У сучаснай Беларусі небяспечна гуляць з дзецьмі нават у сваіх дварах😡
У Лебядзіным сілавікі хапалі мужчын на вачах у дзяцей.

Відээ: @kyky_org

«Страляй! Страляй у мяне!»

Жорсткае відэа, як жанчыны сёння адбівалі ў сілавікоў затрыманую дзяўчыну са сцягам. У гэты час гучаць выбухі...

Асцярожна, ненарматыўная лексыка.

Відэа: @radiosvaboda

У Горадні на дадзены момант затрымалі 4 чалавекі.

Яны знаходзяцца ў ІЧУ па вуліцы Гая, 4.

Крыніца: @belsat

У Пінску адпусцілі ўсіх 18 затрыманых. Іх апытвалі па справе разбітага шкла машыны суддзі Свіціна.

Але ж людзі лічаць, што іх затрымалі, каб не пусціць на традыцыйную прагулку па пешаходнай вуліцы Леніна.

Крыніца: @belsat

У спісах затрыманых – больш за 300 прозвішчаў. А тым часам менскі ГУУС пацвердзіў затрыманне больш за 200 чалавек, «за парушэнне заканадаўства».

Крыніца: @spiski_okrestina

Вядома пра 6 чалавек, якіх забралі з РУУСаў на хуткіх.

Крыніца: @spiski_okrestina

❗️Сёння пасля 7 содняў адміністрацыйнага арышту на свабоду не выйшла яшчэ адна нашая калега – аператарка @belsat Дар’я Чульцова.

Дар’я 15 лістапада працавала разам з Кацярынай Андрэевай над стрымам з Плошчы Перамен, іх разам затрымалі, у адзін дзень судзілі. Адвакат Дар'і даў распіску аб неразгалошванні, але ёсць падставы меркаваць, што яе абвінавачваюць у тым жа самым, што і Кацярыну, гэта значыць па ч. 1 арт. 342 КК «Арганізацыя і падрыхтаванне дзеянняў, якія груба парушаюць грамадскі парадак».

Дар’і Чульцовай і Кацярыне Андрэевай пагражае да трох гадоў зняволення толькі за тое, што яны сумленна выконвалі сваю працу. Свабоду беларускім журналісткам!

Крыніца: @belsat

Амапаўцы збягаюць, вайскоўцы падаюць, светлашумавыя гранаты і тысячы людзей па ўсім Менску.

Глядзіце наш выніковы ролік, як прайшоў Марш супраць фашызму.

На свабоду выйшаў музыка Павел Аракелян. Ён адзедзеў 15 содняў за выступ на дваравым канцэрце.

Крыніца: @spiski_okrestina

💥Рэпарцёр СТВ Рыгор Азаронак выпусціў чарговы сюжэт. Гэтым разам ён параўноўвае развітванне з Раманам Бандарэнкам з сатанінскім рытуаламі.

Папярэджваем: пасля прагляду гэтага відэа у вас могуць узнікнуць устойлівыя асацыяцыі знака Victory з сатаною і вы ніколі не здолееце святкаваць Каляды.

Відэа: СТВ

Добрыя навіны з Горадні! Тры з чатырох затрыманых сёння ўжо на свабодзе. На іх склалі пратаколы па арт. 23.34 КаАП РБ.

Крыніца: @belsat

Журналіст-фрылансер, які супрацоўнічае з «Белсатам», Аляксандр Сідарэўскі, выйшаў на волю з Магілёўскага ІЧУ пасля 15 содняў арышту.

Крыніца: @belsat

Наваполацк не здаецца💪

Відэа даслалі чытачы @belsat

💥#main Галоўнае на гэты час:

▫️На волю не выйшла журналістка @belsat Дар’я Чульцова. Імаверна, яе абвінавачваюць паводле ч. 1 арт. 342 КК «Арганізацыя і падрыхтаванне дзеянняў, якія груба парушаюць грамадскі парадак».

▫️На волю выйшаў журналіст-фрылансер, які супрацоўнічае з «Белсатам», Аляксандр Сідарэўскі і музыка Павел Аракелян.

▫️Вядома пра больш за 300 затрыманых сёння чалавек.

▫️Таксама за кратамі застаецца журналістка TUT.by Кацярына Барысевіч, якая апублікавала артыкул, дзе сцвярджалася, што Раман Бандарэнка не быў п’яны на момант сваёй смерці