Адкрыта перадзамова на тры дзіцячыя навінкі ад выдавецтва Słowianka 📚

Выдавецтва Słowianka адкрыла перадзамову на сваёй інтэрнэт-старонцы на тры новыя дзіцячыя кнігі: казку ад Маляваныча, гісторыю ад Аляксандры Хамянок ды пераклад з партугальскай Аны Марыі Машаду.

Замовіць можна як кожную кнігу асобна, так і камплектам.

Падрабязней 👈

З'явіўся ўнікальны даведнік па беларускіх псеўданімах ад Янкі Саламевіча 🔥

У выдавецтве “Тэхналогія” выйшаў унікальны слоўнік-даведнік “Беларускія псеўданімы і крыптанімы (XVI–XX стст.)” аўтарства Янкі Саламевіча.

Гэта грунтоўнае энцыклапедычнае выданне мае больш як 700 старонак.

Падрабязней ⬅️

29 кастрычніка: прэзентацыя кнігі Таццяны Кухаронак "Святочны час: народныя звычаі і павер’і ў аповедах беларусаў" у Мінску 📖

Выданне прапануе новыя перспектывы да разумення таго, што такое свята ў народнай культуры беларусаў. Асаблівасць кнігі — дзясяткі галасоў беларускіх вяскоўцаў з усіх рэгіёнаў краіны, сабраных у палявых інтэрв'ю, якія расказваюць, што такое для іх святочны час і якія традыцыі беларусаў яго ствараюць і зберагаюць.

Мадэратар сустрэчы — Сяргей Грунтоў.

📍29 кастрычніка, 18.00, Музей Якуба Коласа (вул. Акадэмічная, 5)

📚 Распачаўся збор сродкаў на кнігу пра народныя спевы старавераў Беларусі.

У канцы 2024 году ў выдавецтве “Скарына” мае выйсці ўнікальная кніга этнамузыколага Вольгі Барышнікавай “І даўней так пелі. Музычны фальклор старавераў паўночна-заходняй Беларусі”.

Цяпер адкрыты збор сродкаў на выданне праз краўдфандынгавую платформу Gronka.org.

Падрабязней ⬅️

З'явіўся аўдыяспектакль пра трагічны лёс паэткі Наталлі Вішнеўскай 🖤

Выдавецтва "Пфляўмбаўм" і Audiobooks выпусцілі адмысловы рэліз да Ночы расстраляных паэтаў: аўдыяспектакль “Нікому я гэтага не казала” — гэта спроба аднавіць забыты лёс і творчую спадчыну беларускай паэткі Наталлі Вішнеўскай, яркай зоркі літаратурнага Мінска 1920—30-х гадоў.

Падрабязней 👈

Ноч з 29 на 30 кастрычніка 1937 года — страшная ноч у беларускай гісторыі, бо ў гэтую ноч НКУС расстраляла больш за 100 чалавек, сярод якіх было шмат літаратараў 🕯

Невінаватасць большасці з расстраляных пазней была прызнана савецкімі ўладамі, яны былі пасмяротна рэабілітаваныя.

У дзень памяці расстраляных творцаў мы прапануем вам падборку відэаматэрыялаў пра гэтых літаратараў.

Чытаць🪻

***
Я ня знаю, што будзе заўтра:
мне сягоння — апошняй мяжой;
дні стаяць сталёваю вартай
паміж будучынай і мной.

Знаю толькі — будзе другое,
заквітнеюць другія дні…
Сёняшняе ўсё і дарагое
непатрэбным стане другім.

Можа, заўтра будуць смяяцца,
можа, будуць смяяцца з поэта…
Зарастуць дарогі рутай-мятай,
зарастуць дарогі белым цьветам.

Гэтак кніга — адкрылі і закрылі,
прачыталі — дый зноў на паліцу…
Бачу Будучыну з сінімі крыламі,
Стану і буду ёй маліцца.

Алесь Дудар

🖤 Афіша памятных імпрэзаў

📺 Відэаматэрыялы пра расстраляных (лекцыі, вершы, песні)

✍️ Вершы расстраляных і рэпрасаваных літаратараў

🌠 Cайт "Ноч паэтаў"

Выйшаў кастрычніцкі нумар “Літаратурнай Беларусі”, тэмай якога стала памяць пра крывавую ноч з 29 на 30 кастрычніка 1937 году.

Таксама чытачы знойдуць у выпуску эсэ Ганны Севярынец, пераклады з польскай паэзіі Мікалая МІшчанчука, водгукі на кнігі "Вандроўнік. Дарогамі Міколы Купрэева",
"Volumen.3" Міхала Бараноўскага і "Вольнеры. Бясконцы дзень" Валерыя Гапеева і шмат іншых цікавых тэкстаў.

Спампаваць 🖇

Беларускія выдавецтвы выпусцілі вельмі прыгожыя календары на 2025 год 😍

Бліжэй да канца 2024 году беларускія друкары пачалі выпускаць календары на новы 2025-ы. Настольныя ды насценныя на розны густ.

Прапаноўваем звярнуць увагу на тры з іх 🗓

Кніга “Я з вогненнай вёскі…” выйшла па-нямецку 📕

Дакументальная кніга аўтарства Алеся Адамовіча, Янкі Брыля і Уладзіміра Калесніка “Я з вогненнай вёскі…” упершыню з’явілася па-нямецку ў перакладзе з беларускай мовы Томаса Вайлера (Thomas Weiler).

Падрабязней ⬅️

2 і 3 лістапада фестываль інтэлектуальнай кнігі PRADMOVA запрашае на разнастайныя анлайн-падзеі, якія дазволяць паглыбіцца ў свет сучаснай беларускай літаратуры, культуры і мастацтва.

У праграме: дыскусія пра эка-пісьмо, майстар-клас па агучцы кніг ад Крысціны Дробыш, дыскусія вакол беларускага перакладу "Марсіяніна", прэзентацыя кнігі "Мое Баба — Діректор Морга” Вольгі Аполька і шмат іншых цікавых імпрэз.

📺 Трансляцыі імпрэз будуць дасяжныя у суполцы фестываля ў Facebook і на Youtube-канале.

Глядзець праграму 📝

2 лістапада: падарожжа па Стаўбцоўшчыне разам з музеем Якуба Коласа 🚌

Падчас падарожжа напярэдадні дня нараджэння класіка вы зможаце:
✔️ушанаваць памяць Якуба Коласа ўскладаннем кветак да помніка ў Стоўбцах і да бюста ў вёсцы Мікалаеўшчына;
✔️наведаць мемарыяльныя сядзібы Акінчыцы і Альбуць, дзе вас чакаюць забаўляльныя і экскурсійныя праграмы;
✔️завітаць у Старасвержанскі Дом культуры і паслухаць канцэртную праграму “З музыкай да Коласа”.

📖Кошт падарожжа – 40р. Запіс і папярэдняя аплата ў памеры 20 рублёў – абавязковыя.

Запісацца ⬅️

Стала вядома, калі і дзе ўручаць Прэмію Гедройця 🏆

🍁Цырымонія ўручэння прэміі імя Ежы Гедройця пройдзе ў Гданьску (Польшча) 26 лістапада.

Журы назаве тры найлепшыя кнігі за 2023 год, напісаныя ў жанры мастацкай або дакументальнай прозы. Таксама 25 і 26 лістапада ў Гданьску пройдуць сустрэчы з беларускімі аўтаркамі і аўтарамі, выстава, кніжны кірмаш і яшчэ шмат чаго цікавага.

Падрабязней ⬅️

Выйшаў зборнік навагодніх песень ад Таццяны Грыневіч ❄️

Музыка, спявачка і нястомная папулярызатарка беларускай культуры Таццяна Грыневіч, выдала зборнік з аўтарскімі святочнымі песнямі на вершы беларускіх паэтаў.

Адмыслова да Калядных святаў яна сабрала калекцыю навагодніх песень пад адну вокладку і выдала ў Варшаве.

Падрабязней 👈

“Чырвоны крыж” Сашы Філіпенкі выйдзе па-беларуску 📕

У студзені на беларускай мове ў выдавецтве Gutenberg выйдзе раман “Чырвоны крыж” Сашы Філіпенкі. Цяпер адкрытая перадзамова на сайце выдавецтва.

Раней у 2024 годзе Gutenberg Publisher выпусціла ў беларускіх перакладах два іншыя раманы Сашы Філіпенкі: “Былы сын” і “Крэмулятар”.

Падрабязней 📖