У Смаргоні на плошчы каля выканкаму запусцілі БЧБ-сцяг.

Відэа даслалі чытачы @belsat

Некалькі дзесяткаў тысяч людзей цяпер у Менску.

Відэа: @motolkohelp

❗️Большая частка крэдыту ў $ 500 млн, які Беларусь мусіць атрымаць па лініі Еўразійскай фонду стабілізацыі і развіцця, пойдзе на пагашэнне доўгу ў $ 330 млн перад «Газпрамам».

Пра гэта паведаміў кіраўнік расейскага Мінфіна Антон Сілуанаў інтэрв'ю тэлеканалу «Расея 1».

«Мы падтрымліваем і беларускую эканоміку, і падтрымліваем расейскую эканоміку. Таму што забяспечваюцца разлікі перад расейскімі пастаўшчыкамі, не будзе ніякіх затрымак у аплаце. Тут узаемная цікавасць», – адзначыў Сілуанаў.

Крыніца: Интерфакс-Запад

Магілёў. Некалькі сотняў чалавек ля "Атрыуму".

Відэа ад гледачоў.

У Берасці АМАПаўцы атакавалі пратэстоўцаў, распылілі газ. Шмат затрыманых, паведамляе наш карэспандэнт.

Відэа: @binklbinkl

❗️У Пінску людзі разыходзяцца. Акцыя фактычна так і не адбылася, паведамляе наш карэспандэнт.

У Горадні чалавек у штацкім брутуальна затрымлівае мужчыну.

Наш карэспандэнт паведамляе, што затрымліваў кіраўнік гарадзенскага АМАПу, падпалкоўнік Віктар Казіміравіч Краўцэвіч.

Відэа: tut.by

Калону пратэстоўцаў у Віцебску развярнулі каля плошчы Леніна. Народ зноў гуляе ў самым цэнтры, паведамляе карэспандэнт @belsat. На дадзены момант дэманстрантаў каля 300 чалавек.

На вуліцы Кальварыйскай у Менску цяпер.

Фота: МКБ

У Берасці ўлады сёння ўжылі новую тактыку: падзялілі горад па квадратах і блакавалі, каб не даць людзям сабрацца, але народ уся роўна сабраўся, супраць яго АМАП ужыў газ. Былі затрыманні, больш за 30 дакладна.
Таксама гэтым разам людзей было менш, перадае карэспандэнт @belsat

Навагрудак! Відэа ад чытачоў.