💱 Курсы валютаў 7 верасня

На старце тыдня еўра страціў амаль дзве капейкі. Долар таксама саслабеў, але толькі на капейку. Расейскі рубель мінімальна ўмацаваўся.

#курсывалютаў

▪️Пайшла з жыцця дачка пісьменніка Алеся Адамовіча Наталля

Яна шмат гадоў дбала пра захаванне памяці аб сваім бацьку і аб ягонай творчасці. Сам Алесь Адамовіч памёр у 1994-м.

Наталлі Адамовіч сёлета споўнілася 72 гады.

🇺🇦 Кіраўнік ГУР Украіны заяўляе, што на тэрыторыі Беларусі базуецца расейская вайсковая брыгада, што мае на ўзбраенні «Арэшнік»

Адначасова з гэтым Алег Івашчанка падкрэсліў, што прыкметаў актыўнага ўцягвання Беларусі ў вайну на гэты момант не назіраецца, а ўзровень пагрозы для Украіны з тэрыторыі РБ ён ацэньвае як нізкі.

У той жа час праблема са «слыннымі» рэтранслятарамі, паводле генерала, дагэтуль да канца не вырашаная.

✅ Болей інфармацыі па тэме шукайце тут
🔗 Карыстайцеся гэтым лінкам, калі вы ў Беларусі

😨 На трасе М1 перакуліўся цяжкавік. Ён цалкам заблакаваў рух у бок Берасця

Аварыя здарылася ў Дзяржынскім раёне. Аб'ехаць фуру, якая перагарадзіла сабою адразу дзве паласы і ўзбочыну, можна толькі па навакольным полі.

Што справакавала ДТЗ, пакуль не паведамляецца.

💐 Рамантыка менскіх двароў

Сапраўднага сябра гэты маладзён ужо дакладна мае. А пасля такога незвычайнага пэрмофансу, падобна, атрымае і сапраўднае каханне ❣️

Паглядзіце!

🔍 BELPOL сцвярджае, што выявіў чарговае беларускае прадпрыемства, якое працуе на расейскі ВПК. Аднак санкцыі супраць яго не ўводзіліся

Бартавыя сістэмы кіравання і вылічальнікі, прыборныя панэлі, пульты кіравання, маніторы, дысплэі спецыяльнага прызначэння, аўтаматызаваныя працоўныя месцы – усё гэта вырабляе менскае прадпрыемства «Кантактмодуль».

З дакументаў, якія патрапілі ў рукі расследавальнікаў, вынікае, што яно «актыўна працуе ў інтарэсах вайскова-прамысловага комплексу Расеі», мае супрацу з заводамі «абаронкі» ў Пензе, Маскве, Омску і Уладзівастоку.

✅ Больш інфармацыі па тэме шукайце тут
🔗 Спасылка для чытачоў з Беларусі

🤔 Беларусы масава з'язджаюцца ў Менск? Лічбы кажуць пра іншае!

Лукашэнка зноў прапануе стрымліваць наплыў беларусаў у сталіцу. Але калі паглядзець на дэмаграфію, праблема хаваецца зусім у іншым.

📊 Разбіраемся, што насамрэч адбываецца з насельніцтвам сталіцы і рэгіёнаў, у нашай праграме «Атма$фера» на YouTube-канале «БЕЛСАТ NEWS»

👜 Ад баулаў праз мяжу – да цэлых вагонаў кантрабанды

У 90-я людзі ператваралі аўтамабілі ў тайнікі, цягалі праз мяжу баулы і гадзінамі стаялі ў чэргах, каб проста зарабіць на жыццё. Праз тры дзесяцігоддзі кантрабанда нікуды не падзелася.

Толькі цяпер варта спытаць: хто насамрэч займаецца ёю ў найбольшым маштабе?

🎥 Разбіраем феномен памежнага «бізнесу» ў нашай праграме «Каса на камень». Глядзіце на YouTube-канале «БЕЛСАТ HISTORY».

💪 Яна была адзінай жанчынаю ў першым складзе ўраду БНР

Роўна 141 год таму ў Навабеліцы пад Гомлем нарадзілася Палута Бадунова. Яна працавала настаўніцай і сталася адной з ключавых постацяў беларускага нацыянальнага руху пачатку ХХ стагоддзя. За свае перакананні Бадунова прайшла праз арышты ды вымушаную эміграцыю, але і пасля вяртання з яе трагічныя падзеі ейнага жыцця не скончыліся.

☝️Узгадваем жыццёвы шлях нашай выбітнай зямлячкі. Паглядзіце!

💬 «Са мною ніхто не звязаўся, мы самі знайшлі яго ў моргу праз міліцыю»

Жонка мужчыны, які памёр учора падчас менскага паўмарафону, расказала ў сацсетках, як выглядалі ейныя спробы знайсці мужа:

«Сэрца, рэзкі спазм сасудаў. Я ўчора бегала 2 гадзіны яго шукала, распытвала дактароў хуткай, валанцёраў, арганізатараў – ніхто нічога не ведаў. Толькі напрыканцы адзін з арганізатараў пацвердзіў, што ён сышоў з дыстанцыі на 13-м кіламетры. Вось і ўсё, гэта ўся інфармацыя.

Са мною ніхто не звязаўся, мы самі знайшлі яго ў моргу праз міліцыю. Заўтра пахаванне, сёння мы развітваемся з ім у царкве, я не ведаю як гэта вытрымаць».

У шмат якіх дзяржаўных медыях пра інцыдэнт так і не напісалі. У той жа час, сёння ў іх працягвалі выходзіць рэкламныя матэрыялы, звязаныя з менскім паўмарафонам.

🔴 «Студыя Белсат» – галоўныя падзеі дня!

У сённяшнім выданні абмяркуем:

🔸Сумнае адкрыццё: беларускае прадпрыемства працуе на ўзбраенне расейскага войска, а ГУР Украіны заяўляе, што на тэрыторыі Беларусі базуецца расейская вайсковая брыгада, што мае на ўзбраенні «Арэшнік»

🔸Падатак на аўты, які вырас у 5 разоў.

🔸Тым часам 22 беларусаў абвясцілі пагрозай нацыянальнай бяспецы Літвы

🔸А ў Купалаўскі тэатр узялі чарговую акторку з Расеі

🔸За мяжой таксама не самыя файныя навіны — гістарычная перамога ўльтраправых у Нямеччыне

Далучайцеся да нашага эфіру ⤵️

https://youtube.com/live/7Gjs9sgsR5g

🔸 Алесь Бяляцкі выказаўся пра падтрымку Украіны беларусамі

«З першых дзён поўнамаштабнага ўварвання Расеі ва Украіну беларусы выходзілі на вуліцы, каб пратэставаць. Арышты, прастрэленыя калені, жорсткія катаванні і збіццё, невыносныя ўмовы ўтрымання, працяглыя тэрміны – вось што перажылі сотні людзей у Беларусі за свой супраціў агрэсіі Расеі», – заявіў нобэлеўскі лаўрэат у амстэрдамскім культурніцкім цэнтры De Balie.

Праваабаронца нагадаў і рэпрэсаваных у справе «Гаюна». Паводле яго, агульны лік пацярпелых можа дасягаць 1500 чалавек:

«Я быў у турме, калі пачалася поўнамаштабная вайна. Рэжым Лукашэнкі быў і застаецца часткай гэтай злачыннай агрэсіі з самага пачатку, і яго адказнасць відавочная. Лукашэнка і Пуцін не рызыкнулі адправіць беларускія войскі ва Украіну толькі таму, што беларускі народ катэгарычна супраць гэтай вайны. Я бачыў гэта нават у турме.

Гэтая барацьба – за дэмакратыю і правы чалавека ў Беларусі – частка глабальнай барацьбы за чалавечую годнасць. Але беларусы плацяць за яе цяжкую цану – проста цяпер».

Былы палітвязень таксама заклікаў «падтрымліваць Украіну, якая змагаецца за ўсіх нас, і падтрымліваць свабодную і суверэнную Беларусь».

💥 #галоўнае за 7 верасня

✔️З Літвы дэпартаваныя 22 беларусы, якіх прызналі «пагрозаю нацыянальнай бяспецы»

✔️BELPOL сцвярджае, што выявіў чарговае беларускае прадпрыемства, якое працуе на расейскі ВПК. Аднак санкцыі супраць яго не ўводзіліся

✔️Проста на трасе менскага паўмарафону, што адбыўся ў нядзелю, памёр 50-гадовы мужчына. У сацсетках пра гэта пісалі яшчэ ўчора, а сёння інфармацыя пацвердзілася афіцыйна

✔️«Ты посещаешь Мюнхен и Давос, а я в тюрьме ем сечку и овёс». Сяргей Ціханоўскі прэзентаваў чарговы верш, напісаны ў зняволенні

✔️Беларускую «Вікіпедыю» цэнзуруе дзіўны акаўнт, падпісаны як «Мінінфарм Беларусі»

✔️На каго Пуцін можа напасці пасля Украіны? Некалькі магчымых сцэнароў

✔️Ультраправая «Альтэрнатыва для Нямеччыны» перамагла на выбарах у Саксоніі-Ангальт

✔️Кіраўнік ГУР Украіны заяўляе, што на тэрыторыі Беларусі базуецца расейская вайсковая брыгада, што мае на ўзбраенні «Арэшнік»

✔️«Паўзучая русіфікацыя» Дня беларускага пісьменства. На свята беларускай літаратуры ў Касцюковічы прыехаў дзіўны стэнд

✔️Літовец спрабаваў завезці ў Беларусь беспілотнік. Гэта скончылася для яго праблемамі

✔️Пайшла з жыцця дачка пісьменніка Алеся Адамовіча Наталля

✔️Пад Віцебскам загінуў рыбак. Ён зачапіў вудою ЛЭП і атрымаў смяротны электрычны ўдар

#рэпрэсіі:

▫️За «распальванне варожасці» і «садзейнічанне экстрэмізму» асуджаны 73-гадовы пенсіянер з Ваўкавыску. Яму далі «хатнюю хімію»

▫️У Гомлі за «палітыку» асудзілі кіраўніка мясцовага руху, які займаўся пошукам ахвяраў вайны і сталінскіх рэпрэсіяў. Суд адбыўся таксама над ягонай жонкаю

🎵 «Мы зрабілі першы беларускі трылер пра буслянятак»

Беларускі тэхна-гурт Intelligency працягвае разаграваць сваіх прыхільнікаў перад выпускам першага чыста беларускамоўнага альбому.

Вось такі кліп музы́кі прэзентавалі ў сваіх сацсетках. Як вам? 🧐