#ижтимоий_бекат
#хуш_келгин_янги_йил

📝 Малика Салимова

ЭСКИ ЙИЛ

Бугун сўнги кунинг.
Охирги марта,
Сенинг тонгинг бўлиб ёришди фалак.
Одамлар янгисин олқишлар пайти,
Мен сени кўнглингни ололмай ҳалак.

Бугун охирги кун,
Эртадан бошлаб,
Сенинг бир лаҳзанга сиғмайди ҳаддим.
Ҳамма янги йилни турса олқишлаб,
Мен сени кузатиб туриб...
Йиғладим!

Тугаб бораяпсан,
Ҳақдир ибтидо,
Якун бор ҳар неда билолмам нега?
Ҳатто бор давлатим қилсам ҳам фидо,
Олиб қололмайман бир дақиқага!

Хизматинг ўтадинг, муҳлатинг битти,
Ўрнингга келарни муштоқ кутурлар.
Сенинг китобингни беркитиб шартта,
Ҳотира юртига сургун этурлар.

Кимлар қувондилар сендан беқиёс,
Кимнинг ҳаётида қаро нуқтасан.
Борақол, норизо бўлма,илтимос,
Энди иложи йўқ бугун кетмасанг!

Бизни кузатиб боринг!
Каналга уланиш: 👉 https://t.me/Bekobodtumanihokimligi