Украінскія дроны масава атакавалі заводы Расеі

У Стаўрапалі пашкоджаны завод ААТ «Манакрышталь» – адзін з асноўных вытворцаў сапфіру для оптаэлектроннай прамысловасці. Таксама пад атаку трапіў завод «Нептун», які вырабляе сістэмы кіравання для марскіх суднаў.

Беспілотнікі нанеслі ўдар па Арэнбургскім геліевым заводзе, які лічыцца найбуйнейшым у Еўропе. Гелій адтуль выкарыстоўваецца ў ракетабудаванні.

У Яраслаўлі ўспыхнуў буйны пажар у будынку лакафарбавай кампаніі, якая вырабляе матэрыялы для ваенна-прамысловага комплексу Расеі.

Інфармацыі пра загінулых няма.

🇺🇦 Украіна можа саступіць Расеі тэрыторыі ў абмен на ўмовы

Як піша The Telegraph, Кіеў можа пагадзіцца спыніць баявыя дзеянні і саступіць захопленыя рэгіёны ў абмен на пастаўкі зброі і заходнія гарантыі бяспекі (у тым ліку шлях у NATO).

Уступка тэрыторыяў можа закрануць толькі тыя раёны, якія ўжо фактычна кантралююцца войскам РФ.

Зяленскі заявіў еўрапейскім лідарам, што яны павінны адхіліць любыя прапановы Трампа, паводле якіх Украіна саступіць дадатковыя тэрыторыі. Расеі можа быць дазволена захаваць толькі частку тэрыторый, якую яна ўжо захапіла – піша выданне.

Еўрапейскія лідары таксама на гэтым тыдні прапануюць Трампу «свае довады».

Мікола Статкевіч адзначае шосты дзень нараджэння за кратамі

Сёння палітыку споўнілася 69 гадоў.

Нагадаем, у снежні 2021 года Статкевіча асудзілі на 14 гадоў калоніі. Паводле праваабаронцаў, да палітвязня неаднаразова прымянялі меры спагнання: абвяшчалі вымовы, змяшчалі ў ШЫЗА, пазбаўлялі перадачаў. 9 лютага 2023 года ягоная жонка атрымала апошні на сёння ліст ад мужа.

У 2024 годзе памёр бацька спадара Міколы – Віктар Статкевіч.

🚌 Пасля шэрагу загаранняў цікавасць расейцаў да аўтобусаў МАЗ істотна ўпала

Лічбы продажаў знізіліся як месяц да месяца, так і ў гадавых паказчыках.

Напрыклад, у сакавіку 2025-га МАЗ прадаў у Расею 24 свае новыя аўтобусы. Гэта ў 3,3 разы менш, чым у сакавіку 2024-га.

📍Болей лічбаў знойдзеце па спасылцы

🛑 Патрапіць у Вільню стала яшчэ складаней: перавознік Eurolines адмяніў шэраг рэйсаў на найбліжэйшыя даты

Кампанія спасылаецца на вучэнні «Захад», аднак у профільных тэлеграм-каналах пішуць, што насамрэч у перавозніка праблемы з дакументамі.

📍Чытайце падрабязней

💁🏻‍♂️ Беларускай Instagram-дзіве, што жыве ў Маскве, адмовіліся прадаваць рэчы ў парыжскай краме

«Я проста ў шоку. У першы раз са мной такое адбываецца», – кажа Ева Коктыш у відэа.

Прычынаю стаўся беларускі пашпарт дзяўчыны. Гэтак жа паступілі і з вандроўнікамі з расейскім пашпартам.

🔍 Глядзіце падрабязнасці на старонцы

💱 Курсы валютаў 12 жніўня

На сённяшніх гандляваннях істотных ваганняў курсаў не адбылося. Еўра і расейскі рубель трохі падраслі, а долар мінімальна здаў пазіцыі.

#курсывалютаў

☝️Дональд Туск расказаў, колькі ўкраінцаў і беларусаў дэпартуюць з Польшчы пасля затрыманняў на канцэрце Каржа

Польскі прэм'ер паведаміў, што «добраахвотна альбо прымусова» краіну трэба будзе пакінуць 57 грамадзянам Украіны і 6 беларусам. Супраць усіх былі распачатыя разбіральніцтвы.

📍Чытайце таксама на сайце

🕯Нават не ўдзельнічаў у пратэстах, але ўсё роўна патрапіў у «мясарубку». Прыгадваем Аляксандра Віхора – адну з першых ахвяраў «беспредела» сілавікоў у 2020-м

«У яго ад стрэсу пачаўся нервовы зрыў, ён не зусім сябе адэкватна вёў, іх не слухаўся. Да яго падляцелі і пачалі яго біць так, што гэта было проста жэсць».

📍Чытайце на нашым сайце

☝️У берасцейскім ІЧУ загарэўся дах, зняволеных падчас пажару доўга не эвакуявалі

Пра падрабязнасці здарэння піша @euroradio. Пажар здарыўся ў пятніцу, 8 жніўня. Полымя разгарэлася раніцай, а патушылі дах толькі ў раёне абеду. Самога абеду вязні ў выніку былі пазбаўленыя.

Таксама людзям, якіх трымаюць у ІЧУ (а гэта ў тым ліку затрыманыя на мяжы за «лайкі» і «падпіскі») нічога не паведамлялі пра інцыдэнт, хоць самі вязні заўважылі перабоі са святлом і вадою ў будынку.

Як сцвярджаюць крыніцы @euroradio, пажарныя не змаглі падключыцца да гідрантаў на тэрыторыі ІЧУ і для тушэння полымя давялося шукаць ваду за межамі ізалятара.

🤔 Ці сапраўды ў Польшчы могуць прыняць рашэнне аб дэпартацыі замежніка ўсяго за тры дні?

Паводзіны некаторых наведнікаў канцэрту Макса Каржа, сярод якіх абсалютную большасць складалі ўкраінцы і беларусы, сапраўды выклікалі пытанні. Але няўжо выгнаць іх з Польшчы можна вось так хутка?

Спыталі ў юрыста, ці няма тут парушэнняў з боку польскіх уладаў, а яшчэ як абвінавачаныя могуць аспрэчыць пастановы ў дачыненні сябе.

☝️Глядзіце па спасылцы, што ён адказаў

💁🏻‍♂️ Беларус паскардзіўся на разбітую дарогу. Чыноўнікі ў адказ прапанавалі яму ўзяцца за рамонт самастойна

«Калі ў неабыякавых застаюцца пытанні, развязанне праблемы можна ўзяць у свае рукі: арганізаваць сустрэчу са старшынёй і чальцамі гаражных кааператываў і паўдзельнічаць фінансава ў добраўпарадкаванні», – такі адказ далі прадстаўнікі райвыканкаму на старонках мясцовай газеты.

☝️Падрабязнасці шукайце па спасылцы

🔹Разбіраемся, як маркетплэйс «Wildberries» ужываецца з беларускімі ўладамі, хоць тыя пастаянна маюць да яго нейкія прэтэнзіі

У снежні 2022 года беларусы масава паскардзіліся на «Wildberries» праз уведзеную плату за вяртанне тавараў – ад 1,98 да 3,96 рубля ў залежнасці ад пазіцыі. МАРГ прызнаў патрабаванне незаконным і выдаў прадпісанне аб ліквідацыі парушэння, аднак кампанія яго не выканала.

Гэта толькі адзін з дзясяткаў міні-скандалаў, у якія патрапляла расейская кампанія. Тым не менш, улады РБ не праганяюць яе з рынку.

☝️Сабралі шмат інфармацыі па тэме ў нашым матэрыяле

🔴 «Абʼектыў» і «Студыя Белсат» – галоўныя падзеі дня!

У сённяшнім выданні:

🔸 Раптоўная адмена рэйсаў Eurolines і «Менсктрансу» па маршруце Менск-Вільня. Што вядома? Альтэрнатыўныя спосабы дабрацца да Вільні

🔸 Арэнда жытла даражэе значна хутчэй, чым набыццё жылплошчы ва ўласнаць у сталіцы. Кошт жа квадратнага метру набліжаецца да $2000 за «квадрат»

🔸 Сталі вядомыя даты правядзення вучэнняў «Захад-2025»

🔸 Што чакаюць ад перамоваў на Алясцы?

🔸 63 асобы, сярод якіх 57 украінцаў і шасцёра беларусаў, будуць высланы з Польшчы пасля беспарадкаў на канцэрце Макса Каржа. Тлумачым, шта там адбылося

🔸 У Акадэміі мастацтваў аб’ядналі факультэт экранных мастацтваў і тэатральны факультэт

Далучайцеся да нашага эфіру ⤵️