На відэа Ягор Емельянаў, якога СБУ затрымала ва Украіне.

Ягор Емельянаў працаваў камандзірам узвода Наваполацкага дэпартаменту аховы. Абавязкам якога была ахова ўсіх формаў уласнасці – сігналізацыі ў памяшканнях. Падчас выбараў Емельянава разам з калегамі прымусілі ўдзельнічаць у разгоне пратэстаў. Але Ягор адмовіўся і звольніўся з працы.

Ягор Емельянаў прымаў удзел у праграме «Белсату» «Шчыра кажучы», якая была прысвечаная беларускім сілавікам. Пасля ўдзелу ў праграме «Белсату» ён быў затрыманы і больш за месяц правёў у ІЧУ Пазней ён выехаў ва Украіну.

Крыніца: @belsat

Аварыя ва Уруччы. Перакрыты рух на з'езд з праспекта ў бок вуліцы Старынаўскай - паведамляюць нашыя чытачы.

Чытачы паведамляюць, што ўсе жывыя. У машыне быў маленькі дзяцёнак. Але ніхто не пацярпеў. Карэта хуткай дапамогі прыехала праз 15 хвілінаў, міліцыянты праз 5 хвілін.

Крыніца: чытачы @belsat

❗️Сталі вядомыя прозвішчы 2 памілаваных з 13

Праваабаронцам «Вясны» паведамілі аб тым, што памілавалі палітзняволеных Віктара Каліноўскага з Брэста і Валерыя Лозу са Светлагорску. Вядома, што Віктара Каліноўскага ўжо вызвалілі. Валерый Лоза ляжаў у шпіталі з атытам вуха, але сёння да яго прыехалі з адміністрацыі ваўкавыскай «хіміі» і прапанавалі збірацца і ехаць з імі ў пракуратуру, каб аформіць патрэбныя дакументы для вызвалення.

☝️Берасцеец Віктар Каліноўскі, асуджаны да 2,5 гадоў «хіміі», адбываў пакаранне ў шклоўскай папраўчай ўстанове адкрытага тыпу №49. Яго асудзілі па ч. 2 арт. 339 Крымінальнага кодэкса за надпісы на некалькіх прыпынках і гандлёвым кіёску ў Брэсце.

☝️Жыхара Светлагорска Валерыя Лозу абвінавачвалі ў абразе прадстаўніка ўлады ў сувязі з выкананнем ім сваіх абавязкаў (арт. 369 Крымінальнага кодэкса). Суд прызначыў Валерыю Лозу 2,5 гады абмежавання волі з накіраваннем у папраўчую ўстанову. Пакаранне палітвязень адбываў у Ваўкавыску.

Крыніца: @viasna96

☝️Трэці вядомы памілаваны — Максім Шаўлінскі

Палітзняволены з Оршы быў асуджаны да 2 гадоў «хіміі» за каментар у закрытым тэлеграм-чаце. Яго абвінавацілі ў паклёпе на супрацоўніка міліцыі па артыкуле 188 Крымінальнага кодэкса (паклёп). Пакаранне ён адбываў у Мазыры. Сёння яго таксама вызваліць.

Крыніца: @viasna96

📌 Палітвязня з псіхічнай хваробай Дзмітрыя Гопту не памілавалі

«Паводле апошніх звестак, Дзімка не трапіў у гэты спіс, але ідзе першым на падпісанне на пачатак лістапада», – сказала Вольга Гопта – маці палітвязня.

Крыніца: @reformby

📌 Сталі вядомыя прозвішчы яшчэ пяцёх «памілаваных»

Гэта Ігар Быкоўскіх з Менску, Яўген Пашалюк з Камянца і Яўген Каральчук са Століна, якія адбывалі пакаранне ў ПУАТ №46, ды Сяргей Рудзінскі – у ваўкавыскай ПУАТ №29. Іх адпусцяць сёння.

Палітвязня Вадзіма Сычака з Бярозы, асуджанага да 1 года «хіміі» за разбітае шкло ў аўтобусе 10 жніўня ў Бярозе (арт. 339 Крымінальнага кодэксу), пераводзяць на «хатнюю хімію».

Крыніца: @viasna96

☝️ Сярод памілаваных таксама палітзняволеная медсястра з Віцебска Юлія Кашаверава, якую асудзілі да 1,5 года калоніі

Яе абвінавацілі па ч.1 арт. 339 КК (злоснае хуліганства) за тое, што яна падчас мірнай акцыі пратэсту 4 кастрычніка мінулага году сарвала маску і галаўны ўбор з супрацоўніка МУС і ўдарыла нагой па міліцэйскім бусе.

Крыніца: @viasna96

❗️ @motolkohelp паведамляе пра ператрусы ў групе мытна-лагістычных кампаній ViM Union.

Пішуць, што прыйшлі ва ўсе офісы буйных беларускіх мытных прадстаўнікоў: «Внешевросервис» і «Монолитлогистик». Канфіскоўваюць тэхніку і дакументы, апячатваюць офіс.

Кампаніі раней згадваліся ў сліве BYPOL аб праслухоўцы сілавікоў.

Супрацоўнік КДБ Алег Кавалёў у размове з Леанідам Дзям'янчыкам, дырэктарам «Беллесэкспарт» распытвае пра кампанію.

Крыніца: @motolkohelp

❗️СБУ пракаментавала нам затрыманні беларусаў

«Экс-капітану беларускай міліцыі Ягору Емельянаву і валанцёру Беларускага дома ў Украіне Алене Жаркевіч нічога не пагражае. Іх выклікалі супрацоўнікі СБУ для прафілактычнай гутаркі. Ніякіх артыкулаў ім не інкрымінуюць», – сказаў у тэлефоннай размове спікер Службы бяспекі Украіны Арцём Дзехцярэнка.

Па інфармацыі Беларускага дома ў Кіеве Алена Жаркевіч ужо на волі.

Крыніца: @belsat

Лекару Віталю Савіцкаму прысудзілі 7 сутак арышту за перапост матэрыяла пра сям'ю забітага Аляксандра Тарайкоўскага.

Проста ў залі суда Віталь абвясціў галадоўку.

Рашэнне аб арышце лекара прыняў суддзя Віктар Баліка.

На выхадзе з суда ўчастковы міліцыянт Віктар Кураш папярэдзіў усіх сяброў Віталя, каб ніякіх фотаздымкаў з судовага паседжання не зʼявілася ў сацыяльных сетках, прыгразіў чарговымі штрафамі і арыштамі.

Крыніца: @vicspring

❗️Памілавалі палітзняволенага супрацоўніка БМЗ, якога асудзілі за перакрыццё дарогі на заводзе

Аляксандр Баброў быў пакараны на 2,5 гадыі калоніі агульнага рэжыму. Пра тое, што яго адпусцяць сёння паведамілі ягоная маці.

✏️ Баброў быў асуджаны, бо на знак пратэсту супраць фальсіфікацыі выбараў і гвалту супраць мірных пратэстоўцаў разам з іншымі працаўнікамі перакрылі дарогу для тэхналагічнага транспарту на заводзе. Была распачатая крымінальная справа па ч. 1 арт. 342 КК РБ «Арганізацыя і падрыхтоўка дзеянняў, якія груба парушаюць грамадскі парадак».

Крыніца: @viasna96

🤔 У Беларусі назіраецца новая хваля каронавірусу.

Нашыя чытачы пішуць: «В городе Жабинка опять повальная заболеваемость коронавирусом. Люди стоят в длинных очередях в два маленький кабинета на анализ. Есть и смертельные случаи. Например, недавно умерла женщина, мать троих детей. Прием больных уже больше года собираются переносить в старое терапевтическое отделение, и только сейчас начали переоборудовать кабинеты».

У сваім апошнім расследаванні Белсат раскрыў як медыкам бракуе сродкаў для лекавання хворых на ковід і як на гэтым нажываюцца набліжаныя да ўлоадаў структуры.

https://www.youtube.com/watch?v=PUGCkG1dPTs

❓А як справы ў вашых паліклініках? Ці ёсць чэргі?

Дзяліцеся ўбачаным у наш бот @BelsatBot.

🤍❤️🤍БЧБ-сцяг на праспекце Незалежнасці ў Менску.

Крыніца: чытачы @belsat

Дырэктара віцебскага прадпрыемства Уладзіміра Пунько пакаралі на 20 сутак за БЧБ-сурвэтку ў аўтамабілі.

Справу разглядала суддзя Алена Цыганкова. Згодна з пратаколам, 2 верасня Уладзімір Пунько, «кіраваў аўтамабілем Toyota, у якім на пярэдняй панэлі пад лабавым шклом знаходзілася палотнішча бел-чырвона-белага колеру для публічнай дэманстрацыі на агульны агляд, незарэгістраванае ў адпаведнасці з Законам РБ».

«Дзе такія сурвэткі можна купіць?» – пацікавілася суддзя. «У Смаленску», – адказаў Уладзімір. Суддзя таксама зацікавілася, якімі асаблівымі якасцямі «валодаюць дадзеныя сурвэткі». «Сухія ці вільготныя?» – удакладняла. І ў выніку прыйшла да высновы, што з дапамогай той сурвэткі мужчына яшчэ «праводзіў несанкцыянаванае пікетаванне».

Крыніца: viciebskspring.org

«Маю машыну перагарадзілі двое, якія не прадставіліся. Яны распавялі мне, што будзе далей са мной і з маім сынам, калі я застануся дома»

Паглядзіце гутарку з Аленай Жаркевіч, якую сёння затрымліваў СБУ.

Мы паразмаўлялі з Аленай яшчэ ў жніўні і яна распавяла, чаму ёй давялося ўцякаць разам з сямʼёй і як яна вырашыла дапамагаць тым, хто апынуўся ў падобнай сітуацыі.

❗️Афiцыйная заява СБУ наконт лёсу затрыманых беларусаў:

«У рамках сваіх функцыянальных задач па барацьбе з нелегальнай міграцыяй СБУ разам з Нацыянальнай паліцыяй прымае ўдзел у аперацыі «Мігрант», якая праходзіць з 1 па 31 верасня і ўключае шэраг мер па ідэнтыфікацыі людзей, якія апынуліся незаконна ва Украіне.

16 верасня адбыўся агляд аднаго з кіеўскіх хостэлаў, дзе было 12 грамадзян Рэспублікі Беларусь. Двое з іх незаконна перасеклі дзяржаўную мяжу Украіны. Гэтыя асобы былі запрошаныя на допыт у адміністрацыйны будынак СБУ.
Пасля адпаведных праверак грамадзяне Беларусі былі перададзеныя ў Дзяржаўную міграцыйную службу Украіны», - спікер Службы бяспекі Украіны Арцём Дзехцярэнка.

✏️ Нагадаем, сёння раніцай СБУ затрымала 5 беларусаў. Сярод іх былы міліцыянт Ягор Емельянаў і валантэрка Алена Жаркевіч. Алену Жаркевіч адпусцілі – паведамляе Беларускі Дом ва Украіне.

Крыніца: @belsat