Лукашэнка раптам заклапоціўся, што Польшча запрашае беларускіх лекараў.

«Нам сваіх пацыентаў лячыць трэба», - сказаў Лукашэнка.

Яшчэ нядаўна з ягоных вуснаў гучала, што калі ў «некага пазелянела ў вачах ад валюты», то няхай збіраюцца і выязджаюць.

Крыніца: @pul_1

Наталля Дуліна, былая выкладчыца МДЛУ і Юрый Стулаў, дацэнт МДЛУ, далучыліся да Каардынацыйнай рады.

Наталлю Дуліну звольнілі з універсітэту і асудзілі на 14 дзён за тое, што падтрымала страйк. Яна з'яўляецца найлепшай італьяністкай краіны.
Юрый Стулаў выступіў у абарону студэнтаў. Кандыдат філасофскіх навук, дацэнт, адпрацаваў у МДЛУ 54 гады.

Крыніца: @rada_vision

Жыхары Плошчы Пераменаў ведаюць праўду!
Цяпер яны вымушаныя рабіць акцыі ў пад'ездзе, бо ў іх двары ўвесь час дзяжураць «сілавікі».

Відэа даслалі чытачы @belsat

«Собираемся свободно и гуляем, где угодно
Выходи гулять (просто выходи гулять)».

Гурт «Каста» выпусціў кліп на песню «Выходи гулять».

У кліпе вельмі шмат паралеляў з падзеямі ў Беларусі – сілавікі, катаванні над зняволенымі.

https://www.youtube.com/watch?v=aOnp0kfAr80&feature=youtu.be

З Інстытута гісторыі НАН Беларусі звольнілі сем супрацоўнікаў.

Кіраўніцтва Інстытуту не працягнула кантракты сямі навукоўцам, на знак салідарнасці яшчэ пяцёра навукоўцаў заявілі пра звальненне.

Крыніца: tut.by

Затрыманы Сцяпан Латыпаў знаходзіцца ў Навінках на псіханеўралагічнай экспертызе.

Лісты, якія пішуць Сцяпану ў турму, вяртаюцца лісты з пазнакай «адрасат адсутнічае», а ў Навінкі заклікаюць лісты не адпраўляць.

Сцяпана Латыпава абвінавачваюць арт. 293 КК (Масавыя беспарадкі), а таксама ў намеры прымяніць яд супраць сілавікоў.

Крыніца: Facebook плошчы Перамен

Журналістку TUT.by Кацярыну Барысевіч перавялі ў СІЗА на Валадарскага.

Крыніца: @tutby_official

⚡️Святлана Ціханоўская ў эксклюзіўнам інтэрв'ю Аліне Коўшык у праграме «Прасвет»

Што б Святлана Ціханоўская сказала Уладзіміру Пуціну?
Разам мы абавязкова пераможам. Зварот Святланы Ціханоўскай да беларусаў.

Эксклюзіўнае інтэрв'ю Святланы Ціханоўскай, дзе яна адкажа, ці Байдэн ужо запрасіў Ціханоўскую ў ЗША, глядзіце тут: https://www.youtube.com/watch?v=B93QDHMDHyE&t=103s

💥Галоўнае на гэты час:

- Байдэн запрасіў Ціханоўскую. Глядзіце эксклюзіўнае інтэрв’ю са Святланай Ціханоўскай!

- Журналістку TUT.by Кацярыну Барысевіч перавялі ў СІЗА на Валадарскага.

- З Інстытута гісторыі НАН Беларусі звольнілі сем супрацоўнікаў. На знак салідарнасці яшчэ пяцёра навукоўцаў заявілі пра звальненне.

- Наталля Дуліна, былая выкладчыца МДЛУ і Юрый Стулаў, дацэнт МДЛУ, далучыліся да Каардынацыйнай рады.

- Лукашэнка прыйшоў у «чырвоную зону» 6-й больніцы са знятай маскай і павітаўся з лекарам за руку без пальчатак, да супрацоўніцы больніцы звяртаўся на «ты».

- Самы вядомы беларускі лыжнік Сяргей Далідовіч адмаўляецца здымаць бел-чырвона-белы сцяг.

Работнікі МТЗ падтрымалі акцыю «0 праміле».

Крыніца: чытачы @belsat

Аляксандр Лукашэнка заявіў, што Covid з'яўляецца палітычнай і эканамічнай хваробай.

«Гэта ўжо не проста ваша праблема, гэта ўжо палітычная, эканамічная хвароба. Калі трэба адгарадзіцца ад кагосьці – закрываюць мяжу пад выглядам Covid, калі нехта на кагосьці хоча націснуць палітычна – выкарыстоўваюць Covid», – сказаў ён.

Аляксандр Лукашэнка зноў ахарактарызаваў пандэмію як «каронапсіхоз».

«Галоўнае пры лячэнні гэтых хворых – гэта псіхіка. Гэта тое, пра што я вам інтуітыўна казаў у свой час, калі ў нас пачала развівацца гэтая хвароба. Паніка, псіхіка і, як я казаў, каронапсіхоз – цяпер ужо ўсё гэты тэрмін засвоілі. Вы мой пункт гледжання ведаеце, ён не змяніўся з тых часоў. Ён умацаваўся, я ў сваіх перакананнях умацаваўся. Некаторыя з вас, якія, будзем казаць адкрыта, мала верылі ў тое, што я казаў, нарэшце зразумелі, што я ў чымсьці меў рацыю», – сказаў ён.

І пры ўсім гэта Лукашэнка выказаў заклапочанасць высокім захворваннем каронавірусам.

Крыніца: БелТА

У Бабруйску Ігара і Алега Букасаў, якіх абвінавачвалі ў гвалце ў дачыненні да міліцыянта (арт.364 КК) асудзілі на турэмныя тэрміны.

Ігар Букас атрымаў чатыры гады пазбаўлення волі ў калоніі строгага рэжыму. Злачынства, якое ўчыніў мужчына – выпадковы ўдар па патыліцы міліцыянта. Алега Букаса пакаралі двума гадамі пазбаўлення волі ў калоніі агульнага рэжыму.

Пацярпелы маёр ДАІ Уладзімір Мяншоў папрасіў суд не пазбаўляць волі бацьку і сына Букасаў, бо яны раскаяліся і папрасілі ў яго прабачэнне, але суд яго не паслухаў.

Крыніца: «Вясна»

Аляксандр Лукашэнка заявіў, што выступае за ўнясенне паправак у Канстытуцыю, бо існую «незнаёмаму прэзідэнту аддаваць нельга».

«Я прыхільнік новай Канстытуцыі. Не таму, што дэмакратыю нейкую трэба. Не ў дэмакратыі справа. Мяне што ў гэтай сітуацыі хвалюе: незнаёмаму прэзідэнту такую Канстытуцыю аддаваць нельга. Будзе бяда», – сказаў ён.

Крыніца: БелТА

Беларускі рубель аднавіў падзенне на таргах БВФБ.

💶У пятніцу еўра падаражэў на 0,68 %, або на 2,08 капейкі да 3,0794 рубля.

💵Долара дадаў 0,58 % ці 1,47 капейкі да 2,5817 рубля.

💴 Расейская валюта вырасла на 0,24 %, або на 0,8 капейкі. 100 расейскіх рублёў сёння ацанілі ў 3,4056 беларускага рубля.

Крыніца: БВФБ

Настаўніка звольнілі за ўдзел у страйку і патрабуюць вярнуць грошы за навучанне ў ВНУ.

Настаўнік матэматыкі і інфарматыкі Аляксандр Крушаў, які 26 кастрычніка сышоў у аднадзённы страйк, а пазней звярнуўся да беларусаў у відэароліку, застаўся без працы. Педагога звольнілі па артыкуле. А пасля даслалі ліст, у якім яго абавязваюць вярнуць грошы за мэтавае навучанне ў ВНУ.

Аляксандр жыве ў аграгарадку Добрая ў Магілёўскай вобласці. У яго цяпер няма працы, жонка цяжарная. А дзяржава патрабуе ад яго каля 10 тысячаў рублёў.

Крыніца: Ребёнок BY

«Музыка побач» – вялікі канцэрт беларускіх музыкаў.

Фестываль адбудзецца цалкам у анлайн-фармаце. У фэсце возьмуць удзел гурты РСП, Крама, Зміцер Вайцюшкевіч, Алена ЖалудОК і «Чынчынчэнел», Святлана Бень, Алег Хаменка (Палац).

Сёння, 27 лістапада, а 19:00 тут: https://www.youtube.com/watch?v=U8DHsDDO2Ek