Амерыканскі вайсковы беспілотнік RQ4 Global HAWK пралятаў непадалёк беларускай мяжы (у найбліжэйшай кропцы да Беларусі было ўсяго 15 км)

Перад тым ён лётаў над тэрыторыяй Італіі, Францыі, Нямеччыны, над Балтыйскім морам, над Літвой, Латвіяй, Эстоніяй.

Крыніца: Flightradar

Мы ўжо пісалі, што берасцейскі СІЗА №7 шукае працаўнікоў

Калі мінулы раз ім патрабаваўся кантралёр дзяжурнай службы за 950 рублёў (дарэчы, вакансія актульная да гэтага часу), то цяпер СІЗА шукае прыбіральніка службовых памяшканняў.

Прапануюць 500 рублёў, аднак у кандыдата павінен быць досвед працы не менш за два гады.

А вось у папраўчай установе адкрытага тыпу Кобрына прыбіральніку прапануюць толькі 300 рублёў, яшчэ менш (150 рублёў) плацяць на берасцейскім прадпрыемстве «Цуд-дрэва».

Крыніца: @belsat

☝️ МЗС Расеі паведаміла, што грамадзянку краіны Сафію Сапегу затрымалі «па падазрэнні ў здзяйсненні злачынстваў у жніўні-верасні 2020 года»

Крыніца: @tass_agency

Офіс Святланы Ціханоўскай агучыў сваю пазіцыю стасоўна сітуацыі з забаронай Belavia лётаць у Еўразвяз

«Мы не заклікалі і не заклікаем іншыя краіны забараніць палёты Belavia і закрыць авіязносіны з Беларуссю. Важна разумець, што да гэтых забаронаў і такой ізаляцыі прывёў выключна Лукашэнка: ён вымусіў іншыя дзяржавы абараняць сваіх грамадзян ад дзяржаўнага тэрарызму – менавіта так яны ацэньваюць ягоныя дзеянні.

Прыпыненне палётаў з Беларусі не вырашае галоўнай праблемы, якая выклікала крызіс у нашай краіне. Чалавек, які прайграў выбары, трымае ўладу. І толькі масавыя санкцыі і падтрыманне грамадзянскай супольнасці, а таксама дыялог пра новыя выбары дапамогуць вырашыць гэтую праблему»

Крыніца: @tsikhanouskaya

🚴‍♂️Федэрацыя веласпорту Нямеччыны выступіла з заяваю пра тое, што адмаўляецца прыязджаць на чэмпіянат Еўропы на трэку ў Менск.

Турнір павінен адбыцца ў Беларусі з 23 да 27 чэрвеня.

«Федэрацыя веласпорту паведамляе UEC аб сваім няўдзеле ў чэмпіянаце Еўропы ў Менску. Пасля падзеяў у выходныя Асацыяцыя раварыстаў Нямеччыныі звязалася з UEC і дала зразумець, што ў гэтай сітуацыі нацыянальная зборная Нямеччыны ў трэкавым веласпорце не можа браць удзел у чэмпіянаце Еўропы ў Менску і настойвае на альтэрнатыўным рашэнні», – гаворыцца ў паведамленні.

UEC, у сваю чаргу, заяўляе, што таксама крытычна ставіцца да таго, што адбываецца, і абмяркуе далейшы лёс турніру ў Менску ў найбліжэйшы чацвер на паседжанні ўправы ў Лазане (Швейцарыя).

Крыніца: bdr-medienservice.de

🇺🇦 «Нашае неба закрытае для дыктатарскіх рэжымаў»

Мэр Львова Андрэй Садавы напісаў у сваім акаўнце Facebook, што сёння ў львоўскім аэрапорце прызямліўся апошні рэйсавы самалёт з Беларусі.

Крыніца: Facebook

☝️Затрымалі журналістку TUT.by Анастасію Пруднікаву, якая працуе ў раздзеле Lady.

Перад гэтым у ейнай кватэры ўчынілі ператрус

Крыніца: @tutby_official

✈️ Беларусь у пралёце.

Вось тут можна даведацца, якія краіны і авіялініі больш не лятаюць у Беларусь 👉

https://3beltv.eu/news/25-05-2021-grounded/?fbclid=IwAR3oDRXV5S-aBLLnqG11txjVKztiLRJoia8ifdlt46_zPtMaJIKeOJoH_s4

❗️Пінская міжраённая пракуратура прыйшла з ператрусам у кабінет былога суддзі Пінску і Пінскага раёна Аляксея Пацко.

Нагадваем, 10 жніўня Аляксей адмовіўся судзіць адміністратыўна затрыманых людзей. Падстава для ператрусу – санкцыя, якую выдаў гарадскі пракурор. Падчас ператрусу вынялі тэхніку і дакументацыю.

Імаверна, Аляксей цяпер не ў Беларусі. Затрымалі ягоную маці – Таццяну Пацко.

Крыніца: @viasna96

☝️ Паліцыя Латвіі следам за калегамі з Літвы і Польшчы распачала расследаванне захопу лайнера Ryanair над Беларуссю

Крыніца: @tass_agency

☝️Беларусь ліквідуе сваю амбасаду ў Канадзе

Адпаведны нарматыўна-прававы акт апублікаваны на партале pravo.by

Крыніца: pravo.by

У пасведчанні аб смерці Вітольда Ашурка няма прычыны смерці

Замест гэтага напісана «Выясняется»

Крыніца: @radiosvaboda

❗️Увага!

❗️Меркаванае відэа смерці Вітольда Ашурка, апублікаванае Следчым камітэтам

Крыніца: @skgovby

Следчы камітэт паведамляе, што пасля таго, як Ашурак разбіў галаву, ён не выказваў скаргаў на стан здароўя і адмовіўся ад шпіталізацыі

Крыніца: @skgovby

❗️Уладзімір Пуцін і Джо Байдэн дамовіліся сустрэцца ў Жэневе 16 чэрвеня

Крыніца: @tass_agency

☝️«Беларускі дом ва Украіне» выкрыў махляра, які да таго ж збіраў інфармацыю для ГУБАЗіК

Аляксей Бялькевіч выдумаў гісторыю пра тое, што ў ягонай кватэры здарыўся пажар і збіраў з беларускай дыяспары грошы на арэнду новага жытла.

Гэта толькі палова бяды: ён супрацоўнічаў з ГУБАЗіК і збіраў для лукашэнкаўскага рэжыму звесткі пра пратэставы рух беларусаў ва Украіне

Крыніца: @beldomua

Анастасію Пруднікаву выпусцілі з ДФР, узяўшы падпіску пра неразгалошванне

Крыніца: @tutby_official

❗️ Саміт ЕЗ пастанавіў уключыць новыя арганізацыі і новых асобаў у санкцыйныя спісы. Яны будуць істотна пашыраныя

Пра гэта заявіла Ангела Мэркель.

Крыніца: @tass_agency