❗️У МУС заяўляюць аб праблемах з выцекам інфармацыі

Афіцыйная прадстаўніца МУС Беларусі Вольга Чамаданава ў эфіры «Беларусь 1» паскардзілася на «кібербулінг» і «цкаванне» міліцыянтаў. Паводле яе, «неабходна прыняцце далейшых дзейсных захадаў па абароне гонару, годнасці і дзелавой рэпутацыі» працаўніклў органаў унутраных справаў і прадстаўнікоў уладаў.

«Трэба звярнуць увагу ў тым ліку і на дысцыпліну. Таму што ёсць у нас пытанні ў частцы ўцечкі інфармацыі, службовай інфармацыі. І гэта, вядома, немалаважны кірунак», – дадала яна ў сувязі з гэтым.

Крыніца: tvr.by

Алена Леўчанка: Мы робімся Паўночнай Карэяй у цэнтры Еўропы

«Вельмі важна, каб вонкавы свет звяртаў увагу на сітуацыю ў Беларусі. Мы робімся Паўночнай Карэяй у цэнтры Еўропы. Гэта непрыемна і гэта датычыць не толькі нас, беларусаў, але і іншых краін», – заявіла беларуская баскетбалістка ў інтэрв'ю шведскім журналістам.

Крыніца: svt.se

❗️У Беларусі за содні праз пажары загінулі 8 чалавек

Паводле МНС, толькі на Меншчыне зафіксавалі чатыры смяротныя выпадкі: у аграгарадку Ванелевічы, вёсках Пласток і Чэрвень (у Чэрвені загінулі адразу два чалавекі).

Таксама два чалавекі загінулі падчас пажару ў аграгарадку Брашэвічы Драгічанскага раёну. Па адным чалавеку загінулі пры пажарах у вёсках Гута (Берасцейшчына) і Галькаўка (Магілёўшчына).

Крыніца: mchs.gov.by

Галоўнае на гэты час:

🔸У МУС заяўляюць аб праблемах з уцечкай службовай інфармацыі;

🔸Учора, 26 снежня, у Маскве і Санкт-Пецярбурзе адбыліся акцыі салідарнасці з Беларуссю. У Пецярбурзе былі затрыманыя 14 беларусаў: на іх склалі адміністратыўныя пратаколы за парушэнне супрацьэпідэмічных захадаў і адпусцілі;

🔸 У Беларусі за содні праз пажары загінулі 8 чалавек;

🔹 Журналісткі за кратамі. Як напісаць да іх лісты?

❗️Памёр вядомы беларускі эканаміст Леанід Заіка

Пра гэта @belsat паведамілі ягоныя сваякі. Эканаміст хварэў на каронавірус, ноччу ў яго спынілася сэрца.

Заіка нарадзіўся 23 жніўня 1948 году ў Горадні. Доўгі час выкладаў ва ўніверсітэтах Беларусі. У пачатку 90-х займаў пасады загадчыка кафедры, прарэктара Нацыянальнага інстытуту гуманітарных навук, дэкана эканамічнага факультэту ЕГУ.

З 1992 года кіраваў праектамі Сусветнага Банку ў макраэканамічнай палітыцы ў Беларусі. Як незалежны эксперт, з 1996 да 1999 года быў сябрам Рады ў эканамічным развіцці савету міністраў, з 2000 да 2002 года – сябрам Экспертнай рады Савета Рэспублікі.

З 1997 года кіраваў аналітычным цэнтрам «Стратэгія».

Аўтар і навуковы рэдактар мноства кніг і публікацыяў у Беларусі і за мяжою.

Леанід Заіка рэгулярна каментаваў эканамічную сітуацыю ў недзяржаўных медыях Беларусі, у тым ліку на «Белсаце».

Крыніца: @belsat

Яшчэ адна крымінальная справа за жнівеньскія пратэсты ў Менску накіраваная ў суд

Паводле Следчага камітэту, уначы 10 жніўня 33-гадовы мянчук у стане алкагольнага ап'янення браў актыўны ўдзел у пратэстах на скрыжаванні завулку Тучынскім і вуліцы Кальварыйскай. Сярод іншага, ён «браў удзел ва ўзвядзенні агароджы на праезнай частцы дарогі, наўмысна перагароджваючы дарогу розным транспартавым сродкам».

Менчуку выставілі абвінавачванне паводле ч. 1 арт. 342 КК (дзеянні, што груба парушаюць грамадскі парадак).

«У ходзе расследавання мужчына растлумачыў, што віной усяму вялікая колькасць выпітага алкаголю і «эфект натоўпу», які і заахвоціў яго здзейсніць злачынства. Мянчук прызнаў віну і раскаяўся ў зробленым», – гаворыцца ў прэс-рэлізе СК.

У СК сцвярджаюць, што мужчыну раней судзілі за незаконны абарот забароненых рэчываў і прысваенне маёмасці.

Крыніца: t.me/skgovby

Жыхары Заслаўя далучыліся да флэш-мобу Jerusalema dance і адразу пасля рэпетыцыі станчылі на старажытных замчышчах свайго гораду 😍

Крыніца: чытачы @belsat