Крыху пра нашу рэгулярную рубрыку «ДЗ» для новых падпісчыкаў.
Што гэта, і навошта яго рабіць?

Так, гэта дамашняе заданне, разгорнуты адказ на пэўнае пытанне, але не на ацэнку і без прымусу.
Навошта гэта нам і вам? Мэта адна — каб вы практыкаваліся пісаць і даносіць свае думкі па-беларуску.

Ну і якая тэорыя без практыкі?! Калі вы яшчэ не забыліся, на мінулых занятках у нас была даволі гарачая і цікавая тэма. 💥 Таму лавіце наступнае дамашняе заданне!

🎙️Раскажыце як вы ставіцеся да лаянкі і ці лаецеся па-беларуску (або пачняце гэта рабіць пасля нашых мінулых заняткаў?).
Як часта вы ўвогуле выкарыстоўваеце лаянку ў звычайным жыцці (на любой мове), якія сітуацыі могуць выклікаць такія бурныя эмоцыі, што варта выкарыстаць моцнае слоўца?
Распісваць можна (і варта) ва ўсіх падрабязнасцях, выкарыстоўваючы яскравыя прыклады. 😉 Аўтарскія фантазіі таксама вітаюцца!

👇🏻 Свае дамашнія заданні можна пакідаць прама тут, у каментарыях пад гэтым допісам.

І чакаем вас у чацвер на занятках!
🤗

🟢 НАВАЛА

✅ 1. Нашэсце ворага.
Адолець навалу.
✅ 2. Бяда, няшчасце.
Страшэнная навала.
✅ 3. Вялікая колькасць каго-, чаго-небудзь.
✅ 4. Нешта цяжкае, непрыемнае, што навісае над чалавекам.
Навала безвыходнасці.

#слоўнік

💬Пагуляем ва «Улюбёны»?

Вы пішаце адказ на пытанне ў папярэднім каментарыі і пішаце наступнаму чалавеку сваё пытанне пра нешта ўлюбёнае.

🔥Пагналі!!

▫️Які ваш улюбёны колер?

🖐🏻 А пакуль мы рыхтуемся да сённяшняй сустрэчы вечарам, то вось вам адно пытанне з віктарыны, якая вас чакае. 😉

🎶 Што за песня?

Як не адгадаеце адразу, то падказка пазней у каментах будзе.

🔥 Ну топ! Топ? Вы топ!

Акумулятар пазітыву дагэтуль ніяк не разраджаецца.

👉🏻 Дамашняе заданне тут.
😉 Толькі не халтурыць.
👌🏻 100 слоў сама менш.

🟢 БІРУЛЬКА

✅ 1. Маленькая точаная фігурка, якая ўжываецца ў гульні, дзе трэба дастаць адну за адной такія фігуркі, не зварухнуўшы астатніх.
✅ 2. Падвеска на ланцужку кішэннага гадзінніка, бранзалета і падобнага як упрыгожанне.

🔸 Гуляць ў бірулькі (размоўнае, неадабральнае) — займацца пустымі справамі, марна траціць час.

#слоўнік

Добрага вам тыдня. 👋🏻

📖 Часцей за ўсё, пры выражэнні прычынных адносін, сустракаецца прыназоўнік з-за.

• З-за яго столькі непрыемнасцей.
• З-за пробкі на дарозе яна спазнілася на спатканне.

☝🏻 Але не забывайцеся, што на гэтым жа месцы можа быць і прыназоўнік праз.

• Добрым чалавекам я стаў праз маіх бацькоў.
• Вось праз такую недарэчнасць нашы планы і не ажыццявіліся.

💥 Бум! Вечар з Вінцуком Вячоркам.

💬 Ставім плюс у каменты, каб у чацвер атрымаць спасылку.

❗️ Увага!
Спасылка будзе новая. Таму не спрабуйце заходзіць па старой.

Стаўце сабе будзільнік або напамінак на чацвер 19:00, каб не забыцца. 😁

📚 Адна з даволі частых памылак — гэта няправільны выбар між падабаецца і спадабаецца.

❗️ Запомніце.

ПАДАБАЕЦЦА (што робіць?) — гэта тут і цяпер нам падабаецца нешта.

🔹Мне падабаецца гэтая праграма.
🔹Ім падабаецца гэтая дзяўчына.
🔹Яму падабаецца піць каву з малаком.

А СПАДАБАЕЦЦА (што зробіць?) — гэта ў будучыні, або як выказванне здагадкі, што камусьці нешта можа спадабацца.

🔸Паспрабуй гэтую праграму. Я думаю, яна табе спадабаецца.
🔸Гэтая дзяўчына проста супер. Яна спадабаецца ім на кастынгу.
🔸Няхай ён спярша пакаштуе! Можа яму спадабаецца піць каву з малаком.

Можаце параўнаць яшчэ і так:

▫️Мне хочацца (падабаецца) гуляць у футбол.
▫️Мне захочацца (спадабаецца) гуляць у футбол.

Тут на канале і так бывае разбор некаторых частых памылак, але запускаем асобную рубрыку #частыяпамылкі. Як вам такая ідэя?

Можаце прапаноўваць нам нейкія прыклады частых памылак, а мы пастараемся разабрацца з імі разам з вамі.

Такім чынам, на здымку бачым памылку?

◻️ НА ЖАЛЬ пішацца асобна.

Адна з частых памылак — пісаць
«нажаль» разам.

❔ Як праверыць ❔

Можам падставіць слова паміж на і жаль. На вялікі жаль.

#частыяпамылкі

🚀 З файнымі людзьмі і час ляціць што ракета.

🟢 ВЯХОТКА

1. Тое што і мачалка.
2. Абрэзкі тканіны, рыззё (старое, падранае адзенне; анучы, старызна).

#слоўнік

Сябры, гэты канал існуе ўжо 136 дзён, але і дагэтуль тут няма 136 падпісчыкаў. 😀

Пакажыце @mnmahiliou сваім сябрам і знаёмым, каб беларуская мова захапіла ўвесь свет. 😈

Пра любімыя стравы 🍔 гаварылі, пра кіно 🎬 гаварылі, пра музыку 🎸гаварылі, пра нашы хобі не гаварылі. Дык давайце ў гэты чацвер і пагаворым пра гэта.

📅 18 лютага а 19:00 сустракаемся ў Zoom.

Вас чакае 2 часткі:
1️⃣ Разбіраемся з правапісам спалучэнняў зычных.
2️⃣ Заўсёдная моўная размінка, гаворым пра нашы хобі, міні-віктарынка.

💬 Каб атрымаць спасылку на канферэнцыю, пастаўце плюс у каменты — і яна будзе ў вас у чацвер зранку.

❤️ Нядаўна праходзіў Дзень закаханых.
Мы неяк абмінулі гэтую тэму.

Ну што ж, выпраўляемся.
🤣🤣🤣
Давайце парагочам!

Як назваць гэтую штуку па-беларуску? 🔞

#жарты