Таксама Ігар Ільяш распавёў пра сваю кароткую сустрэчу з жонкаю.

«Я не змог пагутарыць з Кацярынай, нават зрабіць жэст, мяне адразу адштурхоўваў канваір. Мы толькі абменьваліся поглядамі. Каця выглядае вельмі добра. Я яе не бачыў амаль тры месяцы, але яна ўсміхаецца, у яе гараць вочы.

Быў момант, калі Даша пабачыла маці і ў яе на вачах з'явіліся слёзы. Каця падыйшла да яе, абняла. Потым Даша зноў пачала ўсміхацца. Яны паказвалі знак вікторыі і ўсміхаліся. На шчасце, дзяўчыны ў добрым, бадзёрым настроі, яны гатовы змагацца, іх не зламалі»

Крыніца: @belsat

«Мы сваёй абыякавасцю прывялі да гэтага»

🔥 Паглядзіце моцную прамову наведніцы суда над нашымі каляжанкамі Дар’яй Чульцовай і Кацярынай Андрэевай!

Відэа: @belsat

Ірына Слаўнікава пракаментавала чарговае затрыманне журналістаў Любові Лунёвай і Дзмітрыя Солтана, якое адбылося ўчора.

«Любоў паспела паведаміць што яе і Дзмітрыя затрымалі ў раёне плошчы Перамогі. Там яны рабілі апытанне мінакоў. Любоў сказала, што іх вязуць у Савецкі РУУС. Іх адвезлі на Акрэсціна.

На жаль, артыкул, паводле якога іх абвінавачваюць, не вядомы. Захапляюся гераізмам і адвагай нашых калег, якія працягваюць працаваць у такіх умовах».

Крыніца: @belsat

На працэсе было заяўлена хадайніцтва пра змену меры стрымання для Кацярыны Андрэевай і Дар'і Чульцовай.

Аднак хадайніцтва не задаволілі, змяніць меру стрымання дзяўчынам суд адмовіўся.

Крыніца: @belsat

Дзверы судовай залі цяпер ахоўваюць два міліцыянты, а не адзін.

Людзі, якіх не пусцілі на паседжанне, па-ранейшаму чакаюць на калідоры і не разыходзяцца.

Крыніца: @belsat

З працэсу сілаю вывелі хлопца. Ён запытаўся прозвішча дзяўчыны з боку абвінавачвання.

Крыніца: @belsat

Вось відэа таго, як гэта адбывалася.

Відэа: @belsat

Хлопца зваць Андрэй. Яго выводзіў чалавек, апрануты ў цывільную вопратку, які назваўся міліцыянтам.

Андрэй распавёў, што ў залі суду – два свабодныя шэрагі. Агулам там сядзіць каля 20 чалавек. А тым часам на паседжанне запрасілі першага сведку.

Крыніца: @belsat

Пажылы мужчына, які жыве ў доме на плошчы Пераменаў, выступае ў якасці сведкі.

Ён сцвярджае, што тры гадзіны назіраў з вакна за тым, што адбывалася 15 лістапада. Бачыў, што не ездзіць аўтобус 18-га маршруту, а таксама што з нейкай машыны ў двары каардынуюць пратэстоўцаў. Праз гэта ён патэлефанаваў у міліцыю.

Аднак Кацярыну Андрэеву і Дар'ю Чульцову на месцы падзеяў ён не бачыў.

Крыніца: @belsat

«Хадайніцтва аб выкліку мяне ў якасці сведкі першым адхілілі. У звычайным парадку будуць выклікаць сведкаў, пасля абеду мяне запросяць», – кажа Ігар Ільяш.

Крыніца: @belsat

Перыядычна побач з судовай залаю з'яўляюцца сілавікі ў шлемах.

Пытаюцца ў міліцыянтаў, якія ахоўваюць дзверы ў залу, як у іх справы.

Крыніца: @belsat

Ля цэнтру SPA Riviera на праспекце Пераможцаў відавочцы заўважылі нямала пажарных машынаў

Як адзначаюць у МНС Менску, ратавальнікі туды прыехалі пасля паведамлення аб загаранні.

Пазней высветлілася, што адбылося загаранне ў тэхнічным памяшканні. SPA-комплекс праз гэта не будзе сёння працаваць.

Крыніца: @tutby_official

Сведку (жыхара дому на пл. Пераменаў) адпусцілі. Ён не бачыў і не чуў Кацярыны і Дар'і

На паседжанне зайшла другая сведка Алена Дзядзюль. У той дзень жанчына была ў гасцях у гаспадароў кватэры, дзе затрымалі журналістак. На вуліцы бачыла вялікую колькасць людзей. Паводле яе, усё было мірна: пратэстоўцы з БЧБ-сцягамі крычалі «Жыве Беларусь!»

Жанчына сказала, што на дарозе было мала людзей. Яна даехала да Арлоўскай на маршрутцы, далей маршрутка не паехала.

Крыніца: @belsat

Сёння мама Дашы Чульцовай упершыню за доўгі час пабачыла дачку:

«Мы ўвесь час перапісваемся. Кепска трымалася першы час, увесь час плакала, вочы балелі. Але пазней хлопчык з Менску звярнуўся да мяне, прапанаваў дапамагчы – і мне так лёгка на душы стала. Я сябе рыхтую да горшага. Проста хочацца падысці абняць і маўчаць», – падзялілася эмоцыямі спадарыня Наталля.

Крыніца: @belsat

«Усе былі напалоханыя: дзеці, гаспадары і абвінавачваныя»

«Асобы, якія ўвайшлі ў кватэру, не назваліся. Да таго, як зайшлі, хвілін 20 стукалі ў дзверы. Зміцер (гаспадар кватэры) сказаў, што адчыняць не будзе. Усе былі напалоханыя: дзеці, гаспадары і абвінавачваныя», – успамінае сведка Алена Дзядзюль.

З ейных словаў, Кацярына Андрэева папрасіла зрабіць званок з ейнага тэлефона, бо тэлефон журналісткі не працаваў. Пра што была размова, сведка не чула.

Крыніца: @belsat

Магчыма, так выглядае мужчына, які сведчыў на судзе.

Фота: @belsat

Важныя паказанні ад другой сведкі: яна не чула ніякіх заклікаў ад журналістак «Белсату»

Крыніца: @belsat

Падчас працэсу над журналісткамі «Белсату» пракурор папрасіла суддзю зрабіць заўвагу «мужчынам у касцюмах», бо іхныя размовы перашкаджаюць судоваму паседжанню

«Мужчыны ў касцюмах» аказаліся дыпламатамі з прадстаўніцтва Еўразвязу. Адзін з іх – перакладчык для дыпламата, які прысутнічае на працэсе.

«Гэта значыць, нельга перакладаць, так я разумею?» – удакладніў адзін з іх.

Крыніца: @vybory_smotri