😎 Крыху ўскладняем нашы гульні ў каментарыях.

Пагуляем у Бурымэ?

👉🏻 Вы пішаце 4 радкі на дадзеныя рыфмы і пішаце свае 2 пары рыфмаў для наступнага чалавека.

Напрыклад, у нас ёсць:
кот — кампот; воцат — посуд.

На цёплай печы дзіўны кот,
У жываце ў яго — кампот.
Гэта добра, што не воцат.
Затое ўмее мыць ён посуд!

👇🏻 Пагналі!

сук — пацук, плед — паэт

📅 У гэты чацвер пра экалогію.

Вас чакаюць 2 часткі:
1️⃣ Працуем з беларускай. Тэорыя, тэсты, практыкаванні.
(19:05-20:00) 📚
2️⃣ Гаворым пра экалогію, пра наш уплыў на навакольнае асяроддзе. Абмеркаванне, дыскусія і вось гэта во ўсё. (20:05-21:00)

💬 Каб атрымаць спасылку на канферэнцыю, пастаўце плюс у каменты — і яна будзе ў вас у чацвер зранку.

Даўно ў нас не было простых побытавых тэм.🙃 У гэты чацвер традыцыйныя моўныя заняткі. Запрашаем!

Вас чакаюць 2 часткі:
1️⃣ Працуем з беларускай, разбіраем правапіс вялікіх і малых літар. Тэорыя, тэсты, практыкаванні.
(19:05-20:00) 📚
2️⃣ Размаўляем пра рэчы, што бачым навокал штодзённа, ці ўсе назвы будуць вам знаёмыя па-беларуску?😉 (20:05-21:00)

💬 Каб атрымаць спасылку на канферэнцыю, пастаўце плюс у каменты — і яна будзе ў вас у чацвер зранку.

У гэты чацвер спрэчная тэма. Мы не нясём адказнасці, калі дзесьці штосьці падгарыць. 😅

Вас чакаюць 2 часткі:
1️⃣ Традыцыйна працуем з беларускай. Тэорыя, тэсты, практыкаванні.
(19:05-20:00) 📚
2️⃣ Дыскутуем пра набалелае. Пурызм ці не? Ёсць што сказаць — скажыце! Меркаванні, думкі, дыскусіі (без пераходу на асобы) вітаюцца😉 (20:05-21:00)

💬 Каб атрымаць спасылку на канферэнцыю, пастаўце плюс у каменты — і яна будзе ў вас у чацвер зранку.

P.S. спасылка гэтым разам будзе іншая, лайфхак зайсці па старой не атрымаецца, таму адзначайцеся ў каментах.

Мінулыя заняткі былі месцамі даволі эмацыйнымі і напружанымі, таму гэтым разам усё будзе прасцей. 😅

Ужо заўтра вас чакаюць 2 часткі:
1️⃣ Традыцыйна працуем з беларускай. Тэорыя, тэсты, практыкаванні.
(19:05-20:00) 📚
2️⃣ Гаворым, гуляем у эліас, проста прыемна бавім вечар😉 (20:05-21:00)

💬 Каб атрымаць спасылку на канферэнцыю, пастаўце плюс у каменты — і яна будзе ў вас заўтра зранку.

Завяршаем сезон!

І традыцыйна вас чакаюць 2 часткі:
1️⃣ Працуем з беларускай. Тэорыя, тэсты, практыкаванні.
(19:05-20:00) 📚
2️⃣ Не задавайце пытанні, адказ на якія вы можаце знайсці самі. Раскажам як гэта. 🧐
Таксама падводзім вынікі, прымаем зваротную сувязь, крытыку, пажаданні. 😉 (20:05-21:00)

💬 Каб атрымаць спасылку на канферэнцыю, пастаўце плюс у каменты — і яна будзе ў вас у чацвер зранку.

🤘🏻 Добрага дня!

Вось матэрыялы з мінулых заняткаў.

Тлумачальныя слоўнікі:

1️⃣ Тлумачальны слоўнік беларускай мовы (1977-1984)
2️⃣ Тлумачальны слоўнік беларускай літаратурнай мовы (2016)

📲 Або можаце глядзець слоўнік нумар 1️⃣ на сайце skarnik.by ці праз праграму Skarnik на вашым смартфоне.

Граматычна-арфаграфічныя слоўнікі:

➡️ Усе яны ёсць на рэсурсе slounik.org

1️⃣ Слоўнік беларускай мовы (2012)

2️⃣
• Граматычны назоўніка (2008 або 2013)
• Граматычны дзеяслова (2008 або 2013)
• Граматычны прыметніка, займенніка, лічэбніка, прыслоўя (2008 або 2013)

Памятаем пра адрозненні гадоў выдання і ў які лепш глядзець пры разнабоі і спрэчных момантах.

☝🏻 Ну і калі што не шукаецца або не выходзіць зрабіць, то пішыце сюды. Будзем разам разбірацца.

🟢 ПОТАРЧ

✅ 1. Старчаком, у вертыкальным становішчы.
Бервяно стаяла потарч.
✅ 2. Тарчма, тварам уніз.
Ляцець потарч.

#слоўнік

🟢 КОПТУР, КАПТУР

У выразе: з коптурам (каптуром) — вышэй краёў; з верхам.
Набраць пакет нагетсаў з коптурам.

🟢 КАПТУР

1️⃣ Дзіцячы або жаночы галаўны ўбор, які завязваецца пад падбародкам і пакідае адкрытым толькі твар.
👉🏻 Казка Шарля Перо «Чырвоны каптурок».

2️⃣ Невялікі дах, заслона, навес конусападобнай формы над чым-небудзь.
3️⃣ (абласное слова) Верх печы ў выглядзе дзвюх сценак, якія ўзвышаюцца над ляжанкай.

#слоўнік

Трошкі тыктокерскіх штучак вам…

❓ Камусьці цікавая велатэма?

🔸Як чуецца так і пішацца?
🔸Тарашкевіца перадае адметныя рысы вымаўлення пры напісанні?

Тады як вам такое?

Ёсць такі цудоўны прыназоўнік «без» у нас. Пішацца заўсёды нязменна, але мае тузін варыянтаў вымаўлення.

Размаўляйце па-беларуску, гаварыце прыгожа.

#памятка

Бывае, што беларускія словы прыжываюцца ў рускай мове беларусаў, і тады мы маем розныя «чирвоные зорьки» і блытаніну з націскам у слове «крапива».

Вось і слова куфар, як назва ўсім вядомай пляцоўкі для продажу ўжываных рэчаў і не толькі, стала адаптавацца на рускую.

•••Часценька цяпер можна пачуць «на куфаре».

❕ Але давайце запамінаць як па-беларуску.

🔹 КУФАР
🔹 БЕЗ КУФРА
🔹 ДАЦЬ КУФРУ
🔹 З КУФРАМ
🔹 НА КУФРЫ