#Ижтимоий_бекат
#Мутолаа

📚 Замондош шоирамиз Зебо Мирзо шериятига назар

📖

Чидайсизми,
жимгина мендек-
Қонингизда ёнган оловга?
Ёнингизга бир куни борсам,
Бермайсизми..
кейин бировга?
Мен сиз учун қайта яралдим.
Яшаяпман бир хаёл, бир туш…
Ўтинаман,
сиз уни ушланг,
Қўлингиздан учмасин у қуш.

Бизни кузатиб боринг!
Каналга уланиш: https://t.me/Bekobodtumanihokimligi

#Ижтимоий_бекат
#Мутолаа

📖 Ўткир Ҳошимов

Келин

Битта болали бўлгунча қайнонасини "ойижон" деди. Иккита болали бўлгач "ойи" деди.
Учта болали бўлганда "анави" деди. Боласи тўртта бўлгандан кейин "отинг ўчгур" дейдиган бўлди.
Унинг тўртта ўғли бор. Худо хоҳласа, тўртта келин кўради.


Бизни кузатиб боринг!
Каналга уланиш: https://t.me/Bekobodtumanihokimligi

#мутолаа

БОЛАГА КИТОБ БЕРИНГ!

Осмонларда юрганлар,
Олтин сарой қурганлар,
“Не берай?” – деб турганлар,
Болага китоб беринг!

Бола оққуш, оқ каптар,
Дунёлардан бехабар,
Ёвузлик топмай хабар,
Болага китоб беринг!

Қинғир йўлга кирмасдан,
Пешонага урмасдан,
Кимдир пичоқ бермасдан,
Болага китоб беринг!

Интернет деган аждар,
Симидан оқар заҳар,
“Дод” демай рўзи маҳшар,
Болага китоб беринг!

“Кел!” – дея имлар тузоқ,
Қабр қазир, қазир чоҳ,
Минг-минг астағфируллоҳ,
Болага китоб беринг!

Кўзи очиқ кўрмасдан,
Шайтон йўлдан урмасдан,
Отадан юз бурмасдан,
Болага китоб беринг!

Хонлар каби юрганлар,
Хонсаройлар қурганлар,
“Не берай?” – деб турганлар,
Болага китоб беринг!

“Лисон ут-тайр”ларим,
Юракка сайрларим,
Авлиёзод нурларим,
Болага китоб беринг!

Кўзларни очиш керак,
Ғафлатдан қочиш керак,
Қанот чиқариш керак,
Болага китоб беринг!

Дерсиз: “Пул йиғиш керак...
Олтину кумуш керак...”
Худодан қўрқиш керак,
Болага китоб беринг!

Кўкрак кериб юрганлар,
Кўркам сарой қурганлар,
“Не берай?” – деб турганлар,
Болага китоб беринг!

Хазинайи жаҳон у,
Кичик Абу Райҳон у,
Сизга қараб ҳайрон у,
Болага китоб беринг!

Бухорий – сарварим у,
Термизий – анварим у,
Маҳмуд Замахшарий у,
Болага китоб беринг!

Кескир қилич бўлсин у,
Китобга ўч бўлсин у,
Енгилмас куч бўлсин у,
Болага китоб беринг!

Навоийни билсин у,
Ёнингизга келсин у,
Бахтли бола бўлсин у,
Болага китоб беринг!

Осмонларда юрганлар,
Олтин сарой қурганлар,
“Не берай?” – деб турганлар,
Болага китоб беринг!

Зулфия Мўминова.
@Bekobod_tumani_Qizlar_ovozi

#ижтимоий_бекат
​​#мутолаа

📖📖📖


🔖 Ёлғончининг ёлғончилиги — унинг энг енгил гуноҳидир.

📌 Худо инсонни бир умр бахт излаш азоби билан жазолаган.

🔖 Унинг “кўтарилиши” ҳам, “йиқилиши” ҳам ақллилик балоси эди.

📌 Ўлимдан бир умр қўрқамиз, у эса бир келади. Қайси бири ёмон?

🔖 Шундай йилларни кўрдикки, бахтли бўлиш уят эди.

📌 “Вақт ўтяпти!” деймиз сал ҳазинлик билан. Бу гапни инсон ўзини овутиш учун ўйлаб топган. Аслида биз ўзимиз ўтяпмиз…

🔖 У ўз сўзига ўзи хўжайин: бугун беради, эртасига қайтиб олади.

📌 Юрак қони билан ёзган одам узун ёзолмайди.

🔖 Одам маст бўлса, бир ухлаб тургач, ҳушига келади, аҳмоқ эса — асло. Борди-ю, одам ҳам аҳмоқ, ҳам маст бўлса-чи?

📌 Меҳмон яхши-да! Келганида бир хурсанд бўласиз, кетганида — яна.


Aсқад МУХТОР