Рэпрэсіўныя навіны Беларусі (як бы гэта не гучала). Асноўнае за 7 ліпеня

▫️22 гады таму знік без вестак былы асабісты аператар Лукашэнкі Дзмітрый Завадскі

▫️Каго рэжым Лукашэнкі збіраецца пазбаўляць грамадзянства?

▫️Затрымалі Уладзіміра Булаўскага, вядомага арт-мэнэджара, арганізатара канцэртаў і музыку

▫️Затрыманы прадпрымальнік Аляксандр Садавы за «распаўсюд экстрэмісцкіх матэрыялаў»

▫️Затрыманы актывіст Арцём Савіцкі — сілавікі знайшлі яго ў вёсцы, дзе ён быў па гаспадарчых справах

▫️Тры гады «хатняй хіміі» прысудзілі Аляксею Максюкову за ўдзел у жнівеньскіх акцыях пратэсту ў 2020 годзе

▫️За рэпост камедыйных відэаролікаў з выявай Лукашэнкі жыхара Баранавічаў асудзілі на 2 гады калоніі агульнага рэжыму

▫️У КДБшным «спісе тэрарыстаў» папаўненне. Дадалі ў тым ліку вядомага сківічнага хірурга Андрэя Любецкага

▫️Палітвязня Дзяніса Граханава, якога ў лютым на «хіміі» затрымаў КДБ, асудзілі паводле новай крымінальнай справы

▫️Палітзняволены Алег Букас выйшаў на волю, цалкам адбыўшы тэрмін у калоніі

Палітвязень Артур Хацько асуджаны да 2 гадоў пазбаўлення волі.

Яго прызналі вінаватым у «Арганізацыі і падрыхтоўцы дзеянняў, якія груба парушаюць грамадскі парадак, альбо актыўны ўдзел у іх». Падставай для ўзбуджэння крымінальнай справы стала тое, што, на думку следства, Артур з ліпеня 2020 года і па красавік 2021 года Артур размяшчаў у Telegram заклікі да ўдзелу ў пратэстах. Насамрэч Артур проста пакінуў некалькі паведамленняў у Telegram.

💌 Падтрымайце палітвязня! Пішыце яму лісты па адрасе: ПК № 2. 213800, г. Бабруйск, вул. Сікорскага, 1

💥#main Галоўнае за 7 ліпеня

🔸7 ліпеня – Сусветны Дзень беларускай культуры

🔸«БЧБ-нявеста» Іна Зайцава выехала з Украіны разам з сям'ёй

🔸Беларусы ўсё менш хочуць быць у АДКБ і ваенным саюзе з Расеяй. Вынікі новага сацыялагічнага даследавання

🔸ГРУ Беларусі: У выпадку вайны паміж Еўропай і Расеяй Беларусь нанясе ракетныя ўдары па Польшчы

🔸На мяжы з Літвой са стралянінай затрымлівалі чацвярых мужчын

🔸Прэзідэнты Польшчы і Літвы запэўнілі ў бяспецы Сувальскага калідора

🔸Борыс Джонсан афіцыйна абвесціў пра сыход у адстаўку

🔸У Латвіі служба ў войску можа стаць абавязковай і для жанчын

🔸Казахстан будзе прадаваць нафту ў абыход Расеі

🔸Масавыя пахаванні у пасёлку Стары Крым пад Марыупалем павялічыліся ўдвая

🔸Вынікі апошніх содняў поўнамаштабнай вайны, распачатай Расеяй ва Украіне

🔴 СТРЫМ! Навіны ночы і раніцы 8 ліпеня, 135 дзень расейскага ўварвання ва Украіну

Мы працягваем сачыць за апошнімі навінамі. Сёння абмяркуем:

🔸Апошнія навіны з Украіны і ўдзел Лаўрова ў саміце вялікай дваццаткі. Каму больш на руку новае зацягванне вайны?

🔸«Выбары» адклалі на год: абмяркоўваем сітуацыю з Анатолем Лябедзькам. Што рабіцьме офіс Ціханоўскай, калі Лукашэнка дасядзіць да канца тэрміну?

🔸Ганна Рывіна запусціла сацыяльны праект Лабірынт для дапамогі жанчынам, што апынуліся далёка ад дому і трапілі ў бяду

🔸З Віктарам Шэндэровічам абмяркуем нарэшце афіцыйна агучаную мядзведзевым палітыку РФ – нас нельга судзіць, у нас ёсць ядравая зброя. Паразважаем пра развіццё псіхалагічнага становішча расейскага кіраўніцтва за гэты тыдзень. Ці можа быць вайна і патрыятычны ўгар вечным?

Далучайцеся да нашага эфіру! ⤵️

https://youtu.be/vcZmevA5Z8M

🇯🇵У Японіі на экс-прэм'ера быў здзейснены замах: яму двойчы стрэлілі ў спіну

У японскім горадзе Нара ўзброены чалавек спрабаваў забіць былога прэмʼер-міністра Сіндза Абэ. У момант, калі палітык выступаў з прамовай, зламыснік двойчы стрэліў яму ў спіну.

Стралок (яму прыкладна 40 гадоў) затрыманы. Ягоныя матывы невядомыя.

Улады афіцыйна нічога не паведамляюць пра стан здароўя былога прэм’ера. Але паводле звестак BBC, экс-прэм’ера даставілі ў шпіталь з дыягназам «спыненне працы сардэчна-лёгачнай сістэмы». Агенцтва «Франс-Прэс» тлумачыць, што тэрмінам «спыненне працы сардэчна-лёгачнай сістэмы» японцы абазначаюць клінічную смерць.

Сіндза Абэ займаў пасаду прэмʼер-міністра Японіі ў 2006–2007 і 2012–2020 гадах адпаведна (ён заставаўся на гэтай пасадзе даўжэй за ўсіх у гісторыі краіны). У 2020 годзе палітык сышоў у адстаўку, але заставаўся ўплывовай фігурай у кіроўнай Ліберальна-дэмакратычнай партыі Японіі.

Крыніца: BBC

Дзіўны сюжэт пра пабег Кузнечыкаў паказалі па БТ

Калі пераказаць адным сказам, то вынікае што Кузнечыкаў вывозілі ўпотай, а сілавікі ў рэжыме онлайн сочаць за дыпламатамі. У відэа чуваць каментары сілавікоў. Але «доказы» у відэа задаюць больш пытанняў, чым даюць адказаў.

Віталь Кузнечык і ягоны сын Уладзіслаў 11 верасня 2020 года пераскочылі цераз плот шведскай амбасады ў Менску. І толькі 9 чэрвеня змаглі выбрацца ў Латвію.

Крыніца: БТ

🇺🇦 Навіны апошніх гадзінаў з Украіны (па стане на раніцу 8 ліпеня)

🔹Каб выйсці на адміністрацыйную мяжу Луганскай вобласці, расейцы артылерыяй знішчаюць навакольныя вёскі, іх не спыняе нават тое, што ў іх дамах і дварах гінуць мірныя жыхары, паведамляе кіраўнік Луганскай АВА Сяргей Гайдай. Абстрэл вядзецца з цяжкага ўзбраення, б'юць па хатах, па кожным будынку, якія ім здаюцца магчымымі ўмацаваннямі. Абы рушыць наперад, не лічаць асабістых стратаў і не шкадуюць жыхароў вобласці.

🔹Расейскія войскі абстралялі Цыркуны пад Харкавам: загінула жанчына, два чалавекі параненыя. За мінулыя содні ў вобласці загінула 4 чалавекі, яшчэ 10 былі параненыя, паведамляе кіраўнік Харкаўскай АВА Алег Сінегубаў.

🔹Расейскія войскі праводзяць абмежаваныя спробы наступу і наносяць паветраныя, артылерыйскія і ракетныя ўдары. Хутчэй за ўсё, гэтым яны і абмяжуюцца, пакуль не адновяць сілы і не створаць умовы для новых сурʼёзных наступаў. Магчыма, расейскія войскі рыхтуюцца да адначасовага, паралельнага наступу на Славянск і Краматорск, лічаць эксперты амерыканскага Інстытуту вывучэння вайны.

🔹У выніку расейскіх абстрэлаў у Запарожскай вобласці загарэліся палі, агонь перакінуўся на тэрыторыю Днепрапятроўскай вобласці – знішчана каля 20 гектараў пшаніцы.

🔹Украіна заклікала Канаду не перадаваць газавыя турбіны «Газпраму» для пастаўкі прыроднага газу ў Нямеччыну, паведамляе Reuters.

🔹NASA афіцыйна асудзіла Расею за размяшчэнне «тэрарыстычных сцягоў» так званых ДНР і ЛНР на МКС, паведамляе The Verge.

#Украіна2022

«Ён не будзе цярпець здзекаў. Яшчэ ў Берасці ў турме Уладзімір страціў 20 кілаграмаў вагі»

На судзе родныя пабачылі Уладзіміра Гундара без адзення ў адных майтках, прыкутым да батарэяў, за кратамі. Палітвязень з інваліднасцю другой групы трымае сухое галадаванне ў карцары.

Як стала вядома «Белсату», сілавікі здзекуюцца не толькі з Уладзіміра Гундара. Асабліва адчувальна ціснуць на жанчын, сярод якіх Вольга Маёрава, Галіна Дзербыш і Любоў Разановіч. Гэтыя жанчыны ў веку пасля 60 гадоў і маюць розныя хваробы.

❓Што адбываецца з фігурантамі «справы Аўтуховіча» за кратамі і што кажуць іхныя родныя, чытайце ПА СПАСЫЛЦЫ (праз VPN)

📍Цела міліцыянта знайшлі на тэрыторыі заводу «Хімвалакно» у Горадні - паведамляе «Рабочы рух».

Па іх інфармацыі супрацоўнік дэпартаменту аховы МУС застрэліўся з табельнай зброі. Паведамляецца, што мужчыне быў 21 год.

У сённяшніх умовах мы не можам праверыць інфармацыю належным чынам.

Крыніца: @rabochyruh

Наталля Хершэ вярнула адну з трох сваіх котак, якіх раздалі, покуль яна была ў калоніі.

Пасля затрымання Наталлі, дамову на здымную кватэру ў Швейцарыі скасавалі, а яе рэчы пачалі распрадаваць. А тры яе коткі былы партнёр раздаў чужым людзям. Іх ёй падарыў нябожчык муж 11 гадоў назад.

Новыя гаспадары двух котак адмовіліся вяртаць жывёлаў, і ў выніку заблакавалі жанчыну. Не атрымалася нават праз суд. Аднаго з катоў можна было вярнуць, але за вялікія грошы. Наталля сабрала суму дзякуючы дапамозе людзей.

Крыніца: zerkalo.io