Палітвязня Дзмітрыя Дубоўскага працягваюць катаваць у зняволенні.

Анархіст не выйшаў са штрафнога ізалятару пасля 20 cодняў знаходжання ў ім. Улады працягваюць караць яго ШІЗА.

Паводле праваабаронцаў, Дубоўскага змясцілі ў ШІЗА ў яго Дзень народзінаў, 29 ліпеня. За што ён атрымаў такое пакаранне – невядома.

Падтрымайце палітвязня: ПК № 3, атрад 7. 211322, Віцебская вобласць, г.п. Віцьба.

Крыніца: @viasna96

«Дудары ў асноўным, па сваім складзе, вельмі шабутныя людзі і ім заўсёды трэба быць наперадзе планеты ўсёй»

✊🏻Яны сабраліся і выйшлі граць, таму што маюць свой стрыжань, маюць свае думкі і ім гэта патрэбна, яны хочуць дапамагаць людзям.

Так дуда стала адным з сімвалаў беларускага пратэсту, а мы паразмаўлялі з дударом Дзянісам Шматко, які ў вымушанай эміграцыі вырашыў вучыць беларусаў граць на дудзе.

Чытайце інтэрв'ю з музыкам (праз VPN) ✅

Расейскія следчыя выявілі, што ў аўце дачкі Дугіна было закладзена каля 400 грамаў трацілу.

Раней сілавікі схіляліся да таго, што выбухнула самаробнае выбуховае прыстасаванне.

Таксама вядома, што на паркоўцы побач з месцам правядзення фестывалю, дзе была Дарʼя, апошнія два тыдні не працавалі камеры відэаназірання.

Нагадваем, афіцыйны Кіеў зняпраўджвае ўдзел у гэтым замаху. Прапагандыстка Дарʼя Платонава, дачка ідэолага «русского мира» Аляксандра Дугіна, загінула ад выбуху ў аўтамабілі 20-га жніўня.

Апошні даклад Дарʼі быў пра падзеі ў Бучы. Дзяўчына пісала, што здымкі і відэа – «інсцэніроўка з трупамі людзей, якія выдаюцца за ахвяр расейскай агрэсіі». Даклад рыхтаваўся да расейскага форуму «Армія-2022».

Крыніца: расейскія дзяржаўныя медыі

🇺🇸ЗША прапаноўваюць Украіне больш за 1,5 тыс. відаў зброі ды вайсковай тэхнікі ў рамках ленд-лізу.

«Ёсць вялікая надзея, што да паставак зброі Украіне далучацца наўпрост вытворцы ўзбраення. Цяпер ідзе канкурэнтная барацьба за будучыя заказы, і ў ёй бяруць удзел больш за 800 кампаніяў», – сказаў эксперт «Defense Express» Валерый Рабых.

Аналітык таксама спадзяецца, што ў выніку працэсы вытворчасці і пастаўкі не павінны займаць доўгага часу.

Крыніца: espreso.tv

🚢Сёння чатыры караблі выйшлі з украінскіх партоў «Адэса», «Чарнаморск» і «Паўднёвы».

Цяпер агульная колькасць адпраўленых суднаў пасля разблакавання партоў – 31. На разглядзе застаюцца яшчэ каля 40 заявак на ўваход ва ўкраінскія парты.

Сённяшнія караблі маюць 33,3 тыс. тонаў сельскагаспадарчай прадукцыі, паведаміла Мінабароны Турцыі.

Падрабязней чытайце ПРАЗ СПАСЫЛКУ (праз VPN)

Як высветлілася, міграцыйны крызіс быў уступам да поўнамаштабнай вайны супраць Украіны

❓Ён быў арганізаваны спецслужбамі Лукашэнкі самастойна – альбо пры дапамозе расейскай ФСБ?

Разбіраемся ў гэтай тэме разам з экспертамі ў сенсацыйным дакументальным фільме Сяргея Пелясы і Антося Цялежнікава 👉 «Мігранты Лукашэнкі»

У стужцы выкарыстаныя эксклюзіўныя, раней не апублікаваныя відэаматэрыялы з межаў Беларусі і Еўразвязу.

🔴 СТРЫМ! 179 дзень расейскага ўварвання ва Украіну

Мы сочым за апошнімі навінамі ды абмяркуем сёння:

🔸 Сітуацыю ва Украіне: як краіна рыхтуецца да магчымых абстрэлаў з боку Расеі да дня незалежнасці.

🔸Што адбываецца на беларускіх аэрадромах у Лунінцы і Зябраўцы?

🔸Смерць дачкі расейскага ідэолага Дугіна.

🔸Распавядзем падрабязнасці пра новы фільм Сяргея Пялясы і Антося Цялежнікава «Мігранты Лукашэнкі».

🔸Раскажам пра дапамогу рэпрэсаваным беларусам і цікавую ініцыятыву з вясёлай калекцыі футболак «Жнівень».

Далучайцеся да нашага эфіру! ⤵️

https://youtu.be/dzaqj1VZIHc

Оляф Шольц запэўніваў Пуціна, што Украіну не прымуць у NATO ў бліжэйшыя 30 гадоў.

Нямецкі канцлер распавёў пра абсурдныя ідэі Пуціна аб тым, што Украіна і Беларусь не павінны быць асобнымі дзяржавамі.

«Гэта вайна, якую Пуцін, Расея пачала, і відавочна з намерам заваяваць суседнюю краіну. Я думаю, што гэта было першапачатковай мэтай», – сказаў Шольц.

Пры гэтым канцлер зноў заявіў, што не будзе спыняць дыялогу з Пуціным, і важна «не дазваляць сябе запалохаць», цытуе выданне «Welt».

Крыніца: Welt

✊Байцы авіяразведкі далучыліся да беларускага палку «Пагоня».

Авіяразведка складаецца з наступных частак: група падтрымкі і два разведвальныя крылы. Кожнае крыло аснашчана наступным абсталяваннем: пікапам, спадарожнікавым тэрміналам «Starlink» з сонечнымі батарэямі, прыборамі назірання і прыцэльвання, двума дронамі з сістэмай скіду боепрыпасаў, планшэтамі і іншым абсталяваннем.

Зазначаецца, што стварэнне авіяразведкі было б немагчымым без удзелу людзей, якія ахвяравалі грошы на збор, які быў аб’яўлены фондам «BYSOL».

Падрабязней пра авіяразведку чытайце ПА СПАСЫЛЦЫ (праз VPN)

«Адчуваю сябе добра. Праўда, пацучынная гаспадарка ўвесь час спрабуе вырасці»

Жонка палітвязня Мікалая Статкевіча падзялілася цікавай гісторыяй з апошніх лістоў ад мужа:

«З'явілася свая «гаспадарка». Спачатку за ежай наведваўся адзін тоўсты і важны пацук, які, не павітаўшыся, проста правяраў, ці паклаў я яму што-небудзь за краты. Не дачакаўшыся, і каб казырнае месца не прападала, гэты пацук прывёў туды дзевачку».

«Яна і віталася, і прасілася, але я трымаўся, пакуль тая не прывяла з сабой сваё дзіцятка. Прыйшлося паддацца гэтай цынічнай маніпуляцыі. Цяпер яны прыходзяць пастаянна»

«Вось і зараз у ваконнай нішы дзве мышкі і цэлая куча малых. У мяне падазрэнне, што яны гэтых малых адна адной пазычаюць, каб націснуць на мае пачуцці. Я трымаюся. Пакуль», – піша ў гумарыстычнай манеры Статкевіч.

Крыніца: Марына Адамовіч (Facebook)

🤯«Грышчанка заўсёды быў рэлігійным чалавекам, ён сцвярджаў, што не панясе пакарання, бо займаецца добрай справай дзеля высокіх мэтаў»

Пераўвасабленне былога сілавіка на пекара-пратэстанта распаліла гарачыя дыскусіі.

❓Ці вызваляе пакаянне ад адказнасці і ці можна «замаліць» такія грахі?

Пра гэты мы паразмаўлялі з пастарам Дзмітрыем Хведаруком які і сам неаднойчы трапляў пад прэс сілавікоў, паслухайце ☝️

🔎Расея правароніла зброю ва ўкраінскім збожжы?

Беларуская прапагандыстка сцвярджае, што Кіеў таемна гандлюе зброяй пад прыкрыццём вывазу збожжа.

❓А што адбываецца насамрэч? Выкрываем чарговы фэйк у праграме «Лукавые новости» ⬆️

💥#main Галоўнае за 21 жніўня

◻️У Расеі выбухнула аўто дачкі аднаго з галоўных расейскіх ідэолагаў Аляксандра Дугіна.

◻️Генштаб ЗСУ: Расея перакідае ў Беларусь сродкі СПА.

◻️Начальніка абласнога ўпраўлення СБУ знайшлі мёртвым.

◻️Акупанты на Херсоншчыне пагражаюць штрафамі і канфіскацыямі бацькам, чые дзеці не пойдуць у русіфікаваныя школы.

◻️Гурт «Сплін» на фестывалі ў Варонежы прысвяціў песню «Выхода нет» артыстам, якія з'ехалі з Расеі.

◻️«Русский союз Латвии» хоча правесці мітынг супраць зносу савецкіх помнікаў.

◻️Два расейцы і ўкраінец паспрабавалі пракрасціся на ваенны завод у Албаніі. Іх затрымалі вайскоўцы.

◻️Юрый Васкрасенскі знаходзіцца ў Варшаве.

◻️Сёння чатыры караблі выйшлі з украінскіх партоў «Адэса», «Чарнаморск» і «Паўднёвы». Усяго – 31 судна.

◻️Оляф Шольц запэўніваў Пуціна, што Украіну не прымуць у NATO ў бліжэйшыя 30 гадоў.

◻️Жонка палітвязня Мікалая Статкевіча падзялілася цікавай гісторыяй з апошніх лістоў ад мужа. Пачытайце!

🔴 СТРЫМ! Навіны 22 жніўня. 180 дзень вайны ва Украіне

💪🏼Дзве гадзіны распавядаем пра навіны Беларусі, Украіны ды іншых краінаў. Сёння:

✔️ Размаўляем з маці нашага палітвязня і былога валанцёра штаба Бабарыкі: у хлопца дзень народзінаў, але пра яго амаль нічога не вядома

✔️ Хто ж такі Дугін, дачку якога ўзарвалі ў аўто – ці сапраўды ён мозг рускага міра?

✔️У Чорным моры з-за вайны гінуць дэльфіны. Гаворым пра страты фаўны рэгіёну і экалагічныя праблемы праз вайну

✔️Абмяркуем прапановы Трампу абірацца ў кангрэс і абвяшчаць Байдэну імпічмент

Глядзіце па спасылцы
https://youtu.be/2yjSmm5v-Z4

❌ «Не будзе больш размоў». Зяленскі адрэагаваў на інфармацыю пра «трыбунал» над ваеннапалоннымі з палка «Азоў»

Ён зазначыў, што акупанты б'юць у самае балючае: па пачуццях і ранах украінцаў. Прыкладам таму – інфармацыя пра судзілішча, якое плануецца ў Марыупалі над украінскімі абаронцамі.

«Што б там ні думалі акупанты, хай плануюць, але рэакцыя нашай дзяржавы будзе абсалютна відавочная. Калі гэта гідкае судзілішча адбудзецца, калі нашых людзей у парушэнне ўсіх дамоўленасцяў, міжнародных правілаў завядуць у гэтыя клеткі... Гэта будзе той лініяй, за якой любыя перамовы немагчымыя. Расея сама сябе адрэжа ад перамоваў. Не будзе больш размоў. Наша дзяржава ўсё сказала.

Украіна не будзе цярпець здзекі з людзей, пра якія можна сказаць толькі адно: яны героі сваёй Радзімы і абаранялі свабоду свайго народу ад захопнікаў»

24 жніўня Украіна адзначае Дзень незалежнасці.

«Большасць нашых людзей не сумняюцца, што мы дойдзем да перамогі Украіны», – сказаў Зяленскі.

Крыніца: @V_Zelenskiy_official

Стала вядома пра затрыманне студэнткі факультэта міжнародных адносінаў БДУ

Дзяўчыну завуць Аляксандра Кандраценка. Яна займалася праектам «На крок бліжэй», у межах якога абітурыенты маглі ўсталёўваць кантакты са студэнтамі і даведвацца ад іх нейкую карысную інфармацыю.

Некалькі дзён таму ў чаце праекту пачалі з'яўляцца дзіўныя паведамленні, іх ніхто не выдаляў. Сувязь з самой Аляксандрай знікла.

Крыніца: @BSU97association