👌«Афіцэры і прапаршчыкі – сёння вы сталі супраць сваіх дзядоў, супраць свайго народу» – вольныя жыхары раёну парку Чалюскінцаў у Менску віншуюць ветэранаў з Днём перамогі!

А несумленным сілавікам нагадаваюць, што пакаранне за злачынствы супраць народу – зніклага Юрыя Захаранку, закатаваных і зняволеных – іх абавязкова напаткае!

Жыве Беларусь!!!✊❤️✌️

Крыніца: чытачы @belsat

☝️Галоўны міжнародны партнёр «Беларуськалію» – нарвежская кампанія «Yara» – накіруе на салігорскае прадпрыемства свайго назіральніка

Пра гэта лідару страйкаму «Беларуськалію» Анатолю Бокуну распавёў праз відэасувязь гендырэктар «Yara» Свайн Турэ Гулсэтэр.

Прадстаўнік нарвежскай кампаніі будзе маніторыць сітуацыю прыкладна паўгода.

Крыніца: nv-online.info
Фота: kali.by

19-гадовага кіроўцу Citroen, які насмерць збіў маленькую дзяўчынку ў Гомлі, узялі пад варту.

Такую меру стрымання выбрала для яго пракуратура Гомельскай вобласці.

Крыніца: @prokuraturabelarus

☝️«Беларусь – самая небяспечная краіна Еўропы для журналістаў»

Святлана Ціханоўская яшчэ раз заявіла пра гэта на канферэнцыі Сейму Літвы.

А таксама нагадала, што ейны муж – блогер і палітвязень Сяргей Ціханоўскі – роўна год таму абвесціў пра свой удзел у прэзідэнцкіх выбарах.

Падрабязнасці даведвайцеся тут. 👇https://belsat.eu/news/07-05-2021-svyatlana-tsihanouskaya-vystupila-na-kanferentsyi-sejma-litouskaj-respubliki/

Лукашэнка заявіў, што Беларусь займела ўласную вакцыну ад COVID-19

«В пробирке мы вчера получили свою вакцину – белорусскую. Другую, отличную от того, что мы сегодня покупаем. Как врачи называют, живую вакцину», – сказаў ён.

Крыніца: @belta_telegramm

Кіроўца тралейбусу ў Гомлі пастанавіў не вытрачаць нерваў на прастойванне ў заторы і аб'ехаў яго па сустрэчнай паласе 🤔

Магчыма, пасажыры дзякуючы гэтаму не спазніліся на працу, аднак кіроўцу цяпер прыцягнулі да адміністратыўнай адказнасці.

Крыніца: УВД Гомельского облисполкома

Гарадзенскі журналіст, дырэктар «Цэнтра гарадскога жыцця» Павел Мажэйка выйшаў са Следчага камітэту

Там ён прабыў некалькі гадзін.

«Маю адчуванне, што справа набірае размах. Статус наш не змяніўся: я падазраваны па справе, Алесь Пушкін застаецца за кратамі», – сказаў Мажэйка ў каментары «Белсату».

Ніякіх следчых дзеянняў не праводзілася, Павел знаходзіцца пад падпіскай аб неразгалошванні.

Крыніца: @belsat

❗️Валеры Цапкала заклікаў выйсці на вуліцы 9 траўня

«Я не магу вас заклікаць, але не прасіць выйсці 9 траўня я ня маю права».

Ён заклікаў выйсці а 10 ранку на цэнтральныя плошчы гарадоў з кветкамі і партрэтамі ветэранаў, каб адсвяткаваць Дзень перамогі «без страху і без сумневу ў хуткай перамозе дабра над злом».

Слухайце прамову цалкам тут.👇

https://www.youtube.com/watch?v=xdndUh6umkE

Берасцейскі СІЗА № 7 шукае працаўнікоў!

30 красавіка ізалятар размесціў на адным з сайтаў вакансію кантралёра дзяжурнай службы.

Калі казаць простай мовай, гэта нагляднік (або гэтак званы вертухай).

Патэнцыйных кандыдатаў прывабліваюць магчымасцю выйсці на пенсію ўсяго пасля 20 гадоў службы, кампенсацыяй арэнды жытла, ільготнымі крэдытамі на пабудову кватэры і адпачынкам у санаторыі МУС.

Плаціць кантралёру СІЗА гатовыя ад 950 рублёў і вышэй.

Крыніца: praca.by

👌Жыхары вёскі Лісіна пад Менскам святкуюць Дзень перамогі

«Раскол у грамадстве – фундамент, на якім трымаецца ўлада. Мы такой радасці табе не дамо».

Крыніца: чытачы @belsat

На адной з менскіх заправак дзяржаўны сцяг прадаецца ў выглядзе «дагары нагамі»

Зрэшты, такое неаднаразова можна было пабачыць і раней, асабліва на будынках падчас дзяржаўных святаў.

Як вы лічыце, гэта зрабілі свядома ці выпадкова? 🤔

Крыніца: @belsat

☝️Новы палітвязень — сведка забойства Аляксандр Кардзюкоў

На 10 гадоў турмы Аляксандр Кардзюкоў з Берасця асуджаны за «замах на забойства» вайскоўца. У сапраўднасці – ён стаў сведкам забойства Генадзя Шутава, але сапраўдны забойца на волі.

Сёння праваабаронцы прызналі Аляксандра Кардзюкова зняволеным — 371 у Беларусі.

Узгадайце і падтрымайце палітвязня! Прачытаць падрабязнасці можна тут.👇

https://belsat.eu/news/07-05-2021-palitvyaznem-pryznali-alyaksandra-kardzyukova-svedku-zabojstva-genadzya-shutava/

Справу ў дачыненні хлопца, які захоўваў кнігу «Беларуская нацыянальная ідэя», вызнаную экстрэмісцкай, спынілі

Гэта адбылося ў сувязі са сканчэннем тэрміну прыцягнення да адміністратыўнай адказнасці.

Нагадаем: 9 красавіка суддзя абвесціў перапынак у працэсе, каб прачытаць кнігу і скласці ўласнае ўражанне пра яе змест.

Праўда, кнігу Ягору Старавойтаву так і не вернуць, бо яе далучылі да матэрыялаў справы.

Крыніца: @euroradio
Фота: pen-centre.by

У Менску ў гэтыя хвіліны фіксуюцца 8-бальныя заторы

Асабліва ўскладнены рух на цэнтральных вуліцах, а таксама на выездзе са сталіцы ў паўночных кірунках.

Крыніца: Яндекс. Пробки

🤦‍♀️ Інавацыйны гарадзенскі дарожны рамонт! Кавалачак тратуару + пясочку з пясочніцы.

Але хто ж ведаў, што інавацыя трапіць у гэтыя вашыя інтэрнэты?

Старанняў не ацанілі, і сёння латанне перарабілі.

Крыніца: autogrodno.by

⚪️🔴⚪️ «Мы цябе памятаем і шануем светлую памяць!»

Лідчукі нагадваюць пра гадавіну знікнення Юрыя Захаранкі: міністр МУС, генерал і палітык быў выкрадзены ў цэнтры Менску 7 траўня 22 гады таму.

«Жадаем нашай краіне больш такіх справядлівых і стойкіх барацьбітоў за ідэю і свабоду беларускага народу. Жыве Беларусь! Жыве Захаранка!»

Крыніца: чытачы @belsat

☝️Нашае новае люстэрка: https://beltv.info/

Запомніце самі і распавядзіце сябрам!