Вітаем. На пару хвілінак затрымайцеся.

Як ужо сказалі пра века, то давайце разбяромся і з падобнымі прадметамі. Чым і што мы можам яшчэ накрываць або закрываць?

⬇️⬇️⬇️⬇️⬇️

🟢 НАКРЫЎКА

Тое, чым накрываюць што-небудзь зверху.
Накрыўка каструлі.

🟢 КОРАК

Закупорка для бутэлек.
Выцягнуць штопарам корак.

⬆️⬆️⬆️⬆️⬆️

Пра адрозненне між накрыўкай і векам пачытайце тут.
Паводле гэтага разбору, калі караценька, века — неад'емная частка прадмета, які яно накрывае, а накрыўка — здымаецца і поўнасцю прыбіраецца.

У многіх узнікае пытанне з назвай накручанай на бутэльку штучкі, якая яе закрывае. Смела называйце яе накрыўкай.

Корак жа, як бачым з прыкладу, не накрывае, не накручваецца, а затыкае, закупорвае рыльца бутэлькі або іншай падобнай пасудзіны.

Дзе-нідзе даводзілася сустракаць слова «корак» у якасці апісання вялікай колькасці машын, якія перашкаджаюць руху. Гэтая з'ява па-беларуску называецца пробкай або заторам.

Усё, дружа, дзякуй за ўвагу.

#слоўнік #памятка

🟢 БЛЯХА

✅ 1. Тонкае ліставое жалеза або асобны ліст такога жалеза.
Накрыць хату бляхай.
✅ 2. Знак у выглядзе металічнай пласцінкі з надпісам або нумарам, які сведчыць аб службовых абавязках таго, хто яго носіць.
Бляха на грудзях.
✅ 3. Тонкі ліст жалеза з загнутымі краямі, на якім пякуць або смажаць што-небудзь.

|| памянш. бляшка
|| прым. бляшаны (да 1 значэння)

#слоўнік

🔥 Мы вяртаемся!

Вы ведаеце што рабіць.

Ставім плюс у каменты, каб атрымаць спасылку.

🟢 БРАКАРОБ
Той хто дапускае брак у рабоце, нядобрасумленны работнік.

🟢 БРАКАЎШЧЫК, БРАКАЎШЧЫЦА
Той, хто правярае што-небудзь на якасць, устанаўлівае брак.

❗️Во як! Трэба не блытаць.

А таксама...

🟢 БРАКЁР
Тое што і бракаўшчык.

А, напрыклад, няякасныя тавары —
БРАКОЎНЫЯ або БРАКАВАНЫЯ.

Таксама ў беларускай мове слова брак мае значэнне адсутнасці, недахопу чаго-небудзь.
Брак паперы. Бракуе ведаў для правільнага адказу на пытанне віктарыны.

💕А рускае БРАК (сямейны саюз)— па-беларуску ШЛЮБ, вядома.

#слоўнік

🔥 Як вас многа ў новым годзе.
Як мае быць.

Не будзе лішнім паўтарэнне.

❕Вы зараз можаце здзівіцца, але вы толькі гляньце куды тут ставіцца націск.

▫️ Чаго вы крычыце?
▫️ Сумна, бо вы маўчыце.

Прызнавайцеся. Вы гаворыце не так?
А як тады зразумець
і як жа ставіць націск у такіх выпадках?

Зрабілі для гэтага вам простую інструкцыю (глядзіце відарыс👆🏻).

А цяпер давайце патрэніруемся і праверым як вы яе разумееце.
💬Пішыце ў каменты наступныя словы ў форме другой асобы множнага ліку
(вы «што робіце?»).

Прыклад: слухаць — вы слухаеце.

пісаць
наладзіць
пачаць
аддаваць
паляцець
захоўваць

#памятка

🔥 DZ 2021
Заданне з зорачкай:
шукайце памылку. 😉

ЛІЧБАВІЗАЦЫЯ 2.0

💾💿🖥💻📱📡

Чалавеку патрэбны камп’ютар. А камп’ютару патрэбны чалавек?

✅Ставім плюс у каментах.
✅Атрымліваем спасылку.
✅Далучаемся у чацвер у Zoom а 19:00.

P.S. 001110101110101000111001

💬Пагуляем у «Антонімы»?

Вы пішаце антонім (супрацьлеглае значэнне) да слова ў папярэднім каментарыі і прапаноўваеце наступнаму чалавеку сваё слова.

Пагналі!!

— Халодны.
— Гарачы. Прыгожы...

Мы ўжо раней пісалі пра слова СТАСАВАЦЦА і яго значэнне.

Але многім так хочацца сказаць «стасавацца» ў значэнні рускага «общаться».

❕Так рабіць непажадана.

— Крытыкуеш? Прапануй!
— Прапануем.

✏️Выбірайце ў адпаведных сітуацыях словы якія падыходзяць і не ламаюць сэнс існуючых слоў. Не набліжайце адну мову да другой.
У беларускай можа не быць нейкага адпаведніка рускаму слову, якое абазначае пэўнае разуменне чаго-небудзь, як і наадварот. І гэта нармальна, гэта своеасаблівасці моў.

Вось вам беларускія адпаведнікі, і гэта не самы поўны спіс.

⬇️⬇️⬇️

мець зносіны
таварышаваць
братацца
кантактаваць
вадзіцца з кім
знацца
калегаваць
сябраваць
дружыць
весці гутарку

💬А паспрабаваць свае сілы ў перакладзе з рускай на беларускую можаце ніжэй у каментах.👇🏻

#памятка

ВЫПАДАК.
Нашы пастаянныя студэнты ўжо добра ведаюць дзе тут націск ставіцца.
Праўда ж? 😁

Закрыць тэму «Лічбавізацыя»?
❌Скасаваць ✅Добра

👉🏻✅Добра

📅26 СТУДЗЕНЯ АЎТОРАК 19:00

🔞Лаемся па-беларуску з
Уладзіславам Гарбацкім

Не! З ім мы лаяцца не будзем, з ім мы будзем гаварыць. 😄

Уладзіслаў Гарбацкі — палітолаг, сацыялінгвіст, выкладчык Еўрапейскага гуманітарнага ўніверсітэта. Вось ужо сем гадоў даследуе беларускую лаянку. Аўтар шматлікіх семінараў «Брэшамся па-беларуску».
© Onliner.by

💬Стаўце плюс у каментах і ў панядзелак атрымаеце запрашальную спасылку.👇🏻

Сябры!
Мова Нанова рыхтуе выпуск вінілавых магнітаў для аўто.

◻️ Нам патрэбны вашы ідэі.

❔ Што можна намаляваць, напісаць на такім магніце? Прапаноўвайце нейкі слоган, слова, нейкую серыю слоў або фраз, аб’яднаных адной тэмай.

💬Свае прапановы пішыце адразу ў каментах.

Магчыма ваша ідэя будзе ездзіць на чыім-небудзь аўтамабілі. 😉

😮 Новае дамашняе заданне тут.
✏️ Практыкуемся ў пісьменнасці!

Чакаем вашы выдуманыя і сапраўдныя гісторыі на 100 слоў мінімум. 😉

Добры артыкул з нашым заўтрашнім госцем.
❕ Парадаксальна, але не чытайце яго, а лепш заходзьце заўтра і пачуйце гэта ўсё ўжывую.
Таксама зможаце задаць нейкія пытанні.

🟢 ІКОЛ
(2, 3, 4 іклы; 5, 6, 7, 8, 9 іклоў)

✅ 1. Зуб, які знаходзіцца непасрэдна за разцамі ў чалавека і млекакормячых.
✅ 2. Зуб вялікіх памераў, які выступае з рота ў некаторых жывёлін і служыць для нападу і абароны.

Ікол тыгра. Іклаты воўк.

#слоўнік

🔥 Было весела, цікава і пазнавальна.
👇🏻 Праўда? 💬