Генадзь Коршунаў распавядае пра аблокі словаў, якія склаліся з апісанняў беларускіх палітыкаў паводле звестак даследавання “Народнага апытання”.

Вось што атрымалася:

▪️ Святлана Ціханоўская мае вельмі маналітнае воблака асацыяцый з абсалютным дамінаваннем яе статусу прэзідэнткі і лідаркі;
▪️ у Паўла Латушкі пікавымі вызначэннямі з’яўляюцца яго актуальны занятак і мінулы статус – “палітык” і “дыпламат”;
▪️ для Франака Вячоркі асноўнымі характарыстыкамі з’яўляюцца словы “палітык” і “дарадца”;
▪️ у Валерыя Сахашчыка фактычна дамінуе адзіны комплекс акрэсленняў, які тым ці іншым чынам фіксуе яго прыналежнасць да вайсковай сферы;
▪️ у Зянона Пазняка агульнай характарыстыкай можа быць словазлучэнне “сівая нацыянальная легенда”,
▪️ ва ўспрыняцці рэспандэнтамі Вадзіма Пракоп’ева адчуваецца яўны перакос на медыйны складнік яго дзейнасці;
▪️ на вобразе Аляксандра Азарава відавочна адбіўся скандал з планам “Перамога”.

👉 Паглядзець аблокі словаў і чытаць артыкул
👉 Чытаць без VPN
👉 Падпісацца на рассылку па пошце

Калі глядзець на колькасць спроб нелегальна перасекчы межы Беларусі з краінамі ЕЗ за бягучы тыдзень, то можна заўважыць наступнае:

1. на мяжы з Літвой шосты дзень запар - абсалютны штыль, нелегальных перасячэнняў не заўважана ні аднаго,

2. на мяжы з Польшчай зараз у сярэднім за дзень адзначаецца крыху болей за 30 такіх спроб (на мінулым тыдні было ў сярэднім 75, на пазамінулым - 81),

3. на латвійскай мяжы ж замест зніжэння маем уздым - калі на мінулым тыдні такіх спроб было 60, на пазамінулым - 74, то за тры дні бягучага тыдню ўжо маем 160. Калі тэмп захаваецца, то на гэтым тыдні колькасць спроб нелегальна патрапіць з Беларусі ў Латвію можа сягнуць максімума гэтага года. А можа і не толькі гэтага.

Увогуле, нічога дзіўнага. Ужо некалькі разоў такое было, калі каб знізіць напружанне на мяжы з Польшчай ці Літвой, мігранцкія патокі перанакіроўвалі менавіта на Латвію. Такое было ўзімку 2022 года, увосень 2023 года...

Вось і зараз, атрымаўшы супер празрыстыя нацякі што ад Польшчы, што ад Кітая, беларускі рэжым нібы змяньшае ціск на свае заходнія межы. Але ж мігрантаў трэба кудысьці скіроўваць - вось іх і кідаюць на Латвію.

Чаму менавіта на Латвію? А таму што куды яшчэ? Як я пісаў амаль год таму : "нічога асабістага, проста куды ж іх накіроўваць трэба. Ну і вось, трымайце".

А так, нават калі яны цалкам перавядуць патокі на Латвію, крызісу на межах што з Польшчай, што з Літвой гэта ніяк рады не дасць.

Бо як перавялі адсюль, так назад і вернуць.

Калі хто сочыць за сітуацыяй на межах...

Сапраўды, выглядае на тое, што польска-кітайскі "ультыматум" спрацаваў. За мінулы тыдзень агулам адбылося толькі крыху болей за 450 спроб нелегальна перасекчы межы Беларусі з краінамі ЕЗ. Апошні раз такія мінімумы былі чатыры сесяцы таму - ў пачатку сакавіка.

Ну і так. Патокі мігрантаў прыбіраюць ад беларуска-польскай мяжы і па-ранейшаму не дазваляюць сваволіць на мяжы з Літвой (тут, дарэчы, абсалютны штыль ужо 10 дзён запар).

За гэта ўсё прыходзіцца расплачвацца Латвіі: за мінулы тыдзень яе памежнікі спынілі амаль 300 нелегальных спроб пранікнення на сваю тэрыторыю. Гэта максімум з лістапада мінулага года.

BY / RU

Шаноўнае спадарства, паважаныя беларусы!

Цэнтр новых ідэй і BEROC пачынаюць даследаванне розных груп беларускай дыяспары.

Калі Вы беларус ці беларуска і жывяце ў Польшчы, Літве ці Германіі больш з 10 гадоў, альбо патрапілі ў гэтыя краіны пасля 2021 года – запрашаем Вас прыняць удзел у нашым даследаванні, якое дапаможа беларусам замежжа лепей зразумець тое, што нас яднае і чым мы адрозніваемся адзін ад аднаго.

Кірую працоўнай групай я, сацыёлаг Генадзь Коршунаў. Даследаванне будзе праводзіцца ў фармаце глыбінных інтервью, гэта зум-размова працягласцю хвілін па 30-40. Размова цалкам ананімная матэрыялы інтэрвью будуць выкарыстоўвацца толькі ў абагуленым выглядзе.

Калі Вы зацікавіліся, калі ласка, напішыце мне, Генадзю Коршунаву, у ФБ-мэсэнджэры (https://www.facebook.com/KorshunauGenadz) альбо у Тэлеграме (https://t.me/Piatrovich).

P.S. Прашу, па магчымасці, расшараў і рэпостаў.


Уважаемые белорусы!

Центр новых идей и BEROC начинают исследования различных групп белорусской диаспоры.
Если вы белорус и живете в Польше, Литве или Германии более 10 лет, либо приехали в эти страны после 2021 года, мы приглашаем вас принять участие в исследовании, которое поможет белорусам зарубежья лучше понять, что нас объединяет и что делает нас разными.

Рабочей группой руковожу я, Генадзь Коршунов. Исследование будет проводиться в формате глубинного интервью, это зум-беседа продолжительностью минут 30-40. Разговор исключительно анонимный, материалы интервью будут использоваться только в обобщенном виде.

Если Вы заинтересовались, пожалуйста, напишите мне, Генадзю Коршунову, в ФБ-мессенджере (https://www.facebook.com/KorshunauGenadz) или в Телеграме (https://t.me/Piatrovich).

P.S. Прошу, по возможности, шеров и репостов.

Генадзь Коршунаў паглядзеў, якія грамадскія ініцыятывы і суполкі ведаюць беларусы.

🥇 Полк імя Кастуся Каліноўскага, кіберпартызанаў і праваабарончы цэнтр “Вясна” ведаюць практычна 9 з 10 апытаных.
🥈 “Беларускі Гаюн”, ByPol, BySol і план “Перамога” ведаюць 2 з 3 апытаных.

Што тычыцца карыснасці арганізацый і ініцыятыў для Беларусі, то вынікі такія:

"Полк імя Кастуся Каліноўскага, кіберпартызаны і ПЦ “Вясна” – застаюцца і лідарамі паводле карыснасці для Беларусі.
У другой групе адносна мінулага года мы маем значныя змены. Па-першае, тут застаюцца “Беларускі Гаюн” і BySol, у якіх ацэнкі карыснасці падвысіліся на 9 і 11 п.п. адпаведна. Па-другое, сюды трапляюць ByHelp і BelPol, пра якія не пыталі ў мінулым годзе. Па-трэцяе, з групы выпалі ByPol і план “Перамога”. У ByPol’а ацэнкі карыснасці для Беларусі ўпалі ў 2 разы, у плана “Перамога” – на траціну".

👉 Чытаць і глядзець інфаграфіку!
👉 Чытаць без VPN
👉 Падпісацца на рассылку па пошце

Цяпер перыядычна даводзіцца чытаць, што колькасць атак мігрантамі на межы краін ЕС упала і крызіс на межах амаль вырашаны. Генадзь Коршунаў паказвае, што крызіс не толькі не вырашаны, а хутчэй нарошчвае патэнцыял для будучага развіцця.

"Тэндэнцыі ў дынаміцы колькасці спробаў нелегальна трапіць у ЕС з тэрыторыі Беларусі перасталі выклікаць аптымізм. Мінулы тыдзень быў першым за апошнія 2 месяцы, калі ўстойлівы трэнд на зніжэнне нападаў на межы зламаўся. Калі ў першы тыдзень ліпеня такіх было крыху больш за 470, то на мінулым тыдні ўжо больш за 570 — гэта рост на прыкладна 20%, што шмат".

👉 Чытаць артыкул
👉 Чытаць без VPN
👉 Падпісацца на рассылку па пошце

Шаноўнае спадарства, вялікі дзякуй усім, хто адгукнуўся на заклік прыняць удзел у даследчыцкім праекце з глыбіннымі інтэрв'ю пра беларускую дыяспару. Мы зрабілі ўжо добрую частку інтэрв'ю, але не хапае беларусаў_ак, якія з'ехалі ў Літву і Германію да 2020 года.

Калі гэта Вы, калі ласка, напішыце мне ў ФБ-мэсэнджэры (https://www.facebook.com/KorshunauGenadz) альбо у Тэлеграме (https://t.me/Piatrovich).

Запрашаем на анлайн-прэзентацыю вынікаў даследавання Цэнтра новых ідэй

⏰Калі: 31 ліпеня, 11:00 (Варшава), 12:00 (Мінск, Вільнюс)

У трэцяй справаздачы па даследаванні «Барометр рэпрэсій у Беларусі» Цэнтр новых ідэй паказвае на лічбах, што ціск на беларускае грамадства працягвае расці.

У 2024 годзе рэпрэсіі супраць тых, каго рэжым Лукашэнкі лічыць сваімі апанентамі, толькі ўзмацняюцца — для разумення дынамікі даследчыкі ЦНІ ўзялі максімальна дасяжныя лічбы, якія характарызуюць эвалюцыю рэпрэсіўнага ціску з 2020 года.

🔸Спікеры:

Генадзь Коршунаў, старшы даследчык Цэнтра новых ідэй і аўтар даследавання;
Вольга Смалянка, дырэктарка Цэнтра прававой трансфармацыі Lawtrend;
Павел Сапелка, юрыст праваабарончага цэнтру «Вясна».

👉Рэгістрацыя

➡️ Сайт / Instagram / Facebook Прэс-клуба

Калі хто сочыць за статыстыкай колькасцяў нелегальных спроб патрапіць у ЕЗ з Беларусі - то вось апошнія дадзеныя. Як бачна, ужо амаль 6 тыдняў гэтыя колькасці не выходзяць за межы калідора прыкладна ў 500-600 спроб за тыдзень.

Калі хто сочыць за статыстыкай спраў на межах. Зараз маем рэкрд не толькі з чргамі на памежных пераходах, але і увогуле на мяжы - на гэтым тыдні адзначыўся рэкорд за апошнія 7 тыдняў. Агулам нелегальных спроб перасекчы межы было каля семісот. Апошнім разам нешта такое назіралася ў сярэдзіне чэрвеня. Зразумела, што сітуацыя пакуль змянілася не радыкальна. Але, здаецца, трэнд на змену зацішша можа быць.

Кітайска-польскія пагрозы "астылі"? Ці то не яны былі, а намаганні не злаваць Захад больш неабходнага перад вызваленнем Красікава?

Амаль палова апытаных лічыць, што ў 2020 годзе трэба было пераходзіць да сілавога супраціву 👊

Генадзь Коршунаў дзеліцца свежымі вынікамі сацыялагічнага даследавання аб стаўленні прадэмакратычных беларусаў да падзеяў 2020-2021 гадоў.

Вось якія высновы робіць старшы даследчык ЦНІ:

▪️ Колькасць тых, хто не расчароўваецца ў сваіх дзеяннях падчас гарачага 2020-га года, не змяншаецца. Як і ва ўсіх папярэдніх замерах, пераважная большасць (больш за 90%) адзначае, што дзейнічалі б таксама, як і тады, або больш актыўна.
▪️ Галоўнымі прычынамі, праз якія ў 2020 годзе пратэснаму руху не ўдалося дамагчыся зняцця Лукашэнкі і правядзення новых прэзідэнцкіх выбараў, апытаныя лічаць падтрымку Лукашэнкі з боку Пуціна, моцны сілавы апарат рэжыму і мірны характар пратэстаў. Так, амаль палова апытаных лічыць, што ў 2020-ым годзе трэба было пераходзіць да сілавога супраціву.
▪️ Палова апытаных дасюль аспрэчвае ідэю аб тым, што пратэсны рух атрымаў паразу.

👉 Чытаць
👉 Чытаць без VPN
👉 Падпісацца на рассылку па пошце

Затрыманых на мяжы латвійскіх маладжёнаў Мінск адпусьціў дамоў. З'явілася інфармацыя, што тэарэтычна Пачобут мог пагадзіцца на выезд з Беларусі. А на мінулым тыдні колькасць мігрантаў была тым жа мінімуме, як і 5 тыдняў таму.

Заўтра ў фонда Байсол дзень народзінаў - выдатная нагода зрабіць падарунак!
https://bysol.org/be/bs/school2024/

Папулярнасць расійскіх серыялаў, турэмная культура, войны — як гэта паўплывала на каштоўнасці беларусак і беларусаў і на нашае стаўленне да гвалту?

Пасля 2020 году нарадзіўся мем, што беларусы — коцікі. Што для нас непрымальны гвалт, што мы ўсё робім па правілах. Але ці сапраўды гэта так? Ці гэта толькі прыгожы міф?

У Беларусі былі неверагодна папулярнымі фільмы і серыяла пра бандытаў, знятыя ў Расіі: “Брат”, “Брыгада” і ім падобныя. Можна было б сказаць, што гэта засталося ў мінулым, але нядаўні серыял “Слова пацана” кажа аб іншым.

Да таго ж, праблема хатняга гвалту застаецца вельмі вострай. Нават па афіцыйных звестках кожны год міліцыя рэгіструе 80 тысяч паведамленняў аб гвалце ў сям’і — і гэта толькі зафіксаваныя выпадкі. А кожнае трэцяе забойства ў Беларусі здзяйсняецца рукамі блізкіх. І не трэба забываць, што ўвесь той масавы гвалт, які распачаўся з 2020 года, робіцца таксама рукамі беларусаў і беларусак.

З другога боку, можна ўзгадаць масавыя мірныя пратэсты. Асэнсавана негвалтоўны супраціў. Павагу да правілаў і законаў.

Дык ўсё ж такі, ці ёсць сярод каштоўнасцяў беларусак і беларусаў культ сілы? Як мы ставімся да гвалту? Прапануем абмеркаваць падчас новай дыскусіі *Сумленных людзей. Удзельнікі дыскусіі:

— Генадзь Коршунаў, сацыёлаг, старшы даследчык Цэнтра новых ідэй
— Кацярына Раецкая, вядоўца, прадусарка тэле- і відэакантэнта
— Тарас Тарналіцкі, журналіст, кінааглядальнік
— Ксенія Малюкова, каардынатарка медыя-праекта Girls Power Belarus
— Вадзім Мажэйка, палітычны аналітык

Рэгістрацыя на анлайн-дыскусію ў зуме: https://us06web.zoom.us/webinar/register/WN_ItjuT1wBRm-YxHn8IGO9Hw

Калі вы знаходзіцеся ў Беларусі ці плануеце ехаць у краіну да дэмакратычных зменаў, памятайце, калі ласка, пра правілы бяспекі: карыстайцеся псеўданімам падчас дыскусіі.

Да сустрэчы!

@honestpeople_by
#мычестныелюди #мысумленныялюдзі #каштоўнасці

Генадзь Коршунаў працягвае аналізаваць вынікі даследаванняў 2022-га, 2023-га і 2024-га гадоў. Цяпер у фокусе ўвагі маштабы рэпрэсій і тое, як адчувае гэта беларускае грамадства.

"Праваабаронцы кажуць, што з пачатку прэзідэнцкай кампаніі каля 65 тыс. чалавек былі затрыманыя паводле палітычных матываў. Наколькі гэта шмат?

Для параўнання: гэта ў 5 разоў больш, чым было інтэрнавана ў Польшчы падчас усяго ваеннага становішча 1981-1983 гадоў. Гэта супастаўляльна з тым, напрыклад, каб цягам 4 гадоў у Даніі за краты кінулі больш за 33 тыс. чалавек, у Вялікай Брытаніі – больш за 370 тыс. чалавек, а ў Германіі – амаль 500 тыс., у ЗША – амаль 2 млн. чалавек".

👉 Чытаць
👉 Чытаць без VPN
👉 Падпісацца на рассылку па пошце

Генадзь Коршунаў пра перспектывы беларускай мовы:

“Зараз статус беларускай мовы змяніўся вельмі моцна. У тым сэнсе, што цяпер беларуская мова — гэта мова супраціву, гэта становіцца мова інтэлігенцыі. Зараз беларуская мова можа стаць моднай: як моладзь кажа, яна можа стаць сэксі.

Беларуская мова і ідэнтычнасць мусяць быць паказнікам моцы, моды, якасці”.

Згодны? Стаўце ❤️

BY/RU
Вітаю шаноўнае спадарства!
Мы працягваем вялікі праект па вывучэнню новых дыяспар, якія стварыліся перш за ўсё ў Еўропе пасля падзей 2020-22 гадоў. Зараз для ананімных глыбінных інтэрвью мы шукаем грамадзян Расіі, якія пасля 2022 года з'ехалі з Расіі і цяпер знаходзяцца ў Польшчы (магчымыя і іншыя краіны, але перш за ўсё цікавіць Польшча).
Інтэрвью цалкам ананімнае, працягласцю хвілін на 30-40.
Буду ўдзячны, калі хто запросіць да ўдзелу ў даследаванні сваіх знаёмых ці калег.
Для сувязі можна карыстацца ці ФБ-мэсэнджэрам (https://www.facebook.com/KorshunauGenadz/), ці пісаць мне ў ТГ- https://t.me/Piatrovich

Мы продолжаем большой проект по изучению новых диаспор, образовавшихся преимущественно в Европе после событий 2020-2022 годов. Для анонимных глубинных интервью в настоящее время мы ищем граждан России, покинувших Россию после 2022 года и находящихся сейчас в Польше (возможны и другие страны, но нас в первую очередь интересует Польша).
Интервью полностью анонимное, длится 30-40 минут.
Буду признателен, если кто-то пригласит своих знакомых или коллег принять участие в исследовании.
Для связи можете использовать мессенджер ФБ (https://www.facebook.com/KorshunauGenadz/) или написать мне в ТГ - https://t.me/Piatrovich

Як вы ацэніваеце стан беларускай дыяспары, ці трэба беларускім НДА супрацоўнічаць з украінскімі і расейскімі і паміж якімі групамі беларусаў_к ёсць супярэчанні? Новае апытанне

Ініцыятыва «Народнае Апытанне» запускае чарговае даследаванне прадэмакратычных беларусаў і беларусак. Новая анкета прысвечана шэрагу пытанняў як для беларусаў_к замежжа, так і для тых, хто жыве ў Беларусі. Як вы адаптуецеся ў новай краіне, як бы вы ацэнілі стан беларускай дыяспары, ці трэба ёй развіваць супрацоўніцтва з украінскімі і расійскімі НДА і не толькі. Асобныя блокі даследавання месцяць пытанні пра тое, ці існуюць адрозненні і супярэчанні паміж рознымі групамі беларусаў і беларусак, а таксама пра некаторыя палітычныя погляды.

Удзельнічайце на зручнай для вас платформе!
👉 Прайсці апытанне ў Telegram
👉 Прайсці апытанне ў Viber

📌 Каб прайсці новае апытанне, можа спатрэбіцца выдаліць бот і адкрыць/падпісацца на яго зноў.

📌 Спасылкі на Народнае Апытанне прызналі «экстрэмісцкімі матэрыяламі». Што мы прапануем для вашай бяспекі.

Дзіўнае робіцца на межах. Усе кажуць, што там цішэе, а лічбы сведчаць, што пакрысе напруга такі расьце... Вось, напрыклад, на мінулым тыдні маем рэкрд па колькасьці атак на беларуска-польскую мяжу - максімум за апошнія 13 тыдняў (больш за 800 спроб). Ну і агульная колькасць спроб нелегальна перакрочыць мяжу таксама максімальная для таго ж тэрміну - амаль 1000.

На межах працягвае рабіцца дзіўнае, але з іншага боку. Ва ўсе мінулыя гады, натуральна з 2021 і па 2023 год пікі крызісу на межах прыпадалі на кастрычнік-лістапад. А гэтым годам па першых тыднях лістапада назіраецца не рост ціску на межы, а, наадварот, зніжэнне актыўнасці мігрантаў.

На мінулым тыдні дык увогуле маем мінімальную колькасць спроб патрапіць у краіны ЕС з Беларусі аж з канца лютага - усяго крыху болей за 450 кейсаў. Традыцыйна большая колькасць адзначаецца на беларуска-польскай мяжы, меньшая - на мяжы з Латвіяй, на мяжы з Літвой - крыху болей чым "каля нуля".

З чым тое звазана, - ці то проста з надвор'ем, ці з чарговай спробай беларускіх уладаў камусьці "падміргнуць", - пакуль незразумела...