Вайскоўцы з арміі РБ накіраваліся на вучэнні ў Казахстан

Там на палігоне «Кактал» каля гораду Жаркент, а таксама на тэрыторыі вучэбных скал ды перавалаў Заілійскага Алатау яны правядуць сумесныя вучэнні з казахскімі калегамі. Усё гэта працягнецца да 21 жніўня.

Крыніца: Мінабароны РБ

🔻Кіроўца аўтамабіля Audi, які сёння раніцай сутыкнуўся з цягніком у Івацэвіцкім раёне, загінуў

Следчы камітэт паказаў відэа з месца здарэння (непадалёк станцыі «Косава-Палескае»).

Пасажыры і брыгада цягніка цэлыя.

Крыніца: Следчы камітэт РБ

🔹ФСБ затрымала ў Карачаева-Чаркесіі мужчыну, які нібыта планаваў тэракты ў дачыненні паліцыянтаў і вайскоўцаў

Спецслужбісты сцвярджаюць, што гэта мусіла адбывацца пад патранажам украінскай арганізацыі «Правы сектар».

ФСБ распаўсюдзіла відэа, на якім затрыманы мужчына 1992 года нараджэння сцвярджае, што «меў настрой на здзяйсненне тэрактаў у горадзе Чаркеску», а мэтамі тэрарыстычных атакаў павінны былі стаць пракуратура і ваенкамат.

Крыніца: расейскія СМІ

☝️ У Горадні зноў затрымалі музыку Ігара Банцэра, які ўжо адбыў тэрмін за пратэсты-2020

Паводле сваякоў Банцэра, сілавікі прыйшлі да яго ўчора. Ігар быў у гарадзенскай кватэры адзін. Яму выламалі дзверы, пасля затрымалі і павезлі ў Менск.

Крыніца: @radiosvaboda

🇨🇳🇺🇸 Кітай абвесціў пра ўвядзенне санкцый супраць Нэнсі Пэлоўсі і чальцоў яе сям'і

Гэта стала адказам на візіт спікеркі амерыканскай Палаты прадстаўнікоў на Тайвань, які вельмі раздражніў кітайскія ўлады.

Першапачаткова яны гразіліся ажно збіць самалёт з Пэлоўсі на борце, але пагрозы не ажыццявілі. Абмежаваліся толькі санкцыямі.

Крыніца: Bloomberg

У прапагандыстаў «бамбанула» ад песні «Океану Ельзи» на Зыбіцкай. Спявачка, якая яе выконвала, не выходзіць на сувязь

Аматары гурту «Любэ», Алега Газманава і гімну «Боже, царя храни» кшталту Азаронка і «жоўтасліўнікаў» абурыліся, што днямі на Зыбіцкай гучала песня на ўкраінскай мове. Гэта вядомы трэк гурту «Океан Ельзи» – «Обійми».

Песню выконвала спявачка Мэрыем Гера. Цяпер яна недаступная ў сацыяльных сетках, што можа сведчыць пра яе затрыманне (але дакладнай інфармацыі пра гэта няма). Таксама ёсць сведчанні пра затрыманне ўладальніка бару «Банки-Бутылки», побач з якім адбываўся выступ.

Азаронак прыгразіўся пасля такога «вопиющего» выпадку прайсціся па Зыбіцкай і накідацца за грошы падаткаплатнікаў праінспектаваць яе.

Крыніцы: праўладныя ТГ-каналы, @zerkalo_io

Украіна абураная справаздачай Amnesty International

Арганізацыі закідаюць стварэнне фальшывай рэчаіснасці і маніпуляцыі на карысць агрэсара.

❓Чаму ж абаронцы Украіны апынуліся ў гушчары населеных пунктаў ды якія з высноваў Amnesty International разыходзяцца з рэальнасцю?

У эфіры «Белсату» разбіраем даклад разам з дэпутатам Вярхоўнай рады Украіны Фёдарам Веніслаўскім, паслухайце ☝️

Белы дом выклікаў пасла КНР

«Амбасадар Цынь Ган быў выкліканы ў Белы дом пасля таго, як Кітай запусціў балістычныя ракеты ў адказ на візіт Пэлоўсі на Тайвань», – паведамляе выданне Washington Post.

У Слуцку на адной з вуліц «растае» чыгунны плот

Жыхары гораду спрабуюць патлумачыць гэтую «містыку» з алеі на вуліцы Камсамольскай тым, што хтосьці выпільвае кавалкі плоту і здае на металалом. Аднак што адбываецца дакладна – невядома.

Крыніца: kurjer.info

💪 Са дна Валатаўскога возера ў Гомлі сёння выцягнулі скульптуру дыназаўрыка

Скульптура патанула ўчора, амаль адразу пасля таго, як яе ўсталявалі. Каб дастаць дыназаўра, задзейнічалі вадалазаў, надуўныя падушкі і пад'ёмны кран.

Крыніца: @gomeltoday

⚡️ Еўрапейскі вяшчальны саюз (EBU) патрабуе вызвалення Ірыны Слаўнікавай

«Журналістаў Еўрапейскага вяшчальнага саюзу арыштоўваюць і саджаюць у турму ў Беларусі за тое, што яны проста выконваюць сваю працу. Мы патрабуем неадкладнага вызвалення журналісткі Ірыны Слаўнікавай і ўсіх палітычных зняволеных у Беларусі», – сказана ў заяве EBU.

🧸 Каб не звар'яцець, жанчыны рабілі цацкі і вышывалі ўкраінскія трызубы

5 месяцаў яны прабылі пад расейскай акупацыяй. Паглядзіце, як творча ратавалі псіхіку жыхаркі Кахоўкі☝️

Дэтэктыўная гісторыя разгарнулася на ферме ў Драгічыне

Жыхары Івацэвічаў, якім па 23 і 25 гадоў, арандавалі ў Менску грузавік, прыехалі ў Драгічын, скралі на ферме сем кароваў коштам каля 6 тыс. рублёў, адвезлі іх у Івацэвіцкі раён і прадалі.

Пакупніку распавялі, што каровы належаць знаёмаму, які не можа іх карміць.

Злодзеяў затрымалі, кароваў выратавалі і вярнулі дадому.

«У дачыненні да падазраваных следчымі ўзбуджана крымінальная справа за крадзеж, дасканалую групай асоб. Адзін з фігурантаў раней судзімы за крадзеж», – паведамляе МУС.

🔻У чацвер у Пінску судзілі людзей, затрыманых 2 жніўня. Вядома як мінімум пра 8 прысудаў

Некаторых прызналі вінаватымі ў «распаўсюдзе экстрэмісцкіх матэрыялаў» (арт. 19.11), яшчэ частку – у «непадпарадкаванні супрацоўніку міліцыі» (арт. 24.3).

Андрэй Бычыла раздаў такія тэрміны:
📍15 содняў Сяргею Савічу (арт. 19.11)
📍15 содняў Дзмітрыю Быкаву (арт.24.3)
📍штраф 30 базавых (960 BYN) Алесю Рамановічу (арт.19.11)
📍невядомае пакаранне Віктару Зельману і Міхаілу Кавалевічу (абодва мелі арт.19.11)

Таксама ёсць інфармацыя пра выракі суддзі Вольгі Лубнік. Яна пакарала:
📍15 соднямі арышту Сяргея Супрановіча (арт. 24.3)
📍15 соднямі арышту чалавека з прозвішчам Місюра (артыкул невядомы)
📍тая ж суддзя разглядала справу Дзяніса Сядых, але ў паседжанні быў абвешчаны перапынак.

Крыніца: @viasna_brest

🔻Суд па «справе змоўнікаў»: Аляксандр Фядута заявіў пра кепскае самаадчуванне і папрасіў адкласці працэс да панядзелка

Суддзя сказаў, што перанясе паседжанне, калі «адчуе», што стан Фядуты пагаршаецца.

У Аляксандра Фядуты абвастрылася падагра. Жонка здолела перадаць яму кій, каб было прасцей хадзіць.

Крыніца: @viasna96