Жодзінскі БелАЗ працягвае забастоўку.

«Я гатовая прыняць на сябе адказнасць і выступіць у гэты перыяд у якасці нацыянальнага лідара. З тым, каб краіна супакоілася, увайшла ў нармальны рытм».

Святлана Ціханоўская запісала новы зварот да беларусаў.

Прэс-сакратарка Мінздароўя: Ёсць людзі, якія памерлі, не даехаўшы да больніц.

Афіцыйная прадстаўніца Міністэрства аховы здароўя Беларусі Юлія Ваніна пацвердзіла смерці пратэстоўцаў, якія не даехалі да больніц — паведамляе «Комсомольская правда». Паводле яе, тыя, хто трапіў пад апеку медыкаў, трымаюцца: «У больніцах, дзякуй Богу, усіх пакуль выходжваюць. Памерлых няма».

Крыніца: Белсат.

Расшыфроўка звароту Святланы Ціханоўскай:

«Мае дарагія любімыя беларусы! Мы ўсе і нашая краіна перажываем зараз вельмі складаны перыяд сваёй гісторыі. Калі подласць гранічыць з гераізмам, адчай з мужнасцю, а любоў са здрадай. У гэты перыяд мы павінныя зрабіць наш выбар. Гэтага патрабуе ад нас час.

У гэтыя дні, калі мы пахавалі нашых герояў, я плачу разам з вамі. Гэта неверагодная страта для краіны: нявінна забітыя маладыя людзі. Нам неабходна падтрымаць іх сем’і. Іх імёнамі мы абавазяныя ў будучыні назваць вуліцы, іх імёны застануцца ў нашай памяці.

У мяне няма і не было ілюзій адносна сваёй палітычнай кар’еры, я не хацела быць палітыкам, але лёс вырашыў так, што я аказалася на самай першай лініі супрацьстаяння з самавольствам і несправядлівасцю. Лёс і вы, якія паверылі ў мяне, далі мне сілы. І зараз, кожную хвіліну, я захапляюся вашай мужнасцю, вашай самаарганізаванасцю і тым, якія вы ўсе моцныя і светлыя.

Вы аддалі мне свае галасы, і вельмі гэта цаню. Я абсалютна дакладна разумею, чаму вы гэта зрабілі. Мы ўсе хочам выйсці з гэтага бясконцага кола, у якім аказаліся 26 год таму.

Я гатовая прыняць на сябе адказнасць і выступіць у гэты перыяд у якасці нацыянальнага лідара. З тым, каб краіна супакоілася, увайшла ў нармальны рытм. Каб мы вызвалілі ўсіх палітвязняў і як мага хутчэй падрыхтавалі заканадаўчую базу і ўмовы для арганізацыі новых прэзідэнцкіх выбараў. Рэальных, сумленных і праўдзівых выбараў, якія будуць безумоўна прынятыя сусветнай супольнасцю.

За мінулы месяц стала абсалютна відавочна для ўсяго свету, што беларусы гэта людзі, якія ўмеюць самаарганізоўвацца, прымаць правільныя рашэнні, здольныя пастаяць за сябе і сваіх блізкіх.

Але самае галоўнае – што гэта ўсвядомілі мы самыя. Гэтага ўсвядамлення нам не хапала доўгія гады, беларусы сёння праяўляюць цуды гераізму, салідарнасці, прыстойнасці.

Раз за разам мы дэманструем свету сваю адданасць ідэі негвалтоўнага супраціву, і гэтым мы даводзім, што праўда не на баку сілы і зброі, праўда – на баку сілы духа, шчырасці, прыстойнасці і адвагі.

Гэтыя сігналы будуць абавязкова пачутыя, і мы атрымаем у свае рады прыхільнікаў ва ўсім свеце, якія дапамогуць нам прайсці гэты складаны перыяд. У тым ліку мы зможам вярнуць краіне энергію тых беларусаў, якія воляй лёсу апынуліся ў іншых краінах свету. Яны такія ж, як мы, і яны робяць усё магчымае, каб перамены як найхутчэй прыйшлі ў нашае жыццё. Упершыню за доўгія гады мы змаглі стаць адным цэлым: беларусамі, якія любяць сваю краіну.

Зараз мы не маем права згубіць тую станоўчую энергію, тыя пазітыўныя змены ў грамадстве, тую рашучасць, якую здабылі, і з якімі можам змяніць нашу краіну. Пераўтварыць яе з краіны, дзе кіруе карупцыя і гвалт, у краіну дабрабытнага, бяспечнага і шчаслівага жыцця.

Я разумею, што самым важным з’яўляецца незалежнасць Беларусі. Яна – тая канстанта, якая не можа быць згубленая ні пры якіх абставінах.

Маё сэрца кожны раз напаўнялася любоўю і гонарам, калі я даведвалася, што на шматлікіх выбарчых участках камісіі чэсна падлічвалі галасы, ігнаруючы ціск з боку ўлады. І як супрацоўнікі сілавых структураў складвалі шчыты да ног звычайных мірных беларусаў. Гэта ўвойдзе ў гісторыю, як учынкі, якія сталі прыкметай гэтага часу, часу вызвалення.

Я хачу звярнуцца да людзей у форме: беларусы гэта людзі, каторыя не прымаюць гвалту. Беларусы шчодрыя і справядлівыя, і калі вы вырашыце не выконваць злачынныя загады і стаць па баку народу, яны даруюць вам, падтрымаюць вас, у будучыні не папракнуць кепскім словам.

Я думаю, вы самі гэта ўсё ведаеце і разумееце. Таму што мы – адно цэлае, якое хтосьці хоча разарваць і сутыкнуць. Мы – беларусы, мы не маем права падымаць адзін на аднаго руку. Мы павінныя з халоднай галавою ацэньваць тое, што адбываецца, задаючы сабе простае пытанне: «Каму выгадна нашае супрацьстаянне? Хто мае з гэтага найбольшую карысць для сябе?» Мы – адзіныя, і вы павінныя ведаць: мы заўсёды прымем вас, калі вашыя намеры будуць чыстыя, а раскаянне – шчырым.

Сёння як ніколі для нас важныя сілы і цярпенне. Мы выражаем салідарнасць з тымі, хто абараняе свае правы ўсімі мірнымі спосабамі. У тым ліку мірнымі мітынгамі ды забастоўкамі. Мы падтрымліваем адно аднаго, праяўляючы ўзаемадапамогу і салідарнасць. Не пакідаючы адно аднога ў бядзе. І ўвесь свет глядзіць на нас з захапленнем і надзеяй і гатовы дапамагаць як краіне цалкам, так і кожнаму. Нашая сіла – у веры ў сябе і адно аднаго.
Памятаеце: толькі разам мы зможам пабудаваць краіну для жыцця».

Канец расшыфроўкі.

Сёння аб 11 супрацоўнікі АНТ распачынаюць страйк.

Крыніца: Белсат.

Радыё "Сталіца" далучылася да забастоўкі. У эфіры толькі музыка.

Віцебск зараз. Людзі сабраліся ля аблвыканкаму.

Супрацоўнікі БелАЗ: «Ни одно из наших требований, кроме того, что якобы убрали ОМОН из города, не выполнили. Ничего не выполняется, ничего не хотят подписывать, поэтому мы думаем о забастовке. Есть информация, что людей запугивают: говорят, что поувольняют, что по камерам отследят, кто ходил вчера на митинг, и тоже уволят. На нас давят. Но люди сейчас не работают — цеха не закрыты, но народ сидит и ничего не делает. Официально забастовка пока не объявлена»

Крыніца: Onliner.by.

В какой-то момент камера просто направилась на диван, заиграла музыка, а потом и свет выключился. После начали показывать Хатынь.
БТ все же бастует?

БелАЗ у гэтыя хвіліны. Крычаць "Лукашэнка, сыходзь!".

Калона работнікаў Мінскага электратэхнічнага завода дайшла да МТЗ. Рабочыя збіраюцца далей рухацца на падтрымку бастуючых Мінскага зхавода колавых цягачоў, куды хоча прыехаць Лукашэнка. На відэа работнікі МЭТЗ.

Крыніца: Наша Ніва. Відэа: Реальная Беларусь.