клопат.

Крыніца: igorevna_n (tiktok)

❓Калапс на беларуска-літоўскай мяжы

Нашыя чытачы паведамляюць, што больш за 14 гадзін не могуць уехаць у Літву на пункце пропуску Каменны Лог – Мядзінінкай.

«Мы стаім з 8 раніцы. Цяпер амаль 10 вечара – не прапускае літоўскі бок».

Цяпер на выезд з Беларусі чарга больш за 30 легкавых аўто, у 15 гадзін на выезд стаялі 20 легкавушак. Гэта дадзеныя Памежнага камітэту РБ.

❗️Калі вы як раз праходзіце мяжу, напішыце нам у бот @BelsatBot ці ў каментары

І яшчэ адно відэа з сабакам. Але ўжо ад беларускіх камунальнікаў🤯

❗️Асцярожна! Відэа можа ўсхваляваць і змяшчае ненарматыўную лексіку.

Працоўны Рагачоўскага жылкамгаса хапае маленькага шчанюка, які ходзіць вакол самазвала, і наўпрост кідае яго ў кузаў.

Верагодна, шчанюк павінен быў быць адлоўлены, але работнік з Рагачова вырашыў не занадта перажываць за выкананне і без таго жорсткіх правілаў адлову.

Пабачылі ў @zamkadomby

Вайна ва Украіне. Падсумоўваем асноўныя падзеі на вечар 3 верасня

«Белсат» падводзіць вынікі апошніх содняў поўнамаштабнай вайны, распачатай Расеяй ва Украіне. Пра галоўныя падзеі станам на вечар 3 верасня чытайце ✅ ПА СПАСЫЛЦЫ (праз VPN).

«Я ўпэўненая, усё аднавіцца, калі я буду дома»

Даша Чульцова сёння ўжо дома, з роднымі. Пакуль мы не можам яе турбаваць пытаннямі, але вырашылі ўзгадаць, як прайшлі яе амаль 2 гады ў калоніі.

Перачыталі лісты з няволі.

Дарэчы, у ТЭКСЦЕ ёсць адказ на пытанне, чым Даша хацела б займацца пасля вызвалення.

👆Святлана Ціханоўская прачытала па-беларуску фрагмент твору Адама Міцкевіча.

Гэта адбылося ў рамах агульнапольскай акцыі «Нацыянальнае чытанне».

У twitter канцылярыі прэзідэнта Польшчы ёй выказалі падзяку падзяку: «Дзякую лідарцы дэмакратычнай Беларусі за прачытанне фрагменту «Балад і рамансаў» па-беларуску».

Як вам?

«Нацыянальнае чытанне» у Польшчы адбываецца ўжо 11 раз.

Крыніца: @prezydentpl

Навіны палітычных рэпрэсій у Беларусі. Галоўнае за 3 верасня:

◽️Следства па справе Яўгена Батуры скончанае, яго перадалі ў пракуратуру. Імаверна, над палітвязнем хутка пачнецца суд. Яго вінавацяць у «Арганізацыі альбо падрыхтоўцы дзеянняў, якія груба парушаюць грамадскі парадак».

◽️Пракурор запрасіў 3 гады зняволення ў калоніі агульнага рэжыму для Ігара Ледніка. Ледніка вінавацяць у «Паклёпе на Лукашэнку»

◽️Праваабаронцу Уладзіміра Целяпуна затрымалі ў яго ўдома ў Мазыры. Паводле папярэдняй інфармацыі, праваабаронца затрыманы за «распаўсюд экстрэмісцкіх матэрыялаў».

◽️Антона Малюгу асудзілі да 3 гадоў зняволення. Яго прызналі вінаватым паводле 2 артыкулаў крымінальнага кодэксу: «Садзейнічанне экстрэмісцкай дзейнасці» і «Незаконныя збіранні звестак, якія складаюць дзяржсакрэты».

◽️У памяшканне камернага тыпу змясцілі палітвязня Сяргея Раманава.

💥#main Галоўнае за 3 верасня:

🔸Дар'я Чульцова выйшла на волю

🔸У Беларусі 602 некамерцыйных арганізацый знаходзяцца ў працэсе прымусовай ліквідацыі

🔸 Сёння пісьменніку Алесю Адамовічу споўнілася б 95 год

🔸МАЗ сабраў першую партыю «антысанкцыйных» аўтобусаў

🔸Украіна можа атрымаць экстранны пакет дапамогі ў памеры $11,7 мільярдаў. Такі запыт у Кангрэс ЗША накіраваў Джо Байдэн

🔸У Маскве прайшло развітанне з Міхаілам Гарбачовым

🔸Расея запытала ў ЗША 56 візаў для ўдзелу ў сесіі ААН, але ўсім адмовілі

🔸Кадыраў выклаў у сваім тэлеграм-канале відэа, дзе намякнуў, што «засядзеўся на пасадзе»

🔸У Празе прайшоў мітынг супраць ЕЗ і НАТА

🔸У Латвіі пачалі збіраць подпісы за канфіскацыю маёмасці ў асуджаных за падтрымку вайны

🔴 СТРЫМ! Навіны ночы і раніцы 4 верасня. 193 дзень расейскага ўварвання ва Украіну

24 лютага 2022 года Расея пачала поўнамаштабную вайну з Украінай. Каманда «Белсату» сочыць за апошнімі навінамі.

Сёння ў ранішнім эфіры:

🔻 Як рыхтуецца да зімы шматпакутная Ахтырка

🔻 Украінскі контрнаступ пад Херсонам: як байрактары нішчаць расейскую тэхніку

🔻 Ці магла Расея, якая цяпер набірае ў армію нават бамжэй, тайна завезці атамную субмарыну ў Міжземнае мора?

🔻 Украіна ўводзіць санкцыі супраць беларускіх і расейскіх пасадоўцаў

🔻 Лаўроў не паедзе ў ААН, бо ЗША не выдала расейскай дэлегацыі візы

🔻 Выбух на выставе боепрыпасаў у Чарнігаве. Есць параненыя дзеці.

🔻 У Беларусі сцягваюць тэхніку да мяжы з Украінай, а ў 20-ці расейскіх рэгіёнах стварылі добраахвотніцкія падраздзяленні для ўдзелу ў вайне

🔻 Лукашэнка запатрабаваў не імпартаваць збожжа, хаця зусім нядаўна прасіў яго ў Пуціна

🔻 Дзень беларускага пісьменства

Далучайцеся да нашага эфіру і не пераключайцеся!

https://youtu.be/1GBCtOMjZrY

❗️ The Insider паказалі як расейскія рэактыўныя сістэмы залпавага агню працуюць з тэрыторыі Запарожскай АЭС

Відэа было знятае ў ноч з 2 на 3 верасня. На кадрах бачна, што РСЗА знаходзяцца ў непасрэднай блізкасці да энергаблоку.

Крыніца: @theinsider