✊ 25 красавіка 1868 года ў 🔝 Парэччы (сёння 🏹 Пінскі раён Брэсцкай вобласці) нарадзіўся мецэнат, будучы дэпутат Дзярждумы Расейскай імперыі, прэм'ер-міністр БНР, сенатар міжваеннай Польшчы Раман Скірмунт.

🌰 Належаў да шляхецкага роду Скірмунтаў гербу «Дуб».

Пра сваё паходжанне Раман Скірмунт пісаў:

«Я сам ураджэнец беларускага Палесся, нашчадак літоўскай сям’і, са старажытных часоў, спакон вякоў аселай у гэтым краі, і мае продкі да XVII ст. карысталіся беларускай мовай як хатняй»

У 1906 годзе па пратэкцыі Эдварда Вайніловіча быў абраны дэпутатам (ад Мінскай губерні) у I Дзяржаўную Думы Расійскай Імперыі.

З 27 сакавіка па 10 ліпеня 1917 г. — старшыня Беларускага нацыянальнага камітэта ў Мінску. У красавіку 1917 г. узначаліў беларускую дэлегацыю да Часовага ўрада Расіі (які кантраляваў цэнтральную і ўсходнюю тэрыторыі Беларусі разам з Мінскам) з патрабаваннем аўтаноміі Беларусі.

Удзельнічаў у Першым Усебеларускім з’ездзе, які праходзіў у Мінску і быў выбраны ў склад рады з’езда. У красавіку 1918 годзе увайшоў у Раду Беларускай Народнай Рэспублікі, у траўні 1918 годзе яму даручана фарміраванне новага складу Народнага сакратарыяту Беларусі, з 9 ліпеня 1918 годзе — прэм’ер ураду БНР і сакратар міжнародных спраў.

У польска-савецкую вайну імкнуўся не дапусціць падзелу Беларусі паміж процілеглымі бакамі. Адзін з заснавальнікаў Польска-беларускага таварыства ў Варшаве. Выказваўся за стварэнне польска-беларускай федэрацыі.

У 1930 быў выбраны сенатарам ад Палескага ваяводства. Выступаў супраць паланізацыі беларускага насельніцтва.

Быў забіты мясцовымі жыхарамі вёскі Парэчча на загад савецкага камісара Холадава.

7 кастрычніка 1939 года ў пад роднай вёскай Парэчча быў забіты мясцовымі сялянамі па загаду НКУС.

Падчас забойства людзі плакалі, а Скірмунт сказаў:

«Я з вамы прошчаюса назаўжды. Спадзяюся, што нікому не зрабіў кепскага».

🎮 26 красавіка — 40-я гадавіна аварыі на Чарнобыльскай АЭС.

26 красавіка 1986 года адбылася аварыя на Чарнобыльскай АЭС — адна з найбуйнейшых тэхнагенных катастроф у гісторыі. Пра яе штогод нагадваюць у Міжнародны дзень памяці аб Чарнобыльскай катастрофе.

У выніку выбуху чацвёртага энергаблока ў навакольнае асяроддзе трапіла каля 200 розных радыенуклідаў. Значная іх частка выпала на тэрыторыі Беларусі. Радыяцыйнае забруджанне закранула 3678 населеных пунктаў, у якіх пражывалі каля 2,2 мільёна чалавек. Шэраг вёсак і гарадоў пасля аварыі апусцеў і спыніў існаванне.

Катастрофа забрала жыцці і паўплывала на здароўе і лёсы мільёнаў беларускіх сем’яў. Памяць пра гэтыя падзеі застаецца важнай і сёння.

У гэты ж дзень адзначаецца і гадавіна заснавання Праваабарончага цэнтра «Вясна». Арганізацыя была створана ў 1996 годзе — у дзясятую гадавіну аварыі — каб дапамагаць людзям, якія сутыкнуліся з парушэннямі правоў чалавека.

Цікавыя факты

Пасля заканчэння факультэта журналістыкі БДУ будучая Нобелеўская лаўрэатка Святлана Алексіевіч, аўтарка кнігі «Чарнобыльская малітва», была накіравана на працу ў раённую газету ў горадзе 🌳Бяроза Брэсцкай вобласці.

У 12 гадоў Святлана Піліпчук (цяпер Святлана Ціханоўская), ураджэнка 🪷Мікашэвічаў 🪷 Лунінецкага раёна Брэсцкай вобласці, упершыню пабывала ў Ірландыі па праграме «Дзеці Чарнобыля».

Чытайце таксама:

☢️ Мерапрыемствы да Дня памяці Чарнобыльскай аварыі 2026

☢️ Закінутыя сядзібы ў зоне адчужэння: як сёння выглядае гісторыя, пакінутая пасля Чарнобыля