Чаму расейская прапаганда ў Беларусі не спрацавала?

❓Як насамрэч нашае грамадства рэагуе на вайну ва Украіне ды пры што кажуць лічбы даследаванняў?

Як змянілася беларуская свядомасць з часоў акупацыі Крыму ў эфіры «Белсату» распавёў аналітык Беларускага інстытуту стратэгічных даследаванняў Вадзім Мажэйка.
Паслухайце 👉 youtu.be/IrKz1KbDmUY

Затрыманы блогер Расціслаў Чапурны, які зняў забастоўку на малочным камбінаце ў Маладзечне.

Яму прысудзілі 10 содняў арышту.

«Яго затрымалі ў той жа вечар, калі ён здымаў работнікаў малочнага камбіната. Як і дзе яго схапілі, я не ведаю. Але ў той жа вечар прыйшлі па ягоную жонку, сказалі: «Прайдзёмце». Яна пацікавілася, дзе Расціслаў, адказ быў: а Расціслаў ужо ў нас», – распавёў сябра блогера.

Пасля гэтага дома сілавікі ўчынілі ператрус, забралі тэлефоны і камп'ютарную тэхніку.

Крыніца: @nashaniva

✈️Сайты расейскіх авіякампаній падвергнуліся DDoS-нападу.

Кібератаку пацвердзілі прадстаўнікі авіякампаній «Россия», «Аврора» и «Алроса», а таксама крыніцы, блізкія да «NordStar» і «Ямалу». Таксама не адкрываюцца сайты авіякампаній «Якутия» і «Smartavia».

Пры гэтым сайты авіякампаній «Победа», «Аэрофлот», «Utair» і «Уральские авиалинии» працуюць.

Крыніца: РБК

👆З'явіліся першыя кадры з сённяшняга судовага працэсу над 21-гадовым расейскім вайскоўцам Вадзімам Шышымарынам. Яго судзяць у Кіеве.

Шышымарына вінавацяць у забойстве 62-гадовага бяззбройнага мірнага жыхара Сумскай вобласці, які ехаў па абочыне на ровары. Ваеннаму злачынцу пагражае ад 10 да 15 гадоў зняволення ці пажыццёвы тэрмін.

Крыніца: @voynareal

«Пастаянны страх. Небяспека можа быць адкуль заўгодна»

❓ Як жывуць людзі ў Херсоне пад расейскай акупацыяй?

Херсон – адзіны абласны цэнтр Украіны, які захапілі расейцы, ды ўвесь час утрымліваюць. Акупанты прызначылі там сваю «уладу» з мясцовых калабарантаў. Расейскія вайскоўцы рабуюць ды выкрадаюць мірных жыхароў.

З Херсону з'ехала ўжо каля 40% жыхароў. Як жывуць тыя, хто застаўся, чытайце ў нашым матэрыяле ✅ ПА СПАСЫЛЦЫ (праз VPN).

Былыя прэзідэнты Украіны звярнуліся да кіраўнікоў краін свету, каб дапамагчы выратаваць людзей з тэрыторыі заводу «Азоўсталь» у Марыупалі.

Ліст падпісалі Леанід Кучма, Віктар Юшчанка і Пётр Парашэнка.

«Просім усімі наяўнымі дыпламатычнымі рэсурсамі дапамагчы ўкраінскім уладам выратаваць жыццё грамадзянскіх і ваенных украінцаў, якіх на тэрыторыі заводу «Азоўсталь» Расея па загадзе Пуціна спрабуе знішчыць варварскімі метадамі.

Надзвычайныя мужнасць і гераізм украінскіх воінаў-абаронцаў гораду ўразілі не толькі Украіну, але ўвесь свет. Батальён «Азоў», нашы марпехі, нашы пагранічнікі ўжо ўвайшлі ў гісторыю, таму што іх ваенны подзвіг беспрэцэдэнтны. І гэта нашы нацыянальныя героі, самаахвярныя, смелыя, патрыятычныя», – сказана ў лісце.

Пётр Парашэнка прапанаваў асабіста прыняць удзел у рэалізацыі гэтай працэдуры.

Крыніца: Петро Порошенко

😐Ілан Маск прыпыніў здзелку па пакупцы Twitter.

Бізнесмен вырашыў праверыць інфармацыю аб тым, што колькасць фэйкавых акаўнтаў на платформе сапраўды менш за 5 працэнтаў.

«Здзелка з Twitter часова прыпыненая ў чаканні падрабязнасцяў, якія пацвярджаюць разлікі, паводле якіх спамавыя / фальшывыя ўліковыя запісы сапраўды складаюць менш за 5% карыстальнікаў», – напісаў Маск. Пасля яго заявы акцыі Twitter абваліліся на 20%.

Раней паведамлялася, што Ілан Маск купіць Twitter за $44 млрд.

Крыніца: Elon Musk

❗️Расея выдала Беларусі гамельчука Міхаіла Зубкова, нягледзячы на забарону ЕСПЧ.

У Беларусі яго абвінавачваюць у гвалце над міліцыянтам: ён «падышоў да амапаўца бліжэй, чым належыць». Зубкова затрымалі ў Маскве напрыканцы кастрычніка мінулага года, калі спынілі для праверкі дакументаў – аказала, што ён знаходзіцца ў вышуку.

Інфармацыю аб экстрадыцыі Зубкова пацвердзіла яго адвакат Роза Магамедава.

Крыніца: @mediazona_by

😔Ва Украіне на прыканцы красавіка загінуў яшчэ адзін беларус, які ваяваў супраць Расеі.

34-гадовы Канстанцін Дзюбайла быў грамадзянінам Беларусі, родам з Магілёва, але ў апошні час пражываў у Крывым Рогу. Там жа засталася яго сям'я.

«Ён марыў пра ўкраінскае грамадзянства і бачыў сваю будучыню толькі ва Украіне. Ажаніўся нарэшце. На ўкраінцы. Фенікс. Дранік. Беларус. Валадаруй у Вальгале, смяшы Ведзьму і ўсіх нашых. Ты быў класным хлопцам, шчырым сябрам і бясстрашным ваяром», – напісала баявая сяброўка загінулага Таццяна Чуднавец.

Мужчына ваяваў за Украіну з 2014 года: спачатку ў добраахвотніцкіх фармаваннях, а пасля ўступіў у рады ЗСУ.

Крыніца: krlife.com.ua

❗️Андрэй Зэльцар мог выжыць, калі б яму была своечасова аказана медычная дапамога.

28 верасня 2021 году адбылася перастрэлка паміж супрацоўнікамі КБД і супрацоўнікам IT-кампаніі Андрэем Зэльцарам, падчас таго, як КДБшнікі ўварваліся ў кватэру мужчыны. У выніку загінуў Андрэй і супрацоўнік КДБ Дзмітрый Федасюк. У апошняга шанцу выжыць не было – ён атрымаў смяротнае раненне ў грудзі.

А вось у Андрэя Зэльцара, які атрымаў тры раненні, магчыма яшчэ былі шанцы выжыць. Але брыгаду медыкаў, якія прыехалі на месца забойства не адразу пусцілі да Зельцара – медыкі змаглі прыступіць да працы не раней чым праз паўгадзіны пасля перастрэлкі.

Чытайце падрабязна ✅ ПА СПАСЫЛЦЫ (праз VPN)

❗️У Мазыры ГУБАЗіК затрымаў экаактывіста Паўла Наздру за публікацыю аб перасоўванні расейскіх войскаў.

У «пакаяльным» відэа Павел распавядае, што «зрабіў публікацыю на тэлеграм-канале «Беларускі гаюн» аб перасоўванні расейскіх войскаў у горадзе Мазыры». За гэта на яго завялі справу па арт. 361-4 КК РБ («Садзейнічанне экстрэмісцкай дзейнасці»).

Па гэтаму артыкулу актывісту пагражае да 6 гадоў зняволення.

Павел Наздра з’яўляўся прадстаўніком ініцыятывы «Зялёны дазор» у Мазыры. У горадзе ён арганізоўваў шэраг экалагічных акцыяў і ініцыятываў, у якіх удзельнічалі ў тым ліку і прадстаўнікі ўлады. Таксама Павел з’яўляецца адным з сузаснавальнікаў партыі Беларуская Хрысціянская дэмакратыя.

Крыніца: Palesse Press