☝️🧐 Магчыма вы пра яго не чулі, але гэта ён першым падняў тэму сталінскіх рэпрэсіяў у беларускай літаратуры.

Сёння 110 гадоў з дня нараджэння Паўла Пруднікава.

Працягваем запаўняць прабелы і распавядаць пра выбітных дзеячаў беларускай культуры і навукі.

Украінская журналістка Дыяна Панчанка стане вядучай «Славянскага базару»

«Я еду на Славянский базар.
Да, в Витебск, да в Беларусь.
Удостоена чести открывать фестиваль в качестве ведущей вместе с коллегами из России и РБ. Уверена, искусство и музыка должны оставаться вне политики», – напісала яна на сваёй старонцы ў Facebook.

Дыяна Панчанка працавала на канале News One, які ў студзені быў закрыты пастановаю прэзідэнта Уладзіміра Зяленскага. Канал меў ва Украіне рэпутацыю прарасейскага.

Цяпер яна працуе на «Першым Незалежным» канале, які стварылі былыя працаўнікі закрытых Зяленскім медыяў.

Крыніца: Facebook (Диана Панченко)

Што зараз вядома пра інтэрнэт-выданне «Имена», куды прыйшлі сілавікі?

У офісе адбыўся ператрус, на які не ўдалося патрапіць адвакату. На той момант там знаходзіліся дырэктарка «Имён» Кацярына Сяргеева і бухгалтарка Таццяна Аднавол.

Таццяна зараз на волі, але пад падпіскай аб неразгалошванні. А ў кватэры Кацярыны Сяргеевай мусіць прайсці бо ўжо праходзіць ператрус.

Крыніца: @imenamag

Новы пажар – гэтым разам на магілёўскім прадпрыемстве «Бабушкина крынка».

Калі вы нешта ведаеце пра гэта – пішыце нам у бот @BelsatBot.

Крыніца: Telegram-канал Антона Матолькі

Сястры Валянціна Стэфановіча паведамілі, што праваабаронцу «Вясны» павезлі на допыт у СК і затрымліваюць на 72 гадзіны.

Яго абвінавачваюць у «арганізацыі масавых закалотаў» і «ухіленні ў сплаце падаткаў».

Крыніца: @bajby

Праваабаронцы «Вясны» выступілі з заяваю з нагоды сённяшняй атакі на арганізацыю. Яны сцвярджаюць, што не спыняць сваёй дзейнасці

«Мы ўпэўнена заяўляем, што сапраўдным матывам пераследу з'яўляецца наша агульная з усёй праваабарончай супольнасцю Беларусі бескампрамісная барацьба за зацвярджэнне і прасоўванне правоў чалавека і дэмакратычных каштоўнасцяў, супраць катаванняў і жорсткага, бесчалавечнага, зневажальнага абыходжання, а таксама нашы дзеянні ў абарону права на жыццё, свабоды выказвання меркаванняў і мірных сходаў.

Мы выказваем рашучы пратэст з нагоды чарговай хвалі рэпрэсій у дачыненні да сябраў арганізацыі і супраць грамадзянскай супольнасці Беларусі ў цэлым і заяўляем, што не спынім сваёй праваабарончай дзейнасці.

Мы патрабуем неадкладна вызваліць затрыманых Валянціна Стэфановіча, Уладзіміра Лабковіча, Андрэя Палуду, Сяргея Сыса, Алену Лапцёнак, Алега Мацкевіча, Ігара Казмерчака і іншых праваабаронцаў і актывістаў»

Крыніца: @viasna96

Футбольны клуб «Спадарожнік» з Рэчыцы зняўся з чэмпіянату Беларусі праз цяжкую фінансавую сітуацыю

Клуб адгуляў 15 матчаў першага кола. На другую палову сезону сродкаў ужо не хапіла і клуб спыніў сваё існаванне.

Нагадаем: пераважная частка гульцоў клубу падпісала так званы праўладны ліст. А ў лютым з лагатыпу «Спадарожніка» прыбралі «Пагоню» (гэта афіцыйны герб Рэчыцы).

Дапамагло? 😏

Крыніца: АБФФ
Фота: Футбольный клуб «Спутник Речица»

У Полацку затрымалі паэтку Леру Сом

Правялі ператрус, забралі тэхніку і павезлі на допыт у Следчы камітэт у Віцебску. Па якой справе – невядома.

Крыніца: @belsat

🤔Дзе чытаць сапраўдныя навіны? Што не заблакуюць?

Паглядзіце наш мініфільм пра жыццё белсатаўскага рэдактара і ўсё даведаецеся.


Мы на Android
Мы на IOS

Глядзець нас на Android
Глядзець нас на IOS

Нам паведамляюць, што ГУБАЗіК прыходзіў у офіс лабараторыі «Новак»

Гэта найстарэйшая прыватная арганізацыя ў Беларусі, якая спецыялізуецца на вывучэнні грамадскай думкі і даследаваннях маркетынгу і медыя.

Сілавікі правялі ў офісе ператрус і забралі тэхніку.

Крыніца: чытачы @belsat

У старшыні праўлення адукацыйнага цэнтра ПОСТ Сафіі Емельянавай сілавікі пасля ператрусу забралі камп'ютар, тэлефон і зборнік апавяданняў «Жанчыны выходзяць з-пад кантролю»

Крыніца: @viasna96

У кватэры палітыка Анатоля Лябедзькі зараз праходзіць ператрус.

Крыніца: @radiosvaboda

У Пінску міліцыянты прыходзяць да людзей, якія праяўлялі грамадскую актыўнасць

Праводзяць агляды кватэр, прапануюць падпісаць паперы пра няўдзел у акцыях. Таксама апытваюць наконт пратэстных надпісаў на будынках. Пра затрыманні пакуль невядома.

Аналагічныя звесткі прыходзяць да нас з Віцебску.

А ў Наваградку да некалькіх чалавек прыходзілі працаўнікі КДБ па «справе тэрарызму». Іх забіралі на допыты як сведкаў.

Крыніца: чытачы @belsat

Святлана Ціханоўская пракаментавала сённяшні «налёт» на грамадскую супольнасць

«Рэжым хавае адсутнасць кантролю ў гвалце і беззаконні. Ягоныя саўдзельнікі ўжо пагражалі грамадзянскай супольнасці ў адказ на санкцыі – яны спадзяюцца, што змогуць зноў адчуць сілу, калі ў краіне ўсё замаўчаць. Але праваабаронцы, актывісты і журналісты дакладна ведаюць: сіла – у праўдзе, а ўлада – у руках народа», – заявіла Святлана Ціханоўская.

https://3beltv.eu/news/14-07-2021-svyatlana-tsihanouskaya-prakamentavala-napady-silavikou-na-pravaabarontsau-zhurnalistau-i-nda/

З'явілася інфармацыя, што сілавікі прыйшлі ў беларускі ПЭН-цэнтр. Аднак пазней прадстаўнікі арганізацыі абверглі гэта

Крыніца: @euroradio

У адным з менскіх офісаў «Вясны» на вуліцы Мяржынскага ламалі дзверы

«Судя по всему, ломают двери в офисе «Весны» на Мержинского. 4 человека, без характерного транспорта, в штатском. Слышны удары по металлу», – пішуць нам.

Крыніца: чытачы @belsat

Так выглядае ўваход у офіс цэнтру «Трэці сектар» у Горадні пасля вобшуку

Сілавікі прыйшлі туды некалькі гадзін таму і ўзламалі дзверы.

Крыніца: чытачы @belsat

😍 Святлана Ціханоўская сустрэлася з сям’ёй, якая прымала яе ў дзяцінстве ў Ірландыі.

Праз 18 гадоў яны зноў пабачыліся.

Крыніца: @belsat