Выйшла новая кніга паэта і мастака Андрэя Бурсава 📗

У выдавецтве Skaryna Press выйшла трэцяя паэтычная кніга паэта і мастака Андрэя Бурсава з назвай “Сонм-Трава”.

Выданне склалі тэксты з папярэдніх зборнікаў, новыя вершы і тэксты, якія на працягу гадоў заставаліся раскіданыя па сеціве, вершы, напісаныя па-ангельску, і пераклады з розных моваў.

Падрабязней 👈

Як літаратурна правесці тыдзень у Мінску:

🌼30 красавіка: чаяванне з унучкай Якуба Коласа Марыяй Міцкевіч.

🌼30 красавіка: хуткія літаратурныя знаёмствы ў музеі Багдановіча.

🌼1 траўня: тэматычная экскурсія "Броўка і сацрэалізм".

🌼1 траўня: сустрэча літаратурнай школы "Тэкст" у музеі Багдановіча.

Gutenberg анансуе прыгодніцкі раман для падлеткаў 📖

Выдавецтва Gutenberg Publisher падзялілася навіной пра хуткі выхад з друку кнігі “Вера — дачка флібусцьера” Валянціна Вяркеева.

Прыгодніцкі раман з’явіцца ў продажы 20 траўня, а пакуль можна перадзамовіць кнігу праз сайт выдавецтва.

Падрабязней ⬅️

Выйшаў паэтычны зборнік Алеся Стружко 📓

У выдавецтве “Логвінаў” пабачыла свет навінка — зборнік вершаў Алеся Стружко “Камякі”. Кніга складаецца з 50 вершаў.

✍️ Аўтар называе іх “камякамі” і тлумачыць гэта тым, што кожны тэкст перад з’яўленнем “прайшоў цярністы шлях ад сэрца да горла”.

Падрабязней 👈

8 траўня: "Дзень адчыненых дзвярэй" выдавецтва "Пфляўмбаўм" у Вільні 📚

На імпрэзе галоўная рэдактарка Алена Казлова і дырэктарка Нэрынга Левансявічутэ раскажуць пра гісторыю і працу беларускага выдавецтва, якое працуе ў выгнанні ў Літве, а таксама пра кніжныя навінкі.

У другой частцы імпрэзы пройдзе прэзентацыя кнігі "Раз на дваццаць пяць тысяч гадоў" і аўтограф-сэсія пісьменніцы Анкі Упалы (Алена Казлова), якая раскажа пра сваю найноўшую аповесць.

Мадэраваць сустрэчу будзе пісьменнік, перакладчык і знаўца літаратуры Ўладзіслаў Гарбацкі.

🛍 Напрыканцы можна будзе задаваць пытанні і купіць кнігі выдавецтва "Пфляўмбаўм".

📍8 траўня (чацвер), 18.00, Беларускі музей імя Івана Луцкевіча (Vilniaus g. 20). Уваход вольны.

📚 14 траўня: Андрэй Хадановіч і Таццяна Нядбай выступяць на фестывалі Silesius ва Уроцлаве.

У межах паэтычнага фестывалю Silesius адбудзецца імпрэза Андрэя Хадановіча і Таццяны Нядбай пад назвай "Гэты край нас яшчэ не раструшчыў...".

Тэма гутаркі: жыццё і вершатворчасць у вымушанай эміграцыі. Вядучая сустрэчы — перакладчыца беларускай прозы і паэзіі Яанна Бернатовіч. Пераклад — Сяргей Дубіна.

🗓 14 траўня, 17:00, Wrocławski Dom Literatury (Przejście Garncarskie 2).

🖇 10-ты Міжнародны паэтычны фестываль Silesius пройдзе з 13 па 18 траўня ва Уроцлаве. Падрабязная праграма фэсту тут.

Хайку Уладзіміра Сцяпана выйшлі кнігай у Францыі 🇫🇷

У французскім выдавецтве Érès выйшла кніга-білінгва з хайку Уладзіміра Сцяпана. Пераклад на французскую мову — Яны Гульцяевай і Даніэлы Фожрас (Danièle Faugeras).

Падрабязней 👈

Пісьменнік і журналіст Сяргей Дубавец у падкаст-праекце "Літаратурныя зацемкі" спецыяльна для сайта Bellit.info працягвае апавядаць пра Вільню, гэтым разам у фокусе віленская беларушчына, якая ніколі не была савецкай.

Героі гэтага эпізода — Уладзімір Жылка, Міхась Машара, Антон Луцкевіч, Янка Купала і іншыя пісьменнікі і пісьменніцы.

✍️ Выпуск даступны ў звыклым аўдыяфармаце, а таксама ў тэкставай версіі.

Слухаць і чытаць ⬅️

“Доўгая дарога дадому” — Андрэй Хадановіч прачытае цыкл лекцый пра літаратуру 📚

6 траўня ва Уроцлаве Андрэй Хадановіч пачне чытаць цыкл лекцый пра беларускую літаратуру, які называецца “Доўгая дарога дадому”.

🖇 Першая лекцыя “Я вас не баюся” будзе прысвечаная Васілю Быкаву.

Падрабязней 👈

Паэма Тодара Кляшторнага “Калі асядае муць” з'явілася ў аўдыяверсіі 🔊

Ініцыятыва “Непаслухмяныя Дзеці Кастрычніка”, якая агучвае “літаратуру турбулентных часоў”, апублікавала на сваім YouTube-канале аўдыяверсію паэмы Тодара Кляшторнага “Калі асядае муць” (упершыню публікавалася ў 1927-1928 гадах).

Падрабязней ⬅️

Юля Цімафеева і Альгерд Бахарэвіч выступяць у Літве 📚

9-10 траўня беларускія пісьменнікі ўдзельнічаюць у імпрэзах у межах Ковенскага міжнароднага літаратурнага тыдня (Kauno literatūros savaitė), а таксама сустракаюцца з чытачамі ў Вільні 11 траўня.

📖 Пачытаць падрабязней пра мерапрыемствы фестывалю ў Коўна з удзелам беларусаў можна па спасылцы.

А 11 траўня а 17.00 адбудзецца сустрэча з Альгердам Бахарэвічам і Юляй Цімафеевай у Вільні. Імпрэза адбудзецца па-беларуску.
📍Віленскі беларускі музэй імя Івана Луцкевіча (Vilniaus g. 20)

Гарадзенскі музыка Дзяніс Трусаў выдаў раман па-беларуску 📖

У выдавецтве фонда “Камунікат” выйшаў постмадэрнісцкі раман-пазл “Боў і мерць у Хротне” гарадзенца Дзяніса Трусава, які аўтар перапрацаваў і пераклаў з расейскай мовы.

Кнігу ўжо можна замовіць праз анлайн-краму выдавецтва.

Падрабязней 👈

Беларускі і польскі філосафы напісалі сумесную кнігу 📕

Беларускі і польскі філосафы Павел Баркоўскі і Анджэй Гняздоўскі (Andrzej Gniazdowski) напісалі сумесную працу, якая прысвечана асэнсаванню цяперашняга беларускага шляху і падзеяў польскай “Салідарнасці” з фенаменалагічнага пункту гледжання.

Выданне выйшла ў выдавецтве Інстытута філасофіі і сацыялогіі Польскай Акадэміі навук.

Дзе купіць і калі прэзентацыя 👈

Беларускі музей у Вільні аблічбоўвае ўнікальны кніжны збор 📖

Віленскі беларускі музей імя Івана Луцкевіча падзяліўся грунтоўнымі планамі па пераводзе кніг з бібліятэкі ў лічбавы фармат у межах праекту “Баркулаб”.

Сярод першых аблічбаваных кніг “Беларускі спеўнік” Станіслава Станкевіча і паэма Лявона Случаніна.

Падрабязней ⬅️

Падборка літаратурных рэзідэнцый з хуткімі дэдлайнамі:

✔️Literary Residency Warsaw
Для каго: пiсьменнiкi/-цы, драматургі/-ні, перакладчыкі/-цы з Беларусі і Украіны з мінімум адной выдадзенай кнігай / перакладам / пастаўленай п’есай.
Калі: ліпень — снежань 2025 (2–8 тыдняў).
🔺Дэдлайн: 12 траўня. Падаць заяўку

✔️Literary Residency Gdańsk
Для каго: для аўтараў(-к) з Беларусі, Украіны і Польшчы з мінімум адной выдадзенай кнігай, перакладчыкаў(-ц) на польскую мову; даследчыкаў(-ц) творчасці Марыі Яніён.
Калі: чэрвень — снежань 2025 (2–6 тыдняў).
🔺Дэдлайн: 16 траўня. Падаць заяўку

✔️Poetic Frequencies Residency ў Германіі
Для каго: паэты/-кі, звязаныя з адным з UNESCO Cities of Literature.
Калі: 1 верасня – 30 лістапада 2025.
🔺Дэдлайн: 18 траўня. Падаць заяўку

✔️Ronald Duncan Stipends for Southwest Writing 2025 у Англіі
Для каго: для аўтараў(-к), якія маюць сувязь з South West Англіі альбо з UNESCO Cities of Literature.
Калі: верасень 2025 — жнівень 2026
🔺Дэдлайн: 15 чэрвеня. Падаць заяўку