Бухгалтарка «Сильных Новостей» Ганна Стрэльчанка на волі.

Сёння ў яе прайшоў ператрус, а потым яе адвезлі на допыт у РАУС. У Ганны канфіскавалі тэхніку, нататнікі і пячаткі. Яна не выходзіла на сувязь 11 гадзін.

Крыніца: @gomeltoday

У Лёзне сёння патанула 13-гадовая дзяўчынка

Яна папрасіла сяброўку навучыць яе плаваць. Дзяўчынкі зайшлі ў возера, пасля адна з іх (тая, што не ўмела плаваць) рэзка сышла пад ваду. Сяброўка не змагла дацягнуцца да яе, каб выратаваць, і пачала зваць на дапамогу.

На той момант, калі ратавальнікі дасталі дзяўчынку з вады, яна была ўжо нежывая.

Крыніца: @skgovby

Вось такое тарнада заўважылі ў полі ў Ганцавіцкім раёне😳

Крыніца: Першы Рэгіён (Youtube)

У Гомлі паціху сталі ўключаць святло на цэнтральных вуліцах. Аднак яно ёсць далёка не паўсюль

Вось як мясцовыя жыхары апісвалі сітуацыю станам на 21-ю гадзіну:

«Коллапс на проспекте Победы. Закрыты магазины, не работают светофоры, фонари. Бригады пытаются устранить неисправность на подстанции по ул. Рогачёвской. Люди на улицах. В окнах свечки. Стабильность по-лукашенковски»

Крыніца: чытачы @belsat

💥#main Галоўнае за 13 ліпеня:

🔹 Лукашэнка нечакана паляцеў на перамовы з Пуціным. Гэты візіт загадзя не анансаваўся

🔹 Мужчына, які зняў на відэа здарэнне з дзіцячымі батутамі ў Александрыі, атрымаў 7 содняў арышту

🔹 Сейм Літвы прызнаў рэзкае павелічэнне колькасці мігрантаў з боку Беларусі гібрыднай агрэсіяй

🔹 Сілавікі прыйшлі да выдаўцы часопісу «Бинокль», у рэдакцыю парталу «Магілёўскі рэгіён» і да бухгалтаркі гомельскіх «Сильных новостей»

🔹 Валанцёраў фонду «Страна для жизни» вінавацяць у «фінансаванні дзейнасці экстрэмісцкага фарміравання»

🔹 Цэнтр Гомлю застаўся без святла праз аварыйнае адключэнне электрычнасці

Чэмпіён Беларусі па футболе салігорскі «Шахцёр» вылецеў з Лігі чэмпіёнаў ужо ў стартавым раўндзе

Сёння «гарнякі» саступілі балгарскаму «Лудагорцу» з лікам 0:1. З такім жа лікам тыдзень таму яны прайгралі і першы матч у Балгарыі.

Адзначым, што «хатні» матч «Шахцёр» праводзіў не ў Беларусі, а ў Сербіі. Гэта звязана з тым, што большасць еўрапейскіх авіякампаній не выковаюць рэйсы ў Беларусь пасля інцыдэнту з самалётам Ryanair.

Фота: ФК «Шахтёр» Солигорск

☀️Добрай раніцы, сябры!

Сёння 340-ы дзень, як беларусы змагаюцца за сваю свабоду💪

У Менску сёння максімальная тэмпература паветра сягне +30. Абяцаюць моцныя дажджы і навальніцы. Беражыце сябе!

Сілавікі прыйшлі з ператрусам да праваабаронцы «Вясны» Уладзя Лабковіча.

Ён паспеў коратка паведаміць пра гэта ў сваім Facebook.

«Ператрус», – напісаў Лабковіч.

UPD. Таксама сілавікі прыйшлі да праваабаронцы Валянціна Стэфановіча, піша @nashaniva.

Крыніца: Facebook Уладзя Лабковіча

Хто катаваў Сцяпана Латыпава? Аб’яднанне былых сілавікоў ByPol знайшло вінаватых

ByPol падрыхтаваў новае расследаванне, у якім выкрываюцца імёны і пасады ўсіх, хто мае дачыненне да катаванняў Сцяпана Латыпава.

https://www.youtube.com/watch?v=d_QhasN4QOs

Каля 9 раніцы супрацоўнікі ДФР прыйшлі з ператрусам да гарадзенскага праваабаронцы Віктара Сазонава

Крыніца: @viasna96

Паляванне на «Вясну» працягваецца – у Менску затрымалі праваабаронца Сяргея Сыса, у ягоным доме адбываецца ператрус

Крыніца: @viasna96

Таксама ператрус у дырэктаркі праваабарончай арганізацыі Lawtrend Вольгі Смалянкі

Чакаецца ператрус і на офісе арганізацыі.

Пра гэта яна напісала ў сваім Facebook.

Таксама на сувязь не выходзіць старшыня ПЦ «Вясна» Алесь Бяляцкі

Крыніца: @viasna96

Сілавікі забралі праваабаронцу Валянціна Стэфановіча!

Пра гэта паведаміла ягоная жонка Аліна. Ператрус ужо скончыўся, забралі ўсю тэхніку.

Крыніца: @viasna96

Сілавікі ўзяліся і за рух «За свабоду»

«Добрая навіна – СК прызнаў Рух праваабарончай арганізацыяй. Дрэнная – яны стаяць пад нашым офісам на Кульман», – напісаў у Facebook старшыня арганізацыі Юрась Губарэвіч.

Крыніца: Facebook Юрася Губарэвіча

Сілавікі прыйшлі ў офіс выдання «Имена».

«У офісе «Імёнаў» нейкія людзі, імаверна ДФР. Больш нічога сказаць не магу», – напісала ў Facebook стваральніца праекту Кацярына Сінюк.

Крыніца: Facebook Кацярыны Сінюк

Прайшоў ператрус у праваабронцы Андрэя Палуды

Ён затрыманы. Цяпер яго вязуць на пляцоўку «Тэрыторыя правоў», дзе таксама адбудзецца вобшук.

Крыніца: @viasna96

❗️У офіс БАЖ прыйшлі сілавікі. Яны выламалі дзверы

Крыніца: @bajby

У Берасці 40-гадовая жанчына атруцілася невядомым газам і памерла. Медыкі, якія прыехалі яе ратаваць, знепрытомнелі

Жанчына працавала ў памяшканні каналізацыйнай помпавай станцыі на тэрыторыі Берасцейскага абласнога клінічнага шпіталя. Каля 19-й гадзіны калегі знайшлі яе ў непрытомным стане і выклікалі хуткую дапамогу.

На выклік прыехалі 22-гадовая медсястра і 33-гадовы доктар. Яны, спрабуючы аказаць жанчыне дапамогу, таксама знепрытомнелі.

У выніку ўсіх траіх шпіталізавалі, аднак выратаваць жанчыну не ўдалося.

Крыніца: @skgovby

Ператрус на офісе Згуртавання беларусаў свету «Бацькаўшчына».

Крыніца: @nashaniva